မောတောင်ကုန်သွယ်ရေးစခန်းအနေဖြင့် ၂၀၂၄ ခုနှစ်၊ ဧပြီလ(၁၅) ရက်နေ့မှ (၂၀)ရက်နေ့အထိ ပို့ကုန်တန်ဖိုး အမေရိကန်ဒေါ်လာ (၀.၃၂၇၉) သန်း၊ သွင်းကုန်တန်ဖိုး အမေရိကန် ဒေါ်လာ (၀.၀၉၂၃) သန်း၊ စုစုပေါင်း ကုန်သွယ်မှုပမာဏ အမေရိကန်ဒေါ်လာ (၀.၄၂၀၂) သန်း ကုန်သွယ်မှု ဆောင်ရွက် နိုင်ခဲ့ ပါသည်။
မောတောင်ကုန်သွယ်ရေးစခန်းမှ ဧပြီလ(၁၅) ရက်နေ့ မှ (၂၀) ရက်နေ့ အထိ လယ်ယာထွက်ကုန် ပစ္စည်းအနေဖြင့် ကြက်သွန်နီ (၇၁.၂) တန်၊ တန်ဖိုး (၀.၀၂၆၁) ဒေါ်လာသန်း၊ ငရုတ်သီး (၁၅၇.၃၆၃) တန်၊ တန်ဖိုး (၀.၀၉၈၀) ဒေါ်လာသန်း၊ ငှက်ပျောသီး (၅၀) တန်၊ တန်ဖိုး (၀.၀၁၄၉) ဒေါ်လာသန်း၊ ရေထွက်ကုန်ပစ္စည်း အနေဖြင့် ငါးမျိုးစုံ၊ ပုစွန်၊ ကဏန်း၊ ကင်းမွန်နှင့် အခြားရေထွက် ပစ္စည်းများ (၁၃၆.၃၅၀) တန်၊ တန်ဖိုး (၀.၁၈၈၉) ဒေါ်လာသန်း၊ တင်ပို့နိုင်ခဲ့ပါသည်။ သွင်းကုန် တင်သွင်းမှုအနေဖြင့် သစ်သီးမျိုးစုံ (၁၁.၅) တန် တန်ဖိုး (၀.၀၀၂၆) ဒေါ်လာသန်း၊ A4 စက္ကူ (၁၀၈) တန်၊ တန်ဖိုး (၀.၀၈၉၇) ဒေါ်လာသန်း တင်သွင်း ခဲ့ပါသည်။
မောတောင်ကုန်သွယ်ရေးစခန်း အဓိကတင်ပို့လျက်ရှိသည့် ပို့ကုန်ပစ္စည်းများ၏ (၁) တန်ဈေးနှုန်း များမှာ ငါးမျိုးစုံ (၈၂၄.၆၀၉) ဒေါ်လာနှုန်း၊ ပုစွန် (၂၅၀၀.၁၉၉) ဒေါ်လာနှုန်း၊ ကဏန်း (၂၄၁၀.၅၈၃) ဒေါ်လာနှုန်း၊ ကင်းမွန် (၁၆၁၃.၈၈၀) ဒေါ်လာနှုန်း၊ ကြက်သွန်နီ (၃၆၆.၅၇၃) ဒေါ်လာနှုန်း၊ ငရုတ်သီး (၆၂၃) ဒေါ်လာနှုန်း၊ ငှက်ပျောသီး (၂၉၈) ဒေါ်လာနှုန်း ဖြစ်ပါသည်။
မောတောင်ကုန်သွယ်ရေးစခန်းအဓိကတင်သွင်းလျက်ရှိသည့် သွင်းကုန်ပစ္စည်းများ၏ (၁) တန်ဈေး နှုန်းမှာ - သစ်သီး (၂၂၆.၀၈၇) ဒေါ်လာနှုန်း၊ A4 စက္ကူ (၈၂၉) ဒေါ်လာနှုန်းဖြစ်ပါသည်။
မြိတ်မှ မောတောင်သို့ ကုန်စည်သယ်ယူစရိတ်အနေဖြင့် ယာဉ် (၁) စီးလျှင် ကုန်ကျစ် (၇၀၀,၀၀၀) ကျပ်နှင့် ကုန်ပွ (၇၀၀,၀၀၀) ကျပ် ဝန်းကျင်ရှိကြောင်း သိရှိရသည်။ လက်ရှိတွင် မြိတ် - တနင်္သာရီ - မောတောင် ကုန်သွယ်မှုလမ်းကြောင်း ကောင်းမွန်လျက်ရှိပါသည်။
မောတောင်နယ်စပ်ဒေသ၌ ပို့ကုန်၊ သွင်းကုန်ဆိုင်ရာ နှစ်နိုင်ငံငွေပေးချေမှုအနေဖြင့် ဘဏ်စနစ်အသုံး ပြု၍ ကုန်သွယ်မှုပြုလုပ်ဆောင်ရွက်လျက်ရှိပြီး (၂၁-၄-၂၀၂၄) ရက်နေ့ ပြင်ပငွေလဲနှုန်းမှာ မြန်မာငွေကျပ် (၁) သိန်းလျှင် ဘတ် (၉၆၀) ၊ (၁) ဘတ်လျှင် မြန်မာငွေကျပ် (၁၀၄.၁၇) ကျပ်ခန့်ရှိပါကြောင်းနှင့် ယခင် အပတ်နှင့်နှိုင်းယှဉ်ပါက ဘတ်ဈေး အနည်းငယ်တက်ခဲ့ ပါကြောင်း သုံးသပ်တင်ပြအပ်ပါသည်။