မြဝတီကုန်သွယ်ရေးဇုန်မှ ထိုင်းနိုင်ငံနှင့် နှစ်နိုင်ငံနယ်စပ်ကုန်သွယ်မှုများ ဆောင်ရွက်လျက်ရှိ ရာ ၂၆-၉-၂၀၂၃ ရက်နေ့မှ ၂၉-၉-၂၀၂၃ ရက်နေ့အထိ ပို့ကုန်တင်ပို့မှုအနေဖြင့် အများဆုံးတင်ပို့ခဲ့ သည့်ပို့ကုန်ပစ္စည်းများမှာ ငရုတ်၊ ကြက်သွန်နီ၊ CMP ပစ္စည်းများနှင့်ရေထွက်ပစ္စည်းဖြစ်သည့်  ငါးပါးလျှပ်၊ ငါးခွေးလျှာ၊ ငါးမြွေထိုး၊ ဂုံး၊ ပုစွန်၊ ကဏန်းတို့ဖြစ်ပြီးဂေါ်ဖီ၊ မြေပဲ၊ ကွမ်းရွက်၊ ကွမ်းသီးခြောက်၊ ငါးဖမ်းပိုက်ကွန်များနှင့် တောပန်းမြစ်ခြောက်တို့ကို တင်ပို့ခဲ့သည်။ 

   ကော့သောင်းကုန်သွယ်ရေးစခန်းအနေဖြင့် ထိုင်းနိုင်ငံသို့ အများဆုံးတင်ပို့နိုင်သည့် ပို့ကုန်ပစ္စည်း (၁၀) မျိုးမှာ ဆီအုန်း (၁၆၀) တန်၊ ကဏန်း (၃.၄၈၀) တန်၊ ပုစွန်  (၄.၂၆၀) တန်၊ ငါးရွှေ (၄.၈၀၀)တန်၊ငါးဝိုင်း (၁၆.၈၀)တန်၊ ငါးခွေးလျှာ (၁၁.၇၆၀) တန်၊ ငါးနီငယ် (၁၇၉.၃၇၀) တန်၊ ကဗျက်ငါး (၆၄.၁၁၀)တန်၊ပလာတူး(၃၉.၇၈၀) တန်နှင့် ကုလားငူငါး (၁.၆၈၀) တန်တို့ဖြစ်သည်။

   အများဆုံးတင်သွင်းခဲ့သည့် သွင်းကုန်ပစ္စည်း (၁၀) မျိုးမှာ ဒီဇယ်(၁၀၀) တန်၊ ပီလောပီနံ မှုန့် (၂၇၀.၀၀) တန်၊ ကျောက်ချဉ် (၃၀.၀၀) တန်၊ ဆီလီကွန် (၁၁.၀၀) တန်၊ ရေကူးကန်သန့်ဆေး ရည် (၂၂.၀၀) တန်ဖြစ်ကြောင်း သိရှိရသည်။

   တာချီလိတ်ကုန်သွယ်ရေးစခန်း အနေဖြင့် ထိုင်းနိုင်ငံ၊ တရုတ်နိုင်ငံတို့နှင့် ကုန်သွယ်မှု လုပ်ငန်းများ ဆောင်ရွက်လျက်ရှိရာ ၂၆-၉-၂၀၂၃ ရက်နေ့တွင် ပို့ကုန်တင်ပို့မှုအနေဖြင့် ကြက်သွန်ဖြူ (၇၀) တန်၊ ရာဘာ (၂၀) တန်၊ ကတ်ထူစက္ကူဖြတ်စ (၃၂) တန်နှင့် ပလပ်စတစ်ဖြတ်စ (၄) တန် တင်ပို့ နိုင်ခဲ့သည်။

   ကံပိုင်တည်ကုန်သွယ်ရေးစခန်းမှ တရုတ်နိုင်ငံသို့ ၂၀၂၃ ခုနှစ်၊ စက်တင်ဘာလ ၂၆ ရက်နေ့ အထိ ပို့ကုန်ပိုင်းတွင် အဓိကပို့ကုန်ဖြစ်သည့် တစ်သျှူးငှက်ပျော တင်ပို့မှုအနေဖြင့် ဈေးနှုန်းတစ်တန် လျှင် (၂၄၉၃) ယွမ်/ (၃၄၅.၄၀) ဒေါ်လာတို့ဖြင့် တန်ချိန် (၃၁၆၇) တန်၊ လောင်စာတောင့် ဈေးနှုန်း တစ်တန်လျှင်(၁၆၈၀) ယွမ်/ (၂၃၀) ဒေါ်လာတို့ဖြင့် တန်ချိန် (၅၀.၀၀၀) တန်နှင့် Iron Concentrate (Fe-64.512% / Fe-60.751%) ဈေးနှုန်း တစ်တန်လျှင် (၁၀၂) ဒေါ်လာတို့ဖြင့် တန်ချိန် (၄၄၀) တန် တင်ပို့နိုင်ခဲ့သည်။

