ကုန်စည်ပြပွဲများ
တရုတ်ပြည်သူ့သမ္မတနိုင်ငံ၊ ရှန်းတုန်ပြည်နယ်၊ Yantai မြို့၊ Yantai International Expo Centre ၌ ၂၀၂၃ ခုနှစ်၊ ဇွန်လ ၂ ရက်နေ့မှ ၅ ရက်နေ့ အထိကျင်းပပြုလုပ်မည့် 2023 RCEP Region Food Industry (Yanta) Expo သို့ မြန်မာနိုင်ငံမှ လုပ်ငန်းရှင်ကိုယ်စားလှယ်များ ပါဝင်တက်ရောက် ပြသနိုင်ကြောင်း ဖိတ်ကြားလာပါသည်။
အဆိုပါပြပွဲသည် RCEP ဒေသတွင်းနိုင်ငံများမှ စားသောက်ကုန်ထုတ်လုပ်သည့် စီးပွားရေးလုပ် ငန်းရှင်များအနေဖြင့် ပြည်တွင်း၊ ပြည်ပ ဈေးကွက်ရှာဖွေရာတွင် အထောက်အကူဖြစ်စေရေးအတွက် နိုင်ငံတကာနှင့် အပြန်အလှန်ချိတ်ဆက်နိုင်သည့် ပလက်ဖောင်းတစ်ခု တည်ဆောက်နိုင်ရေးအတွက် ရည်ရွယ်ကျင်းပခြင်း ဖြစ်ပါကြောင်း၊ မြန်မာနိုင်ငံမှ စားသောက်ကုန်ထုတ်လုပ်ရောင်းချသည့် လုပ်ငန်း ရှင်များအား ပြသရန်ဖိတ်ခေါ်ပါကြောင်း၊ ပြခန်းနေရာနှင့် ပြခန်းတည်ဆောက်မည့် ကုန်ကျစရိတ်များ ကို ကျခံပေးသွားမည်ဖြစ်ပါကြောင်း၊ ပါဝင်ပြသခြင်းအားဖြင့် နိုင်ငံတကာမှ စီးပွားရေးလုပ်ငန်းများနှင့် ချိတ်ဆက်တွေ့ဆုံမှုများနှင့် ဆွေးနွေးပွဲများဆောင်ရွက်နိုင်မည့်အခွင့်အလမ်းများအပြင် ရင်းနှီးမြှုပ်နှံမှု များ ပိုမိုရရှိနိုင်မည်ဖြစ်ကြောင်း သိရှိရသည်။
အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ ဆက်သွယ်၍ ချိတ် ဆက်ပြသနိုင်ကြောင်း သိရှိရပါသည်။
တရုတ်ပြည်သူ့သမ္မတနိုင်ငံ၊ ဂန်ဆူးပြည်နယ်၊ Lanzhou မြို့၌ ၂၀၂၃ ခုနှစ်၊ ဇွန်လ ၆ ရက်နေ့မှ ၁၀ ရက်နေ့အထိ ကျင်းပပြုလုပ်မည့် 29th China Lanzhou Investment and Trade Fair သို့ မြန်မာနိုင်ငံမှ လုပ်ငန်းရှင်ကိုယ်စားလှယ်များ ပါဝင်တက်ရောက်ပြသနိုင်ကြောင်း ဖိတ်ကြားလာပါ သည်။
အဆိုပါပြပွဲသည် မြန်မာနိုင်ငံနှင့် တရုတ်၊ ဂန်ဆူးပြည်နယ်တို့အကြား ချစ်ကြည်ရင်းနှီးမှုများ ဖလှယ်ခြင်း၊ စီးပွားရေးနှင့် ကုန်သွယ်ရေးပူးပေါင်းဆောင်ရွက်ခြင်းတို့ကို မြှင့်တင်နိုင်ရေးအတွက် ပြပွဲတွင် ပါဝင်ပြသရန် ဖိတ်ခေါ်ပါကြောင်း၊ ပြပွဲတွင် ပါဝင်ပြခြင်းအားဖြင့် နိုင်ငံတကာမှ စီးပွားရေး လုပ်ငန်းများနှင့် ချိတ်ဆက်တွေ့ဆုံမှုများနှင့် ဆွေးနွေးပွဲများဆောင်ရွက်နိုင်မည့် အခွင့်အလမ်းများ အပြင် ရင်းနှီးမြှုပ်နှံမှုများ ပိုမိုရရှိနိုင်မည်ဖြစ်ကြောင်း သိရှိရသည်။
အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ ဆက်သွယ်၍ ချိတ် ဆက်ပြသနိုင်ကြောင်း သိရှိရပါသည်။
ပါကစ္စတန်နိုင်ငံ၊ Karachi Expo Centre ၌ ၂၀၂၃ ခုနှစ်၊ မေလ ၂၆ ရက်နေ့မှ ၂၈ ရက်နေ့ အထိကျင်းပပြုလုပ်မည့် 4th Edition TEXPO သို့ မြန်မာနိုင်ငံမှ လုပ်ငန်းရှင်ကိုယ်စားလှယ်များ ပါဝင်တက်ရောက်ပြသနိုင်ကြောင်း ဖိတ်ကြားလာပါသည်။
