Department of Trade

အင်္ဂါနေ့ ၂၂ ဇန်နဝါရီလ ၂၀၁၃ 11:55 PM

ထိုင်းဆန် ရောင်းချသူများဟာ ဇန်နဝါရီလ ၁၇ ရက်နေ့မှာ ၎င်းတို့ရဲ့ ဟုန်မာလီ ဆန်တစ်တန်ကို ၁၀ ဒေါ်လာ နှုန်းတိုးမြှင့် လိုက်ပြီး ၁ တန်လျှင် ဒေါ်လာ ၁၁၂၀ မှ ၁၁၃၀ နှုန်းနဲ့ ဈေးဖွင့်ထားပါတယ်။ ဗီယက်နမ်ဆန် ရောင်းချ သူများကတော့ တစ်တန်ကို ၅ ဒေါ်လာ မှ ၃၀ ဒေါ်လာထိ လျှော့ချလိုက်ပြီး အိန္ဒိယနဲ့ ပါကစ္စတန် ကတော့ ၎င်းတို့ရဲ့ ဆန်ဈေးကို ပြောင်းလဲခြင်း မပြုဘူးလို့ သိရပါတယ်။

ဇန်နဝါရီလ တတိယပတ် အတွင်း ထိုင်း၊ ဗီယက်နမ်၊ အိန္ဒိယနဲ့ ပါကစ္စတန် ဆန်အမျိုးအစား အလိုက် ပေါက်ဈေးများကို နှိုင်းယှဉ် ဖော်ပြပေး လိုက်ရပါတယ် -

                  ထိုင်း              ဗီယက်နမ်             အိန္ဒိယ              ပါကစ္စတန်

၅ မှတ်ဆန်      ၅၅၀-၅၆၀              ၃၉၀-၄၀ဝ                ၄၂၀-၄၃၀                ၄၁၅-၄၂၅

၂၅ မှတ်ဆန်    ၅၃၅-၅၄၅               ၃၅၅-၃၆၅               ၃၈၀-၃၉၀                ၃၆၀-၃၇၀

ပြုတ်ဆန်        ၅၈၀-၅၉၀                -                        ၄၂၀-၄၃၀                ၄၅၀-၄၆၀

ဆန်ကွဲ           ၅၂၀-၅၃၀              ၃၄၅-၃၅၅               ၃၂၅-၃၃၅                 ၃၃၅-၃၄၅

ဗီယက်နမ် ဆန်ဈေးကို ကြည့်မယ်ဆိုလျှင် ယခင် အပတ်ဈေးထက် ၅ မှတ်ဆန်သည် ၁၅ ဒေါ်လာ၊ ၂၅ ဆန်ဒေါ်လာ ၂၀ နဲ့ ဆန်ကွဲ ၅ ဒေါ်လာ အသီးသီး တစ်တန်ဈေးများ လျှော့ချပေးထားတယ်လို့ သိရပါတယ်။

Source: Newsdesk (CMK)

တနင်္လာနေ့၊  ၂၁ ဇန်နဝါရီလ ၂၀၁၃ 10:37 AM

၂၀၁၃ ခုနှစ်၊ ဇန်နဝါရီလ ၁ ရက်နေ့မှာ စတင်အသက်ဝင်တဲ့ ရွှေ့ပြောင်း လုပ်သားများ အပါအဝင် အလုပ် သမားများအား အနိမ့်ဆုံး လုပ်အားခ ၁ ရက် ဘတ် ၃၀ဝ နှုန်း ပေးဆောင်ရမဲ့ ထိုင်းအစိုးရ မူဝါဒကြောင့် အသေးစားနဲ့ အလတ်စား လုပ်ငန်းများ အချို့ ပိတ်လိုက် ရကြောင်း MOCT Online News Internet သတင်းစာ မျက်နှာမှာ ဖော်ပြထား ပါတယ်။

