အင်္ဂါနေ့ ၁၂ မတ်လ ၂၀၁၃ 11 း 35 AM
ဗီယက်နမ် သစ်သီးဝလံနဲ့ ဟင်းသီး ဟင်းရွက် လုပ်ငန်းအနေနဲ့ ယခုနှစ် ပြည်ပတင်ပို့မှုမှ ကန်ဒေါ်လာ ၁ ဘီလီယံထိ ရရှိနိုင် မယ်လို့ ရည်မှန်းထား တယ်လို့ သိရပါတယ်။ ဒီရည်မှန်း ချက်ဟာ ယခင်နှစ်က ထက် ၃ဝ ရာခိုင်နှုန်း တိုးမြှင့် မျှော်မှန်း ထားခြင်း ဖြစ်တယ်လို့ ဗီယက်နမ် ဟင်းသီး ဟင်းရွက်နဲ့ သစ်သီးဝလံ အသင်း (Vina Fruit- Vietnam Vegetables & Fruit Association) ရဲ့ အထွေထွေ အတွင်းရေးမှူး Nguyen Van Ky က ပြောကြား ခဲ့တာ ဖြစ်ပါတယ်။ .......... (ဆက်လက်ဖတ်ရှုရန် ခေါင်းစဉ်ကို နှိပ်ပါ)
ရည်မှန်းချက် ပြည့်မီ စေရေး အတွက် စိုက်ပျိုး မြေများ တိုးခဲျ့ စိုက်ပျိုး စေခြင်း၊ စပါး စိုက်ပျိုးရန် လုံလောက်မှု မရှိတဲ့ Cuu Long မြစ်ဝ ကျွန်းပေါ် ဒေသ၊ Song Hong (Red River) မြစ်ဝကျွန်းပေါ်ဒေသနဲ့ Tay Nguyen များမှာ တန်ဖိုးမြင့် သီးနံှများ ပြောင်းလဲ စိုက်ပျိုး စေခြင်း များကို Vinafruit က ဇောင်းပေးလုပ်ကိုင်လျက်ရှိပါတယ်။
ဒါ့အပြင် လယ်ယာထွက်ကုန် ကုန်သွယ်မှုအတွက် လက်ကားကုန်စည်ဒိုင်နဲ့ ဈေးကွက်ချိတ်ဆက်မှု (Networks) များကို ထူထောင်သွားရန် Vinafruit အသင်းက စီမံကိန်း ချမှတ် ဆောင်ရွက် နေပြီဖြစ်ပါတယ်။ Vinafruit အသင်းရဲ့ အထွေထွေ အတွင်း ရေးမှူး Ky က ရည်မှန်းချက် ပြည့်မီရန် အတွက် အခက်အခဲ မရှိနိုင်ကြောင်း၊ ၂ဝ၁၂ ခုနှစ်က ဗီယက်နမ် နိုင်ငံရဲ့ အကြီးဆုံးသော ယှဉ်ပြိုင်ဖက် ထိုင်းနိုင်ငံဟာ ယခုအခါ ဗီယက်နမ် နိုင်ငံမှ ဟင်းသီး ဟင်းရွက် တင်သွင်းတဲ့ ထိပ်တန်း (၁ဝ) နိုင်ငံမှာ ပါဝင်လာနေတဲ့ အတွက် ဖြစ်ပါတယ်။ အကျိုး အမြတ် ပိုမိုရရှိစေမဲ့ သစ်ခွပန်း စိုက်ပျိုး ကြရန်လည်း ဗီယက်နမ် တောင်သူများ ကို အသိပညာ ပေးလျက် ရှိကြောင်း သိရပါတယ်။
ဗီယက်နမ် နိုင်ငံရဲ့ သစ်သီး ဝလံများကို အဓိက တင်သွင်းတဲ့ နိုင်ငံကတော့ တရုတ်နိုင်ငံ ဖြစ်သော်လည်း သစ်သီး ဝလံနဲ့ ဟင်းသီး ဟင်းရွက် တင်ပို့သူများဟာ Supermarkets များထက် ပြည်ပမှ တင်သွင်းမဲ့ ကုန်တင်သွင်းသူ များကို တိုက်ရိုက် ရောင်းချ သွားရန် စီစဉ်လျက် ရှိနေကြပါတယ်။
ဗီယက်နမ်ရဲ့ နဂါးမောက်သီး၊ မှို၊ ပြောင်း၊ ကစွန်းဥ၊ ကြက်သွန်နီနဲ့ ဂျင်း အများဆုံး တင်သွင်းတဲ့ နိုင်ငံများမှာ အမေရိကန်နဲ့ ဂျပန်နိုင်ငံ တို့ဖြစ်ကြ ပါတယ်။ ယခင်နှစ်က ဂျပန်နိုင်ငံမှ အများဆုံး တင်သွင်းခဲ့တဲ့ အတွက် ယခုနှစ်မှာ လည်း ဂျပန်နိုင်ငံ သို့ဘဲ အများဆုံး တင်ပို့ ရလိမ့် မယ်လို့ Ky က ပြောပါတယ်။ ယခင်နှစ်က ဗီယက်နမ် နိုင်ငံမှ သစ်သီး ဝလံနဲ့ ဟင်းသီး ဟင်းရွက် တင်ပို့မှုမှ ကန်ဒေါ်လာ သန်း ၇၇ဝ ရရှိခဲ့ပါတယ်။ ယခုနှစ်မှာတော့ ဗီယက်နမ် နိုင်ငံဟာ ကမ္ဘာ့ သစ်သီး ဝလံနဲ့ ဟင်းသီး ဟင်းရွက် တင်ပို့တဲ့ ထိပ်တန်း ၅ နိုင်ငံ စာရင်းဝင် နိုင်ငံ တစ်နိုင်ငံ ဖြစ်လာပြီလို့ VNS သတင်းမှာ ဖော်ပြ ထားပါတယ်။
Source: VNS >> CMK