နောက်ဆုံးရ သတင်း
နေပြည်တော် ၊ အောက်တိုဘာလ ၃ ရက်
သက်တမ်းလွန် မော်တော်ယာဉ်များအပ်နှံပြီး အစားထိုးတင်သွင်းရန် သွင်းကုန်ပါမစ်များ လာရောက် လျှောက်ထားကြရာတွင် စက်တင်ဘာလ (၂၉) ရက်နေ့အထိ ကာလအတွင်း ဂျပန်နိုင်ငံထုတ် Toyota ၊ Nissan ၊ Honda ၊ Mitsubishi ၊ Isuzu ၊ Mazda စသည့် Brands များကို သာ လျှောက်ထားခဲ့ကြသည်။ သို့သော် စက်တင်ဘာလ (၃၀) ရက်နေ့တွင် Pick Up အုပ်စုမှ Chevrolet ကား (၂) စီးကို အမေရိကန်နိုင်ငံမှ ဝယ်ယူတင်သွင်းရန် ပါမစ်လာရောက်လျှောက်ထားသည်ဟု သတင်းရရှိသည်။
ယင်းနေ့က Chevrolet ကား (၂) စီး အပါအဝင် Saloon / Hatchback / Van အုပ်စုပါ ကားအစီးရေ (၁၁၀) ၊ Wagon အုပ်စုပါ ကားအစီးရေ (၄၀) နှင့် Bus အုပ်စုပါ Bus ကား (၂) စီး တင်သွင်းရန်အတွက် သွင်းကုန်ပါမစ် စုစုပေါင်း (၁၅၄) စောင်ကို နေ့ချင်းပြီး ထုတ်ပေးခဲ့ကြောင်း ၊ သွင်းကုန်ပါမစ် စတင်ထုတ်ပေး ခဲ့သည့် စက်တင်ဘာလ (၁၉) ရက်နေ့မှ စက်တင်ဘာလ (၃၀) ရက်နေ့ထိကာလအတွင်း ကားတင်သွင်းရန် သွင်းကုန်ပါမစ် စုစုပေါင်း (၆၃၄) စောင် ထုတ်ပေးခဲ့ပြီးကြောင်း သတင်းရရှိသည်။
နေပြည်တော် ၊ စက်တင်ဘာလ ၃၀
သက်တမ်းလွန် မော်တော်ယာဉ်များအပ်၍ ကားသစ်တင်သွင်းရန် သွင်းကုန်ပါမစ်များကို စက်တင်ဘာ လ (၁၉) ရက်နေ့မှစ၍ လာရောက်လျှောက်ထားကြရာ စက်တင်ဘာလ (၂၈) ရက်နေ့အထိ စာရင်းအရ Bus ကား တစ်စီးမျှ မပါဝင်သေးသော်လည်း စက်တင်ဘာလ (၂၉) ရက်နေ့တွင် Toyota Brand Mini Bus တစ်စီး ကို ဂျပန်နိုင်ငံမှ တင်သွင်းရန် ပါမစ်စတင် လာရောက် လျှောက်ထားပြီ ဖြစ်ကြောင်း သတင်းရရှိသည်။ စက်တင် ဘာလ (၁၉) ရက်နေ့မှ စက်တင်ဘာလ (၂၉) ရက်နေ့အထိ ကာလအတွင်း ကားအစီးရေ စုစုပေါင်း (၄၈၀) အတွက် သွင်းကုန်ပါမစ် ထုတ်ပေးခဲ့ပြီးဖြစ်ကြောင်း ၊ တင်သွင်းမှု အများဆုံး ကားအုပ်စုမှာ Saloon / Van / Hatchback အုပ်စုဖြစ်ပြီး တင်သွင်းသူအများဆုံးကြိုက်သည့် Brand မှာ Toyota ဖြစ်ကြောင်း သတင်းရရှိ သည်။
နေပြည်တော် ၊ စက်တင်ဘာလ ၂၉
