.png)
အာဆီယံ-ကနေဒါ လွတ်လပ်သေ ာကုန်သွယ်မှုဒေသသဘောတူညီချက်ဆိုင်ရာ ဝန်ဆောင်မှုကုန်သွယ်ရေးလုပ်ငန်းအဖွဲ့၏ သတ္တမအကြိမ်မြောက်ညှိနှိုင်းအစည်းအဝေးကို ၂၀၂၄ ခုနှစ်၊ မေလ ၆ ရက်နေ့မှ ၁၀ ရက်နေ့အထိ အင်ဒိုနီးရှားနိုင်ငံ၊ ဂျကာတာမြို့တွင် ကျင်းပပြုလုပ်ခဲ့ရာ အာဆီယံအဖွဲ့ဝင်နိုင်ငံများမှ ဝန်ဆောင်မှုညှိနှိုင်းရေးကော်မတီအဖွဲ့ဝင်ကိုယ်စားလှယ်များ၊ အာဆီယံအတွင်းရေးမှူးချုပ်ရုံးမှ ကိုယ်စားလှယ်များနှင့် ကနေဒါနိုင်ငံမှ ကိုယ်စားလှယ်များ ပါဝင်တက်ရောက်ခဲ့ကြပါသည်။ မြန်မာနိုင်ငံမှ ဘာသာရပ်ဆိုင်ရာကိုယ်စားလှယ်အဖြစ် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ အရာထမ်းကိုယ်စားလှယ် (၃) ဦး ပါဝင်တက်ရောက် ဆွေးနွေးခဲ့ပါသည်။
အဆိုပါအစည်းအဝေး၌ အာဆီယံအဖွဲ့ဝင်နိုင်ငံများနှင့် ကနေဒါနိုင်ငံတို့အကြား လွတ်လပ်သောကုန်သွယ်မှုဒေသဖော်ဆောင်ရန်အတွက် ဝန်ဆောင်မှုကုန်သွယ်ရေးဆိုင်ရာလုပ်ငန်းကော်မတီအောက်ရှိ လူပုဂ္ဂိုလ်များ ယာယီရွှေ့ပြောင်းသွားလာခြင်းဆိုင်ရာ အခန်း၊ဝန်ဆောင်မှုကုန်သွယ်ရေး/ နယ်စပ်ဖြတ်ကျော် ဝန်ဆောင်မှုကုန်သွယ်ရေးဆိုင်ရာအခန်း၊ စီမံဆောင်ရွက်ချက်များ၏ တိုးတက်မှုနှင့် အုပ်ချုပ်မှုဆိုင်ရာ ပြဋ္ဌာန်းချက်နောက်ဆက်တွဲ၊ ကျွမ်းကျင်ပညာရှင်ဆိုင်ရာ ဝန်ဆောင်မှုများ၏ ပြဋ္ဌာန်းချက်နောက်ဆက်တွဲနှင့် လုပ်ငန်းအစီအစဉ်တို့နှင့်စပ်လျဉ်း၍ ဆက်လက်ဆွေးနွေးခဲ့ကြပြီး နောက်တစ်ကြိမ် ကျင်းပမည့်အစည်းအဝေးတွင် ဆက်လက်ဆွေးနွေးသွားရန် အစည်းအဝေးက သဘောတူခဲ့ပါသည်။