ချင်းရွှေဟော်ကုန်သွယ်ရေးစခန်း အနေဖြင့် ယခုအပတ် ၂၀၂၃ ခုနှစ်၊ ဇူလိုင်လ (၁၅)ရက်နေ့ မှ (၂၁) ရက်နေ့ အတွင်းလုပ်ငန်းဆောင်ရွက်မှုမှာ ပို့ကုန်(၈.၂၄၆) ဒေါ်လာသန်း နှင့် သွင်းကုန် (၂၀.၇၃၈) ဒေါ်လာသန်း ကုန်သွယ်မှုပမာဏအနေဖြင့် (၂၈.၉၈၄) ဒေါ်လာသန်း ဆောင်ရွက်နိုင်ခဲ့ပြီး ယာဉ်အစီးရေ အနေဖြင့် ပို့ကုန် (၅၅၈) စီး၊ သွင်းကုန် (၁၇၆၂) စီး ဆောင်ရွက်နိုင်ခဲ့သည်။

မြန်မာ-ဘင်္ဂလားဒေ့ရှ့်နှစ်နိုင်ငံတို့အကြား ကုန်သွယ်မှုမြှင့်တင်နိုင်ရေးအတွက် မြန်မာ-ဘင်္ဂလားဒေ့ရှ့်နယ်စပ်ရှိ ရခိုင်ပြည်နယ်၊ စစ်တွေကုန်သွယ်ရေးစခန်းနှင့် မောင်တောကုန်သွယ်ရေးစခန်းတို့ ဖွင့်လှစ်၍ နယ်စပ်မှတစ်ဆင့် ကုန်သွယ်မှုလုပ်ငန်းများ ဆောင်ရွက်ပေးလျက်ရှိသည်။

          စစ်တွေကုန်သွယ်ရေးစခန်းမှ ဘင်္ဂလားဒေ့ရှ့်နိုင်ငံသို့ ၂၀၂၃ ခုနှစ်၊ ဇူလိုင်လ (၁၅) ရက်နေ့မှ  (၁၈)ရက်နေ့အထိ အကောက်ခွန်ဦးစီးဌာန၏ အမှန်တင်ပို့/တင်သွင်းစာရင်းများအရ ပို့ကုန်ဒေါ်လာသန်း (၀.၀၂၆၅)သန်း၊ ဆောင်ရွက်နိုင်ခဲ့ပါသည်။ သွင်းကုန်ဆောင်ရွက်နိုင်မှု မရှိကြောင်း သိရှိရသည်။

              ၂၀၂၃-၂၀၂၄ ဘဏ္ဍာနှစ်၊ ဇူလိုင်လလျာထားချက်မှာ ပို့ကုန် (၁.၀၀၀)ဒေါ်လာသန်း၊ သွင်းကုန် (၀.၀၃၀) ဒေါ်လာသန်း၊ ကုန်သွယ်မှုပမာဏ (၁.၀၃၀) ဒေါ်လာသန်းဖြစ်ပြီး ဇူလိုင်လ (၁-၇-၂၀၂၃ မှ ၁၈-၇-၂၀၂၃ထိ) အမှန်ဆောင်ရွက်နိုင်မှုမှာပို့ကုန် (၀.၄၆၈) ဒေါ်လာသန်း၊ သွင်းကုန် (၀.၀၈၅) ဒေါ်လာသန်း၊ ကုန်သွယ်မှုပမာဏ (၀.၅၅၃) ဒေါ်လာသန်း ဆောင်ရွက်နိုင်ခဲ့ပြီး လျာထားချက်အပေါ် (၅၃.၆၉%)ဆောင်ရွက်နိုင်ခဲ့ပြီဖြစ်သည်။

ကော့သောင်းကုန်သွယ်ရေးစခန်းသည် တစ်ဖက်ထိုင်းနိုင်ငံသို့ ရေထွက်ပစ္စည်းများကို FOB စနစ်ဖြင့် အဓိကတင်ပို့နေသော ပို့ကုန်အသာစီးရသည့် စခန်းတစ်ခုဖြစ်သည်။ အဓိက တင်ပို့နေသောပစ္စည်းများမှာ ငါးမျိုးစုံ၊ ပုစွန်၊ ရေဘဝဲ၊ ကဏန်း၊ ကင်းမွန်(စို/ခြောက်)၊ ငါးပါကင်၊ ဆီအုန်း၊ သီဟိုဠ်စေ့နှင့် ပြောင်းတို့ ဖြစ်သည်။

မြိတ်ကုန်သွယ်ရေးစခန်းမှ  ၂၀၂၃ ခုနှစ်၊ ဇူလိုင်လ (၁၇) ရက်နေ့မှ ဇူလိုင်လ (၁၈) ရက်နေ့အတွင်း ငါးမှုန့်တစ်တန်လျှင် (၉၀၂)ဒေါ်လာနှုန်းဖြင့် (၅၅၀)တန်၊ တန်ဖိုး (၀.၄၉၆)ဒေါ်လာသန်း ငါးမျိုးစုံ တစ်တန် လျှင် (၁၂၀၉) ဒေါ်လာနှုန်းဖြင့် (၇၉.၄၇၅)တန်၊ တန်ဖိုး (၀.၀၉၆)ဒေါ်လာသန်းကင်းမွန်တစ်တန်လျှင် (၃၄၁၀) ဒေါ်လာနှုန်းဖြင့် (၅.၆၉၅)တန်၊ တန်ဖိုး (၀.၀၂၀)ဒေါ်လာသန်းဂဏန်းတစ်တန်လျှင် (၃၈၉၀)ဒေါ်လာနှုန်းဖြင့် (၁.၂၇၅)တန်၊ တန်ဖိုး (၀.၀၀၅)ဒေါ်လာသန်းပုဇွန်တစ်တန်လျှင် (၅၅၀၀)ဒေါ်လာနှုန်းဖြင့် (၁.၉၅၀)တန်၊ တန်ဖိုး (၀.၀၁၁)ဒေါ်လာသန်း၊ စုစုပေါင်းပို့ကုန်တန်ဖိုး (၀.၆၂၈)ဒေါ်လာသန်း၊ ငါးမှုန့်အား အကောက်ခွန် သက်သာခွင့်ဆိုင်ရာ ပင်းရင်း

