မကွေးမြို့နယ်၊ မြို့မဈေးကြီးတွင် စားသုံးသူအကာအကွယ်ပေးရေးအသိပညာပေး ဆွေးနွေးပွဲကျင်းပ
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာန၊ မကွေးတိုင်းဒေသကြီးမှ တာဝန်ရှိ ဝန်ထမ်းများသည် တိုင်းဒေသကြီး အစိုးရအဖွဲ့၏ ဦးဆောင်မှုဖြင့်ကျောင်းများ၊ ဈေးများတွင်စားသုံး သူအကာ အကွယ်ပေးရေး ဆိုင်ရာ အသိပညာပေး ဟောပြောပွဲ များကိုအပတ်စဉ် ကျင်းပလျက်ရှိရာ ၂၀၁၄ ခုနှစ် ဒီဇင်ဘာလ (၁၇) ရက်နေ့ နံနက် (၁၁းဝဝ) နာရီတွင် မကွေးမြို့ မြို့မဈေးကြီးတွင် စားသုံးသူအကာ အကွယ်ပေးရေး ဆိုင်ရာ အသိပညာ ပေးဟော ပြောပွဲကျင်းပခဲ့ပါသည်။
အဆိုပါဆွေးနွေးဟောပြောပွဲသို့ မြို့နယ် စည်ပင်သာယာမှ တာဝန်ရှိသူ(၂)ဦး၊ ဈေးကော်မတီဝင် (၂၀)ဦး ဈေးသူဈေးသား(၅၀) ဦးနှင့် စားသုံးသူရေးရာဌာနမှ တာဝန်ရှိဝန်ထမ်း (၅)ဦးတက် ရောက်ခဲ့ပြီး စားသုံးသူအကာ အကွယ်ပေးရေး ဆိုင်ရာ အသိပညာပေး စာစောင်များ ၊ပိုစတာများ ဖြန့်ဝေပေး ခဲ့ပါသည်။
အဆိုပါ စားသုံးသူ အကာအကွယ်ပေးရေး ဆိုင်ရာဆွေးနွေးဟောပြောပွဲတွင် တိုင်းဒေသကြီးဦးစီးမှူး ဦးဝမ်းမောင်က မကွေးတိုင်းဒေသကြီးတွင် ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာန ဖွင့်လှစ်ခဲ့သည် မှာနိုဝင်ဘာလ(၂၅) ရက်နေတွင် တစ်နှစ်တိတိပြည့်ခဲ့ပြီဖြစ် ပါကြောင်း၊ တိုင်းဒေသကြီး အတွင်းစားသုံးသူ အသိပညာ အမြန်ပြန့်ပွားရေးမှာ ကျောင်းများ၊ ဈေးများမှ စတင်ပြီးဆောင်ရွက်မှ သာအောင်မြင်မှာ ဖြစ်ပါကြောင်း ပြောကြားကာ စားသုံးသူကာအကွယ်ပေးေ ရးဥပဒေများ၊ စားသုံးသူတို့၏ အခွင့်အရေးနှင့် တာဝန်များ၊ စီးပွားရေး လုပ်ငန်းရှင် များ၏ အခွင့်အရေးနှင့် တာဝန်များ၊ တားမြစ်ချက်များ အကြောင်းကို လည်းကောင်း၊ ဟင်းသီးဟင်းရွက် များတွင် အသုံးပြုသော ပိုးသတ် ဆေးများ၏ အန္တရာယ်ရှိ ပုံ၊သစ်သီးဝလံများတွင် အသုံးပြုနေသော မှည့်ဆေးများ၊ ကြာရှည် ခံဆေး များ၏ အန္တရာယ်ရှိပုံ၊ ဈေးအတွင်းကျယ်ပြန့်စွာနေရာယူလျက်ရှိသော အချိုရည်ဗူးများတွင်(ီ FDA) ၏ ထောက်ခံချက်ပါမှသာ ရောင်းချကြပါရန်နှင့် ငါးပိ၊ ငါးခြောက်များတွင် စားသုံးသူ အကြိုက် အမြင်လှပ အောင်အရောင်ဆိုး၍ မရောင်းချကြရန် လည်းကောင်း၊ ယင်မနားအောင် လည်းယင် မနားဆေးများ အသုံးမပြုကြဘဲ အဖုံးအုပ်၍ သာရောင်းချကြရန် လည်းကောင်းစသည်ဖြင့် ပြောကြားပြီး စားသုံးသူ ပြည်သူများ အန္တရာယ် မဖြစ်စေရန်နှင့် စေတနာထား လုပ်ဆောင်ပေးကြရန် ဈေးသူ၊ ဈေးသား၊ ဈေးတာ ဝန်ရှိသူများ ကိုဆွေးနွေးဟောပြောခဲ့ပါသည်။
ထို့နောက် မကွေးတိုင်းဒေသကြီး ဦးစီးမှူးနှင့်ဝန်ထမ်းများ ဈေးတာဝန်ရှိသူများသည် မကွေးမြို့မြို့မ ဈေးအတွင်းရှိ မုန့်ဆိုင်များ၊ ငါးပိ၊ ငါးခြောက်ဆိုင်များနှင့် ဟင်းသီးဟင်းရွက်ဆိုင်များသို့ လှည့်လည် ကြည့်ရှုစစ်ဆေးခဲ့ပြီး သန့်ရှင်းသော၊ လတ် ဆတ်သော၊ ပြည်သူလူထုဘေးအန္တရာယ်ကင်းသောစား သောက်ဖွယ်ရာ များကိုသာ စေတနာရှေ့ထား ရောင်းချပေးကြပါရန် ညွှန်ကြား ကာလက်ကမ်းစာ စောင်များ၊ ပိုစတာများ ဖြန့်ဝေပေးခဲ့ကြောင်း သတင်းရရှိပါသည်။
ဝင်းထွန်း(စားသုံးသူ)မကွေး