ယှဉ်ပြိုင်မှုဆိုင်ရာ တိုင်ကြားလာသည့်အမှုကိစ္စများနှင့်စပ်လျဉ်းသည့် အစည်းအဝေး ကျင်းပပြုလုပ်ခြင်း
၁၆-၈-၂၀၂၂ ရက်၊ နံနက် (၁၀:၀၀) နာရီ
မြန်မာနိုင်ငံယှဉ်ပြိုင်မှုကော်မရှင်သို့ တိုင်ကြားလာသည့် အမှုကိစ္စများနှင့်စပ်လျဉ်းသည့် အစည်းအဝေးကို ၂၀၂၂ ခုနှစ်၊ ဩဂုတ်လ ၁၆ ရက်နေ့ (အင်္ဂါနေ့) နံနက် (၁၀:၀၀)နာရီအချိန်တွင် မြန်မာနိုင်ငံယှဉ်ပြိုင်မှုကော်မရှင် ဒုတိယဥက္ကဋ္ဌဦးဆောင်၍ Virtual စနစ်ဖြင့် ကျင်းပပြုလုပ်ခဲ့ပါသည်။
အာဆီယံ-ယူကေ ပူးပေါင်းမှုအစီအစဉ်အောက်မှ အာဆီယံအဖွဲ့ဝင်နိုင်ငံများအတွက် "Competition in the Digital Markets" အလုပ်ရုံဆွေးနွေးပွဲကို ၂၀၂၂ ခုနှစ်၊ ဩဂုတ်လ ၁၅ ရက်နေ့နှင့် ၁၆ ရက်နေ့ မြန်မာစံတော်ချိန် နေ့လယ် (၁၄:၃၀) နာရီမှ (၁၆:၃၀) နာရီအထိ Virtual စနစ်ဖြင့် ကျင်းပပြုလုပ်ခဲ့ရာ မြန်မာနိုင်ငံယှဉ်ပြိုင်မှုကော်မရှင်အဖွဲ့ဝင်များနှင့် ကော်မရှင်ရုံးမှ အရာထမ်းများ တက်ရောက်ဆွေးနွေးခဲ့ကြပါသည်။
ASEAN-US တရားရေးဌာန (Department of Justice-DOJ) က ဦးဆောင်၍ အာဆီယံအဖွဲ့ဝင်နိုင်ငံများအတွက် "Economic Analysis" အလုပ်ရုံဆွေးနွေးပွဲကို ၂၀၂၂ ခုနှစ်၊ ဩဂုတ်လ ၁၅ ရက်နေ့နှင့် ၁၆ ရက်နေ့ မြန်မာစံတော်ချိန် နံနက် (၀၇:၃၀) နာရီမှ (၁၀:၀၀) နာရီအထိ Virtual စနစ်ဖြင့် ကျင်းပပြုလုပ်ခဲ့ရာ မြန်မာနိုင်ငံယှဉ်ပြိုင်မှုကော်မရှင်အဖွဲ့ဝင်များနှင့် ကော်မရှင်ရုံးမှ အရာထမ်းများ တက်ရောက်ဆွေးနွေးခဲ့ကြပါသည်။
လုပ်ငန်းများပေါင်းစည်းခြင်းဆိုင်ရာ အမှုကိစ္စများအတွက် သတင်းအချက်အလက်မျှဝေခြင်း လမ်းညွှန်ချက်များ (Guidelines for sharing Merger Cases) ရေးဆွဲရေးနှင့်ပတ်သက်သည့် အလုပ်ရုံဆွေးနွေးပွဲကို ၂၀၂၂ ခုနှစ်၊ ဇူလိုင်လ ၂၇ ရက်နေ့၊ နေ့လယ်ပိုင်းတွင် Virtual စနစ်ဖြင့် ကျင်းပပြုလုပ်ခဲ့ပါသည်။
