မူဆယ်နယ်စပ်မှ လုပ်ငန်းသုံးယာဉ်/ယန္တရားတင်သွင်းမှု
မြန်မာနိုင်ငံ၌ မော်တော်ယာဉ်တင်သွင်းမှုမူဝါဒကို ၁၉၉၆ ခုနှစ်က စတင်ခဲ့ပြီး ၂၀၁၁ ခုနှစ်မှစတင်ကာ ယာဉ်အို၊ ယာဉ်ဟောင်းအပ်နှံပါမစ်နှင့် အသက်၁၈ပြည့်ပြီးသူနိုင်ငံသားတိုင်းအား လူစီး မော်တော်ယာဉ် တင်သွင်းခွင့်များပေးခဲ့ပြီး ယခုအခါ စီးပွားရေးနှင့်ကူးသန်းရောင်းဝယ်ရေးဝန်ကြီး ဌာန ပြည်ထောင်စု ဝန်ကြီးဥက္ကဋ္ဌအဖြစ် ဆောင်ရွက်သည့် မော်တော်ယာဉ် တင်သွင်းခြင်းနှင့်သက်ဆိုင်သော လုပ်ငန်းများ ကြီးကြပ်ရေးကော်မတီသည် ပြည်ပမှမော်တော်ယာဉ် တင်သွင်းခြင်းအတွက် သတ်မှတ်ချက်များကို နှစ်စဉ်ထုတ်ပြန် ၍ ပြည်ပမှတင်သွင်းခွင့်ပြုထားလျက်ရှိသည်။ ပြည်ပမှ မော်တော်ယာဉ်တင်သွင်းခွင့်အတွက် ပင်လယ်ရေကြောင်းမှ တင်သွင်းခြင်းအပြင် လူစီးယာဉ်မှအပ လုပ်ငန်းသုံးယာဉ်နှင့်ယာဉ်/ယန္တရားများကို မြန်မာ-တရုတ်နိုင်ငံ နယ်စပ်ပေါက် မူဆယ် (၁၀၅)မိုင် ကုန်သွယ်ရေးဇုန်၊ မြန်မာ-ထိုင်းနိုင်ငံနယ်စပ်ပေါက် မြဝတီကုန်သွယ်ရေးဇုန်နှင့် တာချီလိတ် ကုန်သွယ်ရေးစခန်းနေရာသုံးခုတို့မှလည်း တင်သွင်းခွင့်ပြုထားသည်။
မြန်မာ-တရုတ်နယ်စပ် မူဆယ်(၁၀၅)မိုင် ကုန်သွယ်ရေးဇုန်မှ လုပ်ငန်းသုံး ယာဉ်/ ယန္တရား တင်သွင်းမှုများအနေ ဖြင့် ၂၀၁၇-၂၀၁၈ ဘဏ္ဍာနှစ်တွင် တန်ဖိုးအမေရိကန်ဒေါ်လာ ၃၂၅ ဒသမ ၃၆၆ သန်း ၊ ၂၀၁၈ (Mini Budget) တန်ဖိုးအမေရိ ကန်ဒေါ်လာ ၈၇ ဒသမ ၄၃၇သန်း ၊ ၂၀၁၈-၂၀၁၉ဘဏ္ဍာနှစ် တွင် တန်ဖိုး အမေရိကန်ဒေါ်လာ ၁၅၁ ဒသမ ၆၁၅ သန်း၊ ၂၀၁၉-၂၀၂၀ ဘဏ္ဍာနှစ် အောက်တိုဘာလမှ ဒီဇင်ဘာလအထိ တန်ဖိုး အမေရိကန်ဒေါ်လာ ၄၇ ဒသမ ၂၂၈ သန်းထိ တင်သွင်းခဲ့ပြီး တစ်နှစ် ထက်တစ်နှစ် ပိုမိုတင်သွင်းလာခဲ့ ကြောင်း သိရသည်။ မြန်မာ-တရုတ်နယ်စပ် မူဆယ်(၁၀၅)မိုင်ကုန်သွယ်ရေး ဇုန်မှ ၂၀၁၉-၂၀၂၀ ဘဏ္ဍာနှစ် အောက်တို ဘာလမှ ဒီဇင်ဘာ လအထိ ယာဉ်/ယန္တရားတင်သွင်းမှုကိုကြည့်လျှင် ပြည်တွင်းလုပ်ငန်း