နောက်ဆုံးရ သတင်း

အာဆီယံ-ကိုရီးယားစင်တာမှ ကြီးမှူး၍ ၂၀၁၂ ခုနှစ် စက်တင်ဘာလ (၂၀) ရက်နေ့မှ (၂၃) ရက်နေ့အထိ ကိုရီးယားနိုင်ငံ၊ ဆိုးလ်မြို့ရှိ COEX  (Convention & Exhibition Centre) မှာ ဆိုးလ်လက်ဆောင်ပစ္စည်းပြပွဲ ၂၀၁၂ (SEOUL GIFT SHOW 2012) ကိုကျင်းပပြုလုပ်မှာဖြစ်ပါတယ်။ ဆိုးလ်လက်ဆောင်ပစ္စည်းပြပွဲကို မြန်မာ နိုင်ငံမှ လုပ်ငန်းရှင်တွေက အာဆီယံ-ကိုရီးယားစင်တာရဲ့ အကူအညီနဲ့ နှစ်စဉ်ပါဝင်ပြသနေကြပါတယ်။ ပြပွဲကျင်းပရခြင်းရဲ့ ရည်ရွယ်ချက်မှာ အာဆီယံနိုင်ငံများမှ ထုတ်ကုန်ပစ္စည်းတွေကို ကိုရီးယားဈေးကွက်ကို ထိုးဖောက်ဝင်ရောက်နိုင်စေဖို့နဲ့ ကုန်သွယ်မှုတိုးမြှင့်စေဖို့ဖြစ်ပါတယ်။ ပြပွဲမှာ လက်မှုအနုပညာပစ္စည်းများ၊ လက် ဆောင်ပစ္စည်းများ၊ အိမ်တွင်းအလှဆင်ပစ္စည်းများ၊ ခရစ္စမတ်နဲ့ ပွဲတော်အလှဆင်ပစ္စည်းများ၊ အိမ်ခန်းသုံးစားပွဲခင်း၊ ခန်းစီးလိုက်ကာပစ္စည်းများ ပါဝင်ပြသကြမှာဖြစ်ပါတယ်။ပြပွဲမှာ အာဆီယံ ၁၀ နိုင်ငံမှ တစ်နိုင်ငံကို ပြသသူ ၂ ဦးစီနဲ့ စုစုပေါင်းပြသသူ (၂၀) ဦးပါဝင်ပြသမှာဖြစ် ပါတယ်။ ပြပွဲမှာ မြန်မာနိုင်ငံမှရွေးချယ်ခံရတဲ့ ပြသသူလုပ်ငန်းရှင် (၁) ဦးစီအတွက် အသွားအပြန် လေယာဉ်စရိတ်၊ တည်းခိုနေထိုင်စရိတ်နဲ့ သွားလာစရိတ်တွေကို အာဆီယံ-ကိုရီးယားစင်တာမှ ကျခံပေးမှာဖြစ်ပါတယ်။ အာဆီယံ- ကိုရီးယားစင်တာမှ တာဝန်ရှိသူနဲ့ ကျွမ်းကျင်သူတို့က ၂၀၁၂ ခုနှစ် သြဂုတ်လ ၃ ရက်နေ့မှာ မြန်မာနိုင်ငံမှ ပါဝင် ပြသလိုတဲ့ ၎င်းင်းကုမ္ပဏီလုပ်ငန်းတွေကို စစ်ဆေးအကဲဖြတ်ရွေးချယ်မှာဖြစ်တယ်။
စိတ်ဝင်စားတဲ့ မြန်မာကုမ္ပဏီတွေအနေနဲ့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန၊ အပြည်ပြည်ဆိုင်ရာ ကုန်သွယ်မှုမြှင့်တင်ရေးဌာနခွဲ၊ ကုန်စည်ပြပွဲဌာနစိတ် ဖုန်း-၀၆၇-၄၀၈၄၁၁ ၊ ဖက်စ် ၀၆၇-၄၀၈၃၁၁ နဲ့ ပြည် ထောင်စုသမ္မတမြန်မာနိုင်ငံ ကုန်သည်များနဲ့ စက်မှုလက်မှုလုပ်ငန်းရှင်များအသင်းချုပ်၊ ပြပွဲဌာနတို့ကို ဆက်သွယ် စာရင်းပေးသွင်းနိုင်ပါတယ်။
KKK

