Department of Trade

အင်္ဂလိပ်ဘာသာစကား ကျွမ်းကျင်မှုသင်တန်းအမှတ်စဉ် (၁/၂၀၂၄)

(သတင်း)

၁။   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး၏ လမ်းညွှန်ချက် အရ လူ့စွမ်းအားအရင်းအမြစ်ဖွံ့ဖြိုးတိုးတက်ရေး စီမံချက်တွင်ထည့်သွင်းရေးဆွဲထားရှိသည့် သင်တန်းများကို ကုန်သွယ်ရေးဦးစီးဌာန၊ ကုန်သွယ်မှုပညာပေးရေးဌာနခွဲအနေဖြင့် တာဝန်ယူ အကောင်အထည်ဖော် ဆောင်ရွက်လျက်ရှိပါသည်။

၂။       အဆိုပါစီမံချက်အရ အင်္ဂလိပ်ဘာသာစကား ကျွမ်းကျင်မှုသင်တန်း အမှတ်စဉ်(၁/၂၀၂၄) အား ၂၀၂၄ ခုနှစ်၊ ဖေဖော်ဝါရီလ ၂၈ ရက် (ဗုဒ္ဓဟူးနေ့) နေ့လည်(၁၄း၀၀)နာရီအချိန်တွင် စတင် ဖွင့်လှစ်ခဲ့ပါသည်။

၃။      အဆိုပါသင်တန်းကို ကုန်သွယ်ရေးဦးစီးဌာန၊ ညွှန်ကြားရေးမှူး ဦးအောင်မင်းသိုက် ၊ လက်ထောက်ညွှန်ကြားရေးမှူး ဒေါ်နန္ဒာဝင်း ၊ လက်ထောက်ညွှန်ကြားရေးမှူး  ဒေါ်ခိုင်မြတ်မြတ်ခိုင် နှင့် လက်ထောက်ညွှန်ကြားရေးမှူး ဒေါ်မေဖြိုးသူ တို့မှ သင်တန်းနည်းပြအဖြစ် သင်ခန်းစာများ ပို့ချ ပေးမည်ဖြစ်ကြောင်းနှင့်  သင်တန်းသား စုစုပေါင်း(၃၂)ဦးတို့ တက်ရောက်မည် ဖြစ်ကြောင်း သိရှိရ ပါသည်။

ပို့ကုန်သွင်းကုန်လုပ်ထုံးလုပ်နည်းသင်တန်း အမှတ်စဉ် (၁/၂၀၂၄) သင်တန်း

(သတင်း)

၁။        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး၏ လမ်းညွှန် ချက်အရ လူ့စွမ်းအားအရင်းအမြစ်ဖွံ့ဖြိုးတိုးတက်ရေး စီမံချက်တွင် ထည့်သွင်းရေးဆွဲထားရှိသည့် သင်တန်းများကို ကုန်သွယ်ရေးဦးစီးဌာန၊ ကုန်သွယ်မှုပညာပေးရေးဌာနခွဲအနေဖြင့် တာဝန်ယူ အကောင်အထည်ဖော် ဆောင်ရွက်လျက်ရှိပါသည်။

၂။      အဆိုပါစီမံချက်အရ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ လမ်းညွှန်မှု၊ ကုန်သွယ်ရေးဦးစီးဌာန၏ ကြီးကြပ်ကွပ်ကဲမှုဖြင့် ဦးစီးဌာနများရှိ ဝန်ထမ်းများအား ပို့ကုန်သွင်းကုန် လုပ်ထုံးလုပ်နည်းများကို သိရှိပြီး ပေးအပ်သောတာဝန်အပေါ် စွမ်းဆောင်ရည် မြင့်မားစွာဖြင့် ကျေပွန်စွာထမ်းဆောင်နိုင်ရန်၊ ဝန်ထမ်းများ၏ လူ့စွမ်းအားအရင်းအမြစ် ဖွံ့ဖြိုးတိုးတက်လာ စေရန် ရည်ရွယ်၍ ပို့ကုန်သွင်းကုန်လုပ်ထုံးလုပ်နည်းသင်တန်း အမှတ်စဉ် (၁/၂၀၂၄)ကို ၂၀၂၄ ခုနှစ် ၊ ဖေ‌ဖော်ဝါရီလ(‌၂၆) ရက် နံနက် (၀၉:၃၀) နာရီ အချိန်တွင် စတင် ဖွင့်လှစ်ခဲ့ပါသည်။

