Department of Trade

ကြာသပတေးနေ့။ ၁၇  ဇန်နဝါရီလ ၂၀၁၃ 08:05 AM

ကမ္ဘာ့ စားအုန်းဆီ အများဆုံး ထုတ်လုပ်သော အင်ဒိုနီးရှား နိုင်ငံဟာ စားအုန်းဆီ ကုန်ကြမ်း (Crude Palm Oil- CPO) တင်ပို့မှု အပေါ် အခွန် စည်းကြပ် နေခြင်းအား ဖယ်ရှားရန် စဉ်းစား နေတယ်လို့ သိရ ပါတယ်။ ၎င်းရဲ့ ယှဉ်ပြိုင်ဘက် မလေးရှား နိုင်ငံ ကတော့ လောလောဆယ် (CPO) စားအုန်းဆီ ကုန်ကြမ်း တင်ပို့မှု အပေါ် အခွန် ကောက်ခံခြင်း မရှိပါဘူး။

အင်ဒိုနီးရှား ကုန်သွယ်ရေး ဝန်ကြီး Gita Wirjawan က ဈေးကွက်မှာ ယှဉ်ပြိုင်နိုင်ရန် အတွက် အခွန် စည်းကြပ် မှုကို လျှော့ချရန် လိုအပ် သော်လည်း အကျဘက်ကို ဦးတည် နေတဲ့ စက်မှု လုပ်ငန်းများ ဖွံ့ဖြိုး တိုးတက်ရေး အတွက်တော့ အခွန်က အထောက် အကူပြု နေတယ်လို့ ဂျကာတာရှိ ၎င်း၏ ရုံးခန်းတွင် သတင်းထောက် များနဲ့ တွေ့ဆုံရာမှာ ပြောကြား ခဲ့တာ ဖြစ်ပါတယ်။ Gita က ၎င်းအနေနဲ့ စက်မှု ဝန်ကြီးနှင့်လည်း တွေ့ဆုံဆွေးနွေး အကြံဉာဏ် တောင်းခံ ထားကြောင်း ဖြည့်စွက် ပြောကြား ခဲ့တယ်လို့ သတင်း သမားများက ဆိုပါတယ်။

ယခု အပတ် အစောပိုင်းက အင်ဒိုနီးရှား စားအုန်းဆီ အသင်း (Gapki )ဟာ အစိုးရအား စားအုန်းဆီ ကုန်ကြမ်း တင်ပို့မှု အပေါ် အခွန် စည်းကြပ် နေခြင်းအား ယာယီ အားဖြင့် လျှော့ချ ပေးရန် တင်ပြ ထားကြောင်း၊ ထိုသို့ တင်ပြရခြင်းမှာ စားအုန်းဆီ ကုန်ကြမ်း တင်ပို့မှု အပေါ် ယခု လတွင် အခွန် သုညသို့ လျှော့ချမဲ့ မလေးရှားအား လျင်မြန်စွာ တုန့်ပြန့်ရာ ရောက်မယ်လို့ ဆိုပါတယ်။ ယခုကဲ့သို့ ပြုလုပ်ခြင်း အားဖြင့် ပြည်တွင်း ထုတ်လုပ်သူများ၊ စားအုန်းဆီ အများ အပြား ထုတ်လုပ်မှု များကို မတ်လ မတိုင်မီ ထိန်းကျောင်း ထုတ်လုပ် သွားရန် ရည်ရွယ်တယ်လို့ ွ Gapki ရဲ့ ထုတ်ပြန်ချက် အရ သိရ ပါတယ်။

ပြီးခဲ့တဲ့ ၂ဝ၁၂ ခုနှစ် အောက်တိုဘာ လမှာ မလေးရှား နိုင်ငံက စားအုန်းဆီ တင်ပို့မှု အပေါ် လက်ရှိ အခွန် ကောက်ခံ နေတဲ့ ၂၃ ရာခိုင်နှုန်း အစား ၄ ဒသမ ၅ မှ ၈ ဒသမ ၅ ရာခိုင်နှုန်း ကြားသို့ ၂ဝ၁၃ ခုနှစ် ဇန်နဝါရီ လမှ စလျှော့ချ ပေးမယ်လို့ ကြေညာ ထားပြီးဖြစ် ပါတယ်။