နယ်စပ်ကုန်သွယ်ရေးစခန်းအသီးသီးမှာ ၁၂-၆-၂၀၁၂ ရက်နေ့မှစပြီး Automatic Licensing စနစ်ဖြင့် သွင်းကုန် ပစ္စည်းအမျိုးအစား ၁၆၆ မျိုးကို စခန်းမှတိုက်ရိုက်လိုင်စင်ခွင့်ပြုဆောင်ရွက်ပေးလျက်ရှိပါတယ်။မြဝတီနယ်စပ်ဒေသ အနေနဲ့ Automatic Licensing ခွင့်ပြုခဲ့တာကြောင့် နိုင်ငံခြားငွေဘဏ်စာရင်း မဖွင့်လှစ် နိုင်တဲ့ ဒေသခံကုန်သည်ငယ်များ၊ ငြိမ်းချမ်းရေးအဖွဲ့အစည်းများမှ တည်ထောင်ထားတဲ့ကုမ္ပဏီများပါ ပို့ကုန်၊ သွင်းကုန် လုပ်ငန်းများကို အဆင်ပြေချောမွေ့စွာဆောင်ရွက်နိုင်တာတွေ့ရပြီး ကုန်သွယ်မှုပမာဏမှာ ၂၀၁၂ ဧပြီလတွင် ၄ ဒသမ ၂၅၆ ဒေါ်လာသန်း၊ မေလတွင် ၁၀ ဒသမ ၃၀၁ ဒေါ်လာသန်း၊ဇွန်လတွင် ၁၃ ဒသမ ၂၃၈ ဒေါ်လာသန်းအထိ တိုးတက်ဆောင်ရွက်နိုင်ခဲ့ပါတယ်။မြဝတီနယ်စပ်ကုန်သွယ်မှုလမ်းကြောင်း သဘာဝမှာ အတက်တစ်ရက် အဆင်းတစ်ရက်ဖြစ်ပြီး ကုန်သည် လုပ်ငန်းရှင်များအနေနဲ့လည်း အတက်ရက်မှာ ကုန်သွယ်ရေးဇုန်ထဲဝင်ရောက်လာတဲ့ ပို့ကုန်ပစ္စည်းတွေကို Automatic Licensing စနစ်နဲ့ မြန်ဆန်စွာတင်ပို့နိုင်သလို အဆင်းနေ့မှာ ပြည်တွင်းဈေးကွက်က ကုန်အမှာတွေကို Automatic Licensing နဲ့ ချက်ချင်းလိုင်စင်လျှောက်ထားရယူတင်သွင်းနိုင်လို့ နှစ်သက်ကျေနပ်မှုရှိနေကြတယ်လို့ သိရပါတယ်။ မြဝတီကုန်သွယ်ရေးဇုန်မှ ကုန်သွယ်မှုများ ပိုမိုတိုးတက်စေဖို့ ကြိုးပမ်းဆောင်ရွက်လျက်ရှိနေကြောင်း သတင်းကောင်းပါးလိုက်ရပါတယ်။ 
မျိုးနွယ်အေး (မြဝတီ)

ကုမ္ပဏီလုပ်ငန်းရှင်အချို့ဟာ ကုမ္ပဏီလုပ်ထုံးလုပ်နည်းများနားလည်ခြင်းမရှိသေးသည်ကိုတွေ့နေရကြောင်း၊ OSS ဌာနများနှင့်လစဉ်အစည်းအဝေးများပြုလုပ်ပြီး လုပ်ငန်းများပေါင်းစပ်ညှိနှိုင်းကာ ကုန်သွယ်မှုချောမွေ့စေ ရေးဆောင်ရွက်ပေး လျက်ရှိကြောင်း၊ ကုမ္ပဏီများအနေနဲ့

