၂၀၀၄ ခုနှစ်၊ သြဂုတ်လတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန (MOC) သည် ပို့ကုန် / သွင်းကုန်လုပ်ငန်းရှင်များမှတ်ပုံတင်ခြင်းနှင့် လိုင်စင်/ပါမစ်ထုတ်ပေးရေးဆိုင်ရာဝန်ဆောင်မှုကိစ္စအဝဝအတွက် လျှောက်ထားထုတ်ယူနိုင်သည့် စနစ်ကိုစတင်အသုံးပြုခဲ့ပါသည်။ ၂၀၁၆ ခုနှစ် ဇွန်လမှစ၍ Myanmartradenet Website မှတဆင့် Fully Online Licensing System စနစ်အား Auto License ကုန်ပစ္စည်းအမယ်များမှ ကုန်ပစ္စည်းအမယ် (၄၃) မျိုးဖြင့် စတင်အသုံးပြုနိုင်ခဲ့ပြီးယခုအခါတွင် ပို့ကုန် HS လိုင်း (၈၈) လိုင်း၊ သွင်းကုန် (၂၀၆၄) လိုင်းအား Online ပေါ်မှ လျှောက်ထားနိုင်ပြီဖြစ်ပါသည်။ ၂၀၁၈ ခုနှစ်တွင် MOC သည် လက်ရှိလိုင်စင်စနစ်ကိုနောက်ဆုံးပေါ်ခေတ်မီနည်းပညာနှင့်အညီမြန်ဆန်လွယ်ကူစွာဝန်ဆောင်မှုအပြည့်အဝပေးနိုင်သည့် အွန်လိုင်းလိုင်စင် (Online License) စနစ်သို့ ပြောင်းလဲမြှင့်တင်ရန် ပြင်ဆင်ခဲ့ပါသည်။ မြန်မာနိုင်ငံတွင် အွန်လိုင်းစနစ်ဖြင့် မှတ်ပုံတင်ခြင်းနှင့် လိုင်စင်ထုတ်ပေးနိုင်ရန် အဆင့်မြှင့်တင်ထားသောစနစ်ကိုအကောင်အထည်ဖော်ဆောင်ရွက်ထားခြင်းသည် ပိုမိုကောင်းမွန်ပြည့်စုံသောဝန်ဆောင်မှုများပေးနိုင်ရန်နှင့် ကုန်သွယ်ခွင့်များကို လျှောက်ထားရာတွင် အထောက်အကူဖြစ်စေနိုင်ရန်၊ ဒေသတွင်းကုန်သွယ်မှုကို လျှင်မြန်လွယ်ကူချောမွေ့လာစေရန်၊ e-Government နှင့် အစိုးရမူဝါဒပိုင်းဆိုင်ရာပိုမိုပွင့်လင်းမြင်သာစေရန်နှင့် နည်းပညာဆိုင်ရာစီးပွားရေးနှင့် e-Commerce စနစ်များအရှိန်မြှင့်တင်နိုင်ရန်တို့အတွက် ဖြစ်ပါသည်။
ထို့အပြင် ယခုလို အဆင့်မြှင့်တင်ခြင်းအားဖြင့် နည်းပညာ (digital) ပတ်ဝန်းကျင် ဖြစ်တည်လာမှုကို အထောက်အကူဖြစ်စေခြင်း နှင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ စွမ်းဆောင်ရည်ကို ပိုမိုမြှင့်တင်စေနိုင်ခြင်း၊ တင်ပို့ / တင်သွင်းသူကုန်သည်များအတွက် ကုန်ကျစရိတ်သက်သာပြီး အချိန်ကုန် မြန်ဆန်သက်သာစေခြင်း အစရှိသည့် အကျိုးကျေးဇူးများကို ရရှိလာနိုင်မည် ဖြစ်သည်။
