ငွေများများ ရရှိနိုင်တဲ့ စီးပွားဖြစ်သီးနံှ Cashcrops များပြောင်းလဲစိုက်ပိုျးကြရန် ကျွမ်းကျင်သူများ အကြံပေးလျက်ရှိ

ဗုဒ္ဓဟူးနေ့  ၁၃ မတ်လ  ၂၀၁၃ 04 း 21 PM

ဗီယက်နမ် နိုင်ငံဟာ ဆန်တင်ပို့သော ဦးဆောင် နိုင်ငံနေရာကို ရောက်ရှိလာ သည်မှာ ရာစုနှစ် နှစ်ခု နီးပါးရှိနေ ပြီ ဖြစ်ပါတယ်။ ဗီယက်နမ် စပါးစိုက် တောင်သူများ ဝင်ငွေများစွာ ရရှိလာပြီး ကောင်းမွန်သော ဘဝများကိုလည်း ပိုင်ဆိုင် နေကြရပြီ ဖြစ်ပါတယ်။ သို့သော် ငြားလည်း ကျွမ်းကျင်သူ များက အမြတ်အစွန်း ပိုမိုရရှိ နိုင်မဲ့ စီးပွားဖြစ် သီးနံှ Cashcrops များ ဈေးကွက် လိုအပ်ချက် မြင့်မားနေတဲ့ တိရိစ္ဆာန် အစားအစာ ကောက်ပဲသီးနံှများကို ပြောင်းလဲ စိုက်ပျိုး ကြရန် တောင်သူများကို အကြံပြုလျက် ရှိနေပါတယ်။ ဆက်လက်ဖတ်ရှုပါရန်..

၂ဝ၁၂ ခုနှစ်မှာ ဗီယက်နမ် နိုင်ငံဟာ ဆန်တန်ချိန် ၇ ဒသမ ၇၂ သန်း တင်ပို့ နိုင်ခဲ့ပြီး ၂ဝ၁၁ ခုနှစ် တင်ပို့မှုထက် ၈ ရာခိုင်နှုန်း ကျော် ပိုမိုခဲ့ပါတယ်။ သို့သော်လည်း ဆန်တင်ပို့မှုမှ ရငွေကတော့ ကန်ဒေါ်လာ ၃ ဒသမ ၄၅ ဘီလီယံ သာရှိပြီး ယခင်နှစ် ကထက် ၂ ရာခိုင်နှုန်း နီးပါး လျော့နည်း ခဲ့ပါတယ်။ တရားဝင် ထုတ်ပြန်တဲ့ ကိန်းကဏန်း များအရ ဆန်တင်ပို့မှုမှ ရရှိငွေများဟာ တင်ပို့တဲ့ ပမာဏနဲ့ နှိုင်းယှဉ်လျှင် သိသာတဲ့ အကိုျးအမြတ် မရှိတာတွေ့ နေရပါတယ်။ နိုင်ငံရဲ့ စပါးအိုးကြီးဖြစ်တဲ့ မဲခေါင်မြစ်ဝှမ်း ဒေသရှိ တောင်သူ ၄ သန်းဟာ နိုင်ငံရဲ့ ဆင်းရဲ မွဲတေမှု ပပျောက်ရေး အစီအစဉ်ရဲ့ လေ့လာချက်အရ တစ်လတစ်ဦး ဝင်ငွေ ၁၉ ဒေါ်လာ သာရှိတယ်လို့ ထုတ်ပြန် ထားပါတယ်။ ကျွမ်းကျင် သူများကတော့ ဗီယက်နမ် တောင်သူများ အနေနဲ့ အခြား ကောက်ပဲ သီးနံှများ ပြောင်းလဲ စိုက်ပိုျးခြင်းအားဖြင့် ဝင်ငွေ ပိုမိုရရှိ စေနိုင်မယ်လို့ ပြောဆိုလျက် ရှိကြပါတယ်။ ဗီယက်နမ် နိုင်ငံ မှာ တောင်သူများအား ဆန်ထက် ဝင်ငွေ ပိုမိုရရှိ စေနိုင်တဲ့ အရင်းအမြစ များစွာ ရှိနေကြောင်း၊ ဟတ်တာ ၄ သန်းခန့်မှာ ဗီယက်နမ် တောင်သူများဟာ စပါး စိုက်ပိုျးလျက်ရှိပြီး နှစ်စဉ်ဝင်ငွေ ၃ ဘီလီယံ ကျော် ရရှိနေကြောင်း ထိုအချိန်ကပြင်သစ်မှာ ဟတ်တာ ၁ သန်းမှာ ဂုံျစိုက်ပျိုးပြီး နှစ်စဉ်ဝင်ငွေ ၁၁ ဘီလီယံ ကျော်ရရှိ နေတယ်လို့ ဇီဝဗေဒနဲ့ စိုက်ပိုျးရေး ပရော်ဖက်ဆာ Nguyen Lan Hung က ထောက်ပြ ပြောဆိုခဲ့ပါတယ်။ စားနပ် ရိက္ခာ ဖူလုံရေးဟာ အရေးကြီးပါကြောင်း၊ သို့သော် တောင်သူများ အနေနဲ့ အခြား စီးပွားဖြစ် ကောက်ပဲ သီးနံှများ စိုက်ပိုျးခြင်း ဖြင့်ချမ်းသာ ကြွယ်ဝမှု ကိုရရှိစေရေး ဟာလည်း အရေးကြီးပါကြောင်း၊ Hung က ပြောကြားခဲ့ ပါသေးတယ်။ ဗီယက်နမ် နိုင်ငံအနေနဲ့ နှစ်စဉ် တိရိစ္ဆာန် အစားအစာ အဖြစ် အသုံးပြုရန် ဂုံျ၊ ပြောင်း နဲ့ ပဲပုပ်စေ့များကို ပြည်ပ နိုင်ငံများမှ နှစ်စဉ် ကန်ဒေါ်လာ ၂ ဘီလီယံ ဝန်းကျင်ဖိုး တင်သွင်း နေရတဲ့ အတွက် ဗီယက်နမ် တောင်သူများအား စပါးအပြင် ဝင်ကောင်းတဲ့ တိရစ္ဆာန်အစား အစာအဖြစ် အသုံးပြုရမဲ့ အခြားသီးနံှ များကို ပြောင်းလဲ စိုက်ပိုျးစေရန် အကြံပြု နေကြခြင်း ဖြစ်ပါတယ်။