အနိမ့်ဆုံး လုပ်အားခ ဘတ် ၃၀ဝ တိုးမြှင့် ပြဌာန်း ခဲ့မှုကြောင့် လုပ်ငန်း လည်ပတ်မှုကို ရိုက်ခတ် ခံရတဲ့ အသေးစား စီးပွားရေး လုပ်ငန်းများအား အထောက်အပံ့ ဖြစ်စေမဲ့ ဖြေလျှော့ ပေးရေး အစီအစဉ် တစ်ရပ်ကို ၈-၁-၂၀၁၃ ရက်နေ့ ကျင်းပ ပြုလုပ်မဲ့ အစိုးရ အဖွဲ့အပတ်စဉ် အစည်းအဝေးမှာ အဆိုပြု တင်ပြမယ်လို့ အလုပ်သမား ဝန်ကြီး Phadermchai Sasomsub က ပြောကြား ခဲ့တယ်လို့ သတင်းမှာ ဖော်ပြထားပါတယ်။

ဘဏ္ဍာရေး၊ အလုပ် သမားအရေး၊ ကုန်သွယ်ရေးနဲ့ စက်မှုလုပ်ငန်း စသော ဝန်ကြီးဋ္ဌာန အသီးသီးရှိ စီးပွားရေး ဖွံ့ဖြိုးမှု ဆိုင်ရာ အချက် အလက်များ အပေါ် ခြုံငုံ စိစစ်ပြီး တင်သွင်းခဲ့တဲ့ ကနဦး အဆိုပြုချက် များမှာ အသေးစားနဲ့ အလတ်စား လုပ်ငန်းများ (SMEs) အပေါ် လတ်တလော စည်းကြပ် ကောက်ခံလျက်ရှိတဲ့ အခွန်နှုန်း ထားကို ၃ ရာခိုင်နှုန်းမှ ၂ ရာခိုင်နှုန်းသို့ လျော့ပေါ့ ပေးရေး၊ ဒေသတွင်း စက်မှု လုပ်ငန်းများမှာ အသုံးပြုရန် အလုပ်လက်မဲ့ (သို့မဟုတ်) ကျွမ်းကျင်မှု မရှိသော အလုပ်သမား များအား လေ့ကျင့် သင်ကြား ပေးရန် ထောက်ပံ့ လေ့ကျင့်ရေး ဋ္ဌာနများ ဖွဲ့စည်း ထူထောင်နိုင်ရန် ဘက်စုံ စွမ်းရည် ဖွံ့ဖြိုးရေး ဋ္ဌာန ဘတ်ဂျက် ငွေကို ပြင်ဆင် ပြဋ္ဌာန်းပေးရေး စတဲ့ အချက်များ ပါဝင်တယ်လို့ သိရပါတယ်။ အခွန် လျော့ပေါ့ရေး အစီအစဉ်ကြောင့် အစိုးရရဲ့ ဘဏ္ဍာငွေ တိုက်ထဲမှ ထိုင်းဘတ်ငွေ သန်း (၂၀) လျော့ကျမှာ ဖြစ်ပါတယ်။ ထုတ်ပြန် ကြေငြာခဲ့ပြီး ဖြစ်တဲ့ ကော်ပိုရေးရှင်း ဆိုင်ရာ ဝင်ငွေခွန် နှုန်းထားကို ၂၀ ရာခိုင်နှုန်းသို့ လျော့ချ သတ်မှတ် ပေးခဲ့ခြင်းဟာ လုပ်ငန်းရှင်များရဲ့ ဝင်ငွေ မြင့်မားရေးကို ပံ့ပိုး ပေးမှာဖြစ်ပြီး ထိုင်းနိုင်ငံ အနေဖြင့် နှစ်စဉ် အခွန် စည်းကြပ်ခြင်းမှ ထိုင်းဘတ်ငွေ သန်းပေါင်း ၆၀ မှ ၇၀ အတွင်းရရှိ တယ်လို့ သိရပါတယ်။ အဆိုပြုချက်မှာ ပါဝင်သော အခြား အချက်များမှာ ခရိုင် အသီးသီးမှ ဟိုတယ်နဲ့ အပန်းဖြေ စခန်းများရဲ့ အခန်း တစ်ခန်း အတွက် ဝန်ဆောင်ခ ထိုင်း ဘတ်ငွေ ၈၀ မှ ၄၀ ဘတ်သို့ လျော့ချ သတ်မှတ်ပေးရေး၊ ခရိုင်များ အတွင်းရှိ ကမ္ဘာလှည့် ခရီးသွား အများဆုံး လာရောက် လည်ပတ်တဲ့ နေရာ ဒေသ များမှာ စီးပွားရေး အရ ဖွံ့ဖြိုးမှု မြင့်မား လာစေရန် ရည်ရွယ်ပြီး နှီးနှော ဖလှယ်ပွဲများ ကျင်းပ ပြုလုပ် ပေးနိုင်ရန် အတွက် ဒေသ ဆိုင်ရာ အစိုးရ ဋ္ဌာနများ ဘတ်ဂျက် ငွေကို ပြန်လည် ပြင်ဆင် သတ်မှတ်ပေးရန် ဖြစ်တယ်လို့ ဖော်ပြထား ပါတယ်။ ကူးသန်း ရောင်းဝယ်ရေး ဝန်ကြီး ဋ္ဌာနမှ အဖွဲ့ငယ်များ ဖွဲ့ပြီး ကမ္ဘာလှည့် ခရီးသွားများအား ဆွဲဆောင် နိုင်ရန် လုပ်အားခ နည်းတဲ့ စက်ရုံ အလုပ်သမားများမှ ထုတ်လုပ်တဲ့ ဈေးနှုန်း သက်သာသော ကုန်ပစ္စည်းများ ရောင်းချ ပေးသွားမဲ့ အစီအစဉ် ချမှတ်ပြီး စီးပွားရေး ဖွံ့ဖြိုးမှု အတွက် ပြင်ဆင် ထားတယ်လို့ သိရပါတယ်။

