ကျိုင်းလပ်မြို့၊ ဝမ်ကျင်းရပ်ကွက်၊ နဂါးနှစ်ကောင်ကျောင်းတိုက်အနီး မဲခေါင် မြစ်ကမ်းရေဆိပ်၌ သစ်များသယ်ချသံကြားသဖြင့် ကျိုင်းလပ်ကုန်သွယ်ရေးတာဝန်ခံ လက်ထောက်ညွှန် ကြားရေးမှူးဦးစီးသောအဖွဲ့ သွားရောက်စစ်ဆေးရာမှာ သစ်မာခွဲသားအရွယ်စုံ ၆၇ ချောင်း ၃ တန်ခန့် စုပုံထားတာကိုတွေ့ရှိခဲ့ရပါတယ်။ သိမ်းဆည်းရမိသစ်များကို သက်ဆိုင်ရာ ဌာနများသို့ လွှဲပြောင်းပေးအပ်သွားမယ်လို့ သတင်းရရှိပါတယ်။

MIRT

   မြန်မာ-တရုတ် နယ်စပ်ရှိ မူဆယ် (၁၀၅) မိုင် ကုန်သွယ်ရေးဇုန်မှ ဖရဲသီး၊ သရက်သီး၊ သခွားမွှေး၊ စပျစ်သီး၊ အုန်း သီး၊ ရွှေဖရုံသီးတို့ကိုလည်းကောင်း၊ ချင်းရွှေဟော်စခန်း မှ ရွှေဖရုံသီးကိုလည်းကောင်း၊ လွယ်ဂျယ်နဲ့ကန်ပိုက်တီး စခန်းမှ ဖရဲသီးကိုလည်းကောင်း၊ မြန်မာ-ထိုင်းနယ်စပ်ရှိ တာချီလိတ်နယ်စပ်စခန်းမှ နာနတ်သီးနှင့် မြန်မာ-အိန္ဒိယ နယ်စပ်ရှိ ရိဒ်စခန်းမှ ဖရဲသီးတို့ ကို ဧပြီလအတွင်း ကန်ဒေါ်လာ ၁၄ ဒသမ ၄၄၂ သန်းဖိုး   သစ်သီး တန်ချိန် စုစုပေါင်း ၁၀၁၅၈၀ တန်ခန့်ကို စခန်း အသီးသီးအလိုက် တင်ပို့နိုင် ခဲ့ပါတယ်။

   ပြည်ပဲဈေးကွက်မှာ ယခုတစ်ပတ် ပဲလွန်းဖြူဈေးမှာ တစ်တင်း ၂၁၀၀၀ ကျပ် ဖြင့် ယခင်လကထက် ဈေးကောင်းရလာသော်လည်း အရောင်းအဝယ်ပါးနေခဲ့တယ်လို့သိရပါ တယ်။ ပဲလွန်းဖြူသီးနှံမှာ  ပဲခူးတိုင်းအနောက်ခြမ်းအတွင်း စိုက်ဧက ၂ သောင်းကျော်သာစိုက်ပျိုးပြီးထွက်ရှိလာတဲ့ ပဲများကိုလည်း ဒေသတွင်းသာ အရောင်းအဝယ်ဖြစ်မှုများခဲ့ တာကိုတွေ့ရပါတယ်။ ဇန်နဝါရီလဆန်း ပဲသစ်ပေါ်စတွင် တစ်တင်း ၁၈၀၀၀ ကျပ်ဖြင့်ဈေးစဖွင့်ပြီး ပဲအထွက်လှိုင်လာသည့် ရာသီတွင်လည်း ပဲဈေးမှာ တဖြည်းဖြည်းမြင့် တက် လာခဲ့ကာ ယခု ပဲလက်ကျန်နည်းသွားသည့်အချိန်တွင်လည်း တစ်တင်း ၂၁၀၀၀ ကျပ်ထိ ဈေးမြင့်လာခဲ့ပါတယ်။ ဝယ်လက်ကတော့ ဒေသအတွင်းရှိ လက်လီသမားများသာဖြစ် တယ်လို့သိရပ