လိုအပ်ချက် အပေါ် မူတည်၍ Light Truck ၇၀၅ စီး၊ Brand New Dumper Truck ၁၁၄၉ စီး၊ Express Bus ၂၁၃ စီး၊ Prime Mover Head ၂၉၅ စီး၊ Wheel LoaderRoad/ Excavator ၁၉၅ စီး၊ Trawllergy ၇၃၆ စီး Three Wheel Motorcycle ၄၅၇၈စီး စုစုပေါင်း ၇၈၇၁စီး စသည်ဖြင့်အသီးသီး ရှိကြောင်း တွေ့ရသည်။
မြန်မာနယ်စပ်ဒေသများဖြစ်သည့် မူဆယ်၊ မြဝတီ၊ တာချီလိတ်တို့မှ မော်တော်ယာဉ် တင်သွင်းခွင့်နှင့်ပတ်သက်၍ လုပ်ငန်းသုံးယာဉ်/ယန္တရားများ တင်သွင်းခွင့်ပြုထားရာ ၂၀၂၀ ပြည့်နှစ် ဇန်နဝါရီ ၁ရက်မှစ၍ပြည်ပမှလုပ်ငန်းသုံး ယာဉ်တင်သွင်းခြင်းကို ကုမ္ပဏီလိုင်စင်ဖြင့် တင်သွင်းခွင့်မပြု တော့ဘဲ ကားအရောင်းစင်တာဖွင့်လှစ်မှသာ တင်သွင်း ခွင့်ပြုတော့မည်ဖြစ်၍ မူဆယ်နယ်စပ်ဒေသမှ တစ်ပိုင်တစ်နိုင် ရောင်းဝယ်သူများအနေဖြင့် အခက်အခဲရှိလာနိုင်တယ်}}ဟု တစ်ပိုင်တစ်နိုင်မော်တော်ယာဉ်တင်သွင်းရောင်းချသူတစ်ဦးက သုံးသပ်ပြောကြားထားသည်။ ကုန်သွယ်ရေးဦးစီးဌာန မူဆယ်(၁၀၅)မိုင် ကုန်သွယ်ရေးဇုန် တာဝန်ရှိသူတစ်ဦးကတော့ မော်တော်ယာဉ်တင်သွင်း ခွင့်နှင့်ပတ်သက်၍ နိုင်ငံတော်က အဆင့်ဆင့်ဖြေလျော့ပေးမှုများ ပြုလုပ်ပေး လျက်ရှိကြောင်း၊ ယခုထုတ်ပြန်ထားသည့် တင်သွင်းခွင့်နှစ်သတ်မှတ်ချက်များသည် အသုံးပြုမည့် ပြည်သူများ အရည်အသွေးမီပစ္စည်းများ အသုံးပြုစေလိုခြင်း၊ အသုံးပြုသူ လုံခြုံမှုရှိစေရန် ဆောင်ရွက်ထားခြင်းဖြစ်၍ ဝယ်ယူအသုံးပြုသူများအနေဖြင့် လွတ်လပ်စွာစိတ်ကြိုက်ရွေးချယ်နိုင်သည့် ဈေးကွက် ဖြစ်ပေါ်နိုင်မည်ဖြစ်ကြောင်းနှင့် မူဆယ် (၁၀၅)မိုင် ကုန်သွယ်ရေးဇုန် မှတစ်ဆင့် ယာဉ်/ယန္တရားတင်သွင်းမှုများအတွက်လည်း One Stop Service အဖွဲ့ဖြင့်စစ်ဆေးခြင်း၊ အခွန်စည်းကြပ်ခြင်းများကို လွယ်ကူလျင်မြန်စွာဖြင့် ဆောင်ရွက်ပေးလျက်ရှိကြောင်းပြောကြားမှုကိုကြားသိရကြောင်း တင်ပြလိုက် ရပါသည်။
မူဆယ်သူ