COVID-19 နှင့်ပတ်သက်သော သတင်း/ဆောင်းပါးများ

ကုန်သွယ်ရေးဉီးစီးဌာန အွန်လိုင်းမှ ပို့ကုန်သွင်းကုန်လိုင်စင်ပါမစ် လျောက်ထားထုတ်ပေးခွင့်ပြုမည့် ကုန်ပစ္စည်း HS LINE များ

Fri, 05/22/2020 - 10:43 -- dotadmin

(၁) Fully Online စနစ်တွင် အဆိုပါ HS line များအတိုင်းအကျုံးဝင်သည့် ကုန်ပစ္စည်းများကိုသာလျောက်ထားနိုင်ပါသည်။

 

(၂) လိုင်စင် Application ပါအချက်အလက်များဖြည့်သွင်းရမည်ဖြစ်ပြီး သက်ဆိုင်ရာလျောက်ထားမည့်လိုင်စင်၏ Invoice နှင့် ထောက်ခံချက်လိုအပ်သည့်လိုင်စင်များအတွက် သက်ဆိုင်ရာဌာန၏ထောက်ခံချက်ကို PDF format ဖြင့်ပူးတွဲ တင်ပြရမည်။ (မှန်ကန်မှု ရှိ/မရှိ သက်ဆိုင်ရာ ထုတ်ပေးဌာနနှင့်ပြန်လည်စစ်ဆေးမည်)

 

(၃) လိုအပ်သည့် အချက်အလက်များနှင့်စနစ်အသုံးပြုပုံအားလျောက်ထားမည့် website တွင်တင်ပြထားပါမည်။

 

(၄) လုပ်ငန်းရှင်မှဆောင်ရွက်ရမည့်လုပ်ငန်း နှင့်လိုင်စင်လျောက်ထား မှုအခြေအနေအား သက်ဆိုင်ရာလုပ်ငန်းရှင်၏ Deskboard တွင်အချိန်နှင့်တပြေးညီတွေ့ရှိနိုင်မည်ဖြစ်ပါသည်။

Undefined
Latest News: 
Latest New တင္ရန္

(၈-၅-၂၀၂၀) ရက်နေ့မှစတင်ပြီးအွန်လိုင်းပို့ကုန်သွင်းကုန်လိုင်စင်စနစ်(Fully Online )တွင် MPU eCommerce Pay ဖြင့်ပေးချေနိုင်ပြီ

Fri, 05/08/2020 - 11:55 -- ictuser

#COVID-19 အရေးပေါ်ကာလအတွင်း ကုန်သွယ်မှုလုပ်ငန်းများ အဆင်ပြေချောမွေ့စေရန်အတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ကုန်သွယ်ရေးဦးစီးဌာန၏ ပို့ကုန်သွင်းကုန်လိုင်စင်ထုတ်ပေးမှုလုပ်ငန်းများအား (၁-၄-၂၀၂၀) ရက်နေ့မှ စတင်၍ (Fully Online) အွန်လိုင်းစနစ်ဖြင့် ပြောင်းလဲထုတ်ပေးဆောင်ရွက်လျက်ရှိရာ ကုန်သွယ်မှုဆိုင်ရာငွေကြေးပေးသွင်းမှုများအတွက် မြန်မာနိုင်ငံသားများဘဏ်၏ (MCB) ePayment စနစ်ဖြင့် အွန်လိုင်း မှပေးသွင်းနိုင်ရန် ဆောင်ရွက်ထားရှိပါသည်။

#ဆက်လက်၍ Myanmar Payment Union (MPU) နှင့်ချိတ်ဆက်ထားသည့် ဘဏ်အားလုံးမှပေးချေနိုင်သည့် (MPU eCommerce Pay) ဖြင့်ပေးချေမှုအား (၈-၅-၂၀၂၀) ရက်နေ့မှစတင်၍ ပို့ကုန်သွင်းကုန်လိုင်စင်စနစ် (Fully Online Licence) စနစ်တွင်ပေးချေနိုင်ပြီဖြစ်သည့်အတွက် လုပ်ငန်းရှင်များအနေဖြင့် (MCB ePayment) စနစ်ဖြင့် သော်လည်းကောင်း (MPU eCommerce Pay)ဖြင့်လည်းကောင်း မိမိနှစ်သက်ရာနည်းလမ်းဖြင့်ရွေးချယ် ပေးသွင်းနိုင် ပြီဖြစ်ကြောင်းအသိပေးအပ်ပါသည်။

