ကုန်သွယ်မှုမူဝါဒဆန်းစစ်ခြင်း(TPR)

မြန်မာနိုင်ငံ၏ ဒုတိယအကြိမ် ကုန်သွယ်မှုမူဝါဒဆန်းစစ်ခြင်းလုပ်ငန်းစဉ်၏ နောက်ဆက်တွဲ အစည်းအဝေးကျင်းပ

Fri, 01/27/2023 - 04:04 -- wtodep
Undefined

မြန်မာနိုင်ငံ၏ ဒုတိယအကြိမ် ကုန်သွယ်မှုမူဝါဒဆန်းစစ်ခြင်းလုပ်ငန်းစဉ်၏ နောက်ဆက်တွဲအစည်းအဝေး (2nd TPR Follow Up Meeting) ကို ၂၀၂၃ ခုနှစ်၊ ဇန်နဝါရီလ (၂၄) ရက်နေ့ နံနက် ၉:၃၀ နာရီ၌ နေပြည်တော်ရှိ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ အစည်းအဝေးခန်းမ (၂) တွင် ကျင်းပပြုလုပ်ခဲ့ပါသည်။ အဆိုပါအစည်းအဝေးသို့ ကုန်သွယ်ရေးဦးစီးဌာန၊ ညွှန်ကြားရေးမှူး ချုပ်မှဦးဆောင်၍ ကုန်သွယ်မှုဆိုင်ရာ ဆက်စပ်ဌာန/ အဖွဲ့အစည်း (၂၇) ခုမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် တာဝန်ရှိသူများအပါအဝင် ကိုယ်စားလှယ် (၅၀) ဦး တက်ရောက်ခဲ့ကြပါသည်။

၂၀၂၁ ခုနစ်၊ ပထမသုံးလပတ်အတွင်း ဆောင်ရွက်ပြီးစီးခဲ့သည့် ဒုတိယအကြိမ် ကုန်သွယ်မှုမူဝါဒလေ့လာဆန်းစစ်ခြင်းလုပ်ငန်းစဉ်ပြီး နောက် ဖြစ်ပေါ်တိုးတက်မှုအခြေအနေများ၊ အကြံပြုချက်များအပေါ် လိုက်ပါဆောင်ရွက်ထားရှိမှု အခြေအနေများအား ဆန်းစစ် နိုင်ရန် ရည်ရွယ်၍ အစည်းအဝေးကို ကျင်းပခဲ့ခြင်း ဖြစ်ပါသည်။

အစည်းအဝေးတွင် တက်ရောက်လာသည့် ကိုယ်စားလှယ်များက သက်ဆိုင်ရာနယ်ပယ်အလိုက် မြန်မာနိုင်ငံ၏ ဒုတိယအကြိမ် ကုန်သွယ်မှုမူဝါဒ လေ့လာဆန်းစစ်၍ အပြီးသတ်အစီရင်ခံပြီးနောက် ကုန်သွယ်မှုဆိုင်ရာ ဖြစ်ပေါ်ပြောင်းလဲမှု အခြေအနေများအား ရှင်းလင်းတင်ပြခဲ့ကြ ပါသည်။ ထို့ပြင် ရှေ့ဆက်ဆောင်ရွက်ရမည့် လုပ်ငန်းစဉ်များအပေါ် ဝိုင်းဝန်းဆွေးနွေးခဲ့ကြပါသည်။

ထို့နောက် ကုန်သွယ်ရေးဦးစီးဌာန၊ ညွှန်ကြားရေးမှူးချုပ် ဦးမြင့်သူရက ဒုတိယအကြိမ် ကုန်သွယ်မှုမူဝါဒ ဆန်းစစ်ခြင်းလုပ်ငန်းစဉ် ပြီးနောက်ပိုင်း ကုန်သွယ်မှုနှင့်ဆက်စပ်သည့် နယ်ပယ်၊ ကဏ္ဍအသီးသီးမှာ ဖြစ်ပေါ်တိုးတက်မှု အခြေအနေများကို တက်ကြွစွာ ရှင်းလင်းဆွေးနွေးပေးသည့် ဌာနဆိုင်ရာ ကိုယ်စားလှယ်များကို ကျေးဇူးတင်ရှိပါကြောင်း၊ ယခုဆွေးနွေးပြောကြားချက်များသည် ဆက်လက်ဆောင်ရွက်ရမည့် ကိစ္စရပ်များအပေါ် များစွာအထောက်အကူပြုကြောင်း၊ ကုန်သွယ်မှုမူဝါဒဆန်းစစ်ခြင်းလုပ်ငန်းစဉ်၏ နောက်ဆက်တွဲလုပ်ငန်းများသည် ရေရှည်ဆောင်ရွက်ရမည့် လုပ်ငန်းများဖြစ်၍ ပူးပေါင်းပါဝင်ဆောင်ရွက်ပေးရန် တိုက်တွန်းပါ ကြောင်းဖြင့် နိဂုံးချုပ် ဆွေးနွေးပြောကြား၍ အစည်းအဝေးကို ညနေ ၁၇:၃၀ တွင် ရုပ်သိမ်းခဲ့ပါသည်။

Latest News: 
Latest New တင္ရန္
Subscribe to RSS - ကုန်သွယ်မှုမူဝါဒဆန်းစစ်ခြင်း(TPR)