အင်ဒိုနီးရှား နိုင်ငံက ၂ဝ၁၁ ခုနှစ်မှာ စားအုန်းဆီ တင်ပို့မှု အပေါ် ၂၅ ရာခိုင်နှုန်း အခွန် စည်းကြပ် နေခြင်းအား ၁ဝ ရာခိုင်နှုန်း သို့ လျှော့ချခြင်းကို တုန့်ပြန်သော အားဖြင့် မလေးရှား နိုင်ငံ ကလည်း ယခုနှစ် ဇန်နဝါရီ လမှာ အခွန် စည်းကြပ်မှုကို သုညထိ လျှော့ချ လိုက်ခြင်း ဖြစ်ပါတယ်။

မကြာမီ မှာတော့ အင်ဒိုနီးရှား ကုန်သွယ်ရေး ဝန်ကြီး ဌာန အနေနဲ့ သက်ဆိုင်ရာ အစု ရှယ်ယာဝင် များကို ခေါ်ယူပြီ ကျဆင်းနေသော စက်မှု လုပ်ငန်းများနဲ့ ပြည်ပ ဈေးကွက်မှာ ယှဉ်ပြိုင် ထိုးဖောက် တိုးမြှင့် ရောင်းချ နိုင်ရေး အစည်း အဝေး တစ်ရပ် ကျင်းပ သွားရန် စီစဉ် နေပြီလို့ သတင်းမှာ ဖော်ပြ ထားပါကြောင်း စာဖတ်သူ ပရိတ်သတ် အပေါင်း သိရှိနိုင်ပါရန် တင်ပြ လိုက်ရ ပါတယ်…

Source: Asia News Network   - CMK

ဗုဒ္ဓဟူးနေ့။ ၁၆  ဇန်နဝါရီလ ၂၀၁၃ 13:39 PM

ဟနွိုင်း။     ဗီယက်နမ် စိုက်ပျိုးရေး နှင့် နယ်စပ် ဒေသ ဖွံ့ဖြိုးရေး ဝန်ကြီး ဌာန ဒုတိယ ဝန်ကြီး Nguyen Thi Xuan Thu က စိုက်ပျိုးရေး ထုတ်ကုန်များ ဖြန့်ဖြူးရေး နှီးနှော ဖလှယ်ပွဲမှာ စားသုံးရန် ဘေးအန္တရာယ် ကင်းရှင်းကြောင်း အထောက် အကူပြု စနစ်သစ် အစီအစဉ်ကို ထုတ်ပြန် ကြေငြာခဲ့ တယ်လို့ ဇန်နဝါရီလ ၁ဝ ရက်နေ့ ထုတ် Vietnam News online သတင်းမှာ ဖော်ပြထား ပါတယ်။ စားသောက်ကုန် လေးမျိုးကို စားသောက် ကုန်နဲ့ စိုက်ပျိုးရေး ထုတ်ကုန်များ အရည်အသွေး ဖွံ့ဖြိုး တိုးတက်ရေး နဲ့ ထိန်းချုပ်ရေး စီမံကိန်း (Food Agricultural Products Quality Development & Control Project - FAQDC) အစီ အစဉ် အရ ဗီယက်နမ်ရဲ့ ကောင်းမွန်သော စိုက်ပျိုးရေး ကျင့်စဉ် (GAP)ကို ကိုက်ညီမှု ရှိတယ် ဆိုတာကို စားသုံးသူ များမြင်ရုံနဲ့ အလွယ်တကူ သိရှိစေ နိုင်တဲ့ အစိမ်းရောင် စီးပွားရောင် တံဆိပ် တပ်ပြီး ဈေးကွက်မှာ ဖြန့်ဖြူးတော့ မယ်လို့ Thu က ပြောကြား ခဲ့ကြောင်း သတင်းမှာ ဖော်ပြထား ပါတယ်။ အစိမ်းရောင် တံဆိပ် တပ်ပြီး ထုတ်လုပ်မဲ့ စားသောက်ကုန် လေးမျိုး ကတော့ ဟင်းသီး ဟင်းရွက်များ၊ သစ်သီး ဝလံ၊ ဝက်သားနဲ့ ကြက်သားတို့ ဖြစ်ကြ ပါတယ်။

