မြဝတီကုန်သွယ်ရေးဇုန်မှ တစ်ဖက်နိုင်ငံသို့ ပို့ကုန်တင်ပို့မှုအနေဖြင့် (၅-၃-၂၀၂၃) ရက်နေ့မှ (၆-၃-၂၀၂၃)ရက်နေ့ထိ လယ်ယာထွက်ကုန်ပစ္စည်းများ၊ ရေထွက်ပစ္စည်းများနှင့် CMP ပစ္စည်းများ တင် ပို့မှုရှိသည်။

   ကော့သောင်းကုန်သွယ်ရေးစခန်းသည် ထိုင်းနိုင်ငံသို့ ရေထွက်ပစ္စည်းများကို FOB စနစ်ဖြင့် အဓိကတင်ပို့နေသော ပို့ကုန်အသာစီးရသည့် စခန်းတစ်ခုဖြစ်သည်။ အဓိကတင်ပို့နေသော ပစ္စည်း များမှာ ငါးမျိုးစုံ၊ ငါးစီဖောင်း၊ ပုစွန်၊ ငါးဆားနယ်၊ ကဏန်း၊ ကင်းမွန် (စို/ခြောက်)၊ ခရုနှင့် ငါးမှုန့်၊ သီဟိုဠ်စေ့၊ ဆီအုန်းတို့ဖြစ်သည်။

   အိမ်နီးချင်းနိုင်ငံဖြစ်သည့်  ဘင်္ဂလားဒေ့ရှ်နိုင်ငံနှင့် မြန်မာနိုင်ငံတို့အကြား နယ်စပ်ဒေသမှတစ်ဆင့် ကုန်သွယ်မှုပြုရာတွင် ရခိုင်ပြည်နယ်ရှိ စစ်တွေကုန်သွယ်ရေးစခန်းနှင့် မောင်တောကုန် သွယ်ရေးစခန်းတို့မှတစ်ဆင့် တစ်ဖက်နိုင်ငံ၊ တက္ကနဗ်မြို့သို့ ကုန်စည်များတင်ပို့၊ တင်သွင်းလျက်ရှိသည်။ 

   မူဆယ် (၁၀၅) မိုင် ကုန်သွယ်ရေးဇုန်အနေဖြင့် (၅-၃-၂၀၂၃) ရက်နေ့တွင် ပို့ကုန်တန်ဖိုး အမေရိကန်ဒေါ်လာ (၁.၈၄၃)သန်း၊ သွင်းကုန်တန်ဖိုး အမေရိကန်ဒေါ်လာ (၁.၄၈၈)သန်း၊ ကုန်သွယ်မှု ပမာဏ အမေရိကန်ဒေါ်လာ (၃.၃၃၁) သန်း ဆောင်ရွက်နိုင်ခဲ့သည်။

   အများဆုံးတင်ပို့ခဲ့သည့် ပို့ကုန်ပစ္စည်းများမှာ ပဲတီစိမ်း (၉၀၆.၇၅၂) တန်၊ ကြက်သွန်နီ (၅၃၈.၅) တန်၊‌ သခွားမွှေး (၆၂၂) တန်၊ ပဲကြီး (၁၀၃.၅) တန်၊ စွန်တာနီ (၁၃၇.၅) တန်၊ ငါးရှဉ့် (၂၆.၉၆) တန်၊ မြေထောက်ပဲ (၇၀) တန်၊ ဝါဂွမ်း (၅၁.၁) တန်၊ ဖရဲသီး (၈၁၉.၂) တန်နှင့် အလူမီနီယံ သတ္တု (၃၄.၄၁) တန် တို့ဖြစ်သည်။

          ချင်းရွှေဟော်ကုန်သွယ်ရေးစခန်းမှ ၂၀၂၃ ခုနစ်၊ ဇန်နဝါရီလမှစ၍ သွင်းကုန်အမယ်သစ်ဖြစ်သည့် အထည်အလိပ် (CMP) ကို တင်သွင်းနိုင်ခဲ့သည်။ အထည်အလိပ် (CMP) ကို ကုန်သွယ်ရေးဦးစီးဌာန ရုံးချုပ် မှ Myanmar Tradenet (2.0) စနစ်ဖြင့် ထုတ်ပေးသည့် သွင်းကုန်လိုင်စင်၊ အကောက်ခွန်ဦးစီးဌာန၏ Release Order Notification တို့ဖြင့် တင်သွင်းလျက်ရှိသည်။