ယခုလက်ရှိတွင် ကုန်သည်များအနေဖြင့် ပို့ကုန်/ သွင်းကုန်လိုင်စင် လျှောက်ထားခြင်းမပြုမီ သက်ဆိုင်ရာ စီးပွားရေးလုပ်ငန်း မှတ်ပုံတင်ခြင်းကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ TradeNet2.0 အွန်လိုင်းစနစ်မှတဆင့် ပြုလုပ်ဆောင်ရွက်နိုင်ပြီ ဖြစ်ပါသည်။ ယေဘုယျအားဖြင့် TradeNet2.0 အွန်လိုင်းစနစ်တွင် အောက်ပါလျှောက်လွှာများကို လျှောက်ထားနိုင်ပြီး ဖြစ်ပါသည်။
၁။ ပို့ကုန် / သွင်းကုန်လုပ်ငန်းရှင်မှတ်ပုံတင်လက်မှတ် (ပသကဟုခေါ်သည်)
၂။ တစ်ဦးချင်းကုန်သွယ်မှုလုပ်ငန်းရှင်မှတ်ပုံတင်လက်မှတ်၊
၃။ လက်လီ / လက်ကားရောင်းချခွင့်လုပ်ငန်းမှတ်ပုံတင်လက်မှတ်၊
၄။ အဖျော်ယမကာတင်သွင်းခွင့်မှတ်ပုံတင်လက်မှတ်၊
၅။ အကောက်ခွန်လွတ်အရောင်းဆိုင် ဖွင့်လှစ်ရောင်းချခွင့်လက်မှတ်၊
၆။ စီးပွားရေးအကျိုးဆောင်၊ မှတ်ပုံတင်လက်မှတ်၊
၇။ Show Room ဖွင့်လှစ်၍ မော်တော်ယာဉ်သစ်များ တင်သွင်းရောင်းချခွင့်ပြုလက်မှတ်၊
၈။ Show Room ဖွင့်လှစ်၍ ဆောက်လုပ်ရေးလုပ်ငန်းသုံး စက်ယန္တရားများနှင့် လုပ်ငန်းသုံးယန္တရားများ တင်သွင်းရောင်းချခွင့်ပြုလက်မှတ်၊
၉။ Sale Center ဖွင့်လှစ်၍ မော်တော်ယာဉ်တင်သွင်းရောင်းချခွင့်ပြုလက်မှတ်၊
၁၀။ Sale Centre ဖွင့်လှစ်၍ လုပ်ငန်းသုံးမော်တော်ယာဉ်တင်သွင်းရောင်းချခွင့်ပြုလက်မှတ်၊
၁၁။ Re-Export မှတ်ပုံတင်လက်မှတ်၊
၁၂။ ပို့ကုန်လိုင်စင်၊
၁၃။ သွင်းကုန်လိုင်စင်၊
၁၄။ ပို့ကုန်ပါမစ်၊
၁၅။ သွင်းကုန်ပါမစ်။
၁။ TradeNet 2.0 စနစ် အသင်း၀◌င် လျှောက်ထားသည့် လမ်းညွှန်မှု User Manual ရယူရန်
Tradenet2.0 member registration user guide
၂။ ပို့ကုန်သွင်းကုန်လုပ်ငန်းရှင်မှတ်ပုံတင်လက်မှတ် (ပသက)လျှောက်ထားသည့် လမ်းညွှန်မှု User Manual ရယူရန်
Tradenet2.0 exporter importer certificate and other card user guide
၃။ ပို့ကုန်သွင်းကုန်လိုင်စင်/ပါမစ်များ လျှောက်ထားသည့် လမ်းညွှန်မှု User Manual ရယူရန်
Tradenet2.0 license and permit - user guide
ယမကာ တင်သွင်းခွင့်မှတ်ပုံတင် လျှောက်ထားရာတွင် အောက်ပါ စာရွက် စာတမ်းများ လိုအပ်ပါသည်
(က) အသင့်သောက်သုံးနိုင်သောအရက်တင်သွင်းလိုသောကုမ္ပဏီများသည်
အောက်ပါစာရွက်စာတမ်းအထောက်အထားများနှင့်အတူလျှောက်ထား
ရမည်-
(၁) ကုမ္ပဏီ၏ Letter Head ပါလျှောက်လွှာ၊