အဆိုပါပြပွဲသည် ပါကစ္စတန်နိုင်ငံတွင်ကျင်းပသည့် အကြီးမားဆုံးသော နိုင်ငံတကာအထည် အလိပ်ပြပွဲဖြစ်ပါကြောင်း၊ ပြပွဲ၏ ရည်မှန်းချက်မှာ နိုင်ငံအတွင်း ထုတ်လုပ်သော အထည်အလိပ်ထုတ် ကုန်မျိုးစုံကို တစ်နေရာတည်းတွင် ခင်းကျင်းပပြရန် စီစဉ်ထားပါကြောင်း၊ ပြည်ပမှ အထည်အလိပ် ထုတ်ကုန်တင်သွင်းသူများ၊ နိုင်ငံခြားဖောက်သည်များနှင့် ရေရှည်ခိုင်မြဲသော ဆက်ဆံမှုတိုးမြှင့်ရေးတို့ ဖြစ်ပါကြောင်း၊ ပြပွဲတွင် ပါဝင်ပြခြင်းအားဖြင့် နိုင်ငံတကာမှ စီးပွားရေးလုပ်ငန်းများနှင့် ချိတ်ဆက် တွေ့ဆုံမှုများနှင့် ဆွေးနွေးပွဲများ ဆောင်ရွက်နိုင်မည့်အခွင့်အလမ်းများအပြင် ရင်းနှီးမြှုပ်နှံမှုများ ပိုမို ရရှိနိုင်မည်ဖြစ်ကြောင်း သိရှိရသည်။
အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ ဆက်သွယ်၍ ချိတ် ဆက်ပြသနိုင်ကြောင်း သိရှိရပါသည်။
ဗီယက်နမ်နိုင်ငံ၊ ဒါနန်းမြို့၌ ၂၀၂၃ ခုနှစ်၊ ဩဂုတ်လ ၃ ရက်မှ ၈ ရက်အထိ ကျင်းပပြုလုပ်မည့် “East-West Economic Corridor (EWEC) International Trade, Tourism, and Invetment Fair-Da Nang 2023” သို့ မြန်မာနိုင်ငံမှ လုပ်ငန်းရှင်များ ပါဝင်ပြသနိုင် ကြောင်း ဖိတ်ကြားလာသည်။
ပြပွဲတွင် မြန်မာကိုယ်စားလှယ်များအတွက် ပြခန်း (၂) ခန်းအား အခမဲ့စီစဉ်ပေးမည်ဖြစ်သည်။ ပြပွဲကျင်းပရခြင်း ရည်ရွယ်ချက်မှာ အာဆီယံနိုင်ငံများ၊ နိုင်ငံတကာမိတ်ဖက်နိုင်ငံများနှင့် ဗီယက်နမ်နိုင်ငံတို့အကြား စီးပွားရေး၊ ကုန်သွယ်ရေး၊ ခရီးသွားလုပ်ငန်းနှင့် ရင်းနှီးမြှုပ်နှံမှုကဏ္ဍတို့တွင် ပူးပေါင်းဆောင်ရွက်ရေးတိုးမြှင့်ရန် ရည်ရွယ်ခြင်းဖြစ်ကြောင်း သိရှိရသည်။
အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာ ကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ၊ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ ဆက်သွယ်၍ ချိတ်ဆက်ပြသနိုင်ကြောင်း သတင်းရရှိသည်။
ကိုရီးယားသမ္မတနိုင်ငံ၊ Changwong Convention Center (CECO) ၌ ၂၀၂၃ ခုနှစ်၊ ဇွန်လ ၁၅ ရက်မှ ၁၇ ရက်အတွင်း ကျင်းပပြုလုပ်မည့် “Smart Farm Korea 2023 (SFKOREA)” သို့ မြန်မာနိုင်ငံမှ လုပ်ငန်းရှင်ကိုယ်စားလှယ်များ ပြခန်းဖွင့်လှစ်ပါဝင်ပြသနိုင်ကြောင်းဖိတ်ကြားလာသည်။
အဆိုပါ ပြပွဲကျင်းပပြုလုပ်ခြင်းမှာ လယ်ယာစိုက်ပျိုးရေးနှင့် မွေးမြူရေးကဏ္ဍ ဖွံ့ဖြိုးတိုး တက်ရေး ရည်ရွယ်၍ Smart Farm Korea 2023 (SFKOREA) ကို ကျင်းပသွားမည်ဖြစ်ကြောင်းနှင့် ပြပွဲသို့ ကုမ္ပဏီစုစုပေါင်း (၁၀၀) ခန့်မှ ပြခန်းပေါင်း (၃၀၀)အား လာရောက်ပြသမည်ဖြစ်ပြီး ဧည့်သည် (၂၀,၀၀၀) ခန့် တက်ရောက်မည်ဖြစ်ကြောင်း သိရှိရသည်။
ပြပွဲသို့ မြန်မာနိုင်ငံမှ ဝယ်ယူလိုသူများ ဥပမာ - Smart Farming ကျွမ်းကျင်သူများ၊ ပါမောက္ခများ၊ ကုမ္ပဏီများနှင့် တီထွင်ဆန်းသစ်သည့် အတွေးအခေါ်များရှိသော ပုဂ္ဂိုလ်များကို ဖိတ်ကြားလိုပါကြောင်း၊ မြန်မာနိုင်ငံမှ ပါဝင်တက်ရောက်မည်ဆိုပါက အသွားအပြန် လေယာဉ် လက်မှတ်နှင့် (၂) ရက်စာ တည်းခိုစရိတ်အတွက် ကျခံပေးမည်ဖြစ်ကြောင်း သိရှိရသည်။
အဆိုပါပြပွဲသို့ တက်ရောက်လိုသူများ အနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected]၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ ဆက်သွယ်ဆောင်ရွက်နိုင်ကြောင်း သတင်းရရှိသည်။
Pages