ကနေဒါ ရန်ပုံငွေနဲ့ ထူထောင် ထားတဲ့ FAQDC စီမံကိန်း ဆိုင်ရာ နှီးနှော ဖလှယ်ပွဲမှာ Thu က အစိမ်းရောင် တံဆိပ်တပ် စားသောက် ကုန်များဟာ ကျန်းမာရေး အတွက် စိတ်ချ ယုံကြည်စွာ စားသုံး နိုင်ကြောင်း ထင်ထင် ရှားရှား သိသာမှု ရှိစေမှာ ဖြစ်ပြီး ဗီယက်နမ်၏ ကောင်းမွန်သော စိုက်ပျိုးရေး ကျင့်စဉ် (GAP) စံမီ ထုတ်ကုန် များကို တုပ ထုတ်လုပ်သော အတုများကို တားဆီး နိုင်စေမယ်လို့ ဆိုပါတယ်။

အစိမ်းရောင် တံဆိပ်တပ် စားသောက်ကုန် များကို ကျောင်းများနဲ့ လက်လီ ဖြန့်ဖြူး ရောင်းချသည့် ဆိုင်များ (Big-C ၊ Co-op Mart)ကို ဖြန့်ဝေ ပေးမှာ ဖြစ်ကြောင်း၊ မီဒီယာများမှ တဆင့် ကျယ်ကျယ် ပြန့်ပြန့် အသိပေးသွား မယ်လို့လည်း Thu က နှီးနှော ဖလှယ်ပွဲမှာ ပြောကြား ခဲ့တာ ဖြစ်ပါတယ်။

FAQDC စီမံကိန်း Nguyen Van Thuan u FAQDC သည် တောင်သူ လယ်သမား များအား အဆင့်မြင့် နည်းပညာများ ပံ့ပိုးခြင်းနဲ့ စားသုံးမှု မြင့်တက် လာစေရေး အဓိကထား လုပ်ဆောင် နေကြောင်း ပြောကြား ခဲ့သလို Thanh Tri ခရိုင်ရှိ Yen My Cooperative မှ ဥက္ကဌ Tran Due Vinh က ဒီစီမံကိန်းဟာ တောင်သူများရဲ့ မိရိုး ဖလာ အစဉ် အလာ အတိုင်း ထုတ်လုပ် နေခြင်းကို ပြောင်းလဲရန် အတွက် အထောက် အကူပြု စေတယ်လို့ ပြောကြား ပါတယ်။

ဟနွိုင်း မြို့ရှိ လက်လီ လက်ကား စတိုး ဆိုင်ကြီး (၄) ခုနဲ့ ဟနွိုင်း အခြေစိုက် ကုမ္ပဏီ ၄ ခုမှ ထုတ်လုပ် ဖြန့်ဖြူး ပေးသွားမှာ ဖြစ်ကြောင်းနဲ့ ဒီစနစ်ကို ကျင့်သုံးခြင်း အားဖြင့် စားသုံးသူများ ဘေးအန္တရာယ် ကင်းရှင်းသော စားသောက်ကုန် များကို အလွယ်တကူ ရွေးချယ် ဝယ်ယူ စားသုံး နိုင်စေမဲ့ အပြင် ထုတ်လုပ်သူ တောင်သူများ အတွက်လည်း အကျိုး အမြတ်ရရှိမှု ၂ဝ ရာခိုင်နှုန်း ခန့်ထိ တိုးတက်လာ စေမယ်လို့ Vinh က ဆိုပါတယ်။

