မူဝါဒ/တာဝန်ဝတ္တရားများ
ကုန်သွယ်ရေးညွှန်ကြားမှုဦးစီးဌာန
ကုန်သွယ်မှုမူဝါဒဌာနခွဲ
ဌာနစု၊ ဌာနစိတ်များ၏ လုပ်ငန်းတာဝန်သတ်မှတ်ချက်များ
၁။ ကုန်သွယ်မှုဆိုင်ရာမူဝါဒ၊ ဥပဒေ လုပ်ထုံးလုပ်နည်းများ ရေးဆွဲထုတ်ပြန်ရေးဌာနစု
(က) ကုန်သွယ်မှုဆိုင်ရာ မူဝါဒလုပ်ထုံးလုပ်နည်းများ ရေးဆွဲထုတ်ပြန်ရေးဌာနစိတ်
- မြန်မာနိုင်ငံ၏ ကုန်သွယ်မှုမူဝါဒများအပေါ် နိုင်ငံတကာနှင့် လိုက်လျောညီထွေမှုရှိပြီး ခေတ်နှင့်အညီ ပြုပြင်ပြောင်းလဲရေးဆွဲနိုင်ရေး ဆောင်ရွက်သွားရန်။
- ရေးဆွဲပြီးမူဝါဒများအပေါ် အပြည့်အဝအကောင်အထည်ဖော်နိုင်မည့် လုပ်ထုံးလုပ်နည်းများ ရေးဆွဲချမှတ်နိုင်ရေး ဆောင်ရွက်သွားရန်
- တည်ရှိပြီးမူဝါဒများအပေါ် Monitor ပြုလုပ်ဆောင်ရွက်သွားရန်နှင့် ခေတ်နှင့်လျော်ညီစွာ ပြောင်းလဲရန်လိုအပ်က အချိန်နှင့်တစ်ပြေးညီ ပြုပြင်ဆောင်ရွက်နိုင်ရေး စီစဉ်ဆောင်ရွက် သွားရန်။
- ရေးဆွဲပြီးမူဝါဒ လုပ်ထုံးလုပ်နည်းများအပေါ် နိုင်ငံတကာစည်းမျဉ်းစည်းကမ်းများနှင့် ကိုက်ညီ မှု ရှိ/မရှိ စိစစ်အကြံပြုပြင်ဆင်သွားရန်။
- အပြီးသတ်ရေးဆွဲပြီး မူဝါဒ၊ လုပ်ထုံးလုပ်နည်းများအပေါ် အတည်ပြုပြဌာန်းနိုင်ရေး သက်ဆိုင်ရာအထက်ဌာန၊ အစိုးရအဖွဲ့နှင့် လွှတ်တော်တို့သို့ တင်ပြနိုင်ရေး ဆောင်ရွက်သွား ရန်။
- သက်ဆိုင်ရာမှ အတည်ပြုပြီးသော မူဝါဒ၊ လုပ်ထုံးလုပ်နည်းများအား ပွင့်လင်းမြင်သာမှုရှိစေ ရေး လိုအပ်သော ထုတ်ပြန်မှုများ ဆောင်ရွက်သွားရန်။
(ခ) ကုန်သွယ်မှုဆိုင်ရာဥပဒေဌာနစိတ်
- ကုန်သွယ်ရေးအတားအဆီးဆိုင်ရာ ကိစ္စရပ်များကို ဥပဒေများနှင့် ကိုက်ညီမှု ရှိ/မရှိ စိစစ်ရန်။
- ကုန်သွယ်မှုဆိုင်ရာ စာချုပ်စာတမ်းတွင် အဓိကပါဝင်ရမည့်အချက်များ ပါဝင်မှုရှိ/မရှိစိစစ်ရန်။
- စေ့စပ်ညှိနှိုင်း၍မရသည့်ကိစ္စရပ်များအား Myanmar Arbitration Act ဖြင့် စစ်ဆေး ဆောင်ရွက်နိုင်ရန် စီစဉ်ပေးရန်
