Dump Truck ယာဉ် (၅) စီးနဲ့ တရားမဝင်သယ်ဆောင်လာသော သစ်များသိမ်းဆည်းရမိ
တာချီလိတ် နယ်စပ်ကုန်သွယ်ရေး ထုတ်နုတ် Mobile Team အဖွဲ့ဟာတာလေ Toll Gate လမ်း ဆုံမှနေ့ည အခြေပြု၍ တရားမဝင် ကုန်သွယ်မှု များကို တားဆီးစစ်ဆေး ဆောင်ရွက် မှုများ ပြုလုပ်လျက် ရှိပါတယ်။ နိုဝင်ဘာလ၂၂ ရက် ၁၂း၀၀ ချိန်ခန့်က မိုင်းဖြတ်ဘက်မှ လာတဲ့ သစ်တင်ကားများ တာလေ Toll Gate အနီး ချဉ်းကပ်လာနေကြောင်း သတင်းပေးမှ ဖုန်းသတင်းပေး ပို့လာတဲ့အတွက် တာချီလိတ်နယ်စပ် ကုန်သွယ်ရေးစခန်း တာဝန်ခံ၊ OSS ရဲတပ်ဖွဲ့၊ တာလေမြို့နယ်ခွဲ သစ်တော ဦးစီးဌာန တာဝန်ခံတောအုပ် နဲ့အဖွဲ့၊ မယ်ယန်းသစ်တော ဂိတ်တာဝန်ခံနဲ့ အဖွဲ့တို့ အင်အားဖြန့်ခွဲ ပိတ်ဆို့ဆောင့် ဆိုင်းခဲ့ပါတယ် နိုဝင်ဘာလ၂၃ ရက် ၀၁း၃၀ ချိန်မှာ မိုင်းဖြတ် ဘက်ကလာတဲ့ တရုတ်နိုင်ငံထုတ် Dump Truck ယာဉ် (၅) စီး Toll Gate အတွင်း ဝင်ရောက် လာသဖြင့် တားဆီး စစ်ဆေးမှုပြုရာမှာ အထောက်အထား တစ်စုံတစ်ရာ တင်ပြနိုင်ခြင်း မရှိတဲ့ တရားမဝင် သစ်များ သယ်ဆောင်လာကြောင်း စစ်ဆေးတွေ့ရှိခဲ့ ရတဲ့အတွက် ပူပေါင်းအဖွဲ့ဟာ သစ်တင်မော်တော် ယာဉ်များကို မယ်ယန်း ယာဉ်စစ်ကွင်းသို့ ဖမ်းဆီးလာ ခဲ့ပါတယ်။ သစ်များအား စစ်ဆေးရာမှာ တမလန်း၊ ပိတောက်နဲ့ ယင်းတိုက်အမျိုး အစားများဖြစ်ပြီး Mobile Team အဖွဲ့စုံနဲ့ တာချီလိတ်မြို့နယ် သစ်တော ဦးစီးဌာနသို့ လည်းကောင်း၊ သစ်များတင် ဆောင်လာသော ယာဉ်များကို တာချီလိတ် အကောက်ခွန်သို့ လည်းကောင်း အမှုတွဲများ ဖွင့်လှစ်၍ စနစ်တကျ လွှဲပြောင်းပေးအပ်သွား မှာဖြစ်ပါတယ်။ သစ်များ သယ်ဆောင်လာတဲ့ Dump Truck ယာဉ်တစ်စီးလျှင် ခန့်မှန်းတန်ဖိုးမှာ ကျပ် ၁၃၅၀၀၀၀၀ ဖြစ်ပြီး ယာဉ်၅စီးရဲ့ စုစုပေါင်းခန့်မှန်း တန်ဖိုးမှာ ကျပ် ၆၇၅ သိန်းဖြစ် တယ်လို့ သိရပါ တယ်။
DCCA DCCA