မန္တလေးတိုင်းဒေသကြီး၊ ကျောက်ဆည်ခရိုင်တွင် ဆီထွက်သီးနှံများဖြစ်သော မြေပဲနှင့် နှမ်း သီးနှံများကို ရာသီအလိုက် စိုက်ပျိုးလျက်ရှိပြီး နေကြာသီးနှံအား တစ်နှစ်ပတ်လုံး စိုက်ပျိုးကြ ကြောင်း၊ ခရိုင်အတွင်း မိုးနေကြာ စိုက်ဧက အနေဖြင့် ကျောက်ဆည်မြို့နယ်တွင် (၂၈၉၂) ဧက၊ စဉ့်ကိုင်မြို့နယ်တွင် (၁၅၂၅) ဧကနှင့် မြစ်သားမြို့နယ်တွင် (၃၆၀) ဧက၊ စုစုပေါင်း စိုက်ဧက (၄၇၇၇) ဧက စိုက်ပျိုးပြီးဖြစ်ကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရ သိရသည်။ မိုးနေကြာစိုက်ပျိုးမှုကုန်ကျစရိတ်အနေဖြင့် တစ်ဧကလျှင် (၂၃၀,၀၀၀) ကျပ်ခန့် ကုန်ကျ ကြောင်း၊ နေကြာသီးနှံမှာ သက်တမ်းတိုမျိုး ဖြစ်သည့်အတွက် ကုန်ကျစရိတ် သက်သာပြီး မိသားစု ဝင်ငွေတိုးသည့်အပြင် စားသုံးဆီ ဖူလုံမှုရရှိသဖြင့် တောင်သူများ အများဆုံး စိုက်ပျိုးလာကြကြောင်း သိရသည်။
DOCA (မန္တလေး)