Department of Trade

၂၀၁၃-၂၀၁၄ ဘဏ္ဍာနှစ် ဧပြီလမှ ဒီဇင်ဘာလထိ Mobile Team များမှ အများပြည်သူ စား သုံးရန် မသင့်သော ဘေးအန္တရာယ်ဖြစ်စေတဲ့ စားသောက်ကုန် ပစ္စည်းများနဲ့ အများပြည်သူသုံးစွဲရန် မသင့်သော ကုန်ပစ္စည်းများကို အမှုတွဲအားဖြင့်  ၁၂၇ ခု၊ တန်ဖိုးအားဖြင့် ကျပ်  ၃၉၁ ဒသမ ၈၅၅ သန်း (ခန့်မှန်း) အားဖျက်ဆီးနိုင်ခဲ့ ပါတယ်။ Mobile Team အလိုက် ဖျက်ဆီးဆောင်ရွက်နိုင်မှုများကို  ၂၀၁၂-၂၀၁၃  ဘဏ္ဍာနှစ် ကာလတူနဲ့ နှိုင်းယှဉ်ဖော်ပြပေးလိုက်ရပါတယ်-

ပင်လယ်ရေကြောင်းကုန်သွယ်မှုမှ ဒီဇင်ဘာ ၂၈ ရက်မှ ဇန်နဝါရီလ ၃ ရက်နေ့ထိကာလအတွင်းမှာ ကန်ဒေါ်လာ ၁ ဒသမ ၁၀၉ သန်း တန်ဖိုးရှိ ရော်ဘာ ၈၈၆ တန်တင်ပို့ခဲ့ပါတယ်။ ယခင်သီတင်းပတ်က ၄၁၄ တန်သာ တင်ပို့နိုင်ခဲ့တာမို့ ယခု သီတင်းပတ်မှာ ၄၇၂ တန် ပိုမိုတင်ပို့နိုင်ခဲ့ပါတယ်။ နိုင်ငံအလိုက် တင်ပို့မှုများကတော့ မလေးရှားနိုင်ငံကို RSS-3 ၆၇၅ တန်၊ MSR  50 ၂၅ တန်နဲ့ စင်ကာပူနိုင်ငံကို   MSR 20  ၁၈၆ တန်ကျော် ဖြစ်ပါတယ်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကူးသန်းရောင်းဝယ်ရေးနှင့် စားသုံးသူရေးရာဦးစီးဌာနမှ ဝန်ထမ်းများသည် မကွေးတိုင်းဒေသကြီး အစိုးရအဖွဲ့၏ဦးဆောင်မှု၊ ရုံးချုပ်နေပြည်တော်၏ ညွှန်ကြားချက်များနှင့်အညီ တိုင်းဒေသ ကြီးအတွင်းရှိ ကျောင်းများ ဈေးများတွင် စားသုံးသူအကာအကွယ်ပေးရေးဆိုင်ရာ အသိပညာပေးဟောပြောပွဲများကို အပတ်စဉ် ကျင်းပလျက်ရှိရာ ၂၀၁၅ ခုနှစ် ဇန်နဝါရီလ (၁) ရက်နေ့ နံနက်ပိုင်းက မကွေးမြို့ ကန်သာရပ်ကွက် ကန်သာဈေးကြီးတွင် စားသုံးသူအကာအကွယ်ပေးရေးဆိုင်ရာ အသိပညာပေး ဟောပြောဆွေးနွေးပွဲ ကျင်းပခဲ့ပါသည်။

      စဉ်          စခန်းအမည်        ယခုသီတင်းပတ်       ယခင်သီတင်းပတ်          နှိုင်းယှဉ်ချက်

၂၀၁၄ ခုနှစ်ရဲ့ ဒီဇင်ဘာလ နောက်ဆုံးပတ်မှာ နယ်စပ်ကုန်သွယ်ရေးစခန်းများက ကန်ဒေါ်လာ သုည  ဒသမ ၃၂၀  သန်းဖိုးရှိ ရော်ဘာ  ၂၃၂  တန်တင်ပို့ခဲ့ရာမှာ မူဆယ်  ၁၀၅ မိုင်ကုန်သွယ်ရေးဇုန်က RSS- 3 ၁၀၂ တန်ကျော်၊ ချင်းရွှေဟော်စခန်းက MSR-50 ၁၅တန်နဲ့ လွယ်ဂျယ်စခန်းက ၁၁၅ တန် ဖြစ်ပါတယ်။ ယခင်သီတင်းပတ်က  ၁၅၇၁ တန်တင်ပို့နိုင်ခဲ့တာမို့ ယခုသီတင်းပတ်မှာ  ၁၃၃၉  တန် လျော့နည်းခဲ့ပါတယ်။

မြန်မာ-တရုတ်နယ်စပ်ရှိ ကန်ပိုက်တီးနယ်စပ်ကုန်သွယ်ရေးစခန်းရဲ့ ဒီဇင်ဘာလကုန်သွယ်မှုပမာဏ ဟာ အနီးစပ်ဆုံးကာလထက်ရော ယမန်နှစ်ကာလတူထက်ပါ ပိုမိုဆောင်ရွက်နိုင်ပါတယ်။

၂၀၁၄ ခုနှစ် ဒီဇင်ဘာလနောက်ဆုံးပတ်မှာ မြန်မာ-တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေး ဇုန်မှ တစ်ဆင့် ကန်ဒေါ်လာ သုည ဒသမ ဝ၉၂ သန်း တန်ဖိုးရှိ ဝဥခြောက် တန် ၅၀ အပြင် ကန်ဒေါ်လာ သုည ဒသမ ဝ၀၅ သန်းဖိုးရှိတဲ့ ဝဥအစို ၁၅ တန်ကိုလည်း တင်ပို့ခဲ့ပါတယ်။ ယခင် သီတင်းပတ်က ဝဥခြောက် ၇၉ တန် တစ်မျိုးတည်း တင်ပို့ခဲ့ပါတယ်။ ၂၀၁၄ ခုနှစ် ဒီဇင်ဘာလအတွင်း မူဆယ်မှ တရုတ်ပြည်ကို ဝဥခြောက် ၅၆၈ တန်ခွဲနဲ့ ဝဥအစို ၁၅ တန် တင်ပို့နိုင်ခဲ့ပါတယ်။

၂၀၁၄ ခုနှစ် ဒီဇင်ဘာလတွင် ကန်ဒေါ်လာ ၂၇၂၈၄ တန်ဖိုးရှိ ပြောင်းကြိတ်ဖတ် ၂၇၈ တန်ခွဲကို မြန်မာ- တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ တင်ပို့နိုင်ခဲ့ပါတယ်။ နိုဝင်ဘာလအတွင်းမှာတော့ ၆၈ တန်ခွဲသာ တင်ပို့ခဲ့ပြီး တရုတ်နိုင်ငံမှာ တိရစ္ဆာန်အစာဖြစ် အသုံးပြုကြတာ ဖြစ်ပါတယ်။