ထိုင်းနိုင်ငံရဲ့ ပို့ကုန်ဟာ ဇန်နဝါရီလမှာ မျှော်မှန်းထားသည်ထက် ပိုမိုကျဆင်းလျက်ရှိနေပြီး ၅ လအတွင်းမှာ အနိမ့်ဆုံး ပမာဏထိ ရောက်ရှိခဲ့ပါတယ်။ စစ်တပ်က အာဏာသိမ်းခဲ့ပြီးနောက် အရှေ့တောင်အာရှရဲ့ ဒုတိယစီးပွားရေး အကောင်းဆုံး အဆင့်ကိုလည်း စွန်လွှတ် လိုက်ရပြီဖြစ်ပါတယ်။ အစိုးရအနေနဲ့ အခြေခံအဆောက်အဦ စီမံကိန်းများမှာ ပိုမိုသုံးစွဲနေချိန်မှာ ပို့ကုန်ဆောင်ရွက်နိုင် မှုလျော့နည်း လာတဲ့အပြင် ပြည်တွင်းသုံးစွဲမှု ဟာလည်း ကျဆင်းလာ လျက်ရှိပါတယ်။
အိန္ဒိယ နိုင်ငံတဝှမ်းမှာ ကြက်ငှက်တုပ်ကွေးရောဂါ ကူးစက်ဖြစ်ပွားနေကြောင်း၊ အဆိုပါတုပ်ကွေး ရောဂါကြောင့် လူဦးရေ ၇၀ဝကျော် သေဆုံးခဲ့ပြီး ရောဂါပိုးကူးစက်သူ ၁၁၉၅၅ဦး ရှိတယ်လို့ မဏိပူရပြည်နယ် ထုတ် The Sangai Express သတင်းစာ မှာ ဖော်ပြ ထားပါတယ်။မြန်မာနယ်စပ်နဲ့ ထိစပ်နေတဲ့ အိန္ဒိယ အရှေ့မြောက်ပြည်နယ်များ မှာလည်း တုပ်ကွေးရောဂါကူးစက်မှု အလွန်ကြီးမားနေတယ်လို့ သိရှိရပါတယ်။
စစ်ကိုင်းတိုင်းဒေသကြီးအတွင်းရှိ ဈေးများတွင် ရောင်းချလျှက်ရှိသော စားသောက်ကုန် ပစ္စည်းများအား စားသုံးသူပြည်သူများ အတွက် ဘေးအန္တရာယ် ကင်းရှင်းစေရန် ရည်ရွယ်ပြီး စားသောက်ကုန် ပစ္စည်းများကို ဓါတု ဆေးဝါးများ ပါဝင်မှုရှိ/မရှိ၊ အစားအသောက်များတွင် အသုံးပြုသော ခွင့်ပြု ဆိုးဆေးများ ဟုတ်/မဟုတ် ကွင်းဆင်းစစ်ဆေးခြင်းများ ပြုလုပ်လျက်ရှိပါသည်။
မန္တလေးတိုင်းဒေသကြီး စားသုံးသူ အငြင်းပွားမှုဖြေရှင်းရေး အဖွဲ့၏ လမ်းညွှန်မှုဖြင့် မန္တလေးတိုင်း ဒေသကြီးထုတ်ကုန်များ လုံခြုံစိတ်ချရမှု ဆိုင်ရာ လုပ်ငန်းကော်မတီ၏ ပထမအကြိမ် လုပ်ငန်းညှိနှိုင်း အစည်းအဝေးကို၂၀၁၅ ခုနှစ် ဖေဖော်ဝါရီလ၂၄ ရက်အင်္ဂါနေ့ နံနက် ၁၀ းဝ၀ အချိန်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကူးသန်းရောင်းဝယ်ရေးနှင့် စားသုံးသူရေးရာဦးစီးဌာန၊ မန္တလေးတိုင်း ဒေသကြီးဦးစီးမှူးရုံး အစည်းအဝေး ခန်းမ၌ကျင်းပပြုလုပ်ခဲ့ပါသည်။
ဖေဖော်ဝါရီလ ၁၅ ရက်မှ ၂၁ ရက်နေ့ထိ ကာလအတွင်းမှာ ပင်လယ်ရေကြောင်း ကုန်သွယ်မှုမှ ကန်ဒေါ်လာ သုည ဒသမ ၉၂၁ သန်းဖိုးရှိ ရော်ဘာ ၇၀၆ တန်ကျော်ကို မလေးရှားနဲ့ စင်ကာပူနိုင်ငံကို တင်ပို့ခဲ့ပါတယ်။ မလေးရှားနိုင်ငံကို RSS-3တန် ၄၁၀နဲ့ MSR-20တန် ၁၀ဝကျော်တင်ပို့ခဲ့ပြီး စင်ကာပူနိုင်ငံကို MSR-20 ၁၉၆ တန်တင်ပို့ခဲ့တာဖြစ်ပါတယ်။ယခင်တစ်ပတ်က မလေးရှားနဲ့ စင်ကာပူနိုင်ငံကို ၁၉၅၇ တန်ကျော်တင်ပို့နိုင်ခဲ့တဲ့အတွက် ယခုသီတင်းပတ်မှာ ၁၂၅၁ တန်ခန့်လျော့နည်းခဲ့ပါတယ်။
ကျန်းမာရေးဝန်ကြီးဌာနသည် အရည်အသွေးစစ်မှန်ကောင်းမွန်၍ ဘေးအန္တရာယ်ကင်းရှင်းသော အလှကုန်ပစ္စည်းများကိုသာ အများပြည်သူများ သုံးစွဲနိုင်ရန် စနစ်တကျကွပ်ကဲလျက်ရှိပါတယ်။