(၂) ကုမ္ပဏီဒါရိုက်တာတစ်ဦးဦး၏ နိုင်ငံခြားဖြစ်အရက်ကိုလက်ကား ရောင်းချခွင့်လိုင်စင်(FL-11)
(၃) နိုင်ငံခြားဖြစ်အရက်ထုတ်လုပ်ဖြန့်ဖြူးသူ နှင့် တစ်ဦးတည်းဖြန့်
ဖြူးရောင်းဝယ်ခွင့် (Exclusive Distribution) သို့မဟုတ် ရောင်းဝယ်ခွင့်(Exclusive Dealership ) ကိုယ်စားလှယ် အဖြစ် ချုပ်ဆိုထားသောစာချုပ်
(၄) တင်သွင်းမည့်အရက်နှင့်စပ်လျဉ်းသည့်အချက်အလက်များ
(ကက) အယ်လ်ကိုဟောပါဝင်မှု ရာခိုင်နှုန်း၊
(ခခ ) ကုန်ပစ္စည်းအမည်၊အမျိုးအစား၊ အမှတ်တံဆိပ်၊ ပါဝင်သည့်ပစ္စည်းနှင့်ထုတ်ပိုးမှုပုံစံ၊
(ဂဂ) ထုတ်လုပ်သည့်ခုနှစ်နှင့်သက်တမ်း၊
(ဃဃ) ထုတ်လုပ်သည့်နိုင်ငံ၊ကုမ္ပဏီအမည်နှင့်လိပ်စာ၊
(၅) သက်ဆိုင်ရာအထွေထွေအုပ်ချုပ်ရေးဦးစီးဌာနက ခွင့်ပြုထား သည့်အရက်သိုလှောင်ခွင့်လက်မှတ်သို့မဟုတ် ဖြန့်ဖြူးရောင်းချခွင့်လိုင်စင်၊
(၆) အရက်သိုလှောင်ရုံ လိပ်စာနှင့်ရောင်းချမည့်လိပ်စာ၊
(ခ) အရက်ဆီ၊အရက်ပြင်းတင်သွင်းလိုသော ကုမ္ပဏီများသည် အောက်ပါ
စာရွက်စာတမ်းအထောက်အထားများနှင့်အတူ လျှောက်ထားရမည်-
(၁) ကုမ္ပဏီ၏ Letter Head ပါလျှောက်လွှာ၊
(၂) ကုမ္ပဏီဒါရိုက်တာတစ်ဦးဦး၏ ပြည်ပမှ တင်သွင်းသောနိုင်ငံခြားအရက်ပြင်းကို ပေါင်းစပ်ခွင့် ၊ ရောနှောခွင့် ၊ အနံ့ထည့်ခွင့် နှင့် အရောင်းဆိုးခွင့် လိုင်စင်(FL-4) နှင့် နိုင်ငံခြားအရက်ပြင်းကိုပုလင်းသွတ်ခွင့်(FL-5) ယစ်မျိုးလိုင်စင်
(၃) နိုင်ငံခြားအရက် ထုတ်လုပ်ဖြန့်ဖြူးသူ နှင့် တစ်ဦးတည်း ဖြန့်ဖြူးရောင်းဝယ်ခွင့်(Exclusive Distrtibutorship)သို့မဟုတ် တစ်ဦး တည်းရောင်းဝယ်ခွင့် (Exclusive Dealership) ကိုယ်စားလှယ်အဖြစ် ချုပ်ဆိုထားသော စာချုပ်
(ကက) အယ်လ်ကိုဟောပါဝင်မှု ရာခိုင်နှုန်း၊
(ခခ ) ကုန်ပစ္စည်းအမည်၊အမျိုးအစား၊ အမှတ်တံဆိပ်၊ ပါဝင်သည့်ပစ္စည်းနှင့်ထုတ်ပိုးမှုပုံစံ၊
(ဂဂ ) ထုတ်လုပ်သည့်နိုင်ငံ၊ကုမ္ပဏီအမည်နှင့်လိပ်စာ၊
(ဃဃ)အရက်ရောနှောပေါင်းစပ်၍ ထုတ်လုပ်ခြင်း၊ ပုလင်းသွပ် ခြင်းပြုလုပ်မည့်လိပ်စာ၊
ယမကာတင်သွင်းခွင့် မှတ်ပုံတင် အသစ် / သက်တမ်းတိုး လျှောက်ထားရာတွင် အထက်ပါအချက်အလက်များ ပြည့်စုံမှန်ကန်ပါက အလုပ်လုပ်ရက် (၂)ရက် အတွင်းဆောင်ရွက်ပေးပါသည်။