၂၀၁၃ ခုနှစ် ဇန်နဝါရီလ ၁ ရက်နေ့မှာ စတင် အသက်ဝင်တဲ့ အနိမ့်ဆုံး လုပ်အားခအား ၁ ရက်လျှင် ဘတ်ငွေ ၃၀ဝ ပေးရမဲ့ မူဝါဒကြောင့် အသေးစားနဲ့ အလတ်စား စီးပွားရေး လုပ်ငန်းများ များစွာ နစ်နာခဲ့ ပါကြောင်း၊ လုပ်အားခများ ပိုမို ပေးရပြီး လုပ်အားကြောင့် ရရှိလာတဲ့ တန်ဖိုး နည်းတဲ့ အတွက် တစ်ချို့ စက်ရုံများ ပိတ်လိုက်ရတဲ့ အခြေအနေသို့ ရောက်ရှိ နေပြီဖြစ်ကြောင်း၊ ထိုင်း အစိုးရရဲ့ လုပ်အားခ မူဝါဒ အတိုင်း ခံစားခွင့် ရထားသည်ဖြစ်ရာ မြန်မာနိုင်ငံမှ အလုပ်သမားများ ပိုမို ဝင်ရောက်လာမည် ဖြစ်ပြီး အစိုးရမှ လုပ်အားခ ပိုမို လာတာနဲ့ အညီ ဝယ်လိုအား တိုးလာမှာ ဖြစ်တဲ့ အတွက် စီးပွားရေး ထိခိုက်မှု မရှိနိုင်ကြောင်း တွက်ချက်ထားတဲ့ မူဝါဒဟာ မှားယွင်း နေသောမူဝါဒ ဖြစ်တယ်လို့ ထိုင်း လုပ်ငန်းရှင်များမှ ပြောကြား ခဲ့ကြောင်း M.O.C.T Online News တွင် ဖော်ပြထားပါတယ်။

Source: M.O.C.T Online News - မြင့်ရှိန် (မြဝတီ)

