ကုန်သွယ်ရေးပူးတွဲကော်မရှင်/ ကော်မတီဖွဲ့စည်းရန် ချုပ်ဆိုထားသော နားလည်မှုစာချွန်လွှာများ ချုပ်ဆိုထားမှုအခြေအနေနှင့် နှစ်နိုင်ငံကုန်သွယ်ရေးပူးတွဲကော်မရှင်/ ကော်မတီအစည်းအဝေး ကျင်းပထားရှိမှုများ
မြန်မာ - အိန္ဒိယ
၁။ မြန်မာနှင့် အိန္ဒိယနိုင်ငံတို့အကြား ကုန်သွယ်ရေးပူးတွဲကော်မတီဖွဲ့စည်းရေးဆိုင်ရာ နားလည်မှု စာချွန်လွှာကို ၂၀၀၃ ခုနှစ်၊ ဇူလိုင်လ(၁၄)ရက်နေ့တွင် မြန်မာနိုင်ငံဘက်မှ စီးပွားရေးနှင့်ကူးသန်းရောင်းဝယ်ရေးဝန်ကြီးနှင့် အိန္ဒိယနိုင်ငံဘက်မှ ကူးသန်းရောင်းဝယ်ရေးနှင့် စက်မှုဝန်ကြီးတို့မှ လက်မှတ်ရေးထိုးခဲ့ပါသည်။
၂။ အဆိုပါနားလည်မှုစာချွန်လွှာအရ မြန်မာ-အိန္ဒိယ နှစ်နိုင်ငံကုန်သွယ်ရေးပူးတွဲကော်မတီအစည်း အဝေးများကို ၂၀၀၃ ခုနှစ်မှ စတင်၍ အောက်ပါအတိုင်း နှစ်နိုင်ငံအလှည့်ကျကျင်းပခဲ့ပါသည် -
စဉ် ကြိမ်ရေ ရက်စွဲ
(က) ပထမအကြိမ် (ရန်ကုန်မြို့) - ၁၅-၇-၂၀၀၃
( ခ ) ဒုတိယအကြိမ်(နယူးဒေလီမြို့) - ၁၂-၅-၂၀၀၆
( ဂ ) တတိယအကြိမ်(မန္တလေးမြို့) - ၁၅-၁၀-၂၀၀၈
(ဃ) စတုတ္ထအကြိမ်(နယူးဒေလီမြို့) - ၂၇-၉-၂၀၁၁
( င ) ပဉ္စမအကြိမ်(နေပြည်တော်) - ၁၇-၁၂-၂၀၁၅
(စ) ဆဌမအကြိမ်(နယူးဒေလီမြို့) - ၂၇ - ၆ - ၂၀၁၇
(ဆ) သတ္တမအကြိမ် - ၂၄-၁၁-၂၀၂၀ (ဗီဒီယိုကွန်ဖရင့်)
(နေပြည်တော်+နယူးဒေလီမြို့)
မြန်မာ - ဘင်္ဂလားဒေ့ရှ်
၁။ မြန်မာ - ဘင်္ဂလားဒေ့ရှ် နှစ်နိုင်ငံအကြားကုန်သွယ်ရေးပူးတွဲကော်မရှင် ဖွဲ့စည်းရေးဆိုင်ရာ နားလည်မှုစာချွန်လွှာကို ၂၀၀၃ ခုနှစ်၊ မတ်လ ၁၉ ရက်နေ့တွင် ရန်ကုန်မြို့၌ မြန်မာနိုင်ငံဘက်မှ စီးပွားရေးနှင့်ကူးသန်းရောင်းဝယ်ရေးဝန်ကြီးနှင့် ဘင်္ဂလားဒေ့ရှ်နိုင်ငံဘက်မှ ကူးသန်းရောင်းဝယ်ရေး ဝန်ကြီးတို့မှ လက်မှတ်ရေးထိုးခဲ့ပါသည်။
၂။ မြန်မာ - ဘင်္ဂလားဒေ့ရှ် နှစ်နိုင်ငံအကြား ကုန်သွယ်ရေးပူးတွဲကော်မရှင်အစည်းအဝေးကို အောက်ပါအတိုင်း အလှည့်ကျ ကျင်းပပြုလုပ်ခဲ့ပါသည်-
စဉ် ကြိမ်ရေ ရက်စွဲ
(က) ပထမအကြိမ် (ရန်ကုန်မြို့) - ၂၆-၇-၂၀၀၄
( ခ ) ဒုတိယအကြိမ်(ဒါကာမြို့) - ၁၂-၁၁-၂၀၀၇
( ဂ ) တတိယအကြိမ်(နေပြည်တော်) - ၈-၄-၂၀၀၉