Undefined
Latest News: 
Latest New တင္ရန္

CoronaVirtus Disease 2019(CVVID-19) နှင့်စပ်လျဉ်း၍ ကုန်ပစ္စည်းတင်သွင်းဖြန့်ဖြူးသူများအား အသိပေးထုတ်ပြန်ကြေညာချက်

Tue, 04/28/2020 - 07:14 -- ictuser

Corona Virtus Disease 2019(COVID-19)နှင့်စပ်လျဉ်း၍ ကုန်ပစ္စည်းတင်သွင်းဖြန့်ဖြူးလျက်ရှိသည့် ကုမ္ပဏီ/လုပ်ငန်းရှင်များအား ကုန်ပစ္စည်းများဖြန့်ဖြူးရောင်းချ ပေးခြင်းကိုတားမြစ်ကန့်သတ်ထားခြင်းမရှိကြောင်းနှင့် ကုန်ပစ္စည်းဖြန့်ဖြူးရောင်းချနေမှုများ အားပုံမှန်ဆောင်ရွက်သွားနိုင်ရေးအတွက် စီးပွားရေးနှင့်ကူးသန်းရောင်း ဝယ်ရေးဝန်ကြီးဌာန၏ အသိပေးထုတ်ပြန်ကြေညာချက်။

Undefined
Latest News: 
Latest New တင္ရန္

Coronavirus 2019 ( COVID - 19 ) ကာလအတွင်း ဆန်နှင့်ဆန်ကွဲ ပြည်ပတင်ပို့ခွင့်လိုင်စင် ခွင့်ပြုမည့် လုပ်ထုံးလုပ်နည်းနှင့် စပ်လျဉ်းသော သတင်းလွှာ (၅/၂၀၂၀)

Mon, 04/27/2020 - 09:58 -- ictuser

Coronavirus 2019 ( COVID - 19 ) ကာလအတွင်း ဆန်နှင့်ဆန်ကွဲ ပြည်ပတင်ပို့ခွင့်လိုင်စင် ခွင့်ပြုမည့် လုပ်ထုံးလုပ်နည်းထုတ်ပြန်ခြင်း

 

 

Undefined
Latest News: 
Latest New တင္ရန္

ပို့ကုန်သွင်းကုန်နှင့်ပတ်သက်သော သတင်းလွှာ(၄/၂၀၂၀)

Mon, 04/27/2020 - 07:09 -- ictuser

ပို့ကုန်သွင်းကုန်လုပ်ငန်းရှင်မှတတ်ပုံတင်များအား သက်တမ်းယာယီတိုးမြှင့်ပေးမည်ဖြစ်ကြောင်း အသိပေးကြေညာခြင်း

Undefined
Latest News: 
Latest New တင္ရန္

သွင်းကုန်လိုင်စင် (၁) စောင်လျှင် ကျပ် ၃၀၀၀၀ (ကျပ်သုံးသောင်း)နှုန်းဖြင့် ပြောင်းလဲကောက်ခံသွားမည့် အမိန့်ကြော်ငြာစာ

Wed, 04/08/2020 - 05:50 -- dotadmin

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ၁၀-၁၀-၂၀၁၉ ရက်စွဲပါ အမိန့်ကြော်ငြာစာအမှတ် ၅၈/၂၀၁၉ ဖြင့် ထုတ်ပြန်ကောက်ခံလျက်ရှိသည့် သွင်းကုန်လိုင်စင်ကြေးနှုန်းထားများအစား သွင်းကုန်လိုင်စင် (၁) စောင်လျှင် ကျပ် ၃၀၀၀၀ (ကျပ်သုံးသောင်း)နှုန်းဖြင့် ပြောင်းလဲကောက်ခံသွားမည့် အမိန့်ကြော်ငြာစာ

 