LC/ TT နဲ့ ဘဏ်ငွေစာရင်းမဖွင့်နိုင်သော ဒေသခံကုန်သည်ငယ်များအနေနဲ့ တင်ပို့တင်သွင်းနိုင်ရန် ကုန်ပစ္စည်းများကို ပုံမှန်ကုန်သွယ်မှုနည်းလမ်းနဲ့ဆောင်ရွက်နိုင်ခြင်းမရှိတဲ့အတွက် တရားမဝင်လမ်းကြောင်းမှ ကုန်သွယ်မှုပြုလုပ်ဆောင်ရွက် ရာမှာ နိုင်ငံတော်မှရသင့်ရထိုက်တဲ့ အခွန်အခများမရရှိတဲ့အပြင် ကုန်သွယ်မှု ပမာဏထိခိုက်ကျဆင်းမှုများ ရှိလာတာကို တွေ့ရှိရတဲ့ အတွက် ပို့ကုန်သွင်းကုန်ပစ္စည်းများကို နှစ်နိုင်ငံငွေကြေးနဲ့ ဆောင်ရွက်နိုင်ရေး ငွေကြေးဆိုင်ရာမူဝါဒ လုပ်ထုံးလုပ်နည်း ညှိနှိုင်းအစည်းအဝေးမှာ တင်ပြညှိနှိုင်းဆွေးနွေးနိုင်ခဲ့တဲ့ အတွက် ယခုအခါသွင်းကုန်ပစ္စည်းအမယ် ၁၆၀ ကျော် ပို့ကုန်ပစ္စည်း ၁၃၅ မျိုးခန့်ကို နှစ်နိုင်ငံငွေကြေးသို့မဟုတ်   LC (Letter of Credit)/ TT (Telegraphic Transfer) ကြိုက်နှစ်သက်ရာစနစ်နဲ့ လိုင်စင်လျှောက်ထားနိုင်ပြီဖြစ်ပါတယ်။ နယ်စခန်းတွင်ပင် ပို့ကုန်သွင်းကုန်လိုင်စင်ခွင့်ပြုခြင်းကို ဇွန် ၁၂ ရက်ကစပြီး ဆောင်ရွက်နေပြီဖြစ်တယ်လို့ ကော့သောင်းနယ်စပ်ကုန်သွယ်ရေးစခန်းတာဝန်ခံ ဦးအောင်ဝင်းက ဇူလိုင် ၂ ရက်က ကော့သောင်း နယ်စပ်ကုန်သည်ကြီးများအသင်းအစည်းအဝေးခန်းမမှာပြုလုပ်တဲ့ ကုန်သွယ်မှုမြှင့်တင်ရေး အစည်း အဝေးမှာ ပြောကြားခဲ့တယ်လို့ သိရပါတယ်။ တရားမဝင်ကူးသန်းရောင်းဝယ်မှုများလျော့နည်းပပျောက်ရေးနဲ့ စားသုံးသူ အကာအကွယ် ပေးရေးဆိုင်ရာ လုပ်ငန်းညှိနှိုင်းအစည်းအဝေးကို ဇွန် ၁၃ ရက်က စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှာ ကျင်းပခဲ့ရာ Automatic Licencing ၊ Non Automatic Licencing စနစ်များနဲ့ လိုင်စင်ထုတ်ပေးနိုင်ရေးကိုဆောင် ရွက်ပေးနေပြီဖြစ်ကြောင်း၊ ဒါ့အပြင် ခွင့်ပြုချက်ထပ်မံရရှိပါက Individual Trading Card စနစ် ဆောင်ရွက်နိုင်ရန်နဲ့ နယ်စပ်ကုန်သွယ်ရေးစခန်းများမှ ခွင့်ပြုပေးနိုင်တဲ့လိုင်စင်များအတွက် ကုန်ပစ္စည်းအမယ်များ တိုးမြှင့်သတ်မှတ်ပေးရန်စီစဉ် ထားပြီ ဖြစ်ကြောင်းလည်း ကုန်သည်လုပ်ငန်းရှင်များကို အသိပေးပြောကြားခဲ့တယ်လို့ သတင်းရရှိပါတယ်။
ကုန်သွယ်မှုနဲ့စပ်လျဉ်းပြီး မိမိတို့ဌာနအနေနဲ့ အချိန်နဲ့တစ်ပြေးညီလုပ်ငန်းရှင်များသိအောင်ဆောင်ရွက်ပေးလျက်ရှိတဲ့ အပြင် ကုန်သွယ်မှုလုပ်ငန်းများလျင်မြန်ချောမွေ့စေရေး ဌာနဆိုင်ရာများမှဆောင်ရွက်နေသည်များကိုသိရှိပြီး တရားဝင် ကုန်သွယ်မှုလမ်းကြောင်းမှပိုမိုဆောင်ရွက်ကြစေလိုကြောင်း စခန်းတာဝန်ခံကတိုက်တွန်းပြောကြားခဲ့တယ်လို့သိရပါတယ်။
ကုန်သည်ကြီးများအသင်းအလုပ်အမှုဆောင် ဦးခင်မောင်ကြီးကလည်း တရားမဝင်ကုန်သွယ်မှုများအား ဥပဒေနဲ့အညီ အရေးယူထိန်းချုပ်တားဆီးနိုင်ရေး ပညာပေးကာလ၊ စောင့်ကြည်ကာလ၊ အရေးယူကာလဟူ၍ ကာလသတ်မှတ်ပိုင်းခြား ထားပြီး အောက်တိုဘာ ၁ ရက်မှစ၍ အရေးယူမှုစတင်တော့မယ်ဆိုတာ ကုန်သည် လုပ်ငန်းရှင်၊ ကုမ္ပဏီများကို ကြိုတင် အသိပေးပြောကြားခဲ့တယ်လို့ သတင်းရရှိပါတယ်။    
MIRT (DOBT)