(ဃ) စတုတ္ထအကြိမ်(ဒါကာမြို့) - ၂၃-၉-၂၀၁၀
( င ) ပဉ္စမအကြိမ်(နေပြည်တော်) - ၂၂-၇-၂၀၁၁
( စ ) ဆဌမအကြိမ်(ဒါကာမြို့) - ၁၂-၁၁-၂၀၁၂
(ဆ) သတ္တမအကြိမ်(နေပြည်တော်) - ၁၅-၁-၂၀၁၄
(ဇ) အဌမအကြိမ်(ဒါကာမြို့) - ၁၀-၁၁-၂၀၁၆
မြန်မာ - ထိုင်း
၁။ မြန်မာ-ထိုင်း နှစ်နိုင်ငံအကြား ကုန်သွယ်ရေးပူးတွဲကော်မရှင် ထူထောင်ရေးနားလည်မှု စာချွန်လွှာကို ၁၉၉၀ ခုနှစ်၊ ဖေဖော်ဝါရီလ ၂ ရက်နေ့တွင် လက်မှတ် ရေးထိုးခဲ့ပါသည်။ အဆိုပါ နားလည်မှုစာချွန်လွှာအရ မြန်မာ-ထိုင်း နှစ်နိုင်ငံ ကုန်သွယ်ရေးပူးတွဲကော်မရှင် (Joint Trade Commission - JTC) အစည်းအဝေး များကို နှစ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဝန်ကြီးများမှ ပူးတွဲဥက္ကဋ္ဌအဖြစ် ဦးဆောင်ပြီး နှစ်နိုင်ငံအလှည့်ကျ ကျင်းပပြုလုပ်လျက်ရှိပါသည်။
၂။ မြန်မာ - ထိုင်း နှစ်နိုင်ငံကုန်သွယ်ရေးပူးတွဲကော်မရှင်အစည်းအဝေးအား အောက်ပါအတိုင်း ကျင်းပပြုလုပ်ခဲ့ပါသည်-
စဉ် ကြိမ်ရေ ရက်စွဲ
(က) ပထမအကြိမ် (ဘန်ကောက်မြို့) - ၉-၉-၁၉၉၈
(ခ) ဒုတိယအကြိမ် (ရန်ကုန်မြို့) - ၅-၈-၂၀၀၀
(ဂ) တတိယအကြိမ် (ဘန်ကောက်မြို့) - ၁၉-၃-၂၀၀၂
(ဃ) စတုတ္ထအကြိမ် (ရန်ကုန်မြို့) - ၂၆-၁-၂၀၀၄
(င) ပဉ္စမအကြိမ် (ဘန်ကောက်မြို့) - ၅-၄-၂၀၁၀
(စ) ဆဌမအကြိမ် (ဘန်ကောက်မြို့) - ၂-၁၁-၂၀၁၂
(ဆ) သတ္တမအကြိမ် (နေပြည်တော်) - ၈-၇-၂၀၁၆
မြန်မာ-ဗီယက်နမ်
၁။ မြန်မာနှင့် ဗီယက်နမ်နိုင်ငံတို့အကြား ကုန်သွယ်ရေး ပူးတွဲကော်မတီထူထောင်ရေးဆိုင်ရာ နားလည်မှုစာချွန်လွှာအား ၂၀၀၂ ခုနှစ်၊ မေလ ၆ ရက်နေ့တွင် မြန်မာနိုင်ငံ၊ ရန်ကုန်မြို့၌ လက်မှတ် ရေးထိုးခဲ့ပြီး အစည်းအဝေးများအား နှစ်နိုင်ငံအိမ်ရှင်အဖြစ် အလှည့်ကျ ကျင်းပခဲ့ပါသည်။
၂။ အဆိုပါနားလည်မှုစာချွန်လွှာအရ မြန်မာ-ဗီယက်နမ် ကုန်သွယ်ရေးပူးတွဲကော်မတီအစည်း အဝေးများကို အောက်ပါအတိုင်း ကျင်းပပြုလုပ်ခဲ့ပါသည်-
စဉ် ကြိမ်ရေ ရက်စွဲ
(က) ပထမအကြိမ် (ဟနွိုင်းမြို့) - ၇-၁၀-၂၀၀၂
(ခ) ဒုတိယအကြိမ် (ရန်ကုန်မြို့) - ၂၂-၁၂-၂၀၀၃
(ဂ) တတိယအကြိမ် (ဟနွိုင်းမြို့) - ၄-၁၁-၂၀၀၅
(ဃ) စတုတ္ထအကြိမ် (နေပြည်တော်မြို့) - ၁၂-၁-၂၀၀၇