အမိန့်ကြော်ငြာစာအမှတ်၊ ၂၃/၂၀၂၀

Undefined
Latest News: 
Latest New တင္ရန္

ဆန်နှင့်ဆန်ကွဲ ပြည်ပတင်ပို့သည့် လုပ်ငန်းအစီအစဉ်နှင့်ပတ်သက်သော သတင်းလွှာ(၃/၂၀၂၀)

Tue, 04/07/2020 - 15:16 -- dotadmin

ဆန်နှင့်ဆန်ကွဲ ပြည်ပတင်ပို့သည့်  လုပ်ငန်းအစီအစဉ် ထုတ်ပြန်ခြင်း

Undefined
Latest News: 
Latest New တင္ရန္

COVID-19 အရေးပေါ်ကာလအတွင်း ပို့ကုန်သွင်းကုန်လိုင်စင်များကို အွန်လိုင်းစနစ်ဖြင့် (၁-၄-၂၀၂၀) ရက်မှစတင်ထုတ်ပေးခဲ့ရာ (၃-၄-၂၀၂၀) ရက်နေ့ ညနေ ၄ : ၀၀ နာရီအချိန်အထိ အမေရိကန်ဒေါ်လာ (၇၂) သန်းကျော်ဖိုး ထုတ်ပေးပြီးဖြစ်

Fri, 04/03/2020 - 11:48 -- dotadmin

ယခုအခါ မြန်မာနိုင်ငံအပါအဝင် ကမ္ဘာ့နေရာအနှံ့အပြားတွင် ကိုရိုနာဗိုင်းရပ်စ်ပိုး(Covid-19) မှာ ပျံ့ပွားလျှက်ရှိပြီး စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန အနေဖြင့် ပြည်သူများထံသို့ ဝန်ဆောင်မှုပေးသည့် လုပ်ငန်းများတွင် လူလူချင်းထိတွေ့မှုများ လျှော့ချ နိုင်ရေး၊ လိုင်စင်လုပ်ငန်းများ အဆင်ပြေချော့မွေ့စေရေး အထူးအလေးပေးဆောင်ရွက်လျှက်ရှိရာ ဝန်ကြီးဌာနမှ ထုတ်ပေးဆောင်ရွက်လျက်ရှိသည့် ပို့ကုန်သွင်းကုန်လိုင်စင်ပါမစ်များနှင့် အကောက်ခွန် သက်သာခွင့် (CO) ပုံစံများလျောက်ထားမှုအား ရုံးဌာနသို့ လာရောက်ရန်မလိုဘဲ (၁-၄-၂၀၂၀) ရက်နေ့မှ စတင်ပြီး အွန်လိုင်းမှ လျောက်ထားခြင်း၊ ထုတ်ပေးခြင်းလုပ်ငန်းစဉ်များအား ဆောင်ရွက် ပေးလျှက်ရှိပါသည်။

 

ကုန်သည်လုပ်ငန်းရှင်များအနေဖြင့် ရုံးဌာနသို့လာရောက်ရန်မလိုဘဲ အင်တာနက်ရရှိသည့် မည်သည့်နေရာမှမဆို လိုင်စင်လျောက်ထားခြင်း၊ ငွေကြေးပေးသွင်းခြင်း၊ လိုင်စင်ပြန်လည်ထုတ်ယူ ခြင်းများကို အွန်လိုင်းစနစ်ဖြင့် စတင်ဆောင်ရွက်နေပြီဖြစ်ပြီး စနစ်စတင်သည့် (၁-၄-၂၀၂၀) ရက်နေ့တွင် ပို့ကုန်သွင်းကုန်လိုင်စင်စောင်ရေ (၄၆) စောင်၊ တန်ဖိုး ကန်ဒေါ်လာ (၁၅) သန်းကျော်၊ (၂-၄-၂၀၂၀) ရက်နေ့တွင် ပို့ကုန်သွင်းကုန်လိုင်စင်စောင်ရေ (၆၇)စောင်၊ တန်ဖိုး ကန်ဒေါ်လာ (၂၀) သန်း ကျော်နှင့် (၃-၄-၂၀၂၀) ရက်နေ့တွင် (ညနေ ၄ : ၀၀ နာရီအချိန်အထိ) ပို့ကုန်သွင်းကုန်လိုင်စင် စောင်ရေ (၁၀၁) စောင်၊ တန်ဖိုး ကန်ဒေါ်လာ (၃၇)သန်းကျော်ဖိုးအား အွန်လိုင်းမှ ခွင့်ပြုထုတ်ပေးခဲ့ပြီး ဖြစ်ပါသည်။ သို့ဖြစ်ပါ၍ COVID-19 အရေးပေါ်ကာလအတွင်း ပို့ကုန်သွင်းကုန်လိုင်စင်များကို အွန်လိုင်းစနစ်ဖြင့် (၁-၄-၂၀၂၀) ရက်မှစတင်ထုတ်ပေးခဲ့ရာ (၃-၄-၂၀၂၀) ရက်နေ့ (ညနေ ၄ : ၀၀ နာရီအချိန်အထိ) အမေရိကန်ဒေါ်လာ (၇၂) သန်းကျော်ဖိုး ထုတ်ပေးပြီးဖြစ်ပါသည်။

