International Trade Basic Course (Weekend Programme) (Batch-6) ဖွင့်လှစ်မည်
စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနသည် နိုင်ငံတော်၏ စီးပွားရေးဖွံ့ဖြိုး တိုးတက်ရေးအတွက် ပုဂ္ဂလိက ကဏ္ဍရှိ စီးပွားရေး လုပ်ကိုင်သူများအား နိုင်ငံတကာနှင့် ဆက်သွယ် ဆောင်ရွက်ရာတွင် သိသင့်သိထိုက်သည့် အသိပညာ၊ ဗဟုသုတများ ရရှိရန်နှင့် နိုင်ငံတကာနှင့် ရင်ဘောင်တန်းနိုင်သည့် ပို့ကုန် လုပ်ငန်းရှင်သစ်များ၊ ကုန်သည်စီးပွားရေးလုပ်ငန်းရှင်သစ်များကို မွေးထုတ်ပေးနိုင်ရန် Trade Training Institute ကို ၂၀၁၂ ခုနှစ်၊ ဧပြီလမှ စတင် ဖွင့်လှစ်ကာ နိုင်ငံတကာ ကုန်သွယ်မှုနှင့် ပတ်သက်၍ စာတွေ့/ လက်တွေ့များ ကျယ်ကျယ်ပြန့်ပြန့် သင်ကြား ပို့ချပေးလျှက်ရှိပါသည်။ ယခုအခါ International Trade Basic Course (Weekend Programme) (Batch-6) ကို (၁၈-၇-၂၀၂၀) ရက်နေ့ တွင် ဖွင့်လှစ်မည်ဖြစ်ပါသည်။
သင်တန်းတွင် ကုမ္ပဏီတစ်ခု တည်ထောင်သည်မှစ၍ စီးပွားရေးလုပ်ငန်းများ လုပ်ကိုင် ဆောင်ရွက်ခြင်း ၊ ပို့ကုန်သွင်းကုန် လုပ်ငန်းများ ဆောင်ရွက်ရာတွင် ပြုလုပ်ဆောင်ရွက်ရမည့် လုပ်ငန်းစဉ်များ ၊ နိုင်ငံတကာ ကုန်သွယ်မှုသီအိုရီနှင့် သဘောတရားများ၊ စီးပွားရေးဆိုင်ရာ ကျင့်ဝတ်များ၊ စံချိန် စံညွှန်းများ၊ ဈေးကွက် သုတေသန၊ နိုင်ငံတကာ ကုန်သွယ်မှုဆိုင်ရာ မူဝါဒ များ အစရှိသည့် ဘာသာရပ်များကို စီးပွားရေးပညာရှင်များ၊ ကုန်သွယ်မှုနှင့်ဆက်စပ်သည့် ဝန်ကြီး ဌာန အသီးသီးမှ ကျွမ်းကျင်သူများနှင့် နိုင်ငံတကာမှ ကျွမ်းကျင် ပညာရှင် များက ပို့ချဆွေးနွေးမည် ဖြစ်ပါသည်။ စီးပွားရေးဆိုင်ရာ ဟောပြောပွဲများ ကျင်းပပေးခြင်း၊ လေ့လာရေးခရီးစဉ်များ စီစဉ် ပေးခြင်းတို့ သင်တန်းတွင် ပါဝင်မည် ဖြစ်ပါသည်။
သင်တန်းကို အမှတ် (၂၂၈-၂၄၀) ကမ်းနားလမ်း၊ ပန်းဘဲတန်းမြို့နယ်၊ ရန်ကုန်မြို့ရှိ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန (ရန်ကုန်တိုင်းဒေသ ကြီးရုံး) စတုတ္ထထပ်ရှိ သင်တန်းခန်းမတွင် ဖွင့်လှစ်မည် ဖြစ်ပြီး သင်တန်းကာလမှာ ရက်သတ္တ တစ်ပတ်လျှင် (၂) ရက် (စနေ၊ တနင်္ဂနွေ) (နံနက် ၀၉:၀၀ နာရီမှ ၁၂:၀၀ နာရီထိ) ဖြင့် (၁၀) ပတ် ကြာမြင့်မည်ဖြစ်ပါသည်။
သင်တန်းဝင်ခွင့်လျှောက်ထားမှုအား https://bit.ly/2BGynZL မှတဆင့် အွန်လိုင်းမှ အချက်အလက် ဖြည့်သွင်း လျှောက်ထား နိုင်မည်ဖြစ်ပြီး COVID-19 ကာလ ဖြစ်သည့်အတွက် Social Distancing အရလူဦးရေ ကန့်သတ်ထား သည့် အတွက် ( ၁၄-၇-၂၀၂၀ ) ရက် နောက်ဆုံး ထားလျှောက်ထားကြပါရန် နှင့် သင်တန်းတက်ရောက်ရန် ရွှေးချယ်ခံရသူများအား လျှောက်ထား သည့် အီးမေလ်းမှ တဆင့် ပြန်လည် အသိပေး အကြောင်းကြားသွားမည်ဖြစ်ပါသည်။