အဆိုပါ အလုပ်ရုံဆွေးနွေးပွဲကို အာဆီယံအတွင်းရေးမှူးချုပ်ရုံးနှင့် ထိုင်းနိုင်ငံတို့က ဦးဆောင်ကျင်းပခဲ့ခြင်းဖြစ်ပြီး အာဆီယံအဖွဲ့ဝင်နိုင်ငံများမှ ကိုယ်စားလှယ်များ စုစုပေါင်း (၃၅)ဦး တက်ရောက်ခဲ့ကြပါသည်။
အာဆီယံယှဉ်ပြိုင်မှုဆိုင်ရာ အဖွဲ့အစည်းအကြီးအကဲများ(AHCA) အထူးအစည်းအဝေးသို့ တက်ရောက်ခြင်း
၂၀၂၂ ခုနှစ်၊ ဇူလိုင်လ ၂၇ ရက်
“အာဆီယံယှဉ်ပြိုင်မှုဆိုင်ရာ အဖွဲ့အစည်းအကြီးအကဲများ(AHCA) အထူးအစည်းအဝေး” ကို ၂၀၂၂ ခုနှစ်၊ ဇူလိုင်လ ၂၇ ရက်နေ့ မြန်မာစံတော်ချိန် (၀၈:၀၀) နာရီမှ (၁၀:၀၀) နာရီအချိန်အထိ Virtual စနစ်ဖြင့် ကျင်းပပြုလုပ်ခဲ့ပါသည်။
အဆိုပါအစည်းအဝေးသို့ မြန်မာနိုင်ငံယှဉ်ပြိုင်မှုကော်မရှင် ဒုတိယဥက္ကဋ္ဌ ဦးသန်းမောင် ဦးဆောင်၍ ကော်မရှင်ရုံးမှ အရာထမ်းများ တက်ရောက်ဆွေးနွေးခဲ့ကြပါသည်။
၂၀၂၂ ခုနှစ်၊ ဇူလိုင်လ ၇
“အာဆီယံယှဉ်ပြိုင်မှုဆိုင်ရာ မူဘောင်သဘောတူစာချုပ်” ရေးဆွဲရေးအတွက် ဒဿမအကြိမ် လုပ်ငန်းအဖွဲ့အဆင့် ညှိနှိုင်းအစည်းအဝေးကို ၂၀၂၂ ခုနှစ်၊ ဇူလိုင်လ ၇ ရက်နေ့ (ကြာသပတေးနေ့) မြန်မာစံတော်ချိန် နေ့လယ် (၁၂:၃၀)နာရီ အချိန်မှ (၁၆:၀၀) နာရီအချိန်ထိ Video Conferencing စနစ်ဖြင့် ကျင်းပပြုလုပ်ခဲ့ပါသည်။
အဆိုပါ အစည်းအဝေးသို့ အာဆီယံအတွင်းရေးမှူးချုပ်ရုံးမှ တာဝန်ရှိသူများနှင့် အာဆီယံအဖွဲ့ဝင် (၁၀) နိုင်ငံမှ ဘာသာရပ်တာဝန်ခံ ကိုယ်စားလှယ်များ၊ စုစုပေါင်း (၃၃)ဦးတို့ တက်ရောက်ခဲ့ကြပါသည်။ အစည်းအဝေးတွင် ဖိလစ်ပိုင်ယှဉ်ပြိုင်မှုကော်မရှင်က အလှည့်ကျဥက္ကဋ္ဌအဖြစ် တာဝန်ယူဆောင်ရွက်ခဲ့ပါသည်။
၂၀၂၂ ခုနှစ်၊ ဇွန်လ ၂၉ ရက်
အာဆီယံယှဉ်ပြိုင်မှုဆိုင်ရာ မူဘောင်သဘောတူစာချုပ်” ရေးဆွဲရေးအတွက် လုပ်ငန်းအဖွဲ့အဆင့် အစည်းအဝေးများကို ၂၀၂၂ ခုနှစ်၊ ဇန်နဝါရီလမှစတင် ကျင်းပဆွေးနွေးခဲ့ကြရာ နဝမအကြိမ် အစည်းအဝေးကို ၂၀၂၂ ခုနှစ်၊ ဇွန်လ၂၉ ရက်နေ့ (ဗုဒ္ဓဟူးနေ့) မြန်မာစံတော်ချိန် နံနက် (၀၇:၃၀)နာရီ အချိန်မှ နေ့လယ် (၁၃:၀၀) နာရီအချိန်ထိ Video Conferencing စနစ်ဖြင့် ကျင်းပပြုလုပ်ခဲ့ပါသည်။
