နောက်ဆုံးရ သတင်း

          ကမ္ဘာ့ဘဏ်မှထုတ်ပြန်သည့် Doing Business အစီရင်ခံစာအရ မြန်မာနိုင်ငံ၏ Ease of Doing Business Ranking မြင့်မားစေရန် ဒုတိယသမ္မတ (၁)၏ ကြီးကြပ်လမ်းညွှန်မှုဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီးမှ ဦးဆောင်ကာ အရှိန် အဟုန်မြှင့် ဆောင်ရွက်လျှက်ရှိရာ မြန်မာနိုင်ငံအနေဖြင့် စီးပွားရေးလုပ်ငန်းများလုပ်ကိုင်ရ လွယ်ကူမှုအစီရင်ခံစာ ၂၀၂၀ (Doing Business 2020) တွင် တိုးတက်မှုအဖြစ် ဖော်ပြနိုင်သော ပြုပြင်ပြောင်းလဲမှု အကောင်းဆုံး နိုင်ငံ(၂၀)စာရင်းတွင်ပါဝင်နိုင်ခဲ့ပြီး အဆင့် (၁၆၅)ဖြင့် ယခင်နှစ်ထက် (၆)ဆင့်တိုးတက်ပြောင်းလဲအောင်ဆောင်ရွက်နိုင်ခဲ့ပါသည်။

          ဆက်လက်၍ Trading Across Borders Indicator အနေဖြင့် DB (2021) တွင် အဆင့် တိုးတက်စေရေး အတွက် Trading Across Borders အဖွဲ့ခေါင်းဆောင် ကုန်သွယ်ရေးဦးစီးဌာန ညွှန်ကြားရေးမှူးချုပ် ဦးမင်းမင်း နှင့် ကုန်သွယ်မှုနှင့် ဆက်စပ် ဌာနများမှ အဆင့်မြင့်အရာရှိများ ပို့ကုန်သွင်းကုန်လုပ်ငန်းရှင်များ အသင်းအဖွဲ့များနှင့် တွေ့ဆုံပြီး Public private Dialogue ကုန်သွယ်မှုလုပ်ငန်းစဉ် တစ်လျောက် ကုန်သွယ်မှု ဆိုင်ရာအတားအဆီးများဖြေလျော့ပေးရေး ၊Doing Businesss လုပ်ငန်းစဉ်များအား ရှင်းလင်းဆွေးနွေးခြင်းများကိုဆောင်ရွက်ခဲ့ပါသည်။

          Public private Dialogue စကားဝိုင်းအား ရန်ကုန်မြို့ ကမ်းနားလမ်းရှိ စီးပွားရေး နှင့်ကူးသန်းရောင်းဝယ်ရေးဝန်ကြီးဌာန အစည်းအဝေးခန်းမတွင် ကျင်းပပြုလုပ်ခဲ့ပြီး (၂၆-၁၀-၂၀၁၉) ရက်နေ့တွင် သွင်းကုန်လုပ်ငန်းပိုင်းတွင် မော်တော်ယာဉ်အပိုပစ္စည်း(HS 8708) တင်သွင်းသူ ကုမ္ပဏီလုပ်ငန်းရှင်များ ၊အသင်းအဖွဲ့များနှင့်တွေ့ဆုံခဲ့ပြီး ၊(၃၁-၁၀-၂၀၁၉) ရက်နေ့တွင် စိုက်ပျိုးရေးထုတ်ကုန်တင်ပို့သူများ ၊အသင်းအဖွဲ့များမှ တာဝန်ရှိသူများနှင့် အပိုင်း (၂) ပိုင်းခွဲခြားပြီး တွေ့ဆုံညှိနှိုင်းဆွေးနွေးခဲ့ကြရာ ဌာနဆိုင်ရာ တာဝန်ရှိသူများနှင့် လုပ်ငန်းရှင်ကိုယ်စားလှယ် အင်အား (၁၅၀ )ခန့်တက် ရောက်ခဲ့ကြပါသည်။

       ဆွေးနွေးပွဲများတွင်လုပ်ငန်းရှင်များဘက်မှ ရင်ဆိုင်နေရသည့် ကုန်သွယ်မှုဆိုင်ရာ အတားအဆီးများ အကောက်ခွန်ရှင်းလင်းရေးလုပ်ငန်းဆောင်ရွက်ရာ၌ ကြုံတွေ့ရသည့် နှောင့်နှေး ကြန့်ကြာမှုများ၊ ဆိပ်ကမ်းမှထုတ်ယူရေးဆောင်ရွက်ရာ၌ ကြုံတွေ့ရသည့် အခက်အခဲများအပေါ် ဖြေလျော့ဆောင်ရွက်နိုင်ရေးအတွက်  သက်ဆိုင်ရာဌာနဆိုင်ရာ များနှင့်  လုပ်ငန်းရှင်များ ရင်းနှီးပွင့်လင်းစွာ ဆွေးနွေးညှိနှိုင်းခဲ့ကြပြီး လုပ်ငန်းရှင်များတင်ပြမှု အပေါ် သက်ဆိုင်ရာဌာနများမှ လုပ်ငန်းစဉ်အလိုက် အချိန်ငွေကြေးလျော့ချနိုင်ရေး ဆောင်ရွက်သွားမည့်အစီအစဉ်အား ရှင်းလင်ဆွေး နွေးခဲ့ကြပြီး လုပ်ငန်းစဉ်အလိုက် လုပ်ငန်းဆောင်ရွက်မှုများအား စစ်တမ်း ကောက်ယူခြင်းကိုပါ တစ်ပါတည်းဆောင်ရွက်ခဲ့ကြ ကြောင်းသတင်းရရှိပါသည်။

၂၀၁၉ ခုနှစ်၊ အောက်တိုဘာလ ၃၀ ရက်နေ့၊ (၁၆:၀၀) နာရီအချိန်တွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး ဦးအောင်ထူးသည် မြန်မာနိုင်ငံဆိုင်ရာ နယူးဇီလန်နိုင်ငံ သံအမတ်ကြီးဖြစ်သူ H.E. Mr. Stephen Marshall အား ဝန်ကြီးရုံး၊ ဧည့်ခန်းမ (၂) ၌ လက်ခံတွေ့ဆုံ