အမယ်သစ်များရှာဖွေတင်ပို့ရန် ကြိုးစားနေတဲ့ ချင်းရွှေဟော်နယ်စပ်ကုန်သည်များ

ချင်းရွှေဟော် နယ်စပ်ကုန်သွယ်မှု လမ်းကြောင်းဟာ လမ်းပမ်းဆက်သွယ်မှု လွယ်ကူချောမွေ့လာသဖြင့် ယခင်မူဆယ်မှ တစ်ဖက်နိုင်ငံသို့ သွားနေတဲ့ နှမ်း၊ ရော်ဘာနဲ့ အခြားဒေသထွက် ကုန်ပစ္စည်းများကို ယခုအခါ ချင်းရွှေဟော် နယ်စပ်ပေါက်မှ တင်ပို့နေကြပြီဖြစ်ကြောင်း၊ ယခုထက် ပိုမိုတင်ပို့နိုင်ရေး အတွက် ပြည်တွင်းရှိ ကုန်သည်များနဲ့ ချိတ်ဆက်ဆောင်ရွက် လျက်ရှိကြောင်း၊ သို့သော်လောလောဆယ် ချင်းရွှေဟော်ကုန်သည် များအားနည်း နေပါသေးကြောင်း၊ ကုန်သည်အသင်း ရဲ့ဆောင်ရွက်မှု တိုးတက်လာ စေရေးအတွက် ကြိုးပမ်းဆောင်ရွက်သွားမှာ ဖြစ်ကြောင်းနဲ့ အမယ်သစ်များ ရှာဖွေတင်ပို့ရန်ကြိုးစား နေကြောင်း နိုဝင်ဘာလ ၂၃ရက်နေ့က ပြုလုပ်တဲ့ ကုန်သွယ်မှု မြှင့်တင်ရေးအစည်းအဝေးမှာ ကွမ်းလုံ-ဟိုပန်-ချင်းရွှေဟော်-လောက်ကိုင်နယ်စပ် ကုန်သည်ကြီးများအသင်း တွဲဖက်အတွင်းရေးမှူးဒေါ် လွင်လွင်မာက ဆွေးနွေးပြောကြားခဲ့တယ်လို့ သတင်းရရှိပါတယ်။ ချင်းရွှေဟော် နယ်စပ်ကုန်သွယ် ရေးစခန်းအနေနဲ့ ကုန်သွယ်မှု လျာထားချက်ကျော် လွန်အောင်ဆောင်ရွက် နိုင်မဲ့ အလား အလာ ကောင်းတွေရှိပါကြောင်း၊ လမ်းပန်းဆက်သွယ်ရေးမှာလည်း ယခုအခါ နိုင်လွန်ကတ္တရာလမ်း ဖြစ်နေ တဲ့အတွက် လမ်းကောင်းသွားပြီဖြစ်ရာ ကုန်တင်ယာဉ်များအနေနဲ့လည်း အချိန်စောင့် ဆိုင်းစရာမ လိုဘဲ  ရောက်ချထွက်၊ ရောက်ချတင် အနေအထားနဲ့ဆောင် ရွက်နိုင်တာကို တွေ့ရှိရပါကြောင်း စခန်းတာဝန်ခံ လက်ထောက်ညွှန်ကြားရေးမှူး ဦးမျိုးမင်းထံက သိရပါတယ်။ရေထွက်ကုန် ငါးရှဉ့်၊ ကဏန်းများပိုမို တင်ပို့နိုင်ရေး၊ အခြားအမယ်သစ်ပို့ ကုန်များ ရှာဖွေတင်ပို့ရန်နဲ့ OSSဌာနဆိုင်ရာများ၊ မိတ်ဘက်ဌာန များ၊ ကုန်သည်အသင်း၊ ကုမ္ပဏီကုန်သည်လုပ်ငန်းရှင်များ အားလုံးညီညွတ်စွာ ဝိုင်းဝန်းဆောင် ရွက်ကြရန်နဲ့ လုပ်ငန်းပိုင်းဆိုင်ရာ အခက်အခဲများကို အချိန်နဲ့တပြေးညီတင်ပြသွား ကြရန်ကုန် သွယ်မှုမြှင့်တင်ရေးအစည်းအဝေးမှာ စခန်းတာဝန်ခံက ပြောကြားခဲ့တယ်လို့ သတင်းရရှိပါတယ်။

                                                                                       MIRT (DCCA)