   မြန်မာ့ဆန်နဲ့  ဆန်ကွဲကိုနယ်စပ်ကုန်သွယ်ရေးစခန်းများမှတစ်ဆင့် တစ်ဖက်နိုင်ငံများသို့တင်ပို့မှုများမှာ ၂၀၁၄-၂၀၁၅ ဘဏ္ဍာနှစ်အတွင်း မြန်မာ- တရုတ်နယ်စပ်ရှိ မူဆယ် (၁၀၅) မိုင် ကုန်သွယ်ရေးဇုန် ၊ ချင်းရွှေဟော်နဲ့ လွယ်ဂျယ်စခန်းများမှ အများဆုံးတင်ပို့ိပြီး ကန်ပိုက်တီးစခန်းမှလည်းတင်ပို့ မှုရှိပါတယ်။

   မြန်မာ-တရုတ်နယ်စပ်ရှိ မူဆယ်(၁၀၅)မိုင် ကုန်သွယ် ရေးဇုန်မှ မတ်လ ၂၁ ရက်မှ ၂၇ ရက်တာကာလအတွင်း ဖရဲသီး ၁၂၀၂၆ တန်၊ လွယ်ဂျယ်မှ တန် ၃၄၀ နဲ့ကန်ပိုက်တီးမှ တန် ၆၀၀ တန်ဖိုးအားဖြင့် ကန်ဒေါ်လာ ၁ ဒသမ ၆၄၇ သန်း ဖိုး၊ မူဆယ်မှ သခွားမွှေး ၁၁၇၂၅ တန်ကို တန်ဖိုး ကန်ဒေါ်လာ ၂ ဒသမ ၃၉၂ သန်းတင်ပို့ခဲ့ပါတယ်။ ယခင်သီတင်း ပတ်က မူဆယ်၊လွယ်ဂျယ်နဲ့ တမူးမှ ဖရဲသီး ၉၉၈၂ တန်၊ မူဆယ်မှ သခွားမွှေး ၅၉၃၀ တန်သာ တင်ပို့နိုင်ခဲ့ပါတယ်။သြင်္ကန် ကာလရောက်လျှင် ကားအသွားအလာတွေ ခက်ခဲ မှာဖြစ်တဲ့အတွက် ယခုလို ဖရဲ၊ သခွား၊ စပျစ်၊ဖရုံစတဲ့ မြန်မာပြည်ထွက် သစ်သီးဝလံမျိုးစုံကိုပိုမိုတင်ပို့ခဲ့ကြတာဖြစ်ပါတယ်။ ၂၀၁၅ ခုနှစ် မတ်လတစ်လလုံးမှာ စခန်းစုံ

   မြဝတီ-ရန်ကုန်ကုန်သွယ်မှုလမ်းကြောင်းပေါ်ရှိညောင်ခါးရှည်အခြေပြု Mobile Team (လရ-၂) အဖွဲ့သည် မတ်လ ၁၅ ၊ ၁၆ နဲ့ ၂၈ ရက်နေ့တို့တွင် မြဝတီမှ ရန်ကုန်သို့မောင်းနှင် လာသော မော်တော်ယာဉ်များအားစစ်ဆေးရာ တရားဝင်အထောက်အထားတစ်စုံတစ်ရာ ပြသနိုင်ခြင်းမရှိတဲ့ Mitsubishi Pajero io H77 W, Toyota Hiace (LH 120), Toyota Mark II အမျိုးအစား အဖြူရောင် Saloon ယာဉ် ၂ စီး၊ Honda CRV စုစုပေါင်း ယာဉ် ၅ စီးကိုစစ်ဆေးတွေ့ရှိသိမ်းဆည်းနိုင်ခဲ့ပါတယ်။ အဆိုပါလိုင်စင်မဲ့ယာဉ် ၅ စီးရဲ့ ခန့်မှန်းတန်ဖိုး မှာ ကျပ် ၆၃၅ သိန်းဖြစ်ပြီး ကုန်းလမ်းပို့ဆောင်ရေးညွှန်ကြားမှုဦးစီးဌာနနဲ့အတူ အသေးစိတ်စစ်ဆေးမှုများပြုလုပ်ခဲ့ရာ အကောက်

   မန္တလေး-မူဆယ် ကုန်သွယ်မှုလမ်းကြောင်းတွင် တရားမဝင် ကုန်သွယ်မှုတားဆီးရေးနဲ့ စားသုံးသူအကာအကွယ်ပေးရန်တာဝန်ထမ်းဆောင်နေသော လရ(၁)အဖွဲ့ဟာ မတ်လ ၂၁ ရက် ၁၀း၃၀ ချိန်မှာ Toyota Crown Majesta 3G/xxxx ရဲ့ခေါင်းပိုင်းအင်ဂျင်ခန်းနဲ့ နောက်ခန်းတို့မှာ ကျောက်စိမ်းလို့ယူဆရတဲ့ ကျောက်တုံးများ၊ ကျောက်ပြားအပိုင်းအစ များ၊ အဝိုင်းပြားများကို စစ်ဆေးတွေ့ရှိတားဆီးနိုင်ခဲ့ပါတယ်။ ပစ္စည်းများကိုအသေးစိတ်စစ်ဆေးစဉ် ယာဉ်မောင်းမှာထွက်ပြေးလွတ်မြောက်သွားခဲ့ပါတယ်။