မြန်မာနိုင်ငံတွင် စျေးကွက်ဝင် ကော်ဖီမျိုးကို ရှမ်းပြည်နယ်တွင် အများဆုံးစိုက်ပျိုးပြီး ပြင်ဦးလွင်၊ ရွာငံ၊ မိုင်းကိုး၊ ကျိုင်းတုံ၊ ကလောတို့မှ ဒေသထွက်ကုန်ဖြစ်သည့် ကော်ဖီစေ့ကို ပို့ကုန်လိုင်စင်လျှောက်ထားရယူခြင်း၊ ပို့ကုန်ပစ္စည်းသယ်ဆောင်ခွင့်လက်မှတ် (QR Code) လျှောက်ထားရယူခြင်း၊ ED ဖွင့်လှစ်ဆောင်ရွက်ခြင်းများပြုလုပ်၍ တာချီလိတ်ကုန်သွယ်ရေးစခန်းမှ တစ်ဖက်ထိုင်းနိုင်ငံသို့ မယ်ဆိုင်မြို့မှတဆင့် တင်ပို့လျက်ရှိသည်။

မြဝတီကုန်သွယ်ရေးဇုန်မှတစ်ဖက်နိုင်ငံနှင့် နှစ်နိုင်ငံနယ်စပ်ကုန်သွယ်မှုများ ဆောင်ရွက်လျှက်ရှိရာ (၁၅-၇-၂၀၂၃)ရက်နေ့မှ (၁၇-၇-၂၀၂၃)ရက်နေ့ထိ ပို့ကုန်တင်ပို့မှုအနေဖြင့် ပြောင်း၊ နှမ်း၊ ကြက်သွန်နီ၊ ရေထွက်ကုန်များဖြစ်သည့် ငါးခွေးလျှာ၊ ရွှံ့ကဏန်းတို့အပြင် ဂေါ်ဖီထုပ်၊ ငရုတ်၊ဖိနပ်နှင့်CMP ပစ္စည်းများဖြစ်သည့် အမျိုးသား/အမျိုးသမီးအဝတ်အထည်များတင်ပို့ခဲ့ပါသည်။

ကံပိုင်တည်ကုန်သွယ်ရေးစခန်းမှ ၂၀၂၃ ခုနှစ်၊ ဇူလိုင်လကုန်သွယ်မှုလျာထားချက်မှာ ပို့ကုန် (၂.၀၀၀) ဒေါ်လာသန်းနှင့် သွင်းကုန် (၁.၀၀၀) ဒေါ်လာသန်းဖြင့် စုစုပေါင်း (၃.၀၀၀) ဒေါ်လာသန်း ဖြစ်သည်။

ဇူလိုင်လ (၁၈) ရက်နေ့အထိ အမှန်ကုန်သွယ်မှုမှာ ပို့ကုန် (၁.၂၁၂) ဒေါ်လာသန်း၊ သွင်းကုန် (၁.၃၄၃) ဒေါ်လာသန်းဖြင့် စုစုပေါင်း (၂.၅၅၅) ဒေါ်လာသန်းဖြစ်သဖြင့် ကုန်သွယ်မှုလျာထားချက်အပေါ် (၈၅%) ဆောင်ရွက်ပြီးဖြစ်သည်။

ချင်းရွှေဟော်ကုန်သွယ်ရေးစခန်း၏ ၂၀၂၃ ခုနှစ်၊ ဇူလိုင် (၈)ရက်နေ့မှ ဇူလိုင်(၁၇)ရက်နေ့အထိ လုပ်ငန်းဆောင်ရွက်မှုမှာပို့ကုန် (၁၁.၇၆၀) ဒေါ်လာသန်း၊ သွင်းကုန်(၂၈.၁၇၁)ဒေါ်လာသန်း၊ ကုန်သွယ်မှု ပမာဏ(၃၉.၉၃၁) ဒေါ်လာသန်း ဆောင်ရွက်နိုင်ခဲ့သည်။

လွယ်ဂျယ်ကုန်သွယ်ရေးစခန်းအနေဖြင့် ၂၀၂၃ ခုနှစ်၊ ဇူလိုင်လ ၁၇ မှ ၁၈ ရက်နေ့အတွင်း ကုန်သွယ်မှုဆောင်ရွက်ရာ၌ ပို့ကုန်ပိုင်းတွင် ဆန်ကွဲ(၁၅.၀၀)တန်၊ တန်ဖိုး(၀.၀၀၆)ဒေါ်လာသန်း၊ ပြောင်း (၆၆.၀၀)တန်၊ တန်ဖိုး (၀.၀၁၉)ဒေါ်လာသန်း၊ ပဲတီစိမ်း (၃၃.၀၀)တန်၊ တန်ဖိုး(၀.၀၂၃) ဒေါ်လာသန်း၊ တစ်သျူးငှက်ပျော(၁၆.၀၀)တန်၊ တန်ဖိုး(၀.၀၀၅)ဒေါ်လာသန်း၊ Lead Carbonate(၇၀.၀၀)တန်၊ တန်ဖိုး (၀.၀၂၃)ဒေါ်လာသန်း တင်ပို့နိုင်ခဲ့သည်။