ပြည်တွင်းရွှေဈေးကွက် ရောင်းလိုအားများနေ

   သီတင်းကျွတ်ပွဲတော်ကာလ နီးကပ်လာသည်နှင့်အညီ မြန်မာလူမျိုးတို့၏ ဓလေ့ထုံးစံအရ အလှူအတန်းများ၊ ဘာသာရေးပွဲများ အတွက် ပြင်ဆင်သည့်ကာလဖြစ်၍ ရန်ကုန်မြို့နှင့် မန္တလေးမြို့များရှိ ရွှေဆိုင်များတွင် ရွှေထည်ရောင်းချမှု များပြားလျက်ရှိပါသည်။

   ၃.၁၀.၂၀၂၂ ရက်နေ့ နံနက်ပိုင်းကမ္ဘာ့ရွှေဈေးနှုန်းမှာ တစ်အောင်စလျှင် အမေရိကန်ဒေါ်လာ (၁၆၆၄) ဖြစ်၍ ယခင်အပတ်ရွှေဈေးနှုန်း ထက် (၂၄)ဒေါ်လာပိုမိုခဲ့ပြီး မြန်မာနိုင်ငံရွှေလုပ်ငန်းရှင်များအသင်း၏ ရည်ညွှန်းဈေးနှုန်းမှာလည်း ယခုအပတ် (၁၉၅၈၀၀ဝိ/-)ကျပ်ဖြစ်ပြီး ယခင်အပတ်ထက်(၂၄၀၀ဝိ/-)ကျပ် ပိုမိုသတ်မှတ်ခဲ့သော်လည်း ဈေးကွက်ပေါက်ဈေးနှုန်းမှာ ရည်ညွှန်းဈေးနှုန်းထက် (၆)သိန်းကျော် ပိုမိုနေပြီး လက်ရှိဈေးကွက်တွင် ရွှေတစ်ကျပ်သားလျှင် ငွေကျပ်(၂၆၂၀၀၀ဝိ/-)ကျပ်ဖြင့် အရောင်းအဝယ်ဖြစ်နေကြောင်း တွေ့ရှိရပါသည်။ ပြည်တွင်းဈေးကွက်တွင် ရွှေစုဆောင်းလိုမှုလျော့ကျလာပြီး ဝယ်လိုအားထက် ရောင်းလိုအားပိုမိုနေသဖြင့် ကမ္ဘာ့ရွှေဈေးနှုန်းမြင့်တက် လာမှုနှင့်အတူ ပြည်တွင်းရွှေဈေးနှုန်းမှာ လိုက်ပါမြင့်တက်ခြင်းမရှိဘဲ ယခင်အပတ်ဈေးကွက်ပေါက် ဈေးနှုန်းထက်(၁၆၀၀၀ဝိ/-) ကျပ်ခန့် လျော့နည်းကာ အရောင်းအဝယ်ဖြစ်နေကြောင်း သတင်းရရှိပါသည်။