၃။         အဆိုပါ သင်တန်းကို ၂၀၂၄ ခုနှစ် ၊ ဖေဖော်ဝါရီလ (၂၆) ရက်နေ့ မှ မတ်လ (၂၉) ရက်နေ့ ထိနေ့စဉ် (တနင်္လာနေ့ မှ သောကြာနေ့ထိ) နံနက် (၀၉:၃၀) နာရီ မှ (၁၂:၃၀) အချိန်ထိ ရက် သတ္တပတ်(၅)ပတ်ကြာ ဖွင့်လှစ်သင်ကြားပို့ချသွားမည်ဖြစ်ပြီး သင်တန်းသို့ အရာထမ်း ၊ အမှုထမ်း စုစုပေါင်း (၄၈) ဦး တက်ရောက်သင်ကြားလျက်ရှိပါသည်။

အာဆီယံ စီးပွားရေး အသိုက်အဝန်း (AEC) ဆိုင်ရာ အသိပညာပေးသင်တန်း

(သတင်း)

၁။         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး၏ လမ်းညွှန်ချက် အရ လူ့စွမ်းအားအရင်းအမြစ်ဖွံ့ဖြိုးတိုးတက်ရေးစီမံချက်တွင် ထည့်သွင်းရေးဆွဲထားရှိသည့် သင်တန်းများကို ကုန်သွယ်ရေးဦးစီးဌာန၊ ကုန်သွယ်မှုပညာပေးရေးဌာနခွဲအနေဖြင့် တာဝန်ယူ အကောင်အထည်ဖော် ဆောင်ရွက်လျက်ရှိပါသည်။

၂။         အဆိုပါစီမံချက်အရ အာဆီယံစီးပွားရေးအသိုက်အဝန်း (AEC)ဆိုင်ရာ အသိပညာပေးသင်တန်းကို ၂၀၂၄ ခုနှစ်၊ ဖေဖော်ဝါရီလ ၂၁ ရက်နေ့ (ဗုဒ္ဓဟူးနေ့)နေ့လည် (၁၃း၀၀)နာရီမှ(၁၅း၃၀)နာရီထိ ဖွင့်လှစ်ခဲ့ ပါသည်။

၃။         အဆိုပါသင်တန်းကို ကုန်သွယ်ရေးဦးစီးဌာန၊ ဒေသတွင်းစီးပွား‌ရေးပူးပေါင်းဆောင်ရွက်မှုဌာနခွဲ၊ ဒုတိယညွှန်ကြားရေးမှူး ဒေါ်ရွှေစင်ဦး မှသင်ခန်းစာများ ပို့ချပေးခဲ့ပြီး အရာထမ်း၊ အမှုထမ်း စုစုပေါင်း (၂၀) ဦးတို့ တက်ရောက်ခဲ့ပါသည်။

Introduction Course on WTO (Principles and General Rules) သင်တန်း

(သတင်း)

၁။           Introduction Course on WTO (Principles and General Rules) သင်တန်းဖွင့်ပွဲ အခမ်းအနားကို နေပြည်တော်ရှိ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ရုံးအမှတ် (၃) ရှိ ညီလာခံခန်းမ၌ ၂၀၂၄ ခုနှစ်၊ ဖေဖော်ဝါရီလ (၅) ရက်နေ့တွင် ကျင်းပခဲ့သည်။

