မြိတ်ကုန်သွယ်ရေးစခန်းမှ သြဂုတ်လအတွင်းထိုင်းနယ်စပ်ရှိ ကုန်သွယ်ရေးစခန်းများမှ ရေထွက်ကုန် များပိုမိုတင်ပို့
သြဂုတ်လ ၂၇ ရက်မှ စက်တင် ဘာလ ၂ ရက်အထိ ရက်သတ္တပတ် အတွင်း မြန်မာ-ထိုင်း နယ်စပ်ရှိ ကုန်သွယ်ရေးဇုန်နဲ့ ကုန်သွယ်ရေး စခန်းများမှ အမေရိကန်ဦသ ဒေါ်လာ ၃ ဒသမ ၈၉၅ သန်းတန်ဖိုးရှိ ရေထွက် ကုန်ပစ္စည်း တန်ချိန် ၂၅၀၀ ကျော်ကို တင်ပို့ခဲ့ပါတယ်။ရေထွက်ကုန်ပစ္စည်းများကို မြဝတီ ကုန်သွယ်ရေးဇုန်မှ အမေရိ ကန်ဒေါ်လာ သုည ဒသမ ၁၅၅ သန်း တန်ဖိုးရှိ ငါးမျိုးစုံ၊ ကဏန်း၊ ပုစွန်၊ ငါးရှဉ့်နဲ့အခြားရေထွက် ကုန် တန်ချိန်၉၀ ကျော် ကိုလည်းကောင်း၊ ကော့ သောင်းကုန်သွယ်ရေးစခန်းမှ အမေ ရိကန်ဒေါ်လာ သုည ဒသမ ၅၅၉ သန်းတန်ဖိုးရှိ ငါးမျိုးစုံ၊ ကဏန်း၊ ပုစွန်၊ ကင်းမွန်နဲ့ အခြား ရေထွက်ကုန် တန်ချိန် ၆၀၀ ကျော်၊ မြိတ် ကုန်သွယ် ရေးစခန်းမှ အမေရိ ကန် ဒေါ်လာ ၃ ဒသမ ၁၈၁ သန်းတန်ဖိုး ရှိ ငါးမျိုးစုံ၊ အေးခဲ ကဏန်း ပျော့၊ ရေငန်ပုစွန်၊ ငါးမှုန့်၊ ကင်းမွန် (အခွံ ချွတ်)၊ ကင်းမွန်၊ အေးခဲငါးအသားလွှာ၊ ငါးခြောက်များ ကို တန်ချိန် ၂၀၀၀ နီးပါး တင်ပို့ခဲ့ တယ်လို့ ကုန်သွယ်ရေးစခန်းများမှ သိရပါတယ်။ယခုတစ်ပတ်မှာ ထိုင်းနယ်စပ်မှ ရေထွက်ကုန်များ ပိုမိုတင်ပို့နိုင်ခြင်း မှာ မြဝတီကုန်သွယ်ရေးဇုန်မှ ငါးရှဉ့်၊ ငါးမျိုးစုံ၊ ကော့သောင်းကုန်သွယ် ရေးစခန်းမှ ငါးမျိုးစုံနဲ့ အခြားရေထွက် ကုန်ပစ္စည်းများ၊ မြိတ်ကုန်သွယ်ရေး စခန်းမှ ငါးမှုန့်၊ ကင်းမွန်၊ အေးခဲငါး အသားလွှာနဲ့ ငါးခြောက်များ ပိုမိုတင် ပို့နိုင်ခြင်းကြောင့် ဖြစ်တယ်လို့ သတင်း ရရှိပါတယ်။