ပြည်တွင်းရွှေဈေးကွက်အလားအလာ

   ယခုအချိန်တွင် ကမ္ဘာ့ရွှေဈေးနှုန်း လျော့ကျလာသော်လည်း ပြည်တွင်းရွှေဈေးနှုန်းမှာ လိုက်ပါလျော့ကျခြင်းမရှိဘဲ ဈေးနှုန်းတည်ငြိမ် နေသည်ကို တွေ့ရှိရသည်။

   ၂၀၂၂ ခုနှစ်၊ နိုဝင်ဘာလ ၂၁ ရက်နေ့(နံနက်ပိုင်း) ကမ္ဘာ့ရွှေဈေးနှုန်းမှာ တစ်အောင်စလျှင် အမေရိကန်ဒေါ်လာ ၁၇၄၀ ဖြစ်၍ ယခင်အပတ်ရွှေဈေးနှုန်းထက် ၃၄ ဒေါ်လာလျော့နည်းခဲ့သည်။ မြန်မာနိုင်ငံ ရွှေလုပ်ငန်းရှင်များအသင်း၏ ရည်ညွှန်းဈေးနှုန်းမှာလည်း ယခုအပတ် ငွေကျပ် ၂၀၄၉၀၀ဝိ/- ဖြစ်ပြီး ယခင်အပတ်ထက် ငွေကျပ် ၄၁၀၀ဝိ/- လျော့နည်းသတ်မှတ်ခဲ့သော်လည်း ဈေးကွက်ပေါက်ဈေးနှုန်းမှာ ရည်ညွှန်းဈေးနှုန်းထက် ငွေကျပ်လေးသိန်းရှစ်သောင်းကျော်ခန့် ပိုမိုနေ ကာ လက်ရှိဈေးကွက်တွင် ရွှေတစ်ကျပ်သားလျှင် ငွေကျပ် ၂၅၃၀၀၀ဝိ/- ခန့်ဖြင့် အရောင်းအဝယ်ဖြစ် နေကြောင်းတွေ့ရှိရသည်။ ပြည်တွင်းဈေးကွက်တွင် ရွှေစုဆောင်းလိုမှုလျော့ကျလာပြီး ဝယ်လိုအားထက် ရောင်းလိုအားပိုမိုနေကာ ကမ္ဘာ့ရွှေဈေးနှုန်း လျော့နည်းလာသော်လည်း ပြည်တွင်းရွှေဈေးနှုန်းမှာ ယခင်အပတ် ဈေးကွက် ပေါက်ဈေးနှုန်းဖြင့်အရောင်းအဝယ်ဖြစ်နေကြောင်းသတင်းရရှိသည်။