ဗီယက်နမ် စိုက်ပိုျးရေးနဲ့ နယ်စပ်ဒေသ ဖွံ့ဖြိုးရေး ဝန်ကြီးဌာနက ၂ဝ၂ဝ ပြည့်နှစ်မှာ ဗီယက်နမ် နိုင်ငံရဲ့ တိရိစ္ဆာန် အစားအစာ လိုအပ်ချက်မှာ တန်ချိန် ၂၇ ဒသမ ၄ သန်း၊ ရာခိုင်နှုန်း အားဖြင့် ၁ ဒသမ ၃ ဆကျော်ထိ တင်သွင်း ရမယ်လို့ ခန့်မှန်းထားပါတယ်။ ဗီယက်နမ်တိရိစ္ဆာန်မွေးမြူရေးအသင်းဥက္ကဌ Nguyen Dang Yang ကတော့ ကမ္ဘာမှာဆန်အများဆုံး တင်ပို့တဲ့ နိုင်ငံအဖြစ်ဂုဏ်ယူမနေသင့်ကြောင်း၊ နှစ်စဉ်ဆန်တင်ပို့မှုမှာ ကန်ဒေါ်လာ ၁ ဒသမ ၅ ဘီလီယံရှိသော် လည်း တိရစ္ဆာန်အစားအစာတင်သွင်းမှုက ကန်ဒေါ်လာ ၄ ဘီလီယံရှိနေတဲ့ အတွက် စပါးအစား စီးပွားဖြစ် အခြားသီးနံှ (Cashcrops) များပြောင်းလဲစိုက်ပျိုးကြဖို့နဲ့ စပါးစိုက်ပိုျးခြင်းဟာ အခြားသီးနံှ စိုက်ပိုျးခြင်းထက် ရေလည်း ပိုမိုလိုအပ်တယ် လို့ ထောက်ပြပြောဆိုခဲ့ပါတယ်။

Source:                                                                                          CMK