တနင်္လာနေ့ ၂၁ ဇန်နဝါရီလ ၂၀၁၃ 10:41 AM 

၂၀၁၃ ခုနှစ်၊ ဇန်နဝါရီလ ၅ ရက်တွင် ထိုင်း နိုင်ငံ လေကြောင်း ဦးစီဋ္ဌာန Airports of Thailand (AOT) စက်မှု နည်းပညာ ဦးစီး ဋ္ဌာနရဲ့ ဒုတိယ ဥက္ကဋ္ဌ၊ Senior Executive vice President Engineering Construction and Acting President ၊ ဆောက်လုပ်ရေးနှင့် လုပ်ငန်း ဖော်ဆောင်ရေး ဋ္ဌာန ဥက္ကဋ္ဌ Somchai Sawasdeepon မှ ပြီးခဲ့သော နှစ်က ထိုင်းနိုင်ငံ အတွင်းရှိ လေဆိပ် (၆)ခု ဖြစ်သော သုဝဏ္ဏ ဘုမ္မိ (suvarnabhumi)၊ ဒွန်းမောင်း (Dong Meaung)?၊ ချင်းမိုင် (Chiang Mai)၊ ဖူးခက် (Phuket)? ဟရိုင်း (Hatyai) နှင့် ချင်းရိုင်း (Chiang Rai) စသော လေဆိပ် များ၌ အသုံးပြုသူ ခရီးသည် စုစုပေါင်း ၇၄ သန်းကျော် ရှိရာတွင် လေယာဉ်စီး ခရီးသည် ၄၈ သန်း ခန့်မှာ ထိုင်းနိုင်ငံသားများ မဟုတ်ကြောင်း ပြောကြား ခဲ့ပါတယ်။ လေဆိပ် ၆ ခုတွင် ဆင်းသက် ခဲ့သော လေကြောင်း ခရီးစဉ် (၄၉၆၇၄၉) အနက် (၂၇၅၄၂၂) မှာ နိုင်ငံတကာ လေကြောင်း ခရီးစဉ်များ ဖြစ်ပြီး သုဝဏ္ဏဘူမိ လေဆိပ် တစ်ခုတည်း၌ပင် ခရီးသည်ပေါင်း ၅၁ ဒသမ ၄၆၂ သန်း ရှိခဲ့ကာ လေကြောင်း ခရီးစဉ် ပေါင်း ၃၁၂၄၉၃ ပျံသန်း ခဲ့ကြောင်း ထိုင်းနိုင်ငံ လေကြောင်း ဦးစီးဋ္ဌာန (AOT) ထုတ်ပြန် ကြေငြာချက်ကို ကိုးကားပြီး ပြောကြားခဲ့ ပါတယ်။

ဆက်လက်ပြီး လေဆိပ် တိုးချဲ့ရေး စီမံကိန်းများနဲ့ ပတ်သက်ပြီး ၂၀၁၁-၂၀၁၇ ခုနှစ်၊ ဖွံ့ဖြိုးရေး ဘတ်ဂျက် အရ သုဝဏ္ဏဘူမိ လေဆိပ် တိုးချဲ့မှု ဒုတိယ အဆင့် အဖြစ် အဆောက် အဦ ဒီဇိုင်း ပုံကြမ်း ရေးဆွဲခြင်း လုပ်ငန်း အပေါ် လေလံပွဲ တစ်ရပ် ကျင်းပပေးရေး အတွက် လိုအပ်သော လုပ်ထုံး လုပ်နည်း ပိုင်းဆိုင်ရာ အချက် အလက်များအား အသေးစိတ် စိစစ်ပြီး ညွှန်ကြားချက်များ ထုတ်ပြန်ရန် အမြဲတမ်း အတိုင်ပင်ခံ ခန့်အပ်ခြင်း၊ ယာယီ အကျိုးတူ ပူးပေါင်း ဆောင်ရွက်ရေး အဖွဲ့ ဖွဲ့စည်းခြင်း များအား (ဗဥွှ) မှ လုပ်ဆောင် ခဲ့ပြီး ဖြစ်ကြောင်းနဲ့ အဆိုပါ လေလံပွဲ အနိုင်ရ ကုမ္ပဏီ အနေဖြင့် လာမဲ့ ဧပြီလမှာ အဆောက် အဦ ပုံကြမ်း တင်ပြပေးရန် လိုအပ်တယ်လို့ သိရပါတယ်။