Source: Vietnam News == CMK

အင်္ဂါနေ့ ။ ၁၅  ဇန်နဝါရီလ ၂၀၁၃ 11:08 AM

စားသုံးသူ အကာ အကွယ် ပေးရေးနဲ့ တရားမဝင် ကုန်စည ်စီးဆင်းမှုကို တားဆီး နိုင်ရန် အတွက် မြဝတီ-ရန်ကုန် ကုန်သွယ်မှု လမ်းကြောင်း ပေါ်မှာ လှုပ်ရှား စစ်ဆေးရေး အဖွဲ့ (၂) ဖွဲ့ကို တာဝန် ချထား ဆောင်ရွက် လျက်ရှိရာမှာ အများဆုံး စစ်ဆေး တွေ့ရှိ နေရတာတွေ ကတော့ လိုင်စင်မဲ့ သယ်ဆောင် လာသော ပစ္စည်းများ (ဥပမာ-သကြားလုံး၊ ချည်ထည်၊ ပေါ်လီယက် စတာ၊ မျက်နှာသုတ် ပုဝါ၊ ဟင်းချိုမှုန့်၊ မုန့်မျိုးစုံ၊ အလှကုန်) လိုင်စင် အလွဲ (ဂျူတီ သက်သာသော ပစ္စည်း အမယ်နဲ့ ဂျူတီမြင့် တန်ဖိုးကြီး ပစ္စည်းများ လွဲှပြောင်း တင်ဆောင်လာမှု၊ ဆီးသီး လိုင်စင်နဲ့ ဒူးရင်းသီး တင်သွင်း လာခြင်းမျိုး၊ model, country origin အလွဲအမှားများ) လိုင်စင်ပါ အရေ အတွက်ထက် ပိုမို တင်ဆောင် လာခြင်း၊ ကန့်သတ် ကုန်များ (အရက်၊ ဘီယာ၊ ဝိုင်၊ ပီကေ၊ ကိတ်မုန့် ----) များပဲ ဖြစ်ပါတယ်။

နိုဝင်ဘာလ ၂ဝ ရက်နေ့မှစပြီး မြဝတီ- ရန်ကုန် ကုန်သွယ်မှု လမ်းကြောင်းမှာ Mobile Team ကို စတင် တာဝန် ချထားပြီး Spot Check စစ်ဆေးခြင်း၊ ကန့်သတ် ကုန်များ သိမ်းဆည်းခြင်း၊ လိုင်စင် အပို၊ အလွဲ များကို လိုင်စင် ပြန်လုပ် စေခြင်း၊ စားသုံးသူများကို အန္တရာယ် ဖြစ်စေ နိုင်မဲ့ အသား အစို၊ ဝမ်းတွင်းသား အစို၊ ကြက်ဥ စသည် များကို မီးရှို့ ဖျက်ဆီးမှုများ လုပ်ဆောင်လျက် ရှိပါတယ်။ ပညာပေး ကာလ အဖြစ် ၂ဝ၁၂ ခုနှစ်၊ နိုဝင်ဘာလ ၂ဝ ရက်မှ ၂ဝ၁၃ ခုနှစ် ဇန်နဝါရီလ အထိ (၂) လ သတ်မှတ် ပေးထားတယ်လို့ သိရပါတယ်။

စတင် ပညာပေးသည်မှ စရေတွက်လျှင် ယခု ဇန်နဝါရီလ (၁) ရက်မှ (၇) ရက်ထိ ရက်သတ္တပါတ် ကာလ ဟာဆိုလျှင် သတ္တမ မြောက် အပတ်ဖြစ် ပါတယ်။ သတ္တမ မြောက် အပတ် အတွင်းမှာ ယာဉ် ၇ဝ စီးအား Spot Check စစ်ဆေးမှု ပြုခဲ့ရာ လိုင်စင်မဲ့ သယ်ဆောင် လာသော ပစ္စည်းများ အလူမီနီယံ အေ့စတင်ရှင်း (Alluminium Extension)၊ ပိတ်၊ ပေါ်လီယက် စတာ၊ ပဲစိမ်းဘူး၊ အကြော်မုန့်၊ မုန်လာဥ၊ သာကူစေ့၊ မုန့်မျိုးစုံ၊ စားဆီ၊ ဆီးသီး၊ မင်းဂွတ်သီး၊ ငန်းပြားသီး၊ မန်ကျည်းသီး (အချို)၊ ကြက်သွန်နီ၊ ကြက်စာခွက်၊ ပန်းကန် စင်ခြင်း စတဲ့ လိုင်စင်မဲ့ ပစ္စည်းများ၊ လိုင်စင် အလွဲနဲ့ ပိုသယ်ဆောင် လာသော နဂါးမောက်သီး၊ ဒူးရင်းသီး၊ စားဆီ၊ System Unit များနဲ့ ကန့်သတ်ကုန် Spy ဝိုင်၊ ဘီယာ (ချန်း/ တိုက်ဂါး)၊ ဝေဖာ၊ ကိတ်၊ ချိုချဉ်၊ ချောကလက်၊ သကြားလုံး၊ အုန်းနို့ တို့ကို စစ်ဆေး တွေ့ရှိရ နေဆဲဖြစ် တယ်လို့ သတင်း ရရှိပါတယ်။