(င) ပဉ္စမအကြိမ်(ဟနွိုင်းမြို့) - ၂၇-၂-၂၀၀၉
(စ) ဆဌမအကြိမ် (နေပြည်တော်မြို့) - ၈-၅-၂၀၁၂
(ဆ) သတ္တမအကြိမ် (ဟနွိုင်းမြို့) - ၃၀-၈-၂၀၁၃
(ဇ) အဌမအကြိမ် (နေပြည်တော်မြို့) - ၂၆-၃-၂၀၁၅
(ဈ) နဝမအကြိမ်(ဟနွိုင်းမြို့) - ၂၈-၂-၂၀၁၇
(ည) ဒသမအကြိမ် (နေပြည်တော်မြို့) - ၁၇-၉-၂၀၁၉
မြန်မာ-ကိုရီးယား
၁။ မြန်မာ-ကိုရီးယားနှစ်နိုင်ငံအကြား ကုန်သွယ်ရေးနှင့်စက်မှုပူးပေါင်းဆောင်ရွက်ရေးကို အားပေး မြှင့်တင်ခြင်းအားဖြင့် မြန်မာနိုင်ငံ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် ကိုရီးယားနိုင်ငံ၊ ကုန်သွယ်ရေး၊ စက်မှုနှင့်စွမ်းအင်ဝန်ကြီးဌာနတို့အကြား ကုန်သွယ်ရေးနှင့် စက်မှုပူးပေါင်း ဆောင်ရွက်ရေး ဆိုင်ရာနားလည်မှုစာချွန်လွှာကို ၂၀၁၉ ခုနှစ်၊ စက်တင်ဘာလ (၃) ရက်နေ့တွင် နေပြည်တော်၌ လက်မှတ်ရေးထိုးခဲ့ကြပါသည်။
၂။ အဆိုပါ နားလည်မှုစာချွန်လွှာအရ ပထမအကြိမ် မြန်မာနှင့်ကိုရီးယား ကုန်သွယ်ရေးနှင့် စက်မှုပူးပေါင်းဆောင်ရွက်ရေး ပူးတွဲကော်မရှင် (Joint Commission for Trade and Industrial Cooperation - JCTIC) အစည်းအဝေးကို ၂၀၂၀ ပြည့်နှစ်၊ စက်တင်ဘာလ ၁၆ ရက်နေ့တွင် မြန်မာ နိုင်ငံဘက်မှ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးနှင့် ကိုရီးယား သမ္မတနိုင်ငံဘက်မှ ကုန်သွယ်ရေး၊ စက်မှုနှင့် စွမ်းအင်ဝန်ကြီးဌာန၊ ဝန်ကြီးတို့မှ ပူးတွဲဥက္ကဋ္ဌအဖြစ် ဆောင်ရွက်ပြီး နှစ်နိုင်ငံအကြား ဗီဒီယိုကွန်ဖရင့်စနစ်ဖြင့် ကျင်းပပြုလုပ်ခဲ့ပါသည်။
မြန်မာ-တရုတ်
မြန်မာ-တရုတ် နှစ်နိုင်ငံအကြား ချောမွေ့သောကုန်သွယ်မှုမြှင့်တင်ရေးလုပ်ငန်းအဖွဲ့၏ လုပ်ငန်းညှိနှိုင်းအစည်းအဝေး
၁။ မြန်မာနိုင်ငံနှင့် တရုတ်နိုင်ငံအကြား ချောမွေ့သောကုန်သွယ်မှုမြှင့်တင်ရေးလုပ်ငန်းအဖွဲ့ တည်ထောင်ခြင်းဆိုင်ရာ နားလည်မှုစာချွန်လွှာအား ၂၀၂၀ ပြည့်နှစ်၊ ဇန်နဝါရီလ (၁၈) ရက်နေ့တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ပြည်ထောင်စုဝန်ကြီးနှင့် တရုတ်ပြည်သူ့သမ္မတနိုင်ငံ၊ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှ ဝန်ကြီးတို့ လက်မှတ်ရေးထိုးခဲ့ကြပါသည်။
၂။ အဆိုပါ နားလည်မှုစာချွန်လွှာအရ မြန်မာ-တရုတ် နှစ်နိုင်ငံအကြားချောမွေ့သောကုန်သွယ်မှုမြှင့်တင်ရေးလုပ်ငန်းအဖွဲ့၏ လုပ်ငန်းညှိနှိုင်းအစည်းအဝေးများကို ၂၀၂၀ ပြည့်နှစ်မှစတင်၍ ကျင်းပပြုလုပ်ခဲ့ပါသည်-
စဉ် ကြိမ်ရေ/ ကျင်းပသည့်မြို့ ရက်စွဲ
(က) ပထမအကြိမ် - ၂၅-၈-၂၀၂၀
(နေပြည်တော်-ပေကျင်း)(Virtual စနစ်)
(ခ) ဒုတိယအကြိမ် - ၃၀-၃-၂၀၂၂
(နေပြည်တော်-ပေကျင်း)(Virtual စနစ်)
မြန်မာ-တရုတ် နှစ်နိုင်ငံအကြား နယ်စပ်ကုန်သွယ်မှုပူးပေါင်းညှိနှိုင်းရေးကော်မတီ (JBTCCC) အစည်းအဝေး
၁။ ပြည်ထောင်စုသမ္မတမြန်မာနိုင်ငံတော်အစိုးရနှင့် တရုတ်ပြည်သူ့သမ္မတနိုင်ငံတို့အကြား ချုပ်ဆိုခဲ့သည့် မြန်မာ-တရုတ် နယ်စပ်ဒေသများစီမံခန့်ခွဲရေးနှင့် ပူးပေါင်းဆောင်ရွက်ရေးဆိုင်ရာသဘောတူစာချုပ် (၁၉၉၇)အရ မြန်မာ-တရုတ် နှစ်နိုင်ငံအကြား ကုန်သွယ်မှုဆိုင်ရာကိစ္စရပ်များ လျင်မြန်ချောမွေ့စေရန်နှင့် ကုန်သွယ်မှု ဆိုင်ရာအခက်အခဲများ ပူးပေါင်းဖြေရှင်းနိုင်ရန်အတွက် မြန်မာ-တရုတ် နယ်စပ်ကုန်သွယ်မှုပူးပေါင်းညှိနှိုင်းရေးကော်မတီ (Joint Border Trade Cooperating and Coordinating Committee –JBTCCC) အစည်းအဝေးအား နှစ်နိုင်ငံညွှန်ကြားရေးမှူးချုပ်တို့ ဦးဆောင်၍သက်ဆိုင်ရာဌာနများ၊ အသင်းအဖွဲ့များပါဝင်သည့် ကိုယ်စားလှယ် အဖွဲ့များဖြင့် နှစ်စဉ်နှစ်နိုင်ငံအလှည့်ကျ ကျင်းပပြုလုပ်လျက်ရှိပါသည်-
စဉ် ကြိမ်ရေ/ကျင်းပသည့်မြို့ ရက်စွဲ
(က) ပထမအကြိမ် - ၉-၆-၂၀၀၅
(ကူမင်းမြို့)
( ခ ) ဒုတိယအကြိမ် - ၁၈-၁၂-၂၀၀၆
(မူဆယ်မြို့)
( ဂ ) တတိယအကြိမ် - ၁၆-၁၂-၂၀၀၇
(ရွှေလီမြို့)
(ဃ) စတုတ္ထအကြိမ် - ၁၇-၁၂-၂၀၀၈
(မူဆယ်မြို့)
( င ) ပဉ္စမအကြိမ် - ၂-၁၂-၂၀၀၉
(ရွှေလီမြို့)
( စ ) ဆဌမအကြိမ် - ၂၉-၄-၂၀၁၁
(မူဆယ်မြို့)
(ဆ) သတ္တမအကြိမ် - ၈-၁၂-၂၀၁၁
(ရွှေလီမြို့)
( ဇ ) အဌမအကြိမ် - ၉-၁၂-၂၀၁၂
(မူဆယ်မြို့)
( ဈ ) န၀မအကြိမ် - ၆-၁၂-၂၀၁၃
(ရွှေလီမြို့)
(ည) ဒသမအကြိမ်မြောက် - ၁၁-၁၂-၂၀၁၄
(မူဆယ်မြို့)
(ဋ) (၁၁)ကြိမ်မြောက် - ၁၅-၁၂-၂၀၁၅
(ရွှေလီမြို့)
(ဌ) (၁၂) ကြိမ်မြောက် - ၂၆-၁၂-၂၀၁၇
(ရွှေလီမြို့)
(ဍ) (၁၃) ကြိမ်မြောက် - ၁၂-၁၂-၂၀၁၈
(မူဆယ်မြို့)
(ဎ) (၁၄) ကြိမ်မြောက် - ၁၀-၁၂-၂၀၁၉
(ရွှေလီမြို့)
(ဏ) (၁၅)ကြိမ်မြောက် - ၂၂-၁၂-၂၀၂၀
(နေပြည်တော်-ကူမင်း) (Virtual စနစ်)
မြန်မာ-ရုရှား
မြန်မာ-ရုရှားနှစ်နိုင်ငံအကြားအခြားဝန်ကြီးဌာနများမှ ကြီးမှူး၍ ကျင်းပပြုလုပ်ခဲ့သည့် အစည်းအဝေးများသို့ တက်ရောက်ခဲ့မှုအခြေအနေ
၁။ ရုရှားဖက်ဒရေးရှင်းနိုင်ငံ၏ ဖိတ်ကြားချက်အရစီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးထွန်းအုံသည် ဒုတိယဝန်ကြီးချုပ်နှင့် ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး ဗိုလ်ချုပ်ကြီး မြထွန်းဦး ဦးဆောင်သောမြန်မာကိုယ်စားလှယ်အဖွဲ့နှင့်အတူ ၂၀၂၄ ခုနှစ် ၊ ဇွန်လ(၅)ရက်နေ့မှ (၈)ရက်နေ့အထိ ရုရှားနိုင်ငံ၊ စိန့်ပီတာစဘတ်မြို့၌ ကျင်းပခဲ့သည့် (၂၇)ကြိမ်မြောက် စိန့်ပီတာစဘတ်နိုင်ငံတကာစီးပွားရေးဖိုရမ် (The 27th St. Petersburg International Economic Forum – SPIEF) သို့ တက်ရောက်ခဲ့ပါသည်။ အဆိုပါခရီးစဉ်သို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးနှင့်အတူ ကုန်သွယ်ရေးဦးစီးဌာနမှ ညွှန်ကြားရေးမှူး ဦးအောင်မင်းသိုက်လည်း အဖွဲ့ဝင်အဖြစ် ပါဝင်တက်ရောက်ခဲ့ပါသည်။
၂။ ရုရှားဖက်ဒရေးရှင်းနိုင်ငံ၏ ဖိတ်ကြားချက်အရ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးထွန်းအုံသည် ဒုတိယဝန်ကြီးချုပ်နှင့် ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး ဗိုလ်ချုပ်ကြီး မြထွန်းဦး ဦးဆောင်သော မြန်မာကိုယ်စားလှယ်အဖွဲ့နှင့်အတူ ၂၀၂၄ ခုနှစ် ၊ စက်တင်ဘာလ ၃ ရက်နေ့မှ ၆ ရက်နေ့အထိ ရုရှားနိုင်ငံ၊ ဗလာဒီဗော့စတော့မြို့၌ ကျင်းပခဲ့သည့် (၉) ကြိမ်မြောက် အရှေ့ဖျားစီးပွားရေးဖိုရမ် (9th Eastern Economic Forum - EEF) သို့ တက်ရောက်ခဲ့ပါသည်။ အဆိုပါ ခရီးစဉ်သို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးနှင့်အတူ ကုန်သွယ်ရေးဦးစီးဌာနမှ ညွှန်ကြားရေးမှူး ဦးအောင်မင်းသိုက်လည်း အဖွဲ့ဝင်အဖြစ် ပါဝင်တက်ရောက်ခဲ့ပါသည်။