အဆောက် အဦ ပုံကြမ်း ရေးဆွဲမှုမှာ ခရီးသည် နားနေဆောင်၊ အများသုံး ဝန်ဆောင်မှု စနစ်နဲ့ လူထု ဆက်သွယ်ရေး စနစ် စတဲ့ စီမံကိန်း (၃)ရပ် ပါဝင်ရမဲ့ အပြင် ကန်ထရိုက်များနဲ့ ဆောက်လုပ်ရေး လုပ်ငန်းခွင် စစ်ဆေးရေး အဖွဲ့ များကိုလည်း လာမဲ့ ဩဂုတ်လ အတွင်း ငှားရမ်း ခန့်အပ် သွားရန် စီစဉ် ထားတယ်လို့ သိရပါ တယ်။ လေဆိပ်ရဲ့ ဝန်ဆောင်မ ပေးနိုင်စွမ်းနဲ့ စပ်လျဉ်းပြီး လေဆိပ် တိုးချဲ့ရေး ၄ နှစ် စီမံကိန်း အပြီး ၂၀၁၄ ခုနှစ် အရောက်မှာ ဖူးခက် လေဆိပ်ဟာ ၁၂ ဒသမ ၅၀ သန်း အထိ ဝန်ဆောင်မှု ပေးနိုင်စွမ်း ရှိလာမယ်လို့ မျှော်မှန်း ထားပါတယ်။ လက်ရှိ အချိန်မှာ ခရီးသည် ၆ ဒသမ ၅၀ သန်းကို ဝန်ဆောင်မှု ပေးလျက် ရှိကြောင်း၊ ဒွန်မောင်း လေဆိပ် ဖွံ့ဖြိုးရေး အစီအစဉ်တွင် ခရီးသည် နားနေဆောင် ၂ ခုမှ နားနေဆောင် ၅ ခု၊ အထပ် ၅ ထပ်ပါ ယာဉ်ရပ်နား အဆောက်အဦနဲ့ လူထု ဆက်သွယ်ရေး စနစ်များ ပါဝင်ကြောင်း၊ ၂၀၂၆ ခုနှစ်အထိ နိုင်ငံတကာ စံချိန်စံညွှန်း ပြည့်မီသော တစ်နည်း အားဖြင့် ခရီးသည် ၂၇ ဒသမ ၅၀ သန်းထိ ဝန်ဆောင်မှု ပေးနိုင်စွမ်း ရှိသော လေဆိပ် အဖြစ်သို့ အဆင့်မြှင့်တင် ပေးသွားမယ်လို့ Somchai Sawasdeepon က ပြောကြားခဲ့ကြောင်း M.O.C.T Online News မှာ ဖော်ပြ ထားပါတယ်။

Source: M.O.C.T Online News မြင့်ရှိန် (မြဝတီ)

သောကြာနေ့ ၁၈ ဇန်နဝါရီလ ၂၀၁၃ 15:10 PM

အိန္ဒိယ အစိုးရသည် ပြည်တွင်း စက်မှု လုပ်ငန်းများကို အကာ အကွယ်ပေးရန် တရုတ်နိုင်ငံမှ တင်သွင်းသော သံမဏိ ပစ္စည်း အချို့ အပေါ် သွင်းကုန်ခွန် ၂ဝ ရာခိုင်နှုန်း စတင် ကောက်ခံ သွားမည်ဟု ဇန်နဝါရီလ လဆန်းပိုင်းမှာ ထုတ်ပြန်ခဲ့ ပါသည်။

သံမဏိ အဆင့် ၃ဝ၄ မှ ထုတ်လုပ်သော သံပြား အလိပ်များ၊ ခရိုနီယမ် သို့မဟုတ် နီကယ် ၆ ရာခိုင်နှုန်း နှင့် အထက် ပါရှိသော သံမဏိ အဆင့် အားလုံး အပေါ် ပြည်တွင်း ထုတ်လုပ်မှု များအား အကာ အကွယ် ပြုသော ဂျူတီ (Safeguard duty)ကို စည်းကြပ် သွားမည်ဟု သိရသည်။

