ဇန်နဝါရီလတွင် ထိုင်းပို့ကုန် တိုးတက်မှုရှိခဲ့

ကမ္ဘာ့စီးပွားရေး  ပြန်လည်ဦးမော့လာမှု၊ ကွန်တိန်နာ မလုံလောက်မှုနှင့်ကုန်သွယ်မှု မြှင့်တင် ရေးတို့အတွက်  သက်ဆိုင်ရာများ၏ဆောင်ရွက် ချက်များကြောင့် ထိုင်းပို့ကုန်များအနေဖြင့် ၎င်းတို့ ၏တိုးတက်မှုအရှိန်အဟုန်ကို ထိန်းသိမ်းထားလျက် ရှိကြောင်းနှင့် ယခုနှစ် ဇန်နဝါရီလတွင် နှစ်အလိုက် ၌ ပို့ကုန်တိုးတက်မှု ၈ရာခိုင်နှုန်း   ရရှိခဲ့ကြောင်း သိရှိရသည်။စီးပွားရေးနှင့်  ကူးသန်းရောင်းဝယ်ရေး ဝန်ကြီးဌာန၏  မတ် ၂၃ ရက် ထုတ်ပြန်ချက်အရ အကောက်ခွန်ရှင်းလင်းပြီး ပို့ကုန်တင်ပို့ မှုမှာအမေ ရိကန်ဒေါ်လာ ၂၁ ဒသမ ၃ ဘီလီယံ  ရရှိခဲ့ကြောင်း၊ သွင်းကုန် တင်သွင်းမှုမှာလည်း ၂၀ ဒသမ ၅ ရာခိုင် နှုန်းတိုးတက်ခဲ့ပြီး အမေရိကန် ဒေါ်လာ ၂၃ဒသမ၇ ဘီလီယံရရှိခဲ့ကြောင်း၊ ရလဒ်အနေဖြင့် ကုန်သွယ်မှု ပိုငွေ   အမေရိကန်ဒေါ်လာ၂ ဒသမ ၅၂ ဘီလီယံ ရရှိခဲ့ကြောင်း သိရှိရသည်။ကွန်တိန်နာ  မလုံလောက်မှုသည်  အထူး သဖြင့် လန်ချာဘန်ဆိပ်ကမ်း၊ ဗန်ကောက်ဆိပ်ကမ်း နှင့် အမေရိကန်ဆိပ်ကမ်းများတွင်  လျော့ပါးသွား ခဲ့ကြောင်း၊ ပုဂ္ဂလိက  ကဏ္ဍအနေဖြင့် အားလပ်ရက် များတွင် အလုပ်ချိန်တိုးမြှင့်ရန်နှင့်  ညပိုင်းအလုပ် ချိန် တိုးမြှင့်ဆောင်ရွက်သွားရန်  သဘောတူခဲ့ကြ ကြောင်း သိရှိရသည်။ရုရှားနှင့်ယူကရိန်းပဋိပက္ခကြောင့်   ရေရှည် တွင် ရေနံဈေး ကြီးမြင့်ခြင်း၊    ငွေကြေးလွှဲပြောင်းမှု နှင့်   ကုန်စည်ပို့ဆောင်မှု   ကုန်ကျစရိတ်များကို ထိခိုက်နိုင်ကြောင်း သိရှိရသည်။  အဆိုပါ ပဋိပက္ခ ၏ သွယ်ဝိုက်သက်ရောက်မှုကြောင့်    ထိုင်းနိုင်ငံ အနေဖြင့်  စွမ်းအင်ဈေးနှုန်း မြင့်မားမှု သို့မဟုတ် သံဘူးများနှင့် ဆောက်လုပ်ရေးပစ္စည်းများအတွက် တင်သွင်းလာသော သံမဏိဈေးနှုန်းများ မြင့်မား လာနိုင်ကြောင်း မစ္စတာဂျူရင်၏အဆိုအရ  သိရှိရ သည်။တိရစ္ဆာန်အစာ အတွက် တင်သွင်းသော ဂျုံ နှင့် ပြောင်း တင်သွင်းမှုဈေးနှုန်းများ မြင့်တက်လာ နိုင်ကြောင်း၊ ရုရှားနှင့် ယူကရိန်းမှာ ကမ္ဘာ့အကြီးဆုံး ဂျုံထုတ်လုပ်သူနှင့်    ပြည်ပတင်ပို့သူများဖြစ်ကြ ကြောင်း ပြောကြားခဲ့သည်။ဝန်ကြီးဌာန အနေဖြင့် အရှေ့အလယ်ပိုင်း၊ အာဖရိကနှင့်    လက်တင်အမေရိကကဲ့သို့သော အစားထိုး     ဈေးကွက်သစ်များ   ရှာဖွေခြင်းဖြင့် အဆိုပါ သက်ရောက်မှုများကိုထေမိစေရန် စီမံချက်များကို ပြင်ဆင်ထားပြီးဖြစ်ကြောင်း ဝန်ကြီး မစ္စတာဂျူရင်က ပြောကြားခဲ့ သည်။

လွင်မျိုးဇော်(စီးပွားရေးသံမှူး)

မြန်မာသံရုံး၊ ဗန်ကောက်မြို့။