တရုတ်နိုင်ငံနဲ့ ထိုင်းနိုင်ငံသို့ ကော်ဖီစေ့တင်ပို့
ဇူလိုင် တတိယပတ်တွင် မြန်မာ-တရုတ်နယ်စပ်ရှိ မူဆယ် (၁၀၅) မိုင်ကုန်သွယ်ရေးဇုန်မှ အမေရိကန်ဒေါ်လာ ၅၂၀၀၃ တန်ဖိုးရှိ ကော်ဖီစေ့ ၅၁ တန်၊ မြန်မာ-ထိုင်းနယ်စပ်ရှိ တာချီလိတ်ကုန်သွယ်ရေးစခန်းမှ အမေရိကန်ဒေါ်လာ ၁၉၉၄၈ တန်ဖိုးရှိ ကော်ဖီစေ့ ခြောက်တန်ခွဲတင်ပို့ခဲ့ပါတယ်။
ရွာငံဒေသထွက်ကော်ဖီသည် အထူးတန်းဝင်ကော်ဖီအဖြစ် ကမ္ဘာ့ ကော်ဖီဈေးကွက်တွင် သတ်မှတ်ခံထားရပြီး ထိုင်း၊ မလေးရှားနဲ့ တရုတ်နိုင်ငံတို့မှ ဝယ်ယူမှုများရှိကြောင်း၊ ရွာငံမြို့နယ်အတွင်း ကော်ဖီစိုက်ပျိုး ရေးလုပ်ငန်းကို ၂၀၀၆- ၂၀၀၇ ခုနှစ်က ကော်ဖီစိုက်ဧက ၄၀၀၀ ကျော်နဲ့ စတင်ခဲ့ပြီး ယခုအခါ ဧက ၇၄၀၀ အထိရှိလာကြောင်း ရွာငံမြို့နယ် ကော်ဖီအသင်းမှ တာဝန်ရှိသူတစ်ဦးက ပြောပါတယ်။
မော်မော်အောင်