အျပည္ျပည္ဆိုုင္ရာကုုန္သြယ္မွုဳ

လောလောဆယ် ဒေါ်လာနှင့်ဖလှယ်ရာတွင် ယန်းငွေတန်ဖိုး မြင့်တက်နေတဲ့အတွက် ဂျပန်စီးပွားရေး လုပ်ငန်းတွေဟာ သူတို့ရဲ့ ရင်းနှီးမြှုပ်နှံမှု ရန်ပုံငွေတွေကို ဗီယက်နမ်နိုင်ငံမှာရှိတဲ့ လက်လီနဲ့ဖြန့်ဖြူးရေးဈေးကွက်တွေ ကိုပြောင်းရွှေ့ပေးလျက်ရှိပါတယ်။ ဗီယက်နမ်မှာရှိတဲ့ ဂျပန်ပိုင်ဆိုင်တဲ့ကုန်ထုတ်လုပ်ရေး စက်ရုံတွေပင်လျင် ပိတ်လိုက်ရပြီ း အလားအလာရှိတဲ့ ဗီယက်နမ်နိုင်ငံထဲက လက်လီဈေးကွက်ထဲကို ပြောင်းပြီးရင်းနှီးမြှုပ်နှံလာတယ်လို့ လေ့လာဆန်စစ်သူတွေက ပြောပါတယ်။

အဓိကအားဖြင့် လောင်စာဆီဈေးမြင့်တက်တာနဲ့ ကမ္ဘာ့စီးပွားရေးမရေရာမှုကြောင့် တောင်ကိုရီးယားမှာ ကားငယ်များ ရောင်းအားက သြဂုတ်မှာ လအလိုက်တိုးတက်နှုန်း စံချိန်တင်ခဲ့တယ်လို့ လုပ်ငန်းဆိုင်ရာ သတင်းရပ် ကွက်က စက်တင်ဘာ ၅ ရက်ကပြောပါတယ်။ ကားအငယ်တွေရဲ့ ရောင်းချမှုမှာ သြဂုတ်လက စင်းရေ ၃၈၆၈၉ စင်းရှိခဲ့တဲ့အတွက်  စုစုပေါင်းရောင်ချခဲ့တဲ့ယာဉ်စီးရေရဲ့၅၃ ဒသမ ၅ ရာခိုင်နှုန်းအထိ ရောက်ရှိခဲ့တယ်လို့ သတင်းရပ်ကွက်က ပြောပါတယ်။

နျူကလီးယား အကျပ်အတည်းဖြစ်ပြီးနောက်ပိုင်းမှာ ဂျပန်နိုင်ငံကသန့်ရှင်းတဲ့ စွမ်းအင်သစ်ဖွံ့ဖြိုးတိုးတက် ရေးကို တိုးမြှင့်ဆောင်ရွက် သွားမယ်လို့ နိုင်ငံခြားဝန်ကြီးသစ် ကိုအိချီရို ဂင်ဘာကစက်တင်ဘာ ၅ ရက်ကပြောပါတယ်။
''ယခုချိန်ကစပြီး သဘာဝပတ်ဝန်းကျင် ထိန်းသိမ်းတဲ့ နည်းပညာကို ဆောင်ရွက်သွားပါမယ်'' လို့ဂင်ဘာ ကပြောပါတယ်။ သူပြောဆိုချက်အရ ယခင်ကဂျပန်နိုင်ငံရဲ့ ပို့ကုန်တစ်ခုဖြစ်တဲ့ နျူကလီးယား စွမ်းအင်ကနေပြောင်း လဲတော့မယ့် လက္ခဏာ ကို ပြသနေပါတယ်။အသစ်ဆောင်ရွက်မဲ့လုပ်ငန်းတွေထဲမှာ ခေတ်မီတဲ့နေစွမ်းအင် ဘက်ထရီတွေထုတ်လုပ်ဖို့ ပါဝင်ပြီး နောင်အနာဂတ်မှာ နျူကလီးယားဓါတ်ပေါင်းဖိုတွေနေရာမှာ အစားထိုးသွားနိုင်မှာဖြစ်တယ်။

ဂရိနိုင်ငံအတွက် ကြွေးမြီကယ်တင်ရေး နောက်ဆုံးအစီအမံများကို ချက်ချင်းအသုံးပြုဖို့နဲ့ အမြဲတမ်းမြင့်တက် လျက်ရှိနေတဲ့ ဥရော ပကြွေးမြီအကျပ်အတည်းကြောင့် ဖိအားတွေရှိလာတဲ့အတွက် ယူရိုဇုန်ကို စီမံခန့်ခွဲနိုင်တဲ့ နည်းလမ်းများကို ရှာဖွေဖို့အတွက် ဥရောပ ဗဟိုဘဏ်က စက်တင်ဘာ ၅ ရက်နေ့က တိုက်တွန်းပြောကြားခဲ့ပါတယ်။ ဒီနိုင်ငံတွေရဲ့ စီးပွားရေးများကို တင်းတင်းကျပ်ကျပ်စောင့် ကြပ်သွားဖို့လည်း ယူဇုန်နိုင်ငံတွေကို ယွန်းကလောထရိုင်ရှေး ကတိုက်တွန်းပြောကြားခဲ့ပါတယ်။