ယမကာတင်သွင်းခွင့် မှတ်ပုံတင် အသစ် / သက်တမ်းတိုး လျှောက်ထားရာတွင် သက်တမ်း(၁)နှစ် ခွင့်ပြုထားပါသည်။
ယမကာတင်သွင်းခွင့် မှတ်ပုံတင်ကြေး / သက်တမ်းတိုးကြေး (၅၀၀၀၀) ကျပ် နှင့် online ကြေး (၃၀၀၀) ကျပ်ပေးသွင်းရပါသည်။
လက်လီလက်ကားရောင်းချခွင့်လုပ်ငန်းမှတ်ပုံတင်လျှောက်ထားရာတွင် အောက် ပါအချက်အလက်များလိုအပ်ပါသည်-
(၁) Tradenet 2.0 စနစ်မှ ညွှန်ကြားရေးမှူးချုပ်၊ ကုန်သွယ်ရေးဦးစီးဌာနသို့ လိပ်မူသည့် ကုမ္ပဏီ၏ Letter Head ဖြင့် MD သို့မဟုတ် Director လက်မှတ်ရေးထိုးထားသည့် အသစ်လျှောက်လွှာ၊
(၂) လက်လီ/လက်ကားရောင်းချခွင့်လုပ်ငန်း မှတ်ပုံတင်လက်မှတ် လျှောက်လွှာ (အင်္ဂလိပ်-မြန်မာ)၊
(၃) ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနမှ ထုတ်ပေးသည့်ကုမ္ပဏီမှတ်ပုံတင်လက်မှတ် နှင့် ကုမ္ပဏီ Extract ၊
(၄) MIC အတည်ပြုမိန့် / ခွင့်ပြုမိန့် မိတ္တူ(MIC) ၏ ခွင့်ပြုချက် သို့မဟုတ် အတည်ပြုမိန့်ရယူ ဆောင်ရွက်မည့် နိုင်ငံခြားကုမ္ပဏီ၊ နိုင်ငံခြားဖက်စပ် ကုမ္ပဏီများအတွက်သာ)၊
(၅) သက်ဆိုင်ရာ မြို့တော်စည်ပင်သာယာရေး ကော်မတီ သို့မဟုတ် တိုင်းဒေသကြီး/ ပြည်နယ်ရှိ မြို့နယ်စည်ပင်သာယာရေးကော်မတီ၏ ထောက်ခံချက်၊
(၆) လက်လီ/လက်ကား ရောင်းချဖြန့်ဖြူးမည့် ကုန်ပစ္စည်းအုပ်စုစာရင်း၊
(၇) လက်လီ/လက်ကားရောင်းချဖြန့်ဖြူးခြင်း လုပ်ငန်းများ၏ အနည်းဆုံး (၅)နှစ်တာအတွက် လုပ်ဆောင်မည့် အောက်ပါအချက်များပါဝင်သည့် လုပ်ငန်းဆောင်ရွက်မှု စီမံချက် (Business Plan For 5 Years)-
(က) ရင်းနှီးမြှုပ်နှံမှုငွေပမာဏ (ကနဦးရင်းနှီးမြှုပ်နှံမှုနှင့် နောင်(၅)နှစ် အတွင်း လုပ်ငန်းလည်ပတ်ရန် ဖြည့်သွင်းမည့်ပမာဏ)
( ခ ) ရောင်းချမှု၊ ဖြန့်ဖြူးမှုနှင့် စီမံခန့်ခွဲမှုအစီအစဉ်၊
( ဂ ) တည်နေရာနှင့်အကျယ်အဝန်း၊
(ဃ) လက်လီ/လက်ကားရောင်းချခွင့်အမိန့်ကြော်ငြာစာပါအလုပ်အကိုင် ဖန်တီးရေး၊နည်းပညာမြှင့်တင်ရေး၊ စားသုံးသူအတွက် အရည် အသွေးကောင်း၍ ဈေးနှုန်းသက်သာမှုဆိုင်ရာ ရွေးချယ်ခွင့်ရှိရေး၊ ပြည်တွင်းအသေးစား၊ အလတ်စားလုပ်ငန်းများကို မြှင့်တင်ရေး အစရှိသည့် ရည်ရွယ်ချက်များကို ကုမ္ပဏီမှ အကောင်အထည် ဖော်ဆောင်ရွက်မည့် ဖော်ပြချက်အကျဉ်း၊
