ဗုဒ္ဓဟူးနေ့ ။ ၀၉ ဇန်နဝါရီလ ၂၀၁၃ 17:40 PM
စားသုံးသူ အကာ အကွယ် ပေးရေးနဲ့ ကုန်သွယ်မှု မြှင့်တင်ရေး အတွက် တရားမဝင် ကုန်သွယ်မှုများကို တားဆီး ထိန်းချုပ်ရန် မြဝတီ- ရန်ကုန် လမ်းကြောင်းမှာ လှုပ်ရှား ရှာဖွေ တားဆီးရေး အဖွဲ့ (၂)ဖြင့် ၂ဝ၁၂ ခုနှစ် နိုဝင်ဘာလ၂ဝ ရက်နေ့မှ စတင်ကာ ပညာပေး ကာလ အဖြစ် စစ်ဆေး ဆောင်ရွက်လျက် ရှိပါတယ်။ ပညာပေး ကာလမှာ ၂ဝ၁၃ ခုနှစ် ဇန်နဝါရီလ ၂ဝ ရက်နေ့မှာ ကုန်ဆုံးမယ်လို့ သိရပါတယ်။
လှုပ်ရှား ရှာဖွေ တားဆီးရေး အဖွဲ့ (၂)နဲ့ မြဝတီ- ရန်ကုန် လမ်းကြောင်းတွင် စစ်ဆေး ဆောင်ရွက်ခြင်း၊ စခန်း အလိုက် ထုတ်နုတ် အင်အားနဲ့ စစ်ဆေး ဆောင်ရွက်ခြင်းများကို တာချီလိတ်၊ မြိတ်၊ ကော့သောင်း၊ တမူးနဲ့ ရိဒ် နယ်စပ် ကုန်သွယ်ရေး စခန်းများမှာ တရားမဝင် ကုန်သွယ်မှုများကို အကောက်ခွန် ဦးစီး ဌာန ဥပဒေ၊ လုပ်ထုံး လုပ်နည်းများနဲ့ အညီ အရေးယူ ဆောင်ရွက်မှုများကို ၂ဝ၁၃ ခုနှစ် ဇန်နဝါရီလ ၂၁ ရက်နေ့မှ စတင်မယ်လို့ သတင်း ရရှိပါတယ်။
Source: နကသ (ဦး)MTN