- ကုန်သွယ်မှုဆိုင်ရာ အရောင်းအဝယ်စာချုပ် အငြင်းပွားမှုဆိုင်ရာ ကိစ္စရပ်များကို လေ့လာ တင်ပြရန်။
- ကုန်သွယ်မှုဆိုင်ရာ အမိန့် ၊ လုပ်ထုံးလုပ်နည်းများ ဥပဒေနှင့် လေ့လာရေးဆွဲရန်။
- နိုင်ငံတကာကုန်သွယ်မှုဆိုင်ရာဥပဒေများ လေ့လာခြင်း၊ ပြုစုတင်ပြခြင်း၊ ထပ်ဆင့်ဖြန့်ဝေရန်။
- အခြားဝန်ကြီးဌာနများ ထုတ်ပြန်ထားသော ကုန်သွယ်မှုဆိုင်ရာဥပဒေများ လေ့လာရန်။ (ယင်းဥပဒေနှင့်ဆက်နွယ်၍ ပြည်ပပို့ကုန်သွင်းကုန်ဆိုင်ရာ လုပ်ထုံးလုပ်နည်းများချမှတ်ခြင်း)
- ကုန်သွယ်မှုဆိုင်ရာ နိုင်ငံတကာသဘောတူညီချက်အရ ပြည်ပပို့ကုန် ၊ သွင်းကုန်ဆိုင်ရာ ကန့်သတ် ၊ တားမြစ်ချက်များ လေ့လာခြင်း တင်ပြရန်။
- ကုန်သွယ်မှုဆိုင်ရာ Incoterms များ ၊ Shipping Terms များ ၊ Payment Terms များနှင့် ပတ်သက်သည့် ကိစ္စရပ်များအား ဥပဒေကြောင်းအရ လေ့လာတင်ပြရန်။
- အာဆီယံနှင့် နိုင်ငံတကာစီးပွားရေးပူးပေါင်းဆောင်ရွက်ရေး အစီအစဉ်များတွင် ဥပဒေပိုင်း ဆိုင်ရာကိစ္စရပ်များ လိုက်ပါဆောင်ရွက်ရန်။
၂။ ပင်ရင်းဒေသစည်းမျဉ်းဌာနစု
(က) ပင်ရင်းဒေသစည်းမျဉ်းဆိုင်ရာ စေ့စပ်ညှိနှိုင်းရေးဌာနစိတ်
- အာဆီယံလွတ်လပ်သော ကုန်သွယ်မှုဒေသ ၊ အာဆီယံနှင့် ဆွေးနွေးဖက်နိုင်ငံများအကြား ထူထောင်ထားသော လွတ်လပ်သောကုန်သွယ်မှုဒေသများနှင့် ဘင်းမ်စတက်ကဲ့သို့သော မြန်မာနိုင်ငံမှ လိုက်ပါအကောင်အထည်ဖော် ဆောင်ရွက်လျက်ရှိသော လွတ်လပ်သော ကုန်သွယ်မှုဒေသများ ကျင့်သုံးမည့် အပြန်အလှန် အကောက်ခွန်သက်သာခွင့်ပေးခြင်း ဆိုင်ရာ ပင်ရင်းဒေသစည်းမျဉ်းနှင့် ပတ်သက်သောကိစ္စရပ်များအား သက်ဆိုင်ရာဝန်ကြီးဌာန အဖွဲ့အစည်းများနှင့် ညှိနှိုင်း၍ ဆောင်ရွက်ခြင်း၊
- ပင်ရင်းဒေသစည်းမျဉ်းဆိုင်ရာ အလုပ်ရုံဆွေးနွေးပွဲများ၊ အစည်းအဝေးများတက်ရောက်ကာ စေ့စပ် ဆွေးနွေးညှိနှိုင်းခြင်း၊