(၈) နောက်ထပ်ဆိုင်သစ်ဖွင့်လှစ်ရန် ရည်ရွယ်ထားသော ဆိုင်အရေအတွက်နှင့် တည်နေရာ (နေရာအတိအကျ ဖော်ပြနိုင်ပါက ဖော်ပြပေးရန်)
(၉) ကနဦးရင်းနှီးမြှုပ်နှံမှုပမာဏကို ပြည်ပမှ ပြည်တွင်းဘဏ်တစ်ခုခုသို့ လွှဲပြောင်း/ ဖြည့်သွင်းပြီးဖြစ်ကြောင်း ပြသနိုင်သည့် ယင်းဘဏ်မှ ထုတ်ပေး သည့် အထောက်အထား၊ (အကယ်၍ လာရောက်လျှောက်ထားချိန်တွင် ကနဦးရင်းနှီးမြှုပ်နှံမှုပမာဏအတွက် ဘဏ်မှထုတ်ပေးသည့် အထောက် အထားကို ပြသနိုင်ခြင်းမရှိပါက လက်လီ/ လက်ကားရောင်းချခွင့်(ယာယီ) မှတ်ပုံတင်ကိုသာ ထုတ်ပေးမည်ဖြစ်ပြီး တစ်လအတွင်း ပြည်ပမှ ပြည်တွင်းဘဏ်တစ်ခုခုသို့ ငွေလွှဲပြောင်း/ဖြည့်သွင်းပြီးဖြစ်ကြောင်း အထောက်အထား တင်ပြနိုင်ပြီးမှသာလျှင် လက်လီ/လက်ကားရောင်းချခွင့်မှတ်ပုံတင်ကို ထုတ် ပေးမည်ဖြစ်သည်)
လက်လီလက်ကားရောင်းချခွင့်လုပ်ငန်းမှတ်ပုံတင် သက်တမ်းတိုးလျှောက်ထား ခြင်းအား အထက် အပိုဒ် ၁ ပါ အထောက်အထားများ ပြည့်စုံမှန်ကန်ပါက ၂၄ နာရီအတွင်း ဆောင်ရွက်ပေးပါသည်။
လက်လီလက်ကားရောင်းချခွင့်လုပ်ငန်းမှတ်ပုံတင် သက်တမ်း(၅)နှစ် ခွင့်ပြုထား ပါသည်။
လက်လီလက်ကားရောင်းချခွင့်လုပ်ငန်း မှတ်ပုံတင် ဆောင်ရွက်ရာတွင် မှတ်ပုံတင်ကြေးနှင့်သက်တမ်းတိုးကြေး (၅၀၀၀၀) ကျပ် နှင့် onlineကြေး (၃၀၀၀)ကျပ် ပေးသွင်းရပါသည်။
၁။ ကုမ္ပဏီ၏ Phone,Fax,E-mailတို့ပါရှိသည့် letter Head ဖြင့်လျှောက်လွှာ။
၂။ စီးပွားရေးအကျိုးဆောင်မှတ်ပုံတင်လက်မှတ်/တစ်ဖက်ကုန်ရောင်းသည့် ကုမ္ပဏီနှင့် ချုပ်ဆို ထားသည့် Agreement(မူရင်း/မိတ္တူ)။
၃။ သက်ဆိုင်ရာ တိုင်းဒေသကြီး/ပြည်နယ်စီမံအုပ်ချုပ်ရေးကောင်စီ ခွင့်ပြုမိန့်(မူရင်း / မိတ္တူ)။
၄။ သက်ဆိုင်ရာ စည်ပင်သာယာရေးအဖွဲ့လုပ်ငန်းလိုင်စင်(မူရင်း / မိတ္တူ)။
၅။ ပြည်တွင်းအခွန်များဉီးစီးဌာနက ထုတ်ပေးသည့် အခွန်ပေးဆောင်ပြီးကြောင်း အထောက် အထား(မူရင်း / မိတ္တူ)။
၆။ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနမှ MyCo Online စနစ်ဖြင့် ထုတ်ပေးထား သည့် ကုမ္ပဏီမှတ်ပုံတင်လက်မှတ်နှင့်ကုမ္ပဏီမှတ်တမ်းအကျဉ်းချုပ် (မိတ္တူ)။
၇။ ပို့ကုန်သွင်းကုန်လုပ်ငန်းရှင်မှတ်ပုံတင်လက်မှတ်(မိတ္တူ)။
၈။ နိုင်ငံတော်ဗဟိုဘဏ်မှ အသိအမှတ်ပြုထားသည့် ဘဏ်တစ်ခုခုတွင် အာမခံငွေ (Deposit) အဖြစ် မြန်မာငွေကျပ်သိန်း(၁၀၀၀)ထည့်သွင်းထားသည့် ဘဏ်စာအုပ် (မူရင်း/မိတ္တူ)။
