ရော်ဘာပိုမိုတင်ပို့ပြီး ဈေးအတက်အကျမရှိ

      မြန်မာ-တရုတ်နယ်စပ်ရှိ ကုန်သွယ်ရေး စခန်းများမှ  သြဂုတ် ၃ ရက်မှ ၉ ရက်အထိကာလအတွင်း အမေရိကန်ဒေါ်လာ ၁ ဒသမ ၄၇၁ သန်းတန်ဖိုးရှိ ရော်ဘာတန်ချိန် ၁၂၀၀ ကျော် တင်ပို့ခဲ့ကြောင်း သိရသည်။ မြန်မာ-တရုတ် နယ်စပ်ရှိ မူဆယ် (၁၀၅)မိုင်  ကုန်သွယ်ရေးဇုန်မှ ရော်ဘာ အမျိုးအစားစုံ တန်ချိန် ၈၇၀ ကျော်နှင့် ချင်းရွှေဟော်ကုန်သွယ်ရေးစခန်းမှ RSS-3 အမျိုးအစား တန်ချိန် ၂၄၀ ကျော်တင်ပို့ပြီး မြန်မာ-ထိုင်းနယ်စပ်ရှိ တာချီ လိတ်ကုန်သွယ် ရေးစခန်းမှ Rubber-Latex 60 % DRC ၆၀ % ီျွဃ အမျိုးအစား  တန်ချိန် ၁၅၀ တင်ပို့ခဲ့ ကြောင်း သိရသည်။ ယခင်တစ်ပတ်တင်ပို့မှုနှင့်နှိုင်းယှဉ်ပါက တန်ချိန် ၄၀၀ ကျော် ပိုမိုတင်ပို့ခဲ့ကြောင်းသိရသည်။

     ပင်လယ်ရေကြောင်းကုန်သွယ်မှုမှ သြဂုတ် ၄ ရက်မှ ၁၀ ရက်အထိကာလ အတွင်း အမေရိကန်ဒေါ်လာ နှစ်သန်းကျော်တန်ဖိုးရှိ ရော်ဘာအမျိုးအစားစုံ တန်ချိန်  ၁၄၆၀ ကျော် တင်ပို့ခဲ့သည်။  ယခုတစ်ပတ်မှာရေကြောင်းမှ တရုတ်၊ မလေးရှား၊ ဂျပန်၊ ကိုရီးယားနှင့် အိန္ဒိယနိုင်ငံများသို့တင်ပို့ပြီး  တရုတ်နိုင်ငံသို့ Synthetic ရော်ဘာအမျိုးအစားတန်ချိန် ၄၀၀ ကျော်၊ အိန္ဒိယနိုင်ငံသို့ MSR အမျိုးအစား တန်ချိန် ၅၀၀ ကျော်၊ ကိုရီးယားနိုင်ငံသို့ TSR-20 ရော်ဘာ အမျိုးအစားတန်ချိန် ၂၆၀ ကျော်၊ ဂျပန်နိုင်ငံသို့ MSR-20 အမျိုးအစား တန်ချိန် ၉၀ ကျော်၊ မလေးရှားနိုင်ငံသို့ ရော်ဘာ RSS-3 အမျိုးအစား တန်ချိန် ၂၀၀ ကျော်တင်ပို့ခဲ့ကြောင်း သိရသည်။ ယခင်တစ်ပတ်တင်ပို့မှုနှင့် နှိုင်းယှဉ်ပါက တန်ချိန် ၁၈၀ ကျော် ပိုမိုတင်ပို့ခဲ့သည်။ နယ်စပ်နှင့် ရေကြောင်းမှ ရက်သတ္တပတ် အတွင်း ရော်ဘာတင်ပို့မှု စုစုပေါင်းမှာ တန်ချိန်၂၇၀၀ နီးပါးဖြစ်သည်။ တစ်ပတ် အတွင်း ရော်ဘာတင်ပို့မှုပိုမိုသော်လည်း နိုင်ငံတ ကာရော်ဘာဈေး အတက်အကျ သိပ်မရှိကြောင်း သိရသည်။

ယဉ်ယဉ်အေး