Motilal Oswal Securities မှ ဝါရင့် ဒုတိယ ဥက္ကဌ၊ Sanjay Jain က အိန္ဒိယတွင် အဆင့် ၂ဝဝ အမျိုး အစား သံမဏိ ပစ္စည်းတွင် ယှဉ်ပြိုင်မှု များစွာ ရှိပြီး အဆင့် ၃ဝဝ အမျိုးအစား နှင့်မူ ယှဉ်ပြိုင် ထုတ်လုပ်မှု မရှိကြောင်း၊ အဆင့် ၃ဝ၄ အမျိုးအစား သတ္ထုသည် အရည် အသွေး ကောင်းမွန်ပြီး ဈေးလည်း ကြီးမြင့်ကြောင်း ပြောကြားခဲ့သည်။

ဇန်နဝါရီလ ၇ ရက်နေ့တွင် ဝန်ကြီး ဌာန ဝက်ဘ်ဆိုဒ်၌ အဆင့် ၃ဝ၄ အမျိုးအစား၊ ခရိုနီယမ် သို့မဟုတ် နီကယ် ၆ ရာခိုင်နှုန်းကျော် ပါဝင်သော သံမဏိ ပစ္စည်းများ အပေါ် အခွန်စည်းကြပ် တော့မည် ဆိုသည့် ကြေညာချက်ကို ထုတ်ပြန်ခဲ့ခြင်း ဖြစ်သည်။ ထိုနေ့တွင် အိန္ဒိယ သံမဏိ လုပ်ပိုင်ခွင့် ရှိသူများ အကြားရှယ်ယာ ၄ ဒသမ ၅ ရာခိုင်နှုန်းထိ မြင့်တက် ခဲ့ပြီး ဗုဒ္ဓဟူးနေ့မှာမူ ၁ ဒသမ ၈ ရာခိုင်နှုန်းထိ လျော့ကျ သွားခဲ့ပါသည်။

ထုတ်ပြန်ချက်တွင် သွင်းကုန်ခွန် စည်းကြပ်ခြင်းသည် ပြည်တွင်း သံမဏိ လုပ်ငန်းများအား အကာအကွယ် ပေးရန် ရည်ရွယ် စည်းကြပ်ခြင်း ဖြစ်ကြောင်း၊ ပြည်တွင်း သံမဏိ လုပ်ငန်းများသည် အိန္ဒိယ၏ GDP တွင် ၂ ရာခိုင်နှုန်း နီးပါး ပါဝင်ပြီး လူ ၅ဝဝဝဝ ကျော်ကို အလုပ် အကိုင် ပေးလျက် ရှိကြောင်း ဖော်ပြထား ပါသည်။

ယခု ကဲ့သို့ စည်းကြပ်ခွန် ပြဌာန်းခြင်းသည် ပြည်တွင်း ထုတ်လုပ်မှုများ အတွက် အိန္ဒိယ အစိုးရ၏ ထူးထူး ခြားခြား အကာ အကွယ် ပေးခြင်း ဖြစ်ကြောင်း၊ သံမဏိ လုပ်ငန်းများ၏ အခက်အခဲကို နားလည်မှုရှိစွာ ထည့်သွင်း စဉ်းစား ဆောင်ရွက်ခြင်း ဖြစ်ကြောင်း Jain က ပြောကြား ပါသည်။

အိန္ဒိယ နိုင်ငံသည် ကမ္ဘာ့ သံမဏိ စတုတ္တမြောက် အများဆုံး ထုတ်လုပ်သော နိုင်ငံ ဖြစ်သော် ငြားလည်း ယခု လတ်တလောတွင် အများဆုံး တင်သွင်းသော နိုင်ငံ ဖြစ်လာ နေခြင်းကြောင့် သွင်းကုန်ခွန် အသစ် စည်းကြပ် ရခြင်း ဖြစ်ပါသည်။ ၂ဝဝ၅- ၂ဝဝ၆ ခုနှစ်များတွင် အိန္ဒိယ နိုင်ငံသည် သံမဏိ ပစ္စည်းများကို နှစ်စဉ်ပျမ်းမျှ ၇ ရာခိုင်နှုန်းခန့် တိုးတက် ထုတ်လုပ် ခဲ့သော်လည်း ၂ဝဝ၅- ၂ဝဝ၆ နောက်ပိုင်း (၆) နှစ်ကျော်တွင် သံမဏိ သုံးစွဲမှုသည် ၉ ဒသမ ၆ ရာခိုင်နှုန်းကျော် တိုးတက် လာနေသည်ဟု သိရသည်။