ဇန်နဝါရီလ ၂ ရက်နေ့က ယာယီ ထိန်းသိမ်း ထားသော သစ်ခွ၊ နဂါးမောက်သီး၊ ပန်းသီး၊ မျက်နှာသုတ် ပုဝါ၊ စပျစ်သီး၊ ဒူးရင်းသီး၊ လစ်ပို၊ ငန်ပြာရည်နဲ့ ခရုဆီများကို ဂျူတီ ပေးဆောင်ခြင်း၊ လိုင်စင် လုပ်ခြင်းများ ပြီးစီးပြီ ဖြစ်၍ ပစ္စည်း ရှင်သို့ ပြန်လည် ပေးအပ်ပြီး ဖြစ်တယ်လို့ သတင်း ရရှိပါတယ်။

တရားမဝင် ကုန်သွယ်မှု ထိန်းချုပ် တားဆီးရေး ဗဟိုကော်မတီ ဥက္ကဌ၊ စီးပွားရေးနှင့် ကူးသန်း ရောင်းဝယ်ရေး ဝန်ကြီး ဌာန၊ ပြည်ထောင်စု ဝန်ကြီး ဦးဝင်းမြင့်ဟာ ဇန်နဝါရီလ ၆ ရက်နေ့မှာ ပဲခူး တိုင်းဒေသကြီး ဝေါမြို့နယ်၊ အဗျားဗိုလ်တဲ ကျေးရွာတွင် Mobile Team အဖွဲ့၊ သက်ဆိုင်ရာ တိုင်း ဒေသကြီး ဝန်ကြီးများ၊ ဌာန ဆိုင်ရာ တာဝန်ရှိ သူများနဲ့ လက်ရှိ ညှိနှိုင်း ဆောင်ရွက် ပေးရန် ရှိတာတွေကို ရှင်းလင်း လုပ်ဆောင် ပေးပြီး သတင်း မီဒီယာ များရဲ့ အကြံပြု ဆွေးနွေး မေးမြန်းချက်များကို ဖြေကြားခြင်း၊ စစ်ဆေးရေး လက်တွေ့ လုပ်ဆောင်နေတဲ့ ညောင်ခါးရှည် လမ်းဆုံသို့ ကွင်းဆင်း ကြည့်ရှု့ အားပေးမှု ပြုခဲ့တယ်လို့ သိရပါတယ်။

မြဝတီ- ရန်ကုန် ကုန်သွယ်မှု လမ်းကြောင်း ပေါ်ရှိ Mobile Team အဖွဲ့မှ Spot Check စစ်ဆေး တွေ့ရှိချက် အရ သွင်းကုန် ပစ္စည်းများရဲ့ Model , Brand, Measurement, Country Origin အလွဲများ တွေ့ရှိ နေရခြင်း၊ လိုင်စင် ID တွင် ဖော်ပြ ထားသော အမယ်များ လွဲနေခြင်း၊ ပိတ်စ အမျိုး အစားလွဲ နေခြင်း၊ ID မှာ ကရင်နဲ့ မွန် ပြည်နယ်တွင် အသုံးပြုရန် ဟုသာ တံဆိပ်တုံး နှိပ်ခတ်ထား သော်လည်း ပဲခူး တိုင်းတွင် စစ်ဆေးတွေ့ရှိ နေရခြင်း၊ ကုန်တင်ယာဉ် များဟာ ID မူရင်း မပါဘဲ ကျောဘက်ခြမ်း မပါသော ID မိတ္တူများသာ ပြနိုင်ခြင်းတွေ တွေ့နေ ရတယ်လို့ အဗျား ဗိုလ်တဲ ကျေးရွာ မှာပြုလုပ်တဲ့ Media များနဲ့ ရှင်းလင်းပွဲမှာသိရှိခဲ့ ရပါတယ်။