- ဖွံ့ဖြိုးပြီးနိုင်ငံများမှ တစ်ဖက်သတ်အကောက်ခွန်သက်သာခွင့်ပေးခြင်းဆိုင်ရာ အစီ အစဉ် များအား လေ့လာ၍ အသုံးချနိုင်ရန် ဆောင်ရွက်ခြင်း၊
- သဘောတူညီထားသည့် ဥပဒေ၊ စည်းမျဉ်း၊ လုပ်ထုံးလုပ်နည်းများနှင့်အညီ ပင်ရင်းနိုင်ငံ သက်သေခံ လက်မှတ်များ ထုတ်ပေးနိုင်ရေး သဘောတူညီထားသည့် စည်းမျဉ်းစည်းကမ်းများကို လိုက်ပါအကောင်အထည်ဖော် ဆောင်ရွက် နိုင်ရေး အတွက် လိုအပ်သည့် အမိန့်စာ များ၊ ညွှန်ကြားချက်များ၊ ထုတ်ပြန်နိုင်ရေးကို တင်ပြဆောင်ရွက်ခြင်း၊
- လွတ်လပ်သော ကုန်သွယ်မှုဒေသတွင် ကျင့်သုံးမည့် အပြန်အလှန် အကောက်ခွန် သက်သာခွင့်ဆိုင်ရာ ပင်ရင်းဒေသစည်းမျဉ်းနှင့် တစ်ဖက်သတ်အကောက်ခွန် သက်သာခွင့် ဆိုင်ရာ ပင်ရင်းဒေသစည်းမျဉ်းတို့ကို ပြည်သူလူထုမှ သိရှိအသုံး ချနိုင်ရေးအတွက် ဗဟုသုတဖြန့်ဝေခြင်းနှင့် ပညာပေးလုပ်ငန်းများ ဆောင်ရွက်ခြင်း၊
( ခ ) ပင်ရင်းဒေသသက်သေခံလက်မှတ်များ ထုတ်ပေးရေးဌာနစိတ်
- ပင်ရင်းနိုင်ငံ သက်သေခံလက်မှတ်များကို သက်ဆိုင်ရာ လုပ်ထုံးလုပ်နည်း များနှင့်အညီ စိစစ်ခွင့်ပြုထုတ်ပေးခြင်း၊ မှတ်တမ်းများနှင့် စာရင်းဇယားများ ပြုစုတင်ပြခြင်း၊
- ပင်ရင်းနိုင်ငံ သက်သေခံလက်မှတ်များ အသုံးချမှုအပေါ် စိစစ်လေ့လာတင်ပြခြင်း၊
- မြန်မာနိုင်ငံမှ ထုတ်ပေးသော ပင်ရင်းနိုင်ငံလက်မှတ်များအပေါ် ကုန်ဝယ်နိုင်ငံ၏ သက်ဆိုင်ရာ အကောက်အခွန်ဌာနများမှ ပြန်လည်၍ မေးမြန်းလာပါက သက်ဆိုင်ရာ အဖွဲ့အစည်းများ နှင့် ပူးပေါင်းညှိနှိုင်းကာ စိစစ်ပြန်ကြားခြင်း၊
၃။ ထုတ်ကုန်သွင်းကုန်လုပ်ငန်းရှင်မှတ်ပုံတင်ဌာနစု
(က) ထုတ်ကုန်သွင်းကုန်လုပ်ငန်းရှင်မှတ်ပုံတင်ဌာနစိတ်
- ထုတ်ကုန်သွင်းကုန်လုပ်ငန်းရှင် မှတ်ပုံတင်ခြင်း၊ သက်တမ်းတိုးခြင်း၊ ပြင်ဆင်ခြင်း၊ ပါယ်ဖျက်ခြင်း၊
- ထုတ်ကုန်သွင်းကုန်လုပ်ငန်းရှင် ကိုယ်စားလှယ်မှတ်ပုံတင်ခြင်း၊
