Department of Trade

           ဖေဖော်ဝါရီလ ၁၃ ရက်နေ့ ၁၈ း ဝဝ  ခန့်မှာ Mobile Team လရ-၁ အဖွဲ့ဟာ ရှောင်ကွင်းလမ်းအား လှည့်လည်စစ်ဆေးစဉ် ရှောင်ကွင်းလမ်းဘေး တစ်နေရာမှာ စုပုံထားတဲ့ ကျွန်းသစ်နဲ့ ပြုလုပ်ထားတယ်လို့ ယူဆရတဲ့ တံခါးချပ်ကြီး ၆ ချပ်၊ အသေး ၉ ချပ်၊ သစ်ပြားအတို/အရှည် ၁၈ ချပ်၊ ပွတ်လုံးတိုင် ၂ တိုင်တို့ကို  သိမ်းဆည်းရမိခဲ့တဲ့အတွက် အကောက်ခွန်လုပ်ထုံးလုပ်နည်းနဲ့အညီ အကောက်ခွန်အမှုတွဲဖွင့်ပြီး မြို့နယ် သစ်တောဦးစီးဌာနသို့ အပ်နှံသွားမယ်လို့ ရှေ့ပြေးသတင်းများရရှိထားပါတယ်။

           ဖေဖော်ဝါရီလ၂၁ ရက်နေ့မှ၂၇ ရက်နေ့ထိကာလအတွင်းမှာ ကန်ဒေါ်လာ သုည ဒသမ ၁၈၉ သန်း ဖိုးရှိ ရော်ဘာ ၁၃၅ တန်ကျော်ကို မူဆယ် ၁၀၅ မိုင် ကုန်သွယ်ရေးဇုန်မှ တင်ပို့ခဲ့ပါတယ်။မူဆယ်မှ ယခု သီတင်းပတ်မှာ RSS-3 ၁၃၁ တန်နဲ့ MSR -50 ၄ တန်ခွဲ တင်ပို့ခဲ့တာဖြစ်ပါတယ်။ယခင်တစ်ပတ်ကလည်း မူဆယ်မှ ရော်ဘာ ၁၃၆ တန် တင်ပို့ခဲ့တဲ့အတွက် ပုံမှန်အပို့ရှိနေတယ်လို့ဆိုရပါမယ်။

           ဖေဖော်ဝါရီလ နောက်ဆုံးပတ်မှာ မြန်မာ-ဘင်္ဂလားဒေ့ရှ် နယ်စပ်ရှိ မောင်တောကုန်သွယ်ရေးစခန်းမှ ကန်ဒေါ်လာ သုည ဒသမ ၁၁၂ သန်းဖိုးရှိတဲ့ ရေထွက်ကုန် ၁၂၉ တန်ကျော်ကိုတင်ပို့ခဲ့ပါတယ်။တင်ပို့ခဲ့တဲ့ အမယ်တွေကတော့ ပုစွန် ၁၀ တန်၊ ငါးကုန်းညိုခြောက် တန်၃၀၊ ငါးစုံလေးခြောက် ၈၄ တန်နဲ့ကဏန်း     ၅ တန် ဖြစ်ပါတယ်။ပုစွန်ကို တစ်ဖက်နိုင်ငံမှ ပြန်လည်လက်ခံတဲ့အတွက် တင်ပို့နိုင်တာဖြစ်ပြီး ကဏန်းကို ယခုတစ်ပတ်မှတင်ပို့နိုင်ခဲ့တာဖြစ်ပါတယ်။ယခင်တစ်ပတ်က ရေထွက်ကုန် ၄၂၈ တန်တင်ပို့နိုင်ခဲ့တဲ့တွက် ယခုတစ်ပတ်မှာ ၂၉၉ တန်ခန့်လျော့နည်းခဲ့ပါတယ်။