ဂန္ဓမာ

အင်္ဂါနေ့ ။ ၁၅  ဇန်နဝါရီလ ၂၀၁၃ 11:05 AM

ဗီယက်နမ် ဆန် တင်ပို့သူ များဟာ ၂ဝ၁၃ ခုနှစ်မှာ အနည်းဆုံး ဆန် တန်ချိန် ၇ ဒသမ ၅ သန်း ကျော်တင်ပို့ သွားရန် မျှော်မှန်း ထားပါတယ်။ ယမန်နှစ် တင်ပို့မှု ထက်တော့ လျော့နည်း နိုင်တယ်လို့ ဗီယက်နမ် အစားအစာ အသင်း (VFA- Vietnam Food Association) ဥက္ကဌ Truong Thanh Phong က ဇန်နဝါရီလ ၇ ရက်နေ့က ဟိုချီမင်း မြို့တော်မှာ ကျင်းပတဲ့ ညီလာခံမှာ ပြောကြား ခဲ့တာ ဖြစ်ပါတယ်။ ၂ဝ၁၃ မှာ အာရှတိုက်ကို ကြည့်လျှင် ထုတ်လုပ်မှု ပိုမိုပြီး လိုအပ်ချက် လျော့နည်း နိုင်မယ်လို့လည်း Phong က ပြောကြားခဲ့ ပါတယ်။

အမေရိကန် စိုက်ပျိုးရေး ဌာနက ၂ဝ၁၃ ခုနှစ်မှာ ဆန် တန်ချိန် ၃၆ သန်းကျော် ကုန်သွယ်မှု ပြုနိုင်မယ်လို့ ဟောကိန်းထုတ် ပြောကြားပြီး ၂ဝ၁၂ ခုနှစ်ထက် ၆ ရာခိုင်နှုန်း ကျော်လျော့နည်း နိုင်တယ်လို့ ဆိုပါတယ်။ VFA ကတော့ ၂ဝ၁၃ ခုနှစ် ပထမ လေးလပတ် မှာတော့ ချုပ်ဆိုတဲ့ စာချုပ် အချို့ အတွက် ဗီယက်နမ် ဆန် တင်ပို့သူများ အခက်အခဲနဲ့ ကြုံတွေ့ ရဖွယ်ရှိတယ်လို့ ဟောကိန်း ထုတ်နေပါတယ်။ ဆောင်းဦးပေါက် သီးနံှဟာ ဖေဖေါ်ဝါရီလမှာ ရိတ်သိမ်းတော့မှာ ဖြစ်တဲ့ အတွက် ပုံမှန် ထက် တစ်လ စောနိုင်တယ်လို့ သိရပါတယ်။ ဗီယက်နမ် မိရိုး ဖလာ ဈေးကွက် များဖြစ်တဲ့ ဖိလစ်ပိုင်၊ အင်ဒိုနီးရှား နိုင်ငံတွေမှာ ၎င်းတို့ နိုင်ငံ အနေနဲ့ စပါးထွက်ရှိမှု ပိုမို လာနိုင်ချေ ရှိတယ်လို့ တွက်ဆ လျက်ရှိပါတယ်။

၂ဝ၁၃ ခုနှစ်မှာ ဗီယက်နမ် ဆန်ကို အာရှမှ ၇၁ ရာခိုင်နှုန်းနဲ့ အာဖရိကမှ ၂၁ မှ ၂၃ ရာခိုင်နှုန်းခန့် ထိဝယ်ယူ နိုင်ဖွယ်ရှိ တယ်လို့ Phong က ပြောပါတယ်။

၂ဝ၁၃ ခုနှစ်မှာ ဆန်တန် ၇ ဒသမ ၆ သန်းကျော် ထုတ်လုပ် နိုင်မှာဖြစ်ပြီး ပထမ လေးလပတ်မှာ ဆန်တန် ၁ ဒသမ ၄ သန်းကျော် တင်ပို့ နိုင်မယ်လို့ VFAက ခန့်မှန်း လျက်ရှိ ပါတယ်။