မန္တလေးဈေးကွက်သို့  အောင်ပန်း အာလူးသစ်များ ယခုရက်ပိုင်း အဝင် လှိုင်လာကြောင်းသိရပါတယ်။ ယခင် လက အာလူးအဝင်နည်းလို့ ဈေးမြင့်ခဲ့ ရာတစ်ပိဿာ ၄၅၀ ကျပ်၊ ၅၀၀ ကျပ်မှ ၇၀၀ ကျပ်၊ ၇၅၀ ကျပ်ထိ ဈေးမြင့်ခဲ့ပြီး၊ ယခုနောက်ပိုင်းမှာတော့ အဝင်လှိုင်လာ တဲ့အတွက် တစ်ပိဿာ ၃၀၀ ကျပ်၊ ၄၀၀ ကျပ်ကနေ ရှယ် (အကြော်စ) ဆို ရင် ၇၀၀ ကျပ်ထိသာ ရှိတော့ကြောင်း ပွဲရုံဈေးကွက်မှသိရပါတယ်။ မန္တလေး ဈေးကွက်သို့ အာလူးမှာ ရှမ်းပြည်နယ် မြောက်ပိုင်းမှလည်း အဝင်ရှိပေမဲ့ ရှမ်း ပြည်နယ်တောင်ပိုင်းမှဝင်တဲ့  အာလူး အရည်အသွေး (အစေးဓာတ်) မမီတဲ့ အတွက် ရှမ်းပြည်နယ်တောင်ပိုင်း အာလူးက ဈေးပိုလေ့ရှိပါတယ်။ ယခု အဝင်လှိုင်နေတဲ့ အောင်ပန်းအာလူးဟာ မန္တလေးဈေးကွက်ကို တစ်ရက်ပျမ်းမျှ ကား ၄ စီးဝန်းကျင် အဝင်ရှိတယ်လို့ ပွဲရုံဈေးကွက်မှ သိရပါတယ်။
ကျောက်ဆည်မြစ်သား  နယ်မှာ ယခုနှစ်ရာသီဥတုအခြေအနေကြောင့် မိုးထောင်ငရုတ်များ  အပွင့်ပွင့်သော် လည်း အသီးမတင်တဲ့အတွက် ငရုတ် အထွက်နှုန်းကျဆင်းတယ်လို့  သိရပါ တယ်။ အထွက်နှုန်းကျဆင်းတာနဲ့ အမျှ ဈေးကွက်ကို  အဝင်နည်းပြီး ဈေးမြင့် လေ့ရှိရာ ယခုနှစ်ဈေးပိုတာကို တွေ့ရ ပါတယ်။ ယခုနှစ်မှာ အမြင့်ဆုံး လက် ကားဈေး တစ်ပိဿာ ၂၅၀၀ ကျပ်ထိ ဈေးရှိခဲ့သော်လည်း   ယခုရက်မှာ အရောင်းပါးတဲ့အတွက် တစ်ပိဿာ ၂၃၀၀ ကျပ်နဲ့  ဈေးနှုန်းပြန်လည်ကျ ဆင်းသွားတယ်လို့ သိရပါတယ်။ ငရုတ် ထွက်ရှိရာ   ပင်ရင်းဒေသမှာတော့ အညှာေတင်ဇာဝါခင်

Pages

Subscribe to နောက်ဆုံးရ သတင်း