စာပေနှင့်အနုပညာမူပိုင်ခွင့် သို့မဟုတ် ဆက်နွှယ်သည့်အခွင့်အရေးဆိုင်ရာစုပေါင်းစီမံခန့်ခွဲသည့် အဖွဲ့အစည်း ဖွဲ့စည်းရန် လျှောက်ထားခြင်းနှင့်စပ်လျဉ်းသည့် Reception သင်တန်း

နေပြည်တော်၊ ဩဂုတ် ၂၈
   စာပေနှင့်အနုပညာမူပိုင်ခွင့် သို့မဟုတ် ဆက်နွှယ်သည့်အခွင့်အရေးဆိုင်ရာ စုပေါင်းစီမံခန့်ခွဲသည့် အဖွဲ့အစည်းဖွဲ့စည်းရန် လျှောက်ထားခြင်းနှင့်စပ်လျဉ်း၍ Reception သင်တန်းကို ၂၀၂၅ ခုနှစ်၊ ဩဂုတ်လ ၂၈ ရက်နေ့ နံနက် ၁၀:၃၀ နာရီအချိန်၌ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာန၊ ရုံးအမှတ် (၅၂)တွင် Hybrid စနစ်ဖြင့် ကျင်းပခဲ့သည်။
  အဆိုပါသင်တန်းကို လျှောက်လွှာလက်ခံဌာနများတွင် တာဝန်ထမ်းဆောင်လျက်ရှိသော အရာထမ်း၊ အမှုထမ်းများအား စာပေနှင့်အနုပညာမူပိုင်ခွင့် သို့မဟုတ် ဆက်နွှယ်သည့် အခွင့်အရေးဆိုင်ရာ စုပေါင်းစီမံခန့်ခွဲသည့် အဖွဲ့အစည်းဖွဲ့စည်းရန် လျှောက်ထားလာပါက လျှောက်ထားချက်တွင် ပါရှိရမည့် အချက်အလက်များ၊ လျှောက်ထားချက်နှင့်အတူ ပူးတွဲတင်ပြရမည့်အထောက်အထားများကို နားလည်စေရန်နှင့် ကျွမ်းကျင်မှုရှိစွာ ဝန်ဆောင်မှု ပေးနိုင်စေရန် ရည်ရွယ်၍ ကျင်းပခဲ့ခြင်းဖြစ်သည်။ သင်တန်းတွင် စာပေနှင့်အနုပညာမူပိုင်ခွင့်ဌာနခွဲမှ ညွှန်ကြားရေးမှူး ဒေါက်တာနွယ်ရီဝင်းက စာပေနှင့်အနုပညာမူပိုင်ခွင့် သို့မဟုတ် ဆက်နွှယ် သည့်အခွင့်အရေးဆိုင်ရာ စုပေါင်းစီမံခန့်ခွဲသည့်အဖွဲ့အစည်း ဖွဲ့စည်းခြင်းဆိုင်ရာ စည်းမျဉ်းပါ သိကောင်းစရာများ၊ လျှောက်လွှာများလက်ခံခြင်းနှင့်စပ်လျဉ်း၍ စိစစ်ရမည့်အချက်အလက်များအား ရှင်းလင်းပို့ချခဲ့ပါသည်။ 
   အဆိုပါသင်တန်းကို မူပိုင်ခွင့်ဦးစီးဌာန (ရုံးချုပ်)၊ အထက်မြန်မာပြည်ရုံးခွဲ(မန္တလေး)နှင့် အောက်မြန်မာပြည်ရုံးခွဲ (ရန်ကုန်)တို့မှ လျှောက်လွှာလက်ခံဆောင်ရွက်နေသည့် အရာထမ်း၊ အမှုထမ်း စုစုပေါင်း(၁၉) ဦး တက်ရောက်ခဲ့ကြောင်း သတင်းရရှိသည်။