တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီ အတွင်းရေးမှူး၊ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ ဒုတိယဝန်ကြီး မြန်မာ့စက်မှုဆိပ်ကမ်းနှင့် အေးရှားဝေါလ်ဆိပ်ကမ်းများအား ကြည့်ရှုစစ်ဆေး

နေပြည်တော်၊ ဩဂုတ် ၂၆    ၂၀၂၃ ခုနှစ်၊ ဩဂုတ်လ ၂၆ ရက်နေ့၊ (၁၀:၃၀) နာရီအချိန်တွင် တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီအတွင်းရေးမှူး၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး ဦးညွန့်အောင်သည် တာဝန်ရှိသူများနှင့်အတူ မြန်မာ့ စက်မှုဆိပ်ကမ်း(MIP) သို့ရောက်ရှိကာ ဆိပ်ကမ်းအတွင်း ကုန်သေတ္တာများ X-ray စက်ဖြင့် ဖြတ်သန်းစစ်ဆေးနေမှုအခြေအနေအား ကြည့်ရှုစစ်ဆေးပြီး ဆိပ်ကမ်းအတွင်း လှည့်လည် ကြည့်ရှုစစ်ဆေးခြင်းနှင့်  Export တင်ပို့မည့် CMP ပစ္စည်းများ မျက်မြင်ဖွင့်ဖောက်စစ်ဆေးနေမှု အခြေအနေများအား  ကြည့်ရှုစစ်ဆေးခဲ့သည်။

          ဆက်လက်၍ ဒုတိယဝန်ကြီးသည် (၁၁:၀၅) နာရီအချိန်တွင် အေးရှားဝေါလ်ဆိပ်ကမ်းသို့ ရောက်ရှိပြီး ဆိပ်ကမ်းအတွင်းကုန်သေတ္တာများ X-ray စက်ဖြင့် ဖြတ်သန်းစစ်ဆေးနေမှု အခြေအနေအား ကြည့်ရှုစစ်ဆေးခြင်း၊ ဆိပ်ကမ်းအတွင်း လှည့်လည်ကြည့်ရှုစစ်ဆေးခြင်းနှင့် Export တင်ပို့မည့် CMP ပစ္စည်းများ မျက်မြင်ဖွင့်ဖောက်စစ်ဆေးနေမှု အခြေအနေများအား  ကြည့်ရှုစစ်ဆေးခဲ့ပြီး အေးရှားဝေါလ်ဆိပ်ကမ်း အစည်းအဝေးခန်းမ၌ ဌာနဆိုင်ရာ တာဝန်ရှိသူများ၊ ရန်ကုန်အပြည်ပြည်ဆိုင်ရာ ဆိပ်ကမ်းများ၊ သီလဝါဆိပ်ကမ်းနယ်မြေရှိ ဆိပ်ကမ်းများနှင့် စက်သုံးဆီဆိပ်ကမ်းများမှ တရားမဝင်ကုန်သွယ်မှုတိုက်ဖျက်ရေး အထူးအဖွဲ့များအား တွေ့ဆုံ၍ လိုအပ်သည်များ လမ်းညွှန်မှာကြားကာ အေးရှားဝေါလ်ဆိပ်ကမ်းမှ ပြန်လည်ထွက်ခွာခဲ့ကြောင်း သတင်းရရှိသည်။