 

ကုန်သည်လုပ်ငန်းရှင်များအနေဖြင့် လက်ရှိအချိန်တွင် အွန်လိုင်းမှလျှောက်ထားနိုင်သကဲ့သို့ ဌာနသို့ လာရောက်လျှောက်ထားပါကလည်း ခွင့်ပြုထုတ်ပေးလျက်ရှိပါသည်။ သို့သော်လည်း (၉-၄-၂၀၂၀) ရက်နေ့မှစတင်ပြီး အွန်လိုင်းမှလျှောက်ထားခွင့်ပြုထားသည့် ကုန်ပစ္စည်းအမယ်များအား အွန်လိုင်းပေါ်မှ လျှောက်ထားခြင်းဖြင့်သာ ခွင့်ပြုပေးတော့မည်ဖြစ်ပါသည်။

 

ကုန်သည်လုပ်ငန်းရှင်များအနေဖြင့်လည်း ပို့ကုန်သွင်းကုန်လိုင်စင်များကို အွန်လိုင်းမှ လျှောက်ထားခြင်းဖြင့် ယခုအချိန်ကဲ့သို့ Covid-19 ကာလအတွင်း လူလူချင်းထိတွေ့မှုများ လျှော့ချနိုင် မည့်အပြင် ရုံးဌာနသို့ လာရောက်ရန်မလိုသည့်အတွက် လိုင်စင်လုပ်ငန်းများ ဆောင်ရွက်ရာ၌ လူအင်အား၊ အချိန်နှင့် ကုန်ကျစရိတ် သက်သာခြင်းစသည့် အကျိုးကျေးဇူးများကို ရရှိနိုင်မည် ဖြစ်ကြောင်း သုံးသပ်တွေ့ရှိရပါသည်။

 

ကုန်သွယ်ရေးဦးစီးဌာနအနေဖြင့်လည်း အွန်လိုင်းပေါ်မှ လိုင်စင်လျှောက်ထားရန် ခွင့်ပြု ထားသည့် ကုန်ပစ္စည်းအမယ်များကိုလည်း လုပ်ငန်းလိုအပ်ချက်ပေါ်မူတည်ပြီး ထပ်မံတိုးမြင့် ထုတ်ပေးသွားမည် ဖြစ်ပါကြောင်း သတင်းရရှိပါသည်။

Undefined
Latest News: 
Latest New တင္ရန္

COVID-19 အရေးပေါ်ကာလအတွင်း ပို့ကုန်သွင်းကုန်လိုင်စင်များကို အွန်လိုင်းစနစ်ဖြင့် (၁-၄-၂၀၂၀) ရက်မှစတင်ထုတ်ပေးခဲ့ရာ (၃-၄-၂၀၂၀) ရက်နေ့ ညနေ ၄ : ၀၀ နာရီအချိန်အထိ အမေရိကန်ဒေါ်လာ (၇၂) သန်းကျော်ဖိုး ထုတ်ပေးပြီးဖြစ်

