၁။      မြဝတီကုန်သွယ်ရေးဇုန်မှ တစ်ဖက်နိုင်ငံနှင့် နှစ်နိုင်ငံနယ်စပ်ကုန်သွယ်မှုများ ဆောင်ရွက်လျှက်ရှိ ရာ (၁၀-၁၀-၂၀၂၃) ရက်နေ့မှ (၁၃-၁၀-၂၀၂၃) ရက်နေ့ထိ ပို့ကုန်တင်ပို့မှုအနေဖြင့် လယ်ယာထွက်ကုန် ပစ္စည်းများဖြစ်သည့် ငရုတ်၊ ဂေါ်ဖီ၊ ကြက်သွန်နီ၊ သခွားစေ့၊ တွင်းထွက်ပစ္စည်းများဖြစ်သည့် ခဲ/သတ္တုများ၊ ရေထွက်ပစ္စည်းများဖြစ်သည့် ငါးကြင်းဆီဖောင်းနှင့် CMP ပစ္စည်းများကို တင်ပို့ခဲ့ပါသည်။ 

၂။       (၁၀-၁၀-၂၀၂၃) ရက်နေ့မှ (၁၃-၁၀-၂၀၂၃) ရက်နေ့ထိ အများဆုံးတင်ပို့ခဲ့သည့် ပို့ကုန်ပစ္စည်းများ မှာ ငရုတ်၊ ကြက်သွန်နီနှင့် CMP ပစ္စည်းများဖြစ်ပါသည်။

၂၀၂၃-၂၀၂၄ ဘဏ္ဍာနှစ်၊ အောက်တိုဘာလ လျာထားချက်မှာ ပို့ကုန် (၁.၅၀၀) ဒေါ်လာသန်း၊ သွင်းကုန် (၀.၀၃၀) ဒေါ်လာသန်း၊ ကုန်သွယ်မှုပမာဏ (၁.၅၃၀) ဒေါ်လာသန်းဖြစ်ပြီးအောက်တိုဘာလ (၁-၁၀-၂၀၂၃မှ၁၅-၁၀-၂၀၂၃ထိ) အမှန်ဆောင်ရွက်နိုင်မှုမှာပို့ကုန် (၀.၁၂၂)ဒေါ်လာသန်း၊ သွင်းကုန်(-) ဒေါ်လာသန်း၊ ကုန်သွယ်မှုပမာဏ(၀.၁၂၂) ဒေါ်လာသန်းဆောင်ရွက်နိုင်ခဲ့ပြီး လျာထားချက်အပေါ် (၇.၉၇%) ဆောင်ရွက်နိုင်ခဲ့ပြီဖြစ်ပါတယ်။

            မြန်မာ-ဘင်္ဂလားဒေ့ရှ် နှစ်နိုင်ငံတို့အကြား ကုန်သွယ်မှုမြှင့်တင်နိုင်ရေးအတွက် မြန်မာ-ဘင်္ဂလားဒေ့ရှ် နယ်စပ်ရှိရခိုင်ပြည်နယ်၊ စစ်တွေကုန်သွယ်ရေးစခန်းနှင့် မောင်တောကုန်သွယ်ရေးစခန်းတို့ ဖွင့်လှစ်၍ နယ်စပ်မှတစ်ဆင့် ကုန်သွယ်မှုလုပ်ငန်းများ ဆောင်ရွက်ပေးလျက်ရှိပါသည်။

ကံပိုင်တည်ကုန်သွယ်ရေးစခန်းမှ ၂၀၂၃ ခုနှစ်၊ အောက်တိုဘာလကုန်သွယ်မှုလျာထားချက်မှာ ပို့ကုန် (၃.၀၀၀) ဒေါ်လာသန်းနှင့် သွင်းကုန် (၁.၃၀၀) ဒေါ်လာသန်းဖြင့် စုစုပေါင်း(၄.၃၀၀)ဒေါ်လာသန်း ဖြစ်ပါသည်။

အောက်တိုဘာလ (၁၃) ရက်နေ့အထိ အမှန်ကုန်သွယ်မှုမှာ ပို့ကုန် (၀.၄၀၉) ဒေါ်လာသန်း၊ သွင်းကုန် (၀.၄၅၆) ဒေါ်လာသန်း၊ စုစုပေါင်း (၀.၈၆၅) ဒေါ်လာသန်းဖြစ်သဖြင့် ကုန်သွယ်မှုလျာထား ချက်အပေါ် (၂၀.၁၁၆%) ဆောင်ရွက်ပြီးဖြစ်ပါသည်။

လွယ်ဂျယ်ကုန်သွယ်ရေးစခန်းအနေဖြင့် (၁၁-၁၀-၂၀၂၃) မှ (၁၅-၁၀-၂၀၂၃) ရက်နေ့အတွင်း ကုန်သွယ်မှုဆောင်ရွက်ရာ၌ ပို့ကုန်ပိုင်းတွင် ဆန် (၉၆.၀၀) တန်၊ တန်ဖိုး (၀.၀၄၃) ဒေါ်လာသန်း၊ ဆန်ကွဲ (၁၂၂.၀၀)တန်၊တန်ဖိုး (၀.၀၅၄) ဒေါ်လာသန်း၊ ပြောင်း (၄၅၇.၀၀) တန်၊ တန်ဖိုး (၀.၁၂၁) ဒေါ်လာသန်း တင်ပို့နိုင်ခဲ့ပါသည်။

