မူပိုင်ခွင့်ဆိုင်ရာ အသိပညာပေးဆွေးနွေးပွဲများကို မန္တလေးတက္ကသိုလ်နှင့် မန္တလေးပညာရေးဒီဂရီကောလိပ်များ၌ ကျင်းပ

နေပြည်တော်

မူပိုင်ခွင့်ဆိုင်ရာ အသိပညာဗဟုသုတများသိရှိစေရန်အတွက် အသိပညာပေးဆွေးနွေးပွဲများ ကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနနှင့် ပညာရေးဝန်ကြီးဌာန၊ အဆင့်မြင့်ပညာဦးစီးဌာနတို့နှင့်ပူးပေါင်း၍ ၂၀၂၃ ခုနှစ်၊ ဩဂုတ်လ ၁၄ ရက်နေ့၌ မန္တလေးတက္ကသိုလ် တွင်လည်းကောင်း၊ ၂၀၂၃ ခုနှစ်၊ ဩဂုတ်လ ၁၅ ရက်နေ့၌ မန္တလေးပညာရေးဒီဂရီကောလိပ်တွင် လည်းကောင်း ကျင်းပပြုလုပ်ခဲ့ပါသည်။

အဆိုပါ မူပိုင်ခွင့်ဆိုင်ရာအသိပညာပေးဆွေးနွေးပွဲများတွင် မူပိုင်ခွင့်ဦးစီးဌာန၊ ညွှန်ကြားရေးမှူးချုပ် က စီးပွားရေးကဏ္ဍဖွံ့ဖြိုးတိုးတက်ရေးအတွက် မူပိုင်ခွင့်ကဏ္ဍသည် အရေးကြီးသည့်ကဏ္ဍတစ်ရပ် တွင် ပါဝင်ပါကြောင်း၊ မူပိုင်ခွင့်ဥပဒေများကိုလည်း ပြဋ္ဌာန်းပြီးဖြစ်ပါကြောင်း၊ မူပိုင်ခွင့်ဥပဒေများ အကောင်အထည်ဖော်ဆောင်ရွက်ရာတွင် တက္ကသိုလ်များ၏ အခန်းကဏ္ဍသည်လည်း အရေးကြီး ပါကြောင်း၊ တက္ကသိုလ်များတွင် မူပိုင်ခွင့်ဆိုင်ရာစီမံခန့်ခွဲမှုများ ကျင့်သုံးဆောင်ရွက်နိုင်ရန်နှင့် သုတေသန နှင့်တီထွင်ဆန်းသစ်မှု မြှင့်တင်နိုင်ရန်အတွက်  မူပိုင်ခွင့်ဥပဒေများနှင့် မူပိုင်ခွင့်ဆိုင်ရာ အသိပညာ များကို ဆွေးနွေးခြင်းဖြစ်ပါကြောင်း၊ ၂၀၂၃ ခုနှစ်ကို မူပိုင်ခွင့်ဆိုင်ရာအသိပညာပေးသည့်နှစ်အဖြစ် သတ်မှတ်ထားပြီး မူပိုင်ခွင့်ဆိုင်ရာအသိပညာပေးဆွေးနွေးပွဲများကို ကျင်းပပြုလုပ်ခြင်းဖြစ်ပါကြောင်း ပြောကြားခဲ့ပါသည်။ ထို့နောက် ညွှန်ကြားရေးမှူးချုပ်က မူပိုင်ခွင့်ဥပဒေများနှင့် မူပိုင်ခွင့်ဆိုင်ရာ အသိပညာများကို ဆွေးနွေးပြောကြားခဲ့ပါသည်။

မူပိုင်ခွင့်ဆိုင်ရာ အသိပညာပေးဆွေးနွေးပွဲများသို့ မူပိုင်ခွင့်ဦးစီးဌာနမှ ညွှန်ကြားရေးမှူးချုပ် နှင့် တာဝန်ရှိပုဂ္ဂိုလ်များ၊ မန္တလေးတက္ကသိုလ်မှ ဒုတိယပါမောက္ခချုပ်နှင့် တာဝန်ရှိသူများ၊ ကျောင်းသား/သူ (၃၀၀)ဦးခန့်နှင့် မန္တလေးပညာရေးဒီဂရီကောလိပ်မှ ကျောင်းအုပ်ကြီး၊ တာဝန်ရှိ ပုဂ္ဂိုလ်များနှင့် ကျောင်းသား/သူ (၈၀၀)ဦးခန့် ပါဝင်တက်ရောက်ခဲ့ကြောင်း သတင်းရရှိသည်။