Fri, 04/03/2020 - 11:15 -- dotadmin

ယခုအခါ မြန်မာနိုင်ငံအပါအဝင် ကမ္ဘာ့နေရာအနှံ့အပြားတွင် ကိုရိုနာဗိုင်းရပ်စ်ပိုး(Covid-19) မှာ ပျံ့ပွားလျှက်ရှိပြီး စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန အနေဖြင့် ပြည်သူများထံသို့ ဝန်ဆောင်မှုပေးသည့် လုပ်ငန်းများတွင် လူလူချင်းထိတွေ့မှုများ လျှော့ချ နိုင်ရေး၊ လိုင်စင်လုပ်ငန်းများ အဆင်ပြေချော့မွေ့စေရေး အထူးအလေးပေးဆောင်ရွက်လျှက်ရှိရာ ဝန်ကြီးဌာနမှ ထုတ်ပေးဆောင်ရွက်လျက်ရှိသည့် ပို့ကုန်သွင်းကုန်လိုင်စင်ပါမစ်များနှင့် အကောက်ခွန် သက်သာခွင့် (CO) ပုံစံများလျောက်ထားမှုအား ရုံးဌာနသို့ လာရောက်ရန်မလိုဘဲ (၁-၄-၂၀၂၀) ရက်နေ့မှ စတင်ပြီး အွန်လိုင်းမှ လျောက်ထားခြင်း၊ ထုတ်ပေးခြင်းလုပ်ငန်းစဉ်များအား ဆောင်ရွက် ပေးလျှက်ရှိပါသည်။

 

ကုန်သည်လုပ်ငန်းရှင်များအနေဖြင့် ရုံးဌာနသို့လာရောက်ရန်မလိုဘဲ အင်တာနက်ရရှိသည့် မည်သည့်နေရာမှမဆို လိုင်စင်လျောက်ထားခြင်း၊ ငွေကြေးပေးသွင်းခြင်း၊ လိုင်စင်ပြန်လည်ထုတ်ယူ ခြင်းများကို အွန်လိုင်းစနစ်ဖြင့် စတင်ဆောင်ရွက်နေပြီဖြစ်ပြီး စနစ်စတင်သည့် (၁-၄-၂၀၂၀) ရက်နေ့တွင် ပို့ကုန်သွင်းကုန်လိုင်စင်စောင်ရေ (၄၆) စောင်၊ တန်ဖိုး ကန်ဒေါ်လာ (၁၅) သန်းကျော်၊ (၂-၄-၂၀၂၀) ရက်နေ့တွင် ပို့ကုန်သွင်းကုန်လိုင်စင်စောင်ရေ (၆၇)စောင်၊ တန်ဖိုး ကန်ဒေါ်လာ (၂၀) သန်း ကျော်နှင့် (၃-၄-၂၀၂၀) ရက်နေ့ ၁၆ : ၀၀ နာရီအချိန်အထိ ပို့ကုန်သွင်းကုန်လိုင်စင်စောင်ရေ (၁၀၁) စောင်၊ တန်ဖိုး ကန်ဒေါ်လာ (၃၇)သန်းကျော်ဖိုးအား အွန်လိုင်းမှ ခွင့်ပြုထုတ်ပေးခဲ့ပြီး ဖြစ်ပါသည်။

 

ကုန်သည်လုပ်ငန်းရှင်များအနေဖြင့် လက်ရှိအချိန်တွင် အွန်လိုင်းမှလျှောက်ထားနိုင်သကဲ့သို့ ဌာနသို့ လာရောက်လျှောက်ထားပါကလည်း ခွင့်ပြုထုတ်ပေးလျက်ရှိပါသည်။ သို့သော်လည်း (၉-၄-၂၀၂၀) ရက်နေ့မှစတင်ပြီး အွန်လိုင်းမှလျှောက်ထားခွင့်ပြုထားသည့် ကုန်ပစ္စည်းအမယ်များအား အွန်လိုင်းပေါ်မှ လျှောက်ထားခြင်းဖြင့်သာ ခွင့်ပြုပေးတော့မည်ဖြစ်ပါသည်။

 

ကုန်သည်လုပ်ငန်းရှင်များအနေဖြင့်လည်း ပို့ကုန်သွင်းကုန်လိုင်စင်များကို အွန်လိုင်းမှ လျှောက်ထားခြင်းဖြင့် ယခုအချိန်ကဲ့သို့ Covid-19 ကာလအတွင်း လူလူချင်းထိတွေ့မှုများ လျှော့ချနိုင် မည့်အပြင်  ရုံးဌာနသို့ လာရောက်ရန်မလိုသည့်အတွက် လိုင်စင်လုပ်ငန်းများ ဆောင်ရွက်ရာ၌ လူအင်အား၊ အချိန်နှင့် ကုန်ကျစရိတ် သက်သာခြင်းစသည့် အကျိုးကျေးဇူးများကို ရရှိနိုင်မည် ဖြစ်ပါသည်။