ကားဟောင်းအပ်၍ ကားသစ်တင်သွင်းခွင့်ပြုသည့် အစီအစဉ်အရ ကားတင်သွင်းမည့်သူများအနေဖြင့် နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနတွင် ကားပါမစ် များ နေ့စဉ်လာရောက်လျှောက်ထား ထုတ်ယူလျက်ရှိကြသည်။ စက်တင်ဘာလ ၁၉ ရက်နေ့မှစ၍ စက်တင်ဘာ လ ၂၈ ရက်နေ့အထိ ကာလအတွင်း ကားပါမစ်စုစုပေါင်း (၃၃၇) စောင် ထုတ်ပေးခဲ့ပြီးဖြစ်သည်။ ထုတ်ပေးပြီးခဲ့သည့် ပါမစ် (၃၃၇) စောင်တွင် Saloon/Van/ Hatchback အုပ်စုတွင် ပါဝင်သော ကားပါမစ် (၂၀၂) စောင် ထုတ်ပေးခဲ့ပြီးကြောင်း သတင်းရရှိသည်။
နေပြည်တော် ၊ စက်တင်ဘာလ ၂၈
သက်တမ်းလွန် မော်တော်ယာဉ်များအတွက် သွင်းကုန်ပါမစ်များ ထုတ်ပေးခြင်းကို နေပြည်တော်ရှိ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနတွင် One Stop Services အဖွဲ့မှ နေ့စဉ်ဆောင်ရွက်ပေးလျက်ရှိရာ စက်တင်ဘာလ (၂၆) ရက်နေ့နှင့် (၂၇) ရက်နေ့ (၂) ရက်အတွင်း ကားအစီးရေ စုစုပေါင်း (၂၂၇) စီးအတွက် ပါမစ် (၂၂၇) စောင် ထုတ်ပေးခဲ့သည်ဟု သတင်းရရှိသည်။
ယင်း ၂၂၇ စီးမှာ Saloon/Van အုပ်စုပါ Toyota ၊ Nissan ၊ Honda Brand များမှ (၁၃၈) စီး နှင့် Wagon အုပ်စုပါ Toyota ၊ Mitsubishi ၊ Nissan ၊ Honda Brand များမှ (၈၉) စီး အသီးသီး ဖြစ်ပြီး ဂျပန်နိုင်ငံမှ တင်သွင်းမည်ဖြစ်ကြောင်း သိရသည်။ သို့ဖြစ်၍ ကားပါမစ်များ စတင်ထုတ်ပေး သည့် စက်တင်ဘာလ (၁၉) ရက်နေ့မှ (၂၇) ရက်နေ့အထိ ကာလအတွင်း ကားပါမစ်စုစုပေါင်း (၂၅၄) စောင်ကို လျှောက်ထားလာသည့်နေ့များမှာပင် နေ့ချင်းပြီး ထုတ်ပေးခဲ့ကြောင်း သတင်းရရှိ သည်။
နေပြည်တော် ရုံးအမှတ် (၃) ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနတွင် ကညန ၊ MFTB / MICB ၊ အကောက်ခွန်နှင့် ကုန်သွယ်ရေးညွှန်ကြားမှုဦးစီးဌာနတို့ပါဝင်သည့် One Stop Services အဖွဲ့သည် စက်တင်ဘာ လ (၁၉) ရက်နေ့မှစပြီး သက်တမ်းလွန် မော်တော်ယာဉ်များ အတွက် သွင်းကုန်ပါမစ်များကို ထုတ်ပေးနေပြီဖြစ်သည်။
စက်တင်ဘာလ (၁၉) ရက်နေ့မှ (၂၂) ရက်နေ့အတွင်း ကားပါမစ် (၉) စောင်ကို ထုတ်ပေးခဲ့ပြီး ပါမစ်ထုတ်ပေးခဲ့သည့် ကားအမျိုးအစားများမှာ ဂျပန်မှ တင်သွင်းမည့် Saloon (၈) စီးနှင့် Wagon (၁)စီးဖြစ်ကြောင်း နှင့် စက်တင်ဘာလ (၂၃) ရက်နေ့တွင် ပါမစ် (၁၈) စောင် ထုတ်ပေးခဲ့ပြီးကြောင်း သတင်းရရှိပါသည်။
Pages