၂၀၂၃ ခုနှစ်၊ ဇန်နဝါရီလ ၁၆ ရက်နေ့

၂၀၂၃ ခုနှစ်၊ ဇန်နဝါရီလ ၁၆ ရက်

မောင်တောကုန်သွယ်ရေးစခန်းသည် တစ်ဖက်ဘင်္ဂလားဒေ့ရှ်နိုင်ငံသို့ ရေထွက်ပစ္စည်းများကို အဓိက တင်ပို့နေသော စခန်းတစ်ခုဖြစ်သည်။ အဓိကတင်ပို့နေသော ရေထွက်ပစ္စည်းများမှာ ငါးမြစ်ချင်း၊ ငါးနီတူ ခြောက်၊ ငါးကုန်းညိုခြောက်၊ ငါးစုံလေးခြောက်၊ ငါးမုတ်နှင့် ငါးသလောက် တို့ဖြစ်သည်။

  ၂၀၂၂ ခုနှစ်၊ ဒီဇင်ဘာလအတွင်း ရေထွက်ပစ္စည်း အမှန်တင်ပို့နိုင်မှုမှာ တန်ချိန် (၈၆၇.၁၀၀)၊ တန်ဖိုး (၁.၀၅၈)ဒေါ်လာသန်းဖြစ်ပြီး၊ ယခင် ၂၀၂၁ခုနှစ် ကာလတူနှင့် နိုင်းယှဉ်ပါက တန်ချိန် (၆၄၂.၇၀၀) တန်၊ တန်ဖိုး (၀.၇၅၀) ဒေါ်လာသန်းတင်ပို့မှုလျော့နည်းခဲ့ပါကြောင်း တင်ပြလိုက်ရပါသည်။

၂၀၂၃ ခုနှစ်၊ ဇန်နဝါရီလ ၁၆ ရက်

မြန်မာနိုင်ငံမှ ဘင်္ဂလားဒေ့ရှ့်နိုင်ငံသို့ လယ်ယာထွက်ကုန်ပစ္စည်းများ၊ ရေထွက်ကုန်ပစ္စည်းများ၊ သစ်တောထွက်ပစ္စည်းများနှင့်စက်မှုကုန်ချောပစ္စည်းများကို တင်ပို့လျက်ရှိရာ ယခုအပတ်အတွင်း စစ်တွေကုန်သွယ်ရေးစခန်းမှ (၀.၁၇၇၆) ဒေါ်လာသန်း တင်ပို့ရောင်းချခဲ့ပါသည်။

၂၀၂၃ ခုနှစ်၊ ဇန်နဝါရီလ ၁၆ ရက်

ယခုအပတ်အတွင်းဘင်္ဂလားဒေ့ရှ်နိုင်ငံ၏ရွှေပေါက်ဈေးမှာ ( ၁ ) အောင်စလျှင် (၂၀၀၀၁၈.၃၇) တာကာနှင့် အခြေခံစားကုန်ဈေးနှုန်းများမှာ ဆန် (အဖြူ) (၁) ကီလို (၃၁၉.၀၀)တာကာ၊ ကြက်သွန်နီ (၁) ကီလို (၃၉.၀၀ တာကာ)၊ အာလူး (၁) ကီလို (၂၅.၀၀တာကာ)၊ ခရမ်းချဉ်သီး (၁) ကီလို (၆၀.၀၀ တာကာ)၊ကြက်သား (၁) ကီလို(၂၂၉.၀၀တာကာ)၊ ကြက်ဥ(၁)ဒါဇင် (၁၁၉.၀၀တာကာ) ဈေးရှိ ကြောင်း သိရှိရပါသည်။ ယခုအပတ် ငွေလဲနှုန်းမှာ ၁ တာကာလျှင် ၂၄.၈၀ ကျပ်မှ ၂၅.၃၀ ကျပ် ပြောင်းလဲ သွားကြောင်းသိရှိရပါသည်။      

၂၀၂၃ ခုနှစ်၊ ဇန်နဝါရီလ ၁၆ ရက်