နေပြည်တော်၊ ဇွန်လ ၁၅
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံယှဉ်ပြိုင်မှုကော်မရှင်၊ ဒုတိယဥက္ကဋ္ဌ ဦးသန်းမောင်သည် ၂၀၂၂ ခုနှစ်၊ ဇွန်လ ၁၅ ရက် (ဗုဒ္ဓဟူးနေ့)၊ မြန်မာစံတော်ချိန် နံနက် (၀၈:၃၀) နာရီအချိန်တွင် Virtual စနစ်ဖြင့် ကျင်းပပြုလုပ်သော အာဆီယံယှဉ်ပြိုင်မှုဆိုင်ရာ အဖွဲ့အစည်းအကြီးအကဲများ (ASEAN Heads of Competition Agencies – AHCA) အထူး အစည်းအဝေးသို့ တက်ရောက်ဆွေးနွေးပြောကြားခဲ့ပါသည်။
"အာဆီယံယှဉ်ပြိုင်မှုဆိုင်ရာ မူဘောင်သဘောတူစာချုပ်" ရေးဆွဲရေးအတွက် လုပ်ငန်းအဖွဲ့အဆင့် အစည်းအဝေးများကို ၂၀၂၂ ခုနှစ်၊ ဇန်နဝါရီလမှ စတင်ကျင်းပဆွေးနွေးခဲ့ကြရာ သတ္တမအကြိမ် အစည်းအဝေးကို ၂၀၂၂ ခုနှစ်၊ ဇွန်လ ၁၄ ရက်နေ့ (အင်္ဂါနေ့) မြန်မာစံတော်ချိန် နံနက် (၀၈:၃၀) နာရီအချိန်မှ ညနေ (၁၆:၀၀) နာရီအချိန်အထိ ကျင်းပပြုလုပ်ခဲ့ပါသည်။
ညှိနှိုင်းအစည်းအဝေးတွင် "အာဆီယံယှဉ်ပြိုင်မှုဆိုင်ရာ မူဘောင်သဘောတူစာချုပ်" အတွက် လမ်းညွှန်အခြေခံမူများ(မူကြမ်း)၊ ထိုလမ်းညွှန်အခြေခံမူအပေါ်တွင် ထပ်မံဖြည့်စွက်လိုသည့်အချက်များနှင့် လုပ်ငန်းအစီအစဉ်တို့အပေါ် အဓိကထား ဆွေးနွေးခဲ့ကြပါသည်။
မြန်မာနိုင်ငံယှဉ်ပြိုင်မှုကော်မရှင်ထံ တိုင်ကြားလာသည့် ယှဉ်ပြိုင်မှုဆိုင်ရာအမှုကိစ္စများနှင့်စပ်လျဉ်းသည့် အစည်းအဝေးအား ၂၀၂၂ ခုနှစ်၊ မေလ ၃၁ ရက်နေ့ (အင်္ဂါနေ့)၊ နံနက် (၁၀:၀၀) နာရီချိန်တွင် Virtual စနစ်ဖြင့် ကျင်းပပြုလုပ်ခဲ့ရာ ကော်မရှင်အဖွဲ့ဝင် (၁၁)ဦးနှင့် ကော်မရှင်ရုံးအဖွဲ့မှ တာဝန်ရှိသူများ၊ စုစုပေါင်း (၁၅)ဦး ပါဝင်တက်ရောက်ခဲ့ပြီး မြန်မာနိုင်ငံယှဉ်ပြိုင်မှုကော်မရှင် ဒုတိယဥက္ကဋ္ဌ ဦးသန်းမောင်က အဖွင့်အမှာစကားပြောကြားခဲ့ပါသည်။