“We Tech Expo” ပြပွဲသို့မြန်မာနိုင်ငံမှ လုပ်ငန်းများပါဝင်ပြသရန်ဖိတ်ကြား
ဂျပန်နိုင်ငံ၊ တိုကျိုမြို့နှင့် ကျိုတိုမြို့တို့၌ ၂၀၂၃ ခုနှစ်၊ မတ်လအတွင်းကျင်းပမည့် We Tech Expo သည် နည်းပညာဆိုင်ရာပြပွဲဖြစ်သော်လည်း နည်းပညာနှင့် တီထွင်ကြံဆမှုအပြင် မြန်မာနိုင်ငံ၏ ရင်းနှီးမြှုပ်နှံမှုကိစ္စရပ်များ၊ မြန်မာ့လက်မှုပစ္စည်းများနှင့် မြန်မာ့ခရီးသွားလုပ်ငန်းများ ပါဝင်ပြသနိုင်ရေး မြန်မာနိုင်ငံမှ လုပ်ငန်းရှင်များအား ဖိတ်ကြားလာသည်။
We Tech Expo တွင် ပါဝင်ပြသခြင်းဖြင့် မြန်မာနိုင်ငံ၏ နည်းပညာနှင့် တီထွင်ကြံဆမှုနှင့် သက်ဆိုင်သည့်လုပ်ငန်းများ၊ ထွန်းသစ်စအစပျိုးလုပ်ငန်းများ (Startups) များနှင့်အတူ မြန်မာ့လက်မှုပစ္စည်းများနှင့် မြန်မာ့ခရီးသွားလုပ်ငန်းများ၊ ကုန်သွယ်ရေးနှင့် ရင်းနှီးမြှုပ်နှံမှုကိစ္စရပ်များကို ဆွေးနွေးပြောကြားနိုင်သည့် အခွင့်အရေး ရရှိနိုင်ပြီး စီးပွားရေးမိတ်ဖက်များရရှိရန် ချဲ့ထွင်နိုင်မည့် အခွင့်အလမ်းများရရှိနိုင်မည်ဖြစ်ကြောင်းသိရှိရသည်။
အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected]၊ ဖုန်း ၀၆၇-၄၀၈၆၂၂၊ ၀၆၇-၄၀၈၆၂၃ သို့ ဆက်သွယ် ၍ ချိတ်ဆက်ပြသနိုင်ကြောင်း သတင်းရရှိသည်။