ဖေဖော်ဝါရီလ ၂ ရက်နေ့ထုတ် Commerce Journal အတွဲ (၁၅)၊ အမှတ် ၅ စာမျက်နှာ ၁၈ တွင် ဖော်ပြထားသည့် ပြည်ပမှ တစ်ပတ်ရစ်များ တင်သွင်းခွင့် တတိယအကြိမ် စမ်းသပ်ကာလ တိုးမြှင့်သတင်းတွင် ပြည်ပမှ တစ်ပတ်ရစ် စက်ဘီးများဟု ဖြည့်စွက် ဖတ်ရှု ပေးပါရန် လေးစားစွာမေတ္တာရပ်ခံအပ်ပါသည်။
မြန်မာ့ရော်ဘာလိုအပ်ချက်များနှင့် ပတ်သက်၍ စိုက်ပျိုးမှု၊ ထုတ်လုပ်မှု၊ အရည်အသွေးထိန်းသိမ်းမှုများ မြှင့်တင်ရန်အတွက် နည်းပညာများ ကူညီမှုပေးရန် မြန်မာနိုင်ငံရော်ဘာစိုက်ပျိုးထုတ်လုပ်သူများအသင်းနဲ့ ဂျပန် နိုင်ငံရော်ဘာ ကုန်သည်များအသင်း၊ ဂျပန်နိုင်ငံစက်ကုန်ချော ထုတ်လုပ်သူများအသင်းတို့ ပူးပေါင်း၍ နားလည်မှု စာချွန်လွှာရေးထိုးထားပြီးဖြစ်ပါတယ်။ အဓိက ရော်ဘာအထွက်နှုန်းကောင်းရန်နဲ့ အရည်အသွေး ကောင်းရန်အတွက် နည်းပညာ အကူအညီများပေးမှာဖြစ်ပါတယ်။
စိုက်ပျိုးရေးလုပ်ငန်းလုပ်ကိုင်သူများနဲ့ မြေဩဇာလုပ်ငန်းလုပ်ကိုင်သူများသိရှိရန် မြေဩဇာမှတ်ပုံတင်လက်မှတ်မရှိသော မြေဩဇာစာရင်းအသိပေး ထုတ်ပြန် ကြေညာချက်ကို လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန မြေဩဇာကော်မတီက ထုတ်ပြန်ထားကြောင်း သိရပါ တယ်။ မြေဩဇာကော်မတီမှ ထုတ်ပြန်သောမြေဩဇာ မှတ်ပုံတင်လက်မှတ်မရှိသောေ အာက်ဖော်ပြပါမြေဩဇာ ၅မျိုး ကို ဖော်ပြပေးလိုက်ပါတယ်-