- အမည်မဲ့၊ အမည်ပျက်စာရင်း မှတ်တမ်းတင်ခြင်း၊ စိစစ်ခြင်း၊
- မှတ်ပုံတင်ရပ်စဲခြင်းခံရသော ကုမ္ပဏီများ စိစစ်တင်ပြခြင်း၊
- ပို့ကုန်သွင်းကုန် လိုင်စင်လျှောက်ထားသည့် ထသကမှတ်ပုံတင်သက်တမ်း၊ ဒါရိုက်တာ အဖွဲ့၊ အမည်မည်းစာရင်း၊ ရပ်ဆိုင်းကုမ္ပဏီများစာရင်းများ မှတ်တမ်းတင်ခြင်း၊ တိုက်ဆိုင် စစ်ဆေးတင်ပြခြင်း၊
( ခ ) စီးပွားရေးအကျိုးဆောင်မှတ်ပုံတင်ဌာနနှင့် စီမံရေးရာဌာနစိတ်
- စီးပွားရေးအကျိုးဆောင်မှတ်ပုံတင်ခြင်း၊ သက်တမ်းတိုးခြင်း၊ ပြင်ဆင်ခြင်း၊ ပါယ်ဖျက်ခြင်း၊
စီမံရေးရာ
- ဝန်ထမ်းများ၏ ရှောင်တခင်ခွင့်/လုပ်သက်ခွင့်ကိစ္စရပ်များနှင့်ပတ်သက်၍ ဆောင်ရွက် ခြင်း။
- လုပ်သက်ခွင့် ရုံးတွင်းအမိန့်များထုတ်ပြန်ခြင်း။
- ဝန်ထမ်းများ၏ ကိုယ်ရေးမှတ်တမ်းများအား ပြည့်စုံအောင်ဖြည့်စွက်၍အမိန့်စာများ နှင့် အတူ စနစ်တကျဖိုင်တွဲထိန်းသိမ်းခြင်း။
- ပြည်တွင်းပြည်ပသင်တန်းဆိုင်ရာကိစ္စရပ်များ ဆောင်ရွက်ပေးခြင်း။
- ဂုဏ်ထူးဆောင်ဘွဲ့တံဆိပ်များ တင်ပြတောင်းခံပေးခြင်း။
- ဝန်ထမ်းကိုယ်ရေး အချက်အလက်များပြုစုဆောင်ရွက်ခြင်း။
- ရုံးတွင်းအမိန့်စာများ ထုတ်ပြန်ခြင်း။
- ဖွဲ့စည်းပုံနှင့်ပတ်သက်သောကိစ္စရပ်များ ဆောင်ရွက်ခြင်း။
- ခွင့်ခံစားပါက မိမိ၏လုပ်ငန်းတာဝန်များအား စနစ်တကျလွဲှပြောင်းပေးခြင်း။
- ဝန်ထမ်းများ၏ လစာများရေးဆွဲ၍ ထုတ်ပေးခြင်း။
- နှစ်တိုးလစာများ တင်ပြတောင်းခံပေးခြင်း။
- ခရီးစရိတ်များ တွက်ချက်တောင်းခံထုတ်ပေးခြင်း။
- လုပ်သက်ခွင့်ပျမ်းမျှလစာ တွက်ချက်ထုတ်ပေးခြင်း။
- နောက်ဆုံးထုတ်လစာLPC ကိစ္စဆောင်ရွက်ခြင်း။
- ဘဏ်စုငွေကိစ္စရပ်များဆောင်ရွက်ခြင်း၊ လစဉ်လဆန်း ၄ ရက်နေ့အရောက် စီမံရေးရာဌာနခွဲသို့ ပေးပို့ခြင်း။
- ပင်စင်ကိစ္စရပ်များ ဆောင်ရွက်ခြင်း။
- စာရင်းစစ်ဆေးခြင်းဆိုင်ရာကိစ္စရပ်များ ဆောင်ရွက်ခြင်း။