 

ကုန်သွယ်ရေးဦးစီးဌာနအနေဖြင့်လည်း အွန်လိုင်းပေါ်မှ လိုင်စင်လျှောက်ထားရန် ခွင့်ပြု ထားသည့် ကုန်ပစ္စည်းအမယ်များကိုလည်း လုပ်ငန်းလိုအပ်ချက်ပေါ်မူတည်ပြီး ထပ်မံတိုးမြင့် ထုတ်ပေးသွားမည် ဖြစ်ပါကြောင်း သတင်းကောင်းပါးအပ်ပါသည်။

Undefined
Latest News: 
Latest New တင္ရန္

COVID-19 အရေးပေါ်ကာလအတွင်း ပို့ကုန်သွင်းကုန်လိုင်စင်များကို ရုံးဌာနသို့လာရောက်ရန် မလိုဘဲ အွန်လိုင်းစနစ်ဖြင့် (၁-၄-၂၀၂၀) ရက်မှစတင်ထုတ်ပေးသွားမည်

Mon, 03/30/2020 - 04:43 -- dotadmin

ယခုအခါ မြန်မာနိုင်ငံအပါအဝင် ကမ္ဘာ့နေရာအနှံ့အပြားတွင် ကိုရိုနာဗိုင်းရပ်စ်ပိုး(Covid-19) မှာ ပျံ့ပွားလျှက်ရှိပြီး စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန အနေဖြင့် ပြည်သူများထံသို့ ဝန်ဆောင်မှုပေးသည့် လုပ်ငန်းများတွင် လူလူချင်းထိတွေ့မှုများ ဟန့်တားနိုင်ရေး၊ ဗိုင်းရပ်စ်ပိုးကူးစက် မှုများအားလျှော့ထားနိုင်ရေး အထူးအလေးပေး ဆောင်ရွက် လျှက်ရှိရာ ဝန်ကြီးဌာနမှထုတ်ပေးဆောင်ရွက်လျက်ရှိသည့် ပို့ကုန်သွင်းကုန်လိုင်စင် လျောက်ထားမှု အား (၁-၄-၂၀၂၀)ရက်နေ့မှ စတင်ပြီး အွန်လိုင်းမှ လျောက်ထားခြင်း၊ ထုတ်ပေးခြင်းလုပ်ငန်းစဉ်များ အား စတင်ခွင့်ပြု ဆောင်ရွက်ပေး သွားမည်ဖြစ်ပါသည်။

 

ကုန်သည်လုပ်ငန်းရှင်များအနေဖြင့် ရုံးဌာနသို့လာရောက်ရန်မလိုဘဲ အင်တာနက်ရရှိသည့် မည်သည်နေရာမှမဆို လိုင်စင်လျောက်ထားခြင်း၊ ငွေကြေးပေးသွင်းခြင်း၊ လိုင်စင်ပြန်လည် ထုတ်ယူ ခြင်းများကို ဆောင်ရွက်နိုင်မည်ဖြစ်ပြီး ယခင်ထုတ်ပေး ဆောင်ရွက်လျက်ရှိသည့် CMP(အထည်ချုပ်) သွင်းကုန်လိုင်စင်များအပြင် လျောက်ထားမှု အရေအတွက် အများဆုံးဖြစ်ပြီး ပြည်သူလူထုအတွက် လိုအပ်မည့်ပစ္စည်းများ သွင်းကုန်ပစ္စည်းများဖြစ်သည့် ဆေးနှင့်ဆေးပစ္စည်းများ၊ ဆေးရုံသုံး စက်ပစ္စည်းများ စားသောက်ကုန်ပစ္စည်းများ၊ ဓါတ်မြေသြဇာ၊ စားအုန်းဆီနှင်ဆီထွက်ကုန်ပစ္စည်းများ၊ နို့နှင့်နိုထွက်ပစ္စည်းများ၊အီလက်ထရောနစ် ပစ္စည်းများ၊ စွမ်းအင်သုံးပစ္စည်းများ၊ ချောဆီ၊ ဆိုင်ကယ် စက်ဘီးများနှင့် ပို့ကုန်အတွက် စိုက်ပျိုးရေးထွက်ကုန်ပစ္စည်းများ၊ ခဲသတ္တူ၊ သကြား ၊သဘာဝဓါတ်ငွေ များ အပါအဝင် အခြားကုန်ပစ္စည်းများအားထုတ်ပေး ဆောင်ရွက်သွားမည်ဖြစ်ပါသည်။ထုတ်ပေးမည့် HS Code Line အသေးစိတ်အား ဝန်ကြီးဌာန၏ website ဖြစ်သော www.commerce.gov.mm တွင် ဆက်လက်တင်ပြပေးပါမည်။

