WTO ၏ ထောက်ခံမှုရရှိပြီးနောက် ဇီဝဒီဇယ်တင်သွင်းမှုအပေါ် ကန့်သတ်ချက်များကို ဖယ်ရှားရန် အင်ဒိုနီးရှားက အီးယူကို တိုက်တွန်း
ကမ္ဘာ့ကုန်သွယ်ရေးအဖွဲ့ (WTO) သည် ဂျာကာတာ၏ တိုင်းကြားချက်တွင် ပါဝင်သည့် တောင်းဆိုမှုများကို လက်ခံအတည်ပြုပြီးနောက် အင်ဒိုနီးရှား၏ ဇီဝဒီဇယ်ဇီတင်သွင်းမှုအပေါ် တန်ပြန်ခွန်များအား ရုတ်သိမ်းရန် ဥရောပသမဂ္ဂကို တနင်္လာနေ့တွင် တိုက်တွန်းခဲ့ပါသည်။
အီးယူနှင့် အင်ဒိုနီးရှားတို့သည် ဇူလိုင်လတွင် နိုင်ငံရေးသဘောတူညီချက်တစ်ခုကို လက်မှတ်ရေးထိုးပြီးနောက် လွတ်လပ်သောကုန်သွယ်ရေးသဘောတူစာချုပ် (FTA) ကို လက်မှတ်ရေးထိုးရန် နီးကပ်လာသဖြင့် ဇီဝဒီဇယ်အကောက်ခွန်နှင့် စားအုန်းဆီအရင်းအမြစ်များသည် သစ်တောပြုန်းတီးမှုနှင့် ဆက်စပ်နေသည့် အငြင်းပွားမှုတစ်ရပ်ဖြစ်လာခဲ့ပါသည်။
အီးယူသည် ၂၀၁၉ ခုနှစ်မှစတင်၍ ဇီဝဒီဇယ်ထုတ်လုပ်မှုကို အကောက်ခွန် ၈ % မှ ၁၈ % အထိ ချမှတ်ခဲ့ပြီး အရှေ့တောင်အာရှနိုင်ငံများရှိ ဇီဝဒီဇယ်ထုတ်လုပ်သူများသည် အစိုးရထောက်ပံ့ကြေးများ၊ အခွန်သက်သာခွင့်များနှင့် ဈေးနှုန်းနိမ့်သည့် ကုန်ကြမ်းများကို ရရှိနိုင်ခြင်းတို့ကြောင့် အကျိုးအမြတ်များ ပိုမိုရရှိနေကြောင်း၊ စားအုန်းဆီပို့ကုန်များအပေါ် အင်ဒိုနီးရှား၏ ပို့ကုန်ခွန်များနှင့် ပို့ကုန်ကန့်သတ်ချက်များကို ထောက်ပံ့ကြေးအဖြစ် သတ်မှတ်၍မရကြောင်း ကမ္ဘာ့ကုန်သွယ်ရေးအဖွဲ့၊ ကုန်သွယ်ရေးဝန်ကြီးဌာနက ပြောကြားခဲ့ပါသည်။
အင်ဒိုနီးရှားစားအုန်းဆီလုပ်ငန်းအသင်း (GAPKI) သည် ကမ္ဘာ့ကုန်သွယ်ရေးအဖွဲ့၏ ဆုံးဖြတ်ချက်ကို လက်ခံခဲ့ပြီး၊ ဥရောပကော်မရှင်အား အနာဂတ်တွင် အင်ဒိုနီးရှားမှ စားအုန်းဆီပို့ကုန်များအပေါ် ခွဲခြားဆက်ဆံခြင်းမပြုရန် အထူးသဖြင့် အီးယူ၏ သစ်တောပြုန်းတီးမှုဆိုင်ရာ စည်းမျဉ်းစည်းကမ်းများကို တရားမျှတမှုရှိစေရန် တောင်းဆိုခဲ့ပြီး၊ ဂျကာတာရှိ ဥရောပသမဂ္ဂကိုယ်စားလှယ်အဖွဲ့မှ မှတ်ချက်ပေးရန် တောင်းဆိုမှုအပေါ် ချက်ချင်းတုံ့ပြန်မှုမရရှိခဲ့ကြောင်း၊ အင်ဒိုနီးရှား၏ စားအုန်းဆီ အခြေခံ ဇီဝဒီဇယ်တင်ပို့မှုသည် ၂၀၁၉ ခုနှစ်တွင် ၁.၃၂ သန်း ရှိခဲ့သော်လည်း ၂၀၂၀ ခုနှစ်တွင် ၃၆,၀၀၀ ကီလိုလီတာ (kl) သို့ ကျဆင်းသွားခဲ့ပြီး ၂၀၂၄ ခုနှစ်တွင် ၂၇,၀၀၀ ကီလိုလီတာသာ ကျန်ရှိခဲ့ကြောင်း၊ အင်ဒိုနီးရှား၊ ဇီဝလောင်စာထုတ်လုပ်သူများအသင်းမှ တာဝန်ရှိသူတစ်ဦးက ယင်းတောင်းဆိုမှုကို အီးယူမှ လိုက်လျောပေးမည်ကို သံသယရှိကြောင်း၊ ယခင်အတွေ့အကြုံများကို အခြေခံ၍ တောင်းဆိုမှုများကို ဆက်လက်ဆောင်ရွက်ခဲ့ကြောင်း ပြောကြားခဲ့သည်။
အီးယူ၏ သစ်တောပြုန်းတီးမှု ဆန့်ကျင်ရေးစည်းမျဉ်းများနှင့်ပတ်သက်၍ ဂျာကာတာနှင့် ဘရပ်ဆဲလ်အကြား အငြင်းပွားမှုများ ဆက်လက်ရှိနေကြောင်း ၎င်းက ပြောကြားခဲ့ပြီး၊ အီးယူကို အင်ဒိုနီးရှား ဇီဝဒီဇယ်တင်သွင်းမှုအပေါ် ရင်းနှီးမြှပ်နှံမှုတိုက်ဖျက်ရေး အခွန်အခများကို ရုပ်သိမ်းရန် ဥရောပ တရားရုံးက အမိန့်ပေးခဲ့ပြီးနောက် တစ်နှစ်အကြာတွင် တန်ပြန်ခွန်များ ထွက်ပေါ်လာခဲ့ခြင်းဖြစ်ကြောင်း၊ ဂျာကာတာသည် လာမည့် လွတ်လပ်သော ကုန်သွယ်ရေးသဘောတူစာချုပ်သည် စားအုန်းဆီ အပါအဝင် အခြားထုတ်ကုန်များကို စားအုန်းဆီဈေးကွက်သို့ ပိုမိုဝင်ရောက်နိုင်စေရန် ဖန်တီးပေးနိုင်မည်ဟု မျှော်လင့်ကြောင်း သိရှိရပါသည်။
ရင်းမြစ်။ www.reuters.com