မြန်မာနိုင်ငံယှဉ်ပြိုင်မှုကော်မရှင်နှင့် ရုရှားဖက်ဒရေးရှင်းနိုင်ငံ၊ ယှဉ်ပြိုင်မှုအဖွဲ့အစည်းတို့အကြား ပူးပေါင်းဆောင်ရွက်ရေးဆိုင်ရာညှိနှိုင်းအစည်းအဝေး ကျင်းပပြုလုပ်
မြန်မာနိုင်ငံယှဉ်ပြိုင်မှုကော်မရှင်နှင့် ရုရှားဖက်ဒရေးရှင်းနိုင်ငံ၊ ယှဉ်ပြိုင်မှုအဖွဲ့အစည်းတို့အကြား ပူးပေါင်းဆောင်ရွက်ရေးဆိုင်ရာ ပထမအကြိမ် ညှိနှိုင်းအစည်းအဝေးကို ၂၀၂၃ ခုနှစ်၊ ဒီဇင်ဘာလ ၁၂ ရက်နေ့၊ နေ့လယ်ပိုင်းတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန အစည်းအဝေးခန်းမ၌ အွန်လိုင်းမှ Virtual စနစ်ဖြင့်ကျင်းပသည်။
အစည်းအဝေးတွင် မြန်မာနိုင်ငံယှဉ်ပြိုင်မှုကော်မရှင် ဒုတိယဥက္ကဋ္ဌဦးသန်းမောင်နှင့် ရုရှားဖက်ဒရေးရှင်းနိုင်ငံယှဉ်ပြိုင်မှုအဖွဲ့အစည်း ဒုတိယအကြီးအကဲ Mr. Andrey TSYGANOV တို့က အမှာစကားများပြောကြားပြီး မြန်မာနိုင်ငံယှဉ်ပြိုင်မှုကော်မရှင်နှင့် ရုရှားဖက်ဒရေးရှင်းနိုင်ငံ ယှဉ်ပြိုင်မှုအဖွဲ့အစည်းတို့၏ လုပ်ငန်းဆောင်ရွက်မှုအခြေအနေများ၊ ယှဉ်ပြိုင်မှုအာဏာပိုင်အဖွဲ့ အစည်းများ၏ ဥပဒေစိုးမိုးရေးဆိုင်ရာအတွေ့အကြုံများ၊ ယှဉ်ပြိုင်မှုဆိုင်ရာဖွံ့ဖြိုးတိုးတက်မှု အကျိုး ကျေးဇူးများရရှိစေရန်နှင့် ပူးပေါင်းဆောင်ရွက်မှုများ တိုးမြှင့်ဆောင်ရွက်ရေးဆိုင်ရာကိစ္စရပ်များ၊ စတုတ္ထအကြိမ်မြောက် ရုရှား-မြန်မာ အစိုးရအချင်းချင်း ကုန်သွယ်ရေးနှင့် စီးပွားရေးပူးပေါင်း ဆောင်ရွက်ရေးကော်မရှင်အစည်းအဝေးတွင် ပူးပေါင်းပါဝင်ဆောင်ရွက်နိုင်မည့် နည်းလမ်းများကို ညှိနှိုင်းဆွေးနွေးကြသည်။
အစည်းအဝေးသို့ မြန်မာနိုင်ငံယှဉ်ပြိုင်မှုကော်မရှင် ဒုတိယဥက္ကဋ္ဌ၊ ကော်မရှင်အဖွဲ့ဝင်များ၊ ကော်မရှင်ရုံးမှ တာဝန်ရှိသူများနှင့် ရုရှားဖက်ဒရေးရှင်းနိုင်ငံ၊ ယှဉ်ပြိုင်မှုအဖွဲ့အစည်း ဒုတိယ အကြီးအကဲနှင့် တာဝန်ရှိသူများ တက်ရောက်ကြကြောင်း သိရသည်။