နေပြည်တော်၊ ဇွန် ၂၁ ၂၀၂၁ ခုနှစ်၊ ဇွန်လ ၂၁ ရက်နေ့၊ နံနက် (၀၉:၃၀) နာရီအချိန်တွင် ရုံး အမှတ်(၅၂)၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညီလာခံ ခန်းမ၌ ကျင်းပပြုလုပ်သည့် စားသုံးသူများထိရောက်စွာ အကာအကွယ်ပေးနိုင်ရေးနှင့် ကုန်ထုတ် စွမ်းအား အရည်အသွေးမြင့်မားရေး ရည်ရွယ်၍ စစ်ဆေးရေးမှူးများ လုပ်ငန်းကျွမ်းကျင်မှုဆိုင်ရာ အလုပ်ရုံဆွေးနွေးပွဲ (၁/၂၀၂၁) သို့ ပြည်ထောင်စုဝန်ကြီး ဒေါက်တာ ပွင့်ဆန်း တက်ရောက်အမှာ စကားပြောကြားခဲ့သည်။
ပြည်ထောင်စုဝန်ကြီးက အမှာစကားပြောကြားရာတွင် အလုပ်ရုံဆွေးနွေးပွဲကို ကျင်းပရခြင်း မှာ စားသုံးသူရေးရာဦးစီးဌာနနှင့် ဆက်စပ်သည့်ဘာသာရပ်များကို ကျွမ်းကျင်စွာဆောင်ရွက်နိုင်ရန် အပြင် အခြားဝန်ကြီးဌာန (၆) ခု၏ လုပ်ငန်းသဘောတရားများ၊ စားသုံးသူရေးရာဦးစီးဌာနက ဥပဒေ အရခန့်အပ်ထားသည့် စစ်ဆေးရေးအရာရှိများသည် ဈေးကွက်စောင့်ကြည့်စစ်ဆေးသောအခါ လုံခြုံ စိတ်ချရမှုမရှိသည့် ကုန်စည်နှင့် ဝန်ဆောင်မှုများကို မည်ကဲ့သို့စီမံခန့်ခွဲရမည်ဆိုသည့် အကြောင်း အရာများ၊ အန္တရာယ်မကင်းသော ကုန်စည်များကို မှန်ကန်စွာဆုံးဖြတ်နိုင်ရန်နှင့် အန္တရာယ်ရှိသော ကုန်စည်များကို သတိပေးခြင်း၊ သိမ်းဆည်းခြင်းနှင့် တားမြစ်ခြင်းလုပ်ငန်းစဉ်များ စနစ်တကျ ဆောင်ရွက်နိုင်ရန်တို့အတွက် ဖွင့်လှစ်ရခြင်းဖြစ်ကြောင်း၊ ထို့ကြောင့် ဆွေးနွေးပွဲသို့ တက်ရောက်လာကြ သည့်စစ်ဆေးရေးမှူးများအနေဖြင့် လက်တွေ့နယ်ပယ်တွင် တွေ့လာရသည့် အတွေ့အကြုံများနှင့် ဘာသာရပ်ဆိုင်ရာကျွမ်းကျင်သူများ၏ ဆွေးနွေးချက်များပေါင်းစပ်ပြီး နောက်ဆုံးတွင် စံလုပ်ထုံးလုပ် နည်းတစ်ခုရလာသည်အထိ ဆွေးနွေးဆောင်ရွက်ကြရန်လိုကြောင်း မှာကြားခဲ့သည်။ ဆက်လက်၍ ဒုတိယဝန်ကြီး ဦးညွန့်အောင်နှင့် အမြဲတမ်းအတွင်းဝန် ဦးမင်းမင်းတို့မှ ထပ်မံဖြည့်စွက်ပြောကြားခဲ့ သည်။
အဆိုပါအလုပ်ရုံဆွေးနွေးပွဲသို့ ဒုတိယဝန်ကြီး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ နည်းပြအရာရှိများနှင့် တိုင်းဒေသကြီးနှင့် ပြည်နယ်များမှ စစ်ဆေးရေးမှူး(၄၉)ဦးတို့ တက်ရောက်ခဲ့ ကြကြောင်း သတင်းရရှိသည်။