ကမ္ဘာ့အကြီးဆုံးကားဈေးကွက်အတွင်း အရောင်းမြှင့်တင်နိုင်ရေးအတွက် ပရိုင်းယပ်မျိုးစပ်ကားနဲ့ သူရဲ့ ကားအစိတ်အပိုင်းတွေကို တိုယိုတာက တရုတ်နိုင်ငံမှာ ထုတ်လုပ်မယ်လို့ ကုမ္ပဏီရဲ့ ပြောရေးဆိုခွင့်ရှိသူက စက်တင်္ဘာ ၄ ရက်နေ့က ပြောပါတယ်။ ဂျပန်နိုင်ငံ ပြင်ပမှာရှိတဲ့စက်ရုံမှာ မျိုးစပ်လျှပ်စစ်ကားအတွက် မော်တာ၊ ဘက်ထရီတွေလို အဓိကအစိတ်အပိုင်းတွေ ထုတ်လုပ် တာဟာ ယခုအကြိမ်ဟာ ပထမဆုံးအကြိမ် ဖြစ်ပါတယ်။

အင်ဒိုနီးရှားကတင်သွင်းတဲ့ စတီးထုတ်ကုန်တွေက မလေးရှားထုတ်လုပ်သူတွေကို အပြင်းအထန် ထိခိုက်နစ်နာကြောင်း မတွေ့ရှိ ရတဲ့အတွက် မလေးရှားက အင်ဒိုနီးရှားစတီးထုတ်ကုန်တွေအပေါ်မှာ အကာ အကွယ်ပေးတဲ့ သွင်းကုန်ခွန်ကိုကောက်ခံတော့မှာ မဟုတ်ကြောင်း အင်ဒိုနီးရှားအရာရှိက ပြောကြားလိုက်ပါတယ်။
မလေးရှားနိုင်ငံ အပြည်ပြည်ဆိုင်ရာကုန်သွယ်ရေးနဲ့ စက်မှုဝန်ကြီးဌာန Ministry of International Trade and Industry (MITI) က သြဂုတ်လ ၂၂ ရက်နေ့မှာ အင်ဒိုနီးရှားက တင်သွင်းတဲ့  hot-rolled coil (HRC) steel ကို စုံစမ်းစစ်ဆေးမှုတွေ ပြီးစီးကြောင်း ကြေညာခဲ့တယ်။
မလေးရှားအနေနဲ့ အင်ဒိုနီးရှားမှ စတီးထုတ်ကုန်တွေအပေါ် စုံစမ်းစစ်ဆေးမှုတွေပြီးစီးပြီးနောက်မှာ မလေးရှားအနေနဲ့ ပိုမိုကောင်း မွန်တဲ့ ပို့ကုန်ဈေးကွက်ဝေစုကိုရရှိနိုင်မှာဖြစ်ကြောင်း မလေးရှား MITIကုန်သွယ် ရေးညွှန်ကြားရေးမှူး Ernawati  ကပြောကြား လိုက်ပါတယ်။

ဂျာမဏီရွေးကောက်ပွဲမှာ လက်ရှိအာဏာရပါတီ ရှုံးနိမ့်သွားရာ ဥရောပဒေသရှိ ေ အဓိကမှာ ယူရိုငွေက ကန်ဒေါ်လာ ၊ ဂျပန်ယန်းနဲ့ ဆွစ်ဖရန်တို့နဲ့ လဲလှယ်ရာမှာ တန်ဖိုးကျဆင်းသွားတယ်လို့ သိရတယ်။ ဆွစ်ဖရန့်က ယူရိုနဲ့ လဲလှယ်ရာမှာ ၄ ရက်မြောက်အဖြစ် တန်ဖိုးမြင့်လာကြောင်း ၊ ယူရိုက ဂျပန်ယန်း နဲ့ လဲလှယ်ရာမှာ ၃ ပတ်ဆက်တိုက် တန်ဖိုး ကျဆင်းလာကြောင်း သိရတယ်။ ကန်ဒေါ်လာနဲ့ လဲလှယ်ရာမှာလည်း သုည ဒသမ ၆ ရာခိုင်နှုန်း ကျဆင်းကာ တစ်ယူရိုကို ၁ ဒသမ ၄၁၁၆ ဒေါ်လာအထိ ရောက်ရှိခဲ့ကြောင်း၊ ယန်းငွေ နဲ့လဲလှယ်ရာမှာလည်း သုည ဒသမ ၆ ရာခိုင်နှုန်း ကျဆင်းပြီး တစ်ယူရိုကို ၁၀၈ ဒသမ ၄၃ ယန်း ရှိခဲ့ကြောင်း ၊ ဆွစ်ဖရန့်နဲ့ လဲလှယ်ရာမှာ ဆွစ်ဖရန့် တန်ဖိုး သုည ဒသမ ၉ ရာခိုင်နှုန်း မြင့်မားပြီး တစ်ယူရိုကို ၁ ဒသမ ၁၁၀၁၃ ဖရန့်ရှိလာကြောင်း သိရတယ်။
Source:    Bloomberg.com       
ပပ

