ရော်ဘာသွင်းကုန်အချို့အပေါ် ၂၀၁၃ ခုနှစ်မှာ တရုတ်နိုင်ငံကသွင်းကုန်ခွန်လျော့ချ ပေးသွားမည်
ကမ္ဘာ့ ရော်ဘာအများဆုံး အသုံးပြုလျက်ရှိတဲ့ တရုတ်နိုင်ငံဟာ ၂၀၁၃ ခုနှစ်မှာ ရော်ဘာ သွင်းကုန်အချို့ အပေါ် သွင်းကုန်ခွန် စည်းကြပ်မှုအား လျော့ချပေးသွားမယ်လို့ တရုတ် ဘဏ္ဍာရေးဝန်ကြီး ဌာနက ဒီဇင်ဘာလ ၁၇ ရက်နေ့က ထုတ်ပြန် ကြေညာခဲ့ ပါတယ်။ ဒီကြေညာချက်ဟာ ရော်ဘာ တင်သွင်းသူများကို တွန်းအားပေးရာရောက် စေတယ်လို့ ရိုက်တာ သတင်းမှာ ဖော်ပြထား ပါတယ်။
၂၀၁၃ ခုနှစ်မှာ သွင်းကုန်ခွန် လျော့ချပေးသွားမယ့် ရော်ဘာ ထွက်ကုန် တွေကတော့ SRS (Smoke Rubber Sheet) နဲ့ TSNR (Technically Specified Natural Rubber) တို့ဖြစ်ကြ ပါတယ်။ RSS eJY TSNR နှစ်မျိုးစလုံး အပေါ် တစ်တန်လျှင် ယွမ် ၁၂၀ဝ နှုန်းနဲ့ စည်းကြပ် သွားမယ်လို့ ဘဏ္ဍာရေး ဝန်ကြီး ဌာနရဲ့ကြေငြာချက်မှာ ဖော်ပြထားတာ ဖြစ်ပါတယ်။ ၂၀၁၂ ခုနှစ်မှာတုန်းက SRS ကို ၁၆၀ဝ ယွမ်နဲ့ TSNR ကို ၂၀ဝ၀ ယွမ်နှုန်း အသီးသီးနဲ့ စည်းကြပ်ခဲ့တာ ဖြစ်ပါတယ်။
ယခုလို သွင်းကုန်ခွန် စည်းကြပ်မှု နှုန်းတွေကို လျှော့ချ ပေးလိုက်ခြင်းဟာ ပြည်ပမှ တင်သွင်းတဲ့ ရော်ဘာ ဈေးများကို သက်သာရာ ရစေသော်လည်း ပြည်တွင်းမှ ရော်ဘာ ထုတ်လုပ်သူများကို ဖိစီးစေကြောင်းနဲ့ ပြည်တွင်း ရော်ဘာ လက်ကျန် ပမာဏများ ပိုမို စေလျက်ရှိကြောင်း ရိုက်တာ သတင်းက ရေးသားထားပါတယ်။
တရုတ်နိုင်ငံဟာ ၂၀၁၁ ခုနှစ်မှာ သဘာဝ ရော်ဘာ တန်ချိန် ၂ ဒသမ ၁ သန်းကျော် ပြည်ပမှ တင်သွင်းခဲ့ပြီး ၂၀၁၀ ခုနှစ် တင်သွင်းမှုထက် ၁၃ ရာခိုင်နှုန်း ပိုမို ခဲ့ပါတယ်။ ထိုင်း၊ အင်ဒိုနီးရှားနဲ့ မလေးရှား နိုင်ငံတို့မှ အဓိက တင်သွင်း လျက်ရှိတယ်လို့ သိရ ပါတယ်။
Source: Reuters -CMK