- စာရေးကရိယာလယ်ဂျာများအား တာဝန်ခံဆောင်ရွက်ခြင်း။
- ရသုံးမှန်းခြေငွေစာရင်းပြုစုတင်ပြခြင်း။
- တယ်လီဖုန်းအခွန်ပေးဆောင်ခြင်း။
- ပညာသင်စရိတ် ထောက်ပံ့ကြေးတောင်းခံထုတ်ပေးခြင်း။
- မိတ္တူကူးစက်များ ထိန်းသိမ်းပြင်ဆင်ခြင်း။
- ပုံသေပိုင်ပစ္စည်းစာရင်းများ ပြူစုထိန်းသိမ်းခြင်း။
- ဝင်စာ/ထွက်စာ မှတ်ပုံတင်ဆောင်ရွက်ခြင်း ၊ ဦးစားပေးအဆင့်အလိုက် ခွဲခြား၍ အထက် အကြီးအကဲထံ အချိန်နှင့်တစ်ပြေးညီတင်ပြခြင်း။
- ဝင်စာ/ထွက်စာများ ဖြန့်ဝေခြင်းအားအချိန်နှင့်တစ်ပြေးညီ မှတ်ပုံတင်ဆောင်ရွက်ခြင်း။
- ဝင်စာနှင့်ပတ်သက်၍ မိမိဌာနလိပ်စာဟုတ်/မဟုတ်၊ စာအမှတ်၊ ရက်စွဲ၊ လက်မှတ်၊ နောက်ဆက်တွဲ၊ ပူးတွဲပါများ ပြည့်စုံစွာပါဝင်ခြင်းရှိ/မရှိ၊ ထွက်စာများနှင့်ပတ်သက်၍ လိပ်စာ ၊ စာအမှတ်၊ ရက်စွဲ၊ လက်မှတ်၊ နောက်ဆက်တွဲများ ပါဝင်ခြင်းရှိ/မရှိစိစစ် ဆောင်ရွက်ခြင်း။
- ဝင်စာများနှင့်ပတ်သက်၍ စတင်ရရှိချိန်မှစတင်ပြီး အထက်အရာရှိအဆင့်ဆင့်ထံသို့ တင်ပြပြီး သက်ဆိုင်ရာဌာနစုသို့ အချိန်မီရောက်ရှိချိန်အထိ တာဝန်ရှိသဖြင့် နေ့စဉ် မျက်ခြေမပြတ် ဆောင်ရွက်ခြင်း။
- ထွက်စာများနှင့်ပတ်သက်၍ စာထွက်သည့်ဌာနစိတ်သို့ လက်ခံဖိုင်တွဲရန်ပေးပြီး ထွက်စာ မှတ်ပုံ တင်စာအုပ်တွင် လက်ခံရရှိကြောင်း လက်မှတ်ရေးထိုးခိုင်းခြင်း။
- Ebits နှင့်ပတ်သက်၍ up date ဖြစ်အောင် တာဝန်ယူဆောင်ရွက်ခြင်း ။
- အပါတ်စဥ ်တန်းစီဇယားပြုစုတင်ပြခြင်း။
- နေ့စဉ် ရုံးတက်/ဆင်းမှတ်တမ်းအား လက်မှတ်ရေးထိုးထားရှိမှုများစိစစ်၍ တာဝန်ရှိသူ အဆင့်ဆင့်ထံတင်ပြခြင်း။
- ကွန်ပျူတာနှင့်ပတ်သက်သောကိစ္စရပ်များနှင့် ပတ်သက်၍ ဖိုင်တွဲထိန်းသိမ်းပြုစု ဆောင်ရွက်ခြင်း။
- မိတ္တူကူးခြင်း။
- စာအုပ်ချုပ်ခြင်း။
- ညွှန်ကြားရေးမှူး၏ ရုံးလုပ်ငန်းများဆောင်ရွက်ခြင်း။
- အခါအားလျော်စွာပေးအပ်သည့် တာဝန်များထမ်းဆောင်ခြင်း။