ကြိုတင် ခန့်မှန်းလို့ ရနိုင်တဲ့ အခက်အခဲများ ရှိနေ သော်ငြားလည်း ဗီယက်နမ် ဆန်တင်ပို့ သူများ အနေနဲ့ အရည် အသွေးကောင်း အာမခံချက် ရှိသော ဆန်များ တင်ပို့ နိုင်မှသာ ဈေးကွက် အသစ်များ အတွက် အလားအလာ ကောင်းများ ရရှိစေနိုင် မယ်လို့ An Giang Import -Export ကုမ္ပဏီမှ ဒါရိုက်တာ Nguyen Vam Tien က ထောက်ပြ ပြောဆိုခဲ့ ပါတယ်။

VFA က စက်မှုနဲ့ ကုန်သွယ်ရေး ဝန်ကြီး ဌာန အနေနဲ့ အာဖရိက နိုင်ငံများနဲ့ ကုန်သွယ်မှု တိုးမြှင့်ရေး ဆောင်ရွက် သင့်ကြောင်းနဲ့ တရုတ် နိုင်ငံနဲ့ ပိုမို တိုးမြှင့် ဝယ်ယူရေး ညှိနှိုင်း ဆောင်ရွက် သင့်တယ်လို့ အကြံပြု ပြောကြားခဲ့ ပါတယ်။ တရုတ် နိုင်ငံဟာ ၂ဝ၁၂ ခုနှစ်မှာ ဗီယက်နမ် ဆန် အများဆုံး ဝယ်ယူ တင်သွင်း ခဲ့ပါတယ်။

Source: VNA/VOV Online (CMK)

တနင်္လာနေ့ ။ ၁၄  ဇန်နဝါရီလ ၂၀၁၃ 10:37 AM

လွန်ခဲ့သော (၁၁) လ အတွင်း ကန်ဒေါ်လာ ၃ ဒသမ ၃၄ သန်း တန်ဖိုးရှိ ကော်ဖီစေ့ ၁ ဒသမ ၅၆ သန်း တင်ပို့ နိုင်ခဲ့ကြောင်း၊ ဗီယက်နမ် အကောက်ခွန် ဌာနမှ ထုတ်ပြန်ထား ပါတယ်။ ယမန် နှစ်ကာလတူနဲ့ နှိုင်းယှဉ်လျှင် ပမာဏ အားဖြင့် ၄၂ ရာခိုင်နှုန်းကျော်နဲ့ တန်ဖိုး အားဖြင့် ၃၈ ရာခိုင်နှုန်းခန့် ပိုမို ဆောင်ရွက်နိုင် ခဲ့ပါတယ်။ ဗီယက်နမ် ကော်ဖီနဲ့ ကိုကိုး အသင်းက ၂ဝ၁၂-၂ဝ၁၃ တွင် ၃ဝ ရာခိုင်နှုန်းခန့် လျော့နည်းဖွယ် ရှိကြောင်း ခန့်မှန်းထား ပါတယ်။

လတ်တလောမှာ ပြည်တွင်း ကော်ဖီဈေးများ ကျဆင်းနေ ပါတယ်။ ဒီဇင်ဘာလ ၇ ရက်နေ့မှာ တောင်ပေါ် ကော်ဖီ ၁ ကီလို ဂရမ်လျှင် ဗီယက်နမ် ဒေါင် ၃၆၂ဝဝ-၃၈၃ဝဝ ဈေးပေါက် လျက်ရှိပြီး ဒေသထွက် ကော်ဖီ ၁ ကီလို ဂရမ်လျှင် ဗီယက်နမ် ဒေါင် ၃၉ဝဝဝ ဈေးပေါက်လျက် ရှိပါတယ်။ ဒီဇင်ဘာလ လယ်မှာ ကော်ဖီဈေးက ၁ ကီလို ဂရမ်ကို ဒေါင် ၃ဝဝ မှ ၄ဝဝ ထိ ထပ်မံ ကျဆင်းသွား ခဲ့ပါတယ်။

နိုဝင်ဘာ ကော်ဖီတင်ပို့တဲ့ ဈေးနှုန်းဟာ အောက်တိုဘာ ဈေးထက် ၃ ရာခိုင်နှုန်း လျော့ကျခဲ့ပြီး အောက်တိုဘာလ ဈေးမှာ ၁ တန်ကို ကန်ဒေါ်လာ ၂ ဒသမ ၁၄၈ ဒေါ်လာ ကျဆင်း ခဲ့တယ်လို့ သတင်းမှာ ဖော်ပြ ထားပါတယ်။

Source: VOV (CMK)