၂။            သင်တန်းဖွင့်ပွဲသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စု ဝန်ကြီး ဦးထွန်းအုံ၊ ညွှန်ကြားရေးမှူးချုပ်များ ၊ ဒုတိယညွှန်ကြားရေးမှူးချုပ်များ နှင့် သင်တန်းနည်းပြများ၊ သင်တန်းသား၊ သင်တန်းသူများ နှင့် တာဝန်ရှိသူများ တက်ရောက် ကြသည်။

၃။          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံ က ဝန်ကြီးဌာနသည် နိုင်ငံတကာနှင့် ကုန်သွယ်မှုကိစ္စရပ်များ‌ ဆောင်ရွက်နေရသဖြင့် ကမ္ဘာ့ကုန်သွယ်ရေးအဖွဲ့၏ ဆောင်ရွက်ချက်များ၊ အခြေခံစည်းမျဉ်းများ၊ နိုင်ငံစုံသဘောတူညီ ချက်များ အကောင်အထည်ဖော်ရာတွင် လိုက်ပါဆောင်ရွက်ရမည့် ကတိကဝတ်များ၊ အငြင်းပွား မှုဆိုင်ရာပြဿနာများ၊ နည်းပညာဆိုင်ရာ အထောက်အပံ့များကို သိရှိစေရန်အတွက် ရည်ရွယ်ပြီး ဖွင့်လှစ်သင်ကြားပေးမည့် သင်တန်းဖြစ်ပါကြောင်း၊ မြန်မာနိုင်ငံသည် ကမ္ဘာ့ ကုန်သွယ်ရေးအဖွဲ့၏ ပွင့်လင်းမြင်သာမှုရှိရေး ကတိကဝတ်အရ ကုန်သွယ်မှု နည်းလမ်းများ ကို အကြောင်းကြားခြင်း (Notification) များ ဆောင်ရွက်သကဲ့သို့ ကုန်သွယ်မှုမူဝါဒ ဆန်းစစ် ခြင်း လုပ်ငန်းစဉ်များလည်း ၂၀၁၄ ခုနှစ်က တစ်ကြိမ်၊ ၂၀၂၁ ခုနှစ်က တစ်ကြိမ် စုစုပေါင်း (၂) ကြိမ် ဆောင်ရွက်ခဲ့ကြောင်း သင်တန်းသား၊ သင်တန်းသူ များအနေဖြင့် သင်တန်းတွင် ပို့ချမည့်သင်ခန်းစာများကို ဂရုတစိုက်လေ့လာ မှတ်သားခြင်းအားဖြင့် မိမိတို့ဝန်ကြီးဌာန အတွက် ကမ္ဘာ့ကုန်သွယ်ရေးအဖွဲ့ဆိုင်ရာ ကိစ္စရပ်များကို ဆောင်ရွက်ရာတွင် အထောက် အကူပြုဆောင်ရွက်နိုင်မည် ဖြစ်ပါကြောင်း ပြောကြားခဲ့ပါသည်။

၄။           အဆိုပါသင်တန်းတွင် ဆွစ်ဇာလန်နိုင်ငံ ဂျီနီဖာမြို့ ကမ္ဘာ့ကုန်သွယ်ရေးအဖွဲ့ဆိုင်ရာ အမြဲတမ်း ကိုယ်စားလှယ်အဖွဲ့ရုံး၏ WTO သံမှူးများအဖြစ် တာဝန်ထမ်းဆောင်ခဲ့သူများ၊ဂျီနီဖာမြို့ ကမ္ဘာ့ကုန်သွယ်ရေးအဖွဲ့ (ရုံးချုပ်) တွင် အလုပ်သင်အဖြစ် သင်တန်းတက်ရောက်ခဲ့သည့် အရာရှိကြီးများက ဖွင့်လှစ်သင်ကြားမည်ဖြစ်ကြောင်း သိရှိရပါသည်။