   စစ်တွေကုန်သွယ်ရေးစခန်းမှ ဘင်္ဂလားဒေ့ရှ်နိုင်ငံသို့ ၂၀၂၃ ခုနှစ်၊စက်တင်ဘာလ ၂၃ ရက်နေ့မှ ၂၆ ရက်နေ့အထိအကောက်ခွန်ဦးစီးဌာန၏ အမှန်တင်ပို့/တင်သွင်းစာရင်းများအရ ပို့ကုန်အမေရိကန် ဒေါ်လာ (၀.၂၀၄၈) သန်းဖြစ်ရာ စုစုပေါင်းကုန်သွယ်မှုပမာဏ အမေရိကန်ဒေါ်လာ (၀.၂၀၄၈) သန်း ဆောင်ရွက်နိုင်မှုရှိကြောင်း သိရှိရသည်။

၂၀၂၃ ခုနှစ်၊ စက်တင်ဘာလ ၂၅ ရက်နေ့

                ၂၀၂၃-၂၀၂၄ ဘဏ္ဍာနှစ်၊ စက်တင်ဘာလလျာထားချက်မှာ ပို့ကုန် (၁.၅၀၀) ဒေါ်လာသန်း၊ သွင်းကုန် (၀.၀၄၀)ဒေါ်လာသန်း၊ ကုန်သွယ်မှုပမာဏ (၁.၅၄၀)ဒေါ်လာသန်းဖြစ်ပြီး စက်တင်ဘာလ (၁-၉-၂၀၂၃ မှ ၂၄-၉-၂၀၂၃ထိ) အမှန်ဆောင်ရွက်နိုင်မှုမှာ ပို့ကုန် (၁.၂၅၈)ဒေါ်လာသန်း၊ သွင်းကုန် (၀.၀၀၄)ဒေါ်လာသန်း၊ ကုန်သွယ်မှုပမာဏ(၁.၂၆၂)ဒေါ်လာသန်း ဆောင်ရွက်နိုင်ခဲ့ပြီး လျာထားချက်အပေါ် (၈၁.၉၅%)ဆောင်ရွက်နိုင်ခဲ့ပြီဖြစ်တယ်။

၂၀၂၃ ခုနှစ်၊ စက်တင်ဘာလ ၂၅ ရက်နေ့

မြန်မာ-ဘင်္ဂလားဒေ့ရှ် နှစ်နိုင်ငံတို့အကြား ကုန်သွယ်မှုမြှင့်တင်နိုင်ရေးအတွက် မြန်မာ-ဘင်္ဂလားဒေ့ရှ် နယ်စပ်ရှိ ရခိုင်ပြည်နယ်၊ စစ်တွေကုန်သွယ်ရေးစခန်းနှင့် မောင်တောကုန်သွယ်ရေး စခန်းတို့ဖွင့်လှစ်၍ နယ်စပ်မှတစ်ဆင့် ကုန်သွယ်မှုလုပ်ငန်းများ ဆောင်ရွက်ပေးလျက်ရှိပါသည်။

၂၀၂၃ ခုနှစ်၊ စက်တင်ဘာလ ၂၅ ရက်နေ့

         မောတောင်ကုန်သွယ်ရေးစခန်းအနေဖြင့်၂၀၂၃ ခုနှစ်၊ စက်တင်ဘာလ(၂၀) ရက်နေ့မှ ( ၂၄ ) ရက်နေ့ အထိ ပို့ကုန်တန်ဖိုးအမေရိကန်ဒေါ်လာ (၀.၃၁၇၄) သန်း၊ သွင်းကုန်တန်ဖိုး အမေရိကန်ဒေါ်လာ(၀.၀၄၇၆) သန်း၊ စုစုပေါင်း ကုန်သွယ်မှုပမာဏ အမေရိကန်ဒေါ်လာ (၀.၃၆၅)သန်း ကုန်သွယ်မှု ဆောင်ရွက်နိုင်ခဲ့သည်။

၂၀၂၃ ခုနှစ်၊ စက်တင်ဘာလ ၂၅ ရက်နေ့

          ကော့သောင်းကုန်သွယ်ရေးစခန်းသည် တစ်ဖက်ထိုင်းနိုင်ငံသို့ ရေထွက်ပစ္စည်းများကို FOB စနစ်ဖြင့် အဓိကတင်ပို့နေသော ပို့ကုန်အသာစီးရသည့် စခန်းတစ်ခုဖြစ်သည်။ အဓိက တင်ပို့နေသော ပစ္စည်းများမှာ ငါးမျိုးစုံ၊ပုစွန်၊ ရေဘဝဲ၊ ကဏန်း၊ ကင်းမွန်(စို/ခြောက်)၊ ငါးပါကင်၊ ဆီအုန်း၊ သီဟိုဠ်စေ့တို့ ဖြစ်သည်။

၂၀၂၃ ခုနှစ်၊ စက်တင်ဘာ လ ၂၅ ရက်နေ့