ပို့ကုန်သွင်းကုန် လိုင်စင်လျှောက်ထားခြင်းများကို Tradenet 2.0 System တွင် Online ဖြင့် လျှောက်ထားနိုင်သည့်အပြင် ကုန်သွယ်ရေးစခန်းများတွင်လည်း လာရောက်လျှောက်ထားပါက ခွင့်ပြုပေး လျက်ရှိပါသည်။

ချင်းရွှေဟော်ကုန်သွယ်ရေးစခန်းအနေဖြင့် ယခုအပတ် ၂၀၂၃ ခုနှစ်၊ အောက်တိုဘာလ (၇)ရက်နေ့မှ (၁၃)ရက်နေ့အတွင်း လုပ်ငန်းဆောင်ရွက်မှုမှာ ပို့ကုန်(၃.၀၆၁) ဒေါ်လာသန်း နှင့် သွင်းကုန် (၁၀.၆၉၀) ဒေါ်လာသန်း ကုန်သွယ်မှုပမာဏအနေဖြင့် (၁၃.၇၅၁) ဒေါ်လာသန်း ဆောင်ရွက်နိုင်ခဲ့ပြီး ယာဉ်စီးရေ အနေဖြင့် ပို့ကုန် (၂၆၃) စီး၊ သွင်းကုန် (၆၂၀) စီး ဆောင်ရွက်နိုင်ခဲ့ပါသည်။

   လွယ်ဂျယ်ကုန်သွယ်ရေးစခန်းအနေဖြင့် ၁၆-၁၀-၂၀၂၃ မှ ၁၇-၁၀-၂၀၂၃ ရက်နေ့အတွင်း ကုန်သွယ်မှုဆောင်ရွက်ရာ၌ ပို့ကုန်ပိုင်းတွင် ဆန် (၅၅.၀၀) တန်နှင့် ပြောင်း (၃၀.၀၀) တန် တင်ပို့ နိုင်ခဲ့သည်။

   ပို့ကုန်ပစ္စည်းဈေးနှုန်းများ အနေဖြင့် ဆန် တစ်တန်လျှင် (၄၆၉) ဒေါ်လာ၊ ဆန်ကွဲ တစ်တန် လျှင်(၄၀၈) ဒေါ်လာ၊ ပြောင်းတစ်တန်လျှင် (၃၁၀) ဒေါ်လာနှင့် ကြိမ် တစ်တန်လျှင် (၆၀၀) ဒေါ်လာ၊ ပဲတီစိမ်းတစ်တန်လျှင် (၆၆၀) ဒေါ်လာ၊ မြေထောက်ပဲ တစ်တန်လျှင် (၁၄၈၄) ဒေါ်လာနှင့် ရာဘာ တစ်တန်လျှင် (၁၃၀၀) ဒေါ်လာဖြစ်ကြောင်း သိရှိရသည်။

   ကံပိုင်တည်ကုန်သွယ်ရေးစခန်းမှ ၂၀၂၃ ခုနှစ်၊ အောက်တိုဘာလ  ၁၇ ရက်နေ့အတွင်း ပို့ကုန် ပိုင်းတွင် အဓိကပို့ကုန်ဖြစ်သည့် တစ်သျှူးငှက်ပျော တင်ပို့မှုအနေဖြင့် ဈေးနှုန်းတစ်တန်လျှင် (၂၄၉၃) ယွမ်/ (၃၄၅.၄၀)ဒေါ်လာတို့ဖြင့် တန်ချိန် (၁၄၆၇) တန်နှင့် လောင်စာတောင့် ဈေးနှုန်းတစ်တန်လျှင် (၁၆၈၀) ယွမ်/ (၂၃၀) ဒေါ်လာတို့ဖြင့် တန်ချိန် (၂၅.၀၀၀) တန်နှင့် ရှောက်ကောသီး ဈေးနှုန်း တစ်တန် လျှင် (၈၀၀၀) ယွမ်/ (၁၀၉၄) ဒေါ်လာတို့ဖြင့် တန်ချိန် (၁၆.၀၀၀) တန် တင်ပို့နိုင်ခဲ့ပါသည်။

   ချင်းရွှေဟော်ကုန်သွယ်ရေးစခန်း၏ ၂၀၂၃ ခုနှစ်၊ အောက်တိုဘာလ ၇ ရက်နေ့မှ ၁၇ ရက်နေ့ အထိ အများဆုံးတင်ပို့ခဲ့သည့် ပို့ကုန်ပစ္စည်း (၁၀) မျိုးမှာ ရာဘာ (၁၈၃၇.၇၅) တန်၊ ဆန်ကွဲ (၁၁၇၁.၂၅) တန်၊ ပြောင်း (၁၆၄၁.၅၀)တန်၊ နှမ်း (နက်) (၂၅၅.၅၅)တန်၊ ပဲယင်း (၃၄၀.၀၀)တန်၊ ဆန် (၅၃၉.၇၅) တန်၊ ဝဥခြောက်(၁၃၅.၃၅)တန်၊  ထောပတ်ပဲ (၁၃၃.၃၀) တန်၊ မြေထောက်ပဲ (၃၂.၀၀)တန် နှင့် မြေပဲ (အခွံပါ) (၅၃.၉၀)တန် တင်ပို့နိုင်ခဲ့သည်။