Naypyitaw State Academy တွင် မူပိုင်ခွင့်ဆိုင်ရာအသိပညာပေးဆွေးနွေးဟောပြောပွဲ ကျင်းပခြင်း

နေပြည်တော်၊   ဇွန်လ ၂၁

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနသည် တက္ကသိုလ်၊ ကောလိပ်များမှ ဆရာ/ဆရာမများ၊ ကျောင်းသား/သူများအား မူပိုင်ခွင့်ဆိုင်ရာအသိပညာများရရှိစေရန်အတွက် မူပိုင်ခွင့်ဆိုင်ရာ အသိပညာပေးဆွေးနွေးဟောပြောပွဲကို ယနေ့ နေ့လယ် ၁၄:၃၀ နာရီ အချိန်တွင် Naypyitaw State Academy ၌ ကျင်းပခဲ့သည်။

    အဆိုပါ အသိပညာပေးဆွေးနွေးဟောပြောပွဲကို မူပိုင်ခွင့်ဦးစီးဌာနနှင့် ပညာရေးဝန်ကြီးဌာန အောက်ရှိ Naypyitaw State Academy တို့ ပူးပေါင်းကျင်းပခြင်းဖြစ်ပြီး၊ မူပိုင်ခွင့်ဦးစီးဌာနမှ ညွှန်ကြားရေးမှူးချုပ်နှင့် တာဝန်ရှိသူများ၊ Naypyitaw State Academy မှ ဒုတိယပါမောက္ခချုပ်၊ ဆရာ/ဆရာမများနှင့် ကျောင်းသား/သူများ စုစုပေါင်း(၃၀၀) ဦးခန့်တက်ရောက်ခဲ့ကြသည်။

 ဆွေးနွေးဟောပြောပွဲတွင် ညွှန်ကြားရေးမှူးချုပ် ဒေါက်တာမိုးမိုးသွယ်က မူပိုင်ခွင့်ဦးစီးဌာန၏အကောင်အထည်ဖော် ဆောင်ရွက်နေမှုအခြေအနေများကို မိတ်ဆက်ပြောကြားခဲ့ပြီး   မူပိုင်ခွင့်၏ တန်ဖိုးကိုသိရှိ၍  မူပိုင်ခွင့်အကာအကွယ်ယူခြင်းဖြင့် အကျိုးကျေးဇူးများစွာရရှိလာမည်ဖြစ်ကြောင်း၊ လူငယ်တီထွင်ဖန်တီးသူများပေါ်ပေါက်၍ အခြားသူများ၏ မူပိုင်ခွင့်ကို တန်ဖိုးထားလေးစားသည့် ယဉ်ကျေးမှုတစ်ရပ် ပေါ်ပေါက်လာမည်ဖြစ်ကြောင်းနှင့် လူငယ်များ၏တီထွင်ဖန်တီးမှုများ တိုးမြှင့်စေခြင်းဖြင့် အနာဂတ်မြန်မာနိုင်ငံ၏ ကဏ္ဍပေါင်းစုံဖွံ့ဖြိုးတိုးတက်လာစေမည်ဖြစ်ကြောင်း မိတ်ဆက်ပြောကြားခဲ့ပါသည်။

   ထို့နောက် မူပိုင်ခွင့်ဦးစီးဌာနမှ ညွှန်ကြားရေးမှူး ဒေါက်တာပွင့်ဖြိုးဝင်းက မူပိုင်ခွင့်ဥပဒေများ၊ မူပိုင်ခွင့်ဆိုင်ရာသိကောင်းစရာများအကြောင်းအား ရှင်းလင်းဆွေးနွေးခဲ့ပြီး ဆရာ/ဆရာများ၊ ကျောင်းသား/သူများက သိရှိလိုသည်များကို မေးမြန်းခြင်းများအပေါ် တာဝန်ရှိသူတို့က ပြန်လည်ရှင်းလင်း ဖြေကြားခဲ့ကြပြီး ဆွေးနွေးဟောပြောပွဲကို ရုပ်သိမ်းခဲ့ကြောင်း သတင်းရရှိသည်။