EV Show Room အတွက် Bank Guarantee ကျပ်သိန်း(၅၀၀)။
၉။ မြေပြင်စစ်ဆေးရေးအဖွဲ့၏ မြေပြင်စစ်ဆေးချက်အစီရင်ခံစာ စာအုပ်။
၁၀။ လာရောက်လျှောက်ထားသူသည် ကုမ္ပဏီ၏ ဒါရိုက်တာအဖွဲ့ဝင်မဟုတ်ပါက ၎င်း ပုဂ္ဂိုလ်၏ မှတ်ပုံတင်မိတ္တူ၊ ပို့ကုန်သွင်းကုန်လုပ်ငန်းရှင်စိစစ်ရေးကတ်မိတ္တူနှင့် ကိုယ်စားလှယ်လွှဲစာ။
၁၁။ မှတ်ပုံတင်ကြေး ၁၀၀,၀၀၀/- ကျပ်၊ သက်တမ်းတိုးကြေး ၅၀,၀၀၀/-ကျပ်နှင့် ပြင်ဆင်ကြေး တစ်ချက်လျှင် ၁၀,၀၀၀/- ကျပ်။
၁၂။ စီးပွားရေးအကျိုးဆောင်မှတ်ပုံတင်သက်တမ်းအတွင်း သက်တမ်း(၁)နှစ်ခွင့်ပြုပါသည်။
၁၃။ မော်တော်ယာဉ်တင်သွင်းရောင်းချခွင့်ပြုလက်မှတ်များ ရရှိရန်အတွက် ကြာမြင့်ချိန်(၇)ရက်။
၁။ ကုမ္ပဏီ Letter Head ပါလျှောက်လွှာ။
၂။ စီးပွားရေးအကျိုးဆောင်ခန့်အပ်သည့်စာ/စာချုပ် (မူရင်း + မိတ္တူ + Notary +သံရုံး)။
၃။ ကုမ္ပဏီမှတ်ပုံတင် မိတ္တူ။
၄။ ကုမ္ပဏီမှတ်ပုံတင် MyCO အတွဲ စာရွက်စာတမ်းများ။
၅။ နိုင်ငံခြားသား Passport မိတ္တူ။ (ကိုယ်တိုင်လာရောက်သူ လုပ်ငန်းရှင်များ အတွက်သာ)
၆။ နိုင်ငံခြားကုမ္ပဏီမှတ်ပုံတင်မိတ္တူနှင့် Director စာရင်းမိတ္တူ။
မှတ်ချက်။ မြန်မာနိုင်ငံသို့ ကိုယ်တိုင်လာရောက်နိုင်ခြင်းမရှိသော ကိစ္စရပ်များအတွက် စီးပွားရေး အကျိုးဆောင်ခန့်အပ်စာပေါ်တွင် သက်ဆိုင်ရာနိုင်ငံဆိုင်ရာ မြန်မာ သံရုံး၏ အတည်ပြုချက် (Endorsement) ပါရှိရမည်။
၇။ စီးပွားရေးအကျိုးဆောင်မှတ်ပုံတင်သက်တမ်းအား ပို့ကုန်သွင်းကုန်လုပ်ငန်းရှင် မှတ်ပုံတင် သက်တမ်းနှင့် ခန့်အပ်သက်တမ်း လုံလောက်မှုရှိပါက သက်တမ်း(၂)နှစ်ခွင့်ပြုပါသည်။ ပို့ကုန် သွင်းကုန်လုပ်ငန်းရှင်မှတ်ပုံတင် သက်တမ်းနှင့် ခန့်အပ်သက်တမ်း မလုံလောက်ပါက နည်းရာသက်တမ်းနှင့် ခွင့်ပြုပါသည်။
၈။ မှတ်ပုံတင်ကြေး ၂၅၀,၀၀၀/- ကျပ်၊ သက်တမ်းတိုးကြေး ၂၅၀,၀၀၀/-ကျပ်နှင့် ပြင်ဆင်ကြေး တစ်ချက်လျှင် ၁၀,၀၀၀/- ကျပ်၊
၉။ စီးပွားရေးအကျိုးဆောင်မှတ်ပုံတင်လက်မှတ် ရရှိရန်အတွက် ကြာမြင့်ချိန်(၇)ရက်။
Loading content ...
Loading content ...
Loading content ...
Loading content ...
Loading content ...