   မြန်မာ-ထိုင်းနယ်စပ်ရှိ ကော့ သောင်း နယ်စပ်ကုန်သွယ်ရေးစခန်းမှ မတ်လအတွင်း ပင်လယ်ငါးရှဉ့် ၁၃ တန်နီးပါး တန်ဖိုး ကန်ဒေါ်လာ သုည ဒသမ ၀၂၄ သန်းနဲ့ ရေဘဝဲ ၅ တန် ကျော် တန်ဖိုးကန်ဒေါ်လာ သုည ဒသမ ၀၀၈ သန်းတင်ပို့နိုင်ခဲ့သလို ကန်ဒေါ်လာ ၃ ဒသမ ၄၀၃ သန်းတန်ဖိုးရှိ ကျန်ရေ ထွက်ကုန်များဖြစ်တဲ့  ငါးမျိုးစုံ ၄၀၀၉ တန်ကျော်၊ ကင်းမွန်  ၈၉ တန်ကျော်၊ ပုစွန် ၁၇ တန်ကျော်၊ ကဏန်း  ၁တန်နဲ့ ခရုအနည်းငယ် တင်ပို့နိုင်ခဲ့တယ်လို့ သတင်းရရှိပါတယ်။

   မြန်မာ-ဘင်္ဂလားဒေ့ရှ်နယ်စပ်ရှိ မောင်တောနယ်စပ်ကုန်သွယ်ရေးစခန်းသည် ဒေသတွင်းကုန်ပစ္စည်းထွက်ရှိမှု နည်းပါးသော်လည်း ၂၀၁၄-၂၀၁၅ ဘဏ္ဍာနှစ်တွင် ကုန်သွယ်မှု ပမာဏလျာထားချက် ပြည့်မီအောင်ဆောင်ရွက်နိုင်ခဲ့ကြောင်း၊ ရခိုင်ပြည်နယ်အတွင်းရှိ အခြားမြို့နယ်များမှ မှာယူပြီး ကုန်သည်လုပ်ငန်းရှင်များက ကြိုးစားလုပ်ကိုင်ဆောင်ရွက် ကြသဖြင့် ကုန်သွယ်မှုရလဒ် ကောင်းများ ရရှိခဲ့ခြင်းဖြစ်ကြောင်း မတ် လ ၃၀ ရက်နေ့ကပြုလုပ်တဲ့ ကုန်သွယ်မှုမြှင့်တင်ရေးအစည်းအဝေးမှာ တာဝန်ရှိသူများက ပြောကြားခဲ့ တာဖြစ်ပါတယ်။

   အိန္ဒိယနိုင်ငံ မဏိပူရပြည်နယ်၊ တမင်လောင်ခရိုင်နဲ့တောင်ပေါ်ခရိုင်များမှာ ဓာတ်ဆီ၊ ဒီဇယ်လောင်စာဆီများ ပြတ်လပ်မှုကြောင့် ဒေသခံပြည်သူများအခက်အခဲနဲ့ရင်ဆိုင်နေရပြီး အခြားပြည်နယ်များမှ ဝင်ရောက်လာတဲ့ လောင်စာဆီကုန်တင်ယာဉ်များဟာလည်း လမ်းပိတ်ဆန္ဒပြမှုတွေကြောင့် ရပ်တန့်ပေးနေရတဲ့အတွက် အချိန်ကြာမြင့်နေကြောင်း The Sangai Express သတင်းစာမှာ ဖော်ပြထားပါတယ်။ ပြည်နယ်အစိုးရအနေနဲ့ လောင်စာဆီပြတ်လပ်မှုမဖြစ်စေရေး အလေးပေးဆောင်ရွက်ပေးရန်လိုကြောင်းနဲ့ လောင်စာ ဆီ မှောင်ခိုဈေးမှာလည်း အလွန်မြင့်မားနေကြောင်းသတင်းရရှိပါတယ်။

စိုးနိုင် (တမူး)