 

အဆိုပါ ပို့ကုန်သွင်းကုန်လျောက်ထားမှုအတွက် www.myanmartradenet.com.mm မှတဆင့် ဝင်ရောက်လျောက်ထားနိုင်ပြီး ပင်လယ်ရေကြောင်းလိုင်စင်နှင့် နယ်စပ်လိုင်စင်(ရုံးချုပ်)များ လျှောက်ထားနိုင်မည်ဖြစ်ပါသည်။ လျောက်ထားမည့် (ပသက)မှတ်ပုံတင်ပြီး ကုမ္ပဏီများ အနေဖြင့် စနစ်အတွင်း ဝင်ရောက်အသုံးပြုရန် (Member Registration) ပြုလုပ်ရမည် ဖြစ်ပါသည်။ ငွေကြေးပေးသွင်းမှုအတွက် လက်တလောတွင် မြန်မာနိုင်ငံသားများဘဏ် (MCB eCommerce Pay) ဖြင့်ပေးသွင်းနိုင်မည်ဖြစ်ပြီး မကြာမှီ MPU eCommerce pay ဖြင့်ပါ ပေးသွင်းနိုင်ရန်ဆောင်ရွက်လျက် ရှိပါသည်။

 

အဆိုပါလိုင်စင်များအတွက် အကောက်ခွန်ရှင်းလင်းရေးလုပ်ငန်းများ ဆက်လက်ဆောင်ရွက် နိုင်ရန်အတွက် အကောက်ခွန်ဦးစီးဌာန (MACCS)စနစ်သို့ အီလက်ထရောနစ်ဒေတာဖြင့် ဆက်လက် ချိတ်ဆက် ပေးပို့သွားမည်ဖြစ်ပါသည်။

 

ထိုကဲ့သို့ဆောင်ရွက်နိုင်ရေးအတွက် ကုန်သည်လုပ်ငန်းရှင်များအနေဖြင့် အောက်ပါ လုပ်ငန်းများ ကြိုတင်ပြင်ဆင်ထားရန်လိုအပ်မည်ဖြစ်ပါသည် -

(က)    Myanmar Tradenet Member ဝင်ရောက်ထားခြင်းမရှိသေးပါက Member ဝင်ခြင်း။

(ခ )     Security အတွက် Google Authenticator အား အသုံးပြုမည့် လက်ကိုင်ဖုန်းတွင် Instrall ပြုလုပ်ခြင်းနှင့် ၎င်း Google Authenticator နှင့် Myanmar Tradenet Account ချိတ်ဆက်ထားခြင်း။

(ဂ )     MCB Bank တွင် Account ဖွင့်လှစ်ထားခြင်းမရှိသေးပါက Account ဖွင့်လှစ်ခြင်း။

 

လိုင်စင်လျှောက်ထားမှုနှင့်ပတ်သက်၍ မေးမြန်းလိုပါက နေပြည်တော် (၀၆၇-၄၀၈၂၂၁)၊ ရန်ကုန် (၀၁ - ၃၇၁၂၁၉) သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

 

 

ခိုင်ညိမ်းသူ

နည်းပညာ

Undefined
Latest News: 
Latest New တင္ရန္

Pages

Subscribe to RSS - COVID-19 နှင့်ပတ်သက်သော သတင်း/ဆောင်းပါးများ