စက်တင်ဘာလ ၅ ရက်နေ့ စင်ကာပူစံတော်ချိန် နံနက် ၆း၃၅ နာရီဝန်းကျင်မှာ လက်ငင်းအရောင်းရွှေက တစ်အောင်စကို ၁၈၈၉ ဒသမ ၅၇ ဒေါ်လာနဲ့ အရောင်းအဝယ်ဖြစ်ခဲ့ကြောင်း သိရတယ်။ တစ်ချိန်တည်းမှာဘဲ နယူးယောက်မှာ ရွှေကြိုပွိုင့်ဈေးနှုန်းက တစ်အောင်စကို ၁၈၉၂ ဒသမ ၇၀ ဒေါ်လာနဲ့ အရောင်းအဝယ်ဖြစ်ခဲ့ကြောင်း သိရတယ်။ ၎င်းဈးနှုန်းတွေက ပလက်တီနမ်ထက် ပိုမိုသွားခဲ့ကြောင်း သိရတယ်။ လက်ငင်းအရောင်း ပလက်တီနမ်မှာ တစ်အောင်စကို ၁၈၈၇ ဒသမ ၅၀ ဒေါ်လာဖြစ်တယ်။
ကမ္ဘာ့စီးပွားရေး နှေးကွေးနေမှုကြောင့် ရွှေဝယ်လိုအား အထူးမြင့်မားလာပြီး ကားထုတ်လုပ်ရာမှာ အဓိကအသုံးပြုနေတဲ့ ပလက်တီ နမ်ဈေးနှုန်း ထက်ရွှေဈေးနှုန်းသာလွန်သွားကာ ၂၀၁၁ ခုနှစ်၊ သြဂုတ်လ ၂၃ ရက်နေ့မှာ ကမ္ဘာ့ရွှေဈေးနှုန်းက တစ်အောင်စကို ၁၉၁၇ ဒေါ်လာအထက်အထိ စံချိန်တင်ရောက်ရှိခဲ့ပါတယ်။
Source:    Bloomberg.com

ပပ

ဗီယက်နမ်နိုင်ငံ ကြံနဲ့ သကြားအသင်းက လာမဲ့ ကြံသိမ်းချိန်မှာ သကြားဈေးနှုန်းတွေက တစ်ကီလီဂရမ်ကို ဗီယက်နမ်ဒေါင် ၁၈၀၀၀ (တစ်တန်ကို ကန်ဒေါ်လာ ၈၆၃) ရှိနိုင်ကြောင်းနဲ့ ဈေးနှုန်း ပြောင်းလဲမှု က ၁၀ ရာခိုင်နှုန်းရှိနိုင်ကြောင်း ခန့်မှန်းလိုက်တယ်။
ပြီးခဲ့တဲ့သုံးနှစ်ကျော်က  ပြည်တွင်းသကြားဈေးနှုန်းတွေ တည်ငြိမ်မှုကြောင့် ကြံစိုက်ပျိုးတဲ့ လယ်သမား တွေကို ဝင်ငွေမြင့်မားစေခဲ့ရာ ကြံစိုက်ပျိုးမှုဧရိယာကိုတိုးချဲ့ဖို့ ရင်းနှီးမြှုပ်နှံမှုမြှင့်တင်ဖို့ သကြားစက်ရုံတွေကို အားပေးနိုင်ခဲ့ကြောင်း

ပြင်သစ်လေကြောင်းလိုင်း KLM ၊ဗြိတိသျှလေကြောင်းနဲ့ ဂျာမန်လုသန်ဇား စတဲ့လေကြောင်းတွေဟာ ဥရောပတွင်ဘေးအန္တရာယ် အကင်းဆုံး လေကြောင်းလိုင်းတွေဖြစ်တယ်လို့ လေကြောင်းသယ်ယူပို့ဆောင်ရေး အဆင့်သတ်မှတ်ရေး အေဂျင်စီ ( ATRA ) က သြဂုတ် ၂၉ ရက်ထုတ်ပြန်တဲ့ ''ဘေးအန္တရာယ်အကင်းဆုံး လေကြောင်းလိုင်း ၁၀ ခု'' စာရင်းမှာတွေ့ရပါတယ်။ အမေရိကန်ပြည်ထောင်စု အခြေစိုက်လေကြောင်းလိုင်းများအနက် ဘေးအန္တရာယ်အကင်းဆုံး လေကြောင်းလိုင်းများမှာ AMR ကော်ပိုရေးရှင်း၊ ကွန်တီနင်တယ်အဲလိုင်း၊ ဒယ်လ်တာအဲလိုင်း၊ ဆော့ဝက်စ်အဲလိုင်း၊ ယူနိုက်တက်အဲလိုင်းနဲ့ ယူအက်စ်အဲဝေးတို့ ပါဝင်ပါတယ်။

Pages