အိန္ဒိယသို့ သံမဏိ တင်သွင်းသော နိုင်ငံများတွင် တရုတ် နိုင်ငံသည် တတိယ နေရာတွင် ရှိနေပြီး သွင်းကုန် ခွန် ၂ဝ ရာခိုင်နှုန်း စည်းကြပ်ရန် ထုတ်ပြန်ခြင်းသည် တရုတ် သံမဏိ သွင်းကုန်များ တိုးမြင့်လာ ခြင်းကြောင့် ပြည်တွင်း ထုတ်လုပ်သူများအား အကာ အကွယ် ပေးရန်မှ အခြား မရှိနိုင်ဟု သုံးသပ်လျက်ရှိ ပါသည်။

Source: blogs.ft.com ---CMK

ကြာသပတေးနေ့၊ ၁၇ ဇန်နဝါရီလ ၂၀၁၃ 15:10 PM

မြဝတီနယ်စပ်တွင် တစ်ဖက်နိုင်ငံမှ အများဆုံး တင်သွင်းသည့် ကုန်ပစ္စည်းများမှာ ဘီယာနှင့် စက်သုံး ဆီတို့ ဖြစ်ပြီး စက်သုံးဆီသည် တရားဝင် လမ်းကြောင်းပေါ်သို့ စတင်သွားနေပြီ ဖြစ်ကြောင်း မြဝတီနယ်စပ် ကုန်သွယ်ရေး စခန်း တာဝန်ခံ ဦးရန်နိုင်ထွန်းက ဒီဇင်ဘာလ နှောင်းပိုင်းကပြုလုပ်သည့် ကုန်သွယ်မှုမြှင့်တင်ရေး အစည်းအဝေးမှာ ပြောကြားခဲ့ခြင်း ဖြစ်သည်။

စက်သုံးဆီ တင်သွင်း ခွင့်ကို စီးပွားရေးနှင့် ကူးသန်း ရောင်းဝယ်ရေး ဝန်ကြီး ဌာနမှ တရားဝင် တင်သွင်းခွင့် ပြုထားပြီး ဖြစ်ကြောင်း၊ ဒေသတွင်း သုံးစွဲရန် ဒေသသုံး ငွေကြေးဖြင့် ခွင့်ပြု ပေးထားပြီး နိုင်ငံ အတွင်း မည်သည့် နေရာသို့ မဆို သယ်ယူ နိုင်ရေးကို Normal LC/TT စနစ်ဖြင့် ခွင့်ပြုထားပြီး ဖြစ်ကြောင်း၊ ထို့ကြောင့် စက်သုံးဆီ တင်သွင်းမှုသည် တရားဝင် လမ်းကြောင်း ပေါ်သို့ သိသိ သာသာ ရောက်ရှိလာသည့် အနေ အထား ရှိနေခြင်း ဖြစ်သည်ဟု ဦးရန်နိုင်ထွန်းက ကုန်သည် လုပ်ငန်းရှင်များကို အသိပေး ပြောကြားခဲ့ သည်ဟု သိရသည်။

အောင်နန်းသာ ကုမ္ပဏီ မန်နေဂျာ ကိုနေလင်းထွဋ်မှ စက်သုံးဆီကို ကျပ် လိုင်စင်ဖြင့် လျှောက်ထား လိုပြီး ကျပ် လိုင်စင်ဖြင့် တင်သွင်းသော စက်သုံးဆီကို မည်သည့် ဒေသထိ သယ်ဆောင် ခွင့်ပြုသည်ကို ညွှန်ကြား ထားချက်နဲ့ မည်သည့် အတွက်ကြောင့် ပြည်တွင်းသို့ သယ်ဆောင်၍ မရသည်ကို သိလိုကြောင်း၊ အခွန်အခ ပေးဆောင် ထားတာချင်း အတူတူ တစ်နိုင်ငံလုံး သွားလို့ ရမည့် ကိစ္စအား Mobile Team မှ မည်သည့် အတွက် တားဆီး ထားသည်၊ ဒေသ ကန့်သတ်ချက် မည်သည့် အတွက် ထားရသည်ကို သိလိုကြောင်း မေးမြန်းခဲ့ ပါသည်။ စခန်း တာဝန်ခံ ဦးရန်နိုင်ထွန်းမှ မူလက စက်သုံးဆီ တင်သွင်းမှုကို ပုံမှန် ကုန်သွယ်မှု လမ်းကြောင်း ပေါ်သို့ ရောက်ရှိရန် စီမံခဲ့ကြောင်း၊ ၂ဝဝ၅ ခုနှစ်တွင် EISC ဝန်ကြီး ၄ ပါး မူဆယ်သို့ သွားပြီး (Border Trade rS Normal Trade) နယ်စပ် ကုန်သွယ်ရေးမှ နယ်စပ် ဖြတ်ကျော် ပုံမှန် ကုန်သွယ်ရေးသို့ ပြောင်းလဲရန် ဆောင်ရွက် ခဲ့ကြောင်း၊ အလားတူ ကျန်နယ်စပ် စခန်း များတွင်လည်း နယ်စပ် ဖြတ်ကျော် ပုံမှန် ကုန်သွယ်ရေး ဆောင်ရွက်ခဲ့ကြောင်း၊ ယခု အစိုးရသစ် လက်ထက်မှာ ကုန်သွယ်မှု ကဏ္ဍတွင် ဖြေလျော့မှု များစွာ လုပ်ဆောင် ပေးခဲ့ပြီး ဖြစ်ကြောင်း၊ Auto နဲ့ ြ Non-Automatic လိုင်စင် စနစ် ခွင့်ပြု ပေးထားကြောင်း ရှင်းလင်း ပြောကြား ပါသည်။

ဆက်လက်၍ ၂ဝ၁၂ ခုနှစ် မတ်လ အတွင်းက ဌာန ဆိုင်ရာ အကြီး အကဲများ မြဝတီသို့ လာရောက် ခဲ့တဲ့ ခရီးစဉ်မှာ ဒေသခံ ကုန်သည်များရဲ့ တင်ပြချက် အရ လမ်းကြောင်း ပေါ်မှ တရားဝင် သွားလို ကြတဲ့ အတွက် လိုင်စင် လျှောက်ထားမှု အပိုင်းမှာလည်း ကျပ်/ ဒေါ်လာ စသဖြင့် လျှောက်ထားခွင့် ဖြေလျှော့ ပေးခဲ့ပြီး ကျပ်/ ဒေါ်လာ စသည်ဖြင့် ကြိုက်နှစ်သက်ရာ ဆောင်ရွက် နိုင်ရန် ခွင့်ပြုခဲ့ပြီး ဖြစ်ကြောင်း၊ ဤဒေသ၏ လိုအပ်ချက် အရ ပြည်နယ် အစိုးရမှ အထက်ဌာနသို့ တင်ပြချက် အရ မိမိတို့ ဝန်ကြီး ဌာနနှင့် ညှိနှိုင်းပြီး ကရင်နှင့် မွန်ပြည်နယ် ဒေသတွင်း သုံးရန် ကျပ် လိုင်စင်ဖြင့် ၂ဝ၁၂ ခုနှစ် မတ်လ ကပင် စတင် ခွင့်ပြုထားခြင်း ဖြစ်ကြောင်း၊ အသေးစိတ် ပြန်လည် ရှင်းလင်း ပြောကြားခဲ့ သည်ဟု သတင်း ရရှိပါသည်။

Source: မြဝတီနယ်စပ် း MTN