လာမဲ့ဘဏ္ဍာနှစ်မှာ အိန္ဒိယနိုင်ငံအနေနဲ့ ပြည်ပမှရော်ဘာတင်သွင်းမှုဟာ ၁၈ ရာခိုင်နှုန်းထိ တန်ချိန် အားဖြင့် ၅၀ဝဝဝ၀ မြင့်တက်လာနိုင်မယ်လို့ ရော်ဘာကဏ္ဍမှ တာဝန်ရှိသူများက ပြောကြား လိုက်ပါတယ်။ပြည်တွင်းသုံးစွဲမှုမြင့်တက်ခြင်းနဲ့ ကမ္ဘာ့ရော်ဘာဈေးများ ကျဆင်းလာခြင်းတို့ကြောင့်လို့ သိရပါတယ်။
BJP ပါတီ၏ ဖိတ်ခေါ်မှုကြောင့် အိန္ဒိယနိုင်ငံရထားပို့ဆောင်ရေးဝန်ကြီး Suresh Prabho သည် ၂၀၁၅ ခုနှစ် မတ်လအကုန်တွင် မဏိပူရပြည်သို့လာရောက်မည်ဖြစ်ကြောင်း၊ ၎င်းပါတီမှ အင်ဖာမြို့နှင့် အိန္ဒိယ-မြန်မာ နယ်စပ်မိုရေးမြို့ တို့ကိုဆက်သွယ်သည့် မီးရထားလမ်းမကြီးကို အမြန်ဆုံးဖောက်လုပ်ရန် တောင်းဆိုမည် ဖြစ်ကြောင်း၊ အဆိုပါမီးရထားလမ်းသည် အိန္ဒိယ-မြန်မာနယ်စပ်ကုန်သွယ်ရေးကို အထောက်အကူပြုစေမည် ဖြစ်ကြောင်း မတ်လ ၂ ရက်နေ့ထုတ် The Sangai Express သတင်းစာမှာ ဖော်ပြထားတယ်လို့ သတင်း ရရှိပါတယ်။
စစ်ကိုင်းတိုင်းဒေသကြီး၊ ကူးသန်းရောင်းဝယ်ရေးနှင့် စားသုံးသူရေးရာဦးစီးဌာန၊ စစ်ကိုင်းတိုင်း ဒေသကြီး ဦးစီးမှူးရုံးမှ ဝန်ထမ်းများသည် ၂၀၁၅ ခုနှစ် မတ်လ ၅ ရက်နေ့နှင့် ၆ ရက်နေ့များတွင် ရွှေဘိုခရိုင်၊ ဒီပဲယင်းမြို့၊ ခင်ဦးမြို့၊ ရေဦးမြို့နှင့် တန့်ဆည်မြို့များတွင် စားသုံးသူအကာအကွယ်ပေးရေး လုပ်ငန်းမှ ပညာပေးဟောပြော ခြင်းကို သွားရောက်ဆောင်ရွက်ခဲ့ကြပါသည်။
ဖေဖော်ဝါရီလ ၁၃ ရက်နေ့ ၁၈ း ဝဝ ခန့်မှာ Mobile Team လရ-၁ အဖွဲ့ဟာ ရှောင်ကွင်းလမ်းအား လှည့်လည်စစ်ဆေးစဉ် ရှောင်ကွင်းလမ်းဘေး တစ်နေရာမှာ စုပုံထားတဲ့ ကျွန်းသစ်နဲ့ ပြုလုပ်ထားတယ်လို့ ယူဆရတဲ့ တံခါးချပ်ကြီး ၆ ချပ်၊ အသေး ၉ ချပ်၊ သစ်ပြားအတို/အရှည် ၁၈ ချပ်၊ ပွတ်လုံးတိုင် ၂ တိုင်တို့ကို သိမ်းဆည်းရမိခဲ့တဲ့အတွက် အကောက်ခွန်လုပ်ထုံးလုပ်နည်းနဲ့အညီ အကောက်ခွန်အမှုတွဲဖွင့်ပြီး မြို့နယ် သစ်တောဦးစီးဌာနသို့ အပ်နှံသွားမယ်လို့ ရှေ့